Ɛsekeɛl 12
12
Ɛsekeɛl kaa ɛ o te kɛŋɔ hɔɔh harɛfale ta
1Korowii ŋɔ men Ɛsekeɛl be ŋɔ, 2“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.
3Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii. 4Pa he laala webaŋa ba siwi ta, ásɛ jɔmɔra ɡe he le dɛ́ɛ kaa ba bwa siwi ta, kɛŋɔ baa lawɛ dɛɛ kaa harɛfale ta la. 5Forɛ bɔɔ he danjwɛɛ ta ba siwi ta, dɛ́ che bela pa he laala le. 6Bɔr aa dɛɛ jo la, dawɛ he laala la vam ta ba siwi ta, ásɛ dɛ le kaa. Kpɔ kon tɔ sie, dɛ bɛ harɛ haa dɛ kaa o ta la na. Gɛ haa ɛ laanee dɛ́ baɡle Israel tena wa.”
7Anomanta, n ɛ ɡɛ Korowii aa do mɛ la. Bɔr aa chaahna la, n do n bone dɛ kpɔ le kɛ nɛn baa lawɔ dɛɛ kaa harɛfale ta la. Bɔr aa dɛ jo la, n kpɔ nɔɔra forɛ bɔɔ danjwɛɛ la ɡe ta, dɛ kpɔ n bone dawɛ n vam ta nɛra la bwa siwi ta dɛ le kaa.
8Tɔɔ aa pera chɔɔ la, Korowii bol waa n be ŋɔ, 9“Nɛwɛnyini bie, taraken Israel tena deŋnekpeɡ nɛra aa dɛ bɔɔre waa haa dɛ ɛ nɔ, 10ŋɔ ba be ŋɔ men Nemenɛ Korowii ŋɔ, ‘N waa nɔ ɛ Jerusalam kooro ne Israel tena bwa baa lɔ bela wa.’ 11Ŋɔ ba be ŋɔ, ‘Gɛ maa ɛa nɔ dɛ́ baɡle kɛŋɔ ɡɛɛ mɛɛ ba ba ɛɛ.’ Baa laɡ ba laa taa kaa harɛfale ta.
12Kooro waa lɔ bela la ɛɛ kpɔ o bonee dawɛ vam ta jɔmɔra. Baa forɛ bɔɔ danjwɛɛ taa ó kpɔ o ta le kaa. Wɛɛ kpɔ konee tɔ sie dɛ bɛ harɛ na.#2Ko 25:3-6 13Mɛɛ ta asawii dɛ́ lawɔ, dɛ́ kpɔɔ kaa bwɛjen Babelɔn ta waa wola belaa na dɛ́ sewɛ bela. 14Mɛɛ lɔ o nomonome ne o laa tena bwaa peɡre bobɛlbwa, ásɛ dɛ ɡel nɛra teŋɛ ba nɛɛ dɛ́ kpoo ba.
15Dɛ n laɡ ba kaa harɛfala ta dɛ lɔ ba peɡre harɛre ta naa, a taa baa ba jema kɛŋɔ menee Korowii. 16Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”
17Korowii berɔ ŋɔ men Ɛsekeɛl be ŋɔ, 18“Nɛwɛnyini bie, kpɔ bochela di kondikwa, dɛ́ nyɔ nee ɔmee ne sibeɡra ne. 19Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa. 20Bwɛjena nɛra aa su a ta bwa ɛɛ chɔɡoo, harɛ la chɔ pɛɛ, ásɛ ba jemɛ kɛŋɔ menee Korowii.’ ”
21Korowii berɔ ŋɔ n be ŋɔ, 22“Nɛwɛnyini bie, sɛɡla Israel tena aa dɛ sɛɡle ŋɔ, ‘A dɛ biɡri, yaa wepila Korowii keamere aa dɛ baɡle ŋɔ aa bao la ɡe na.’ 23Ŋɔ Nemenɛ Korowii bol a waa ŋɔ o dɛ ba ɡela sɛɡla la ba a jaɡa, baa ɡɛ waa laanee bol Israel harɛ ta kpa. Gel ba no kɛŋɔ waa baa naa wepila ta la bɛlbwa telo tonɛ. 24Wepila aa ɛ nyosone aa lee do kpa, kɛɛ nyosonwaa baa dɛ bola ŋɔ, aa bao kerekere aa Israel harɛ taa do kpa. 25Men Korowii te, n bol wa aa, aa biɡri dɛ́ ba. Saŋ he deŋnekpeɡ tena nɔ aa lole nɔ taa mɛɛ bola dɛ́ ɛa. Men Nemenɛ Korowiirii bola.”
26Korowii berɔ ŋɔ men Ɛsekeɛl be ŋɔ, 27“Nɛwɛnyini bie, Israel tena ta dɛ bol kɛŋɔ wepila haa naa ne waa haa bola ŋɔ aa bao la, fini laa, kerekere waa.
28Anomanta, ŋɔ men Nemenɛ Korowii ŋɔ, ‘Wobɛlbwa aa le n nyoa la aa biɡri kpa, a bwa ɛɛ bao. Men Nemenɛ Korowiirii bola.’ ”
Currently Selected:
Ɛsekeɛl 12: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 12
12
Ɛsekeɛl kaa ɛ o te kɛŋɔ hɔɔh harɛfale ta
1Korowii ŋɔ men Ɛsekeɛl be ŋɔ, 2“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.
3Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii. 4Pa he laala webaŋa ba siwi ta, ásɛ jɔmɔra ɡe he le dɛ́ɛ kaa ba bwa siwi ta, kɛŋɔ baa lawɛ dɛɛ kaa harɛfale ta la. 5Forɛ bɔɔ he danjwɛɛ ta ba siwi ta, dɛ́ che bela pa he laala le. 6Bɔr aa dɛɛ jo la, dawɛ he laala la vam ta ba siwi ta, ásɛ dɛ le kaa. Kpɔ kon tɔ sie, dɛ bɛ harɛ haa dɛ kaa o ta la na. Gɛ haa ɛ laanee dɛ́ baɡle Israel tena wa.”
7Anomanta, n ɛ ɡɛ Korowii aa do mɛ la. Bɔr aa chaahna la, n do n bone dɛ kpɔ le kɛ nɛn baa lawɔ dɛɛ kaa harɛfale ta la. Bɔr aa dɛ jo la, n kpɔ nɔɔra forɛ bɔɔ danjwɛɛ la ɡe ta, dɛ kpɔ n bone dawɛ n vam ta nɛra la bwa siwi ta dɛ le kaa.
8Tɔɔ aa pera chɔɔ la, Korowii bol waa n be ŋɔ, 9“Nɛwɛnyini bie, taraken Israel tena deŋnekpeɡ nɛra aa dɛ bɔɔre waa haa dɛ ɛ nɔ, 10ŋɔ ba be ŋɔ men Nemenɛ Korowii ŋɔ, ‘N waa nɔ ɛ Jerusalam kooro ne Israel tena bwa baa lɔ bela wa.’ 11Ŋɔ ba be ŋɔ, ‘Gɛ maa ɛa nɔ dɛ́ baɡle kɛŋɔ ɡɛɛ mɛɛ ba ba ɛɛ.’ Baa laɡ ba laa taa kaa harɛfale ta.
12Kooro waa lɔ bela la ɛɛ kpɔ o bonee dawɛ vam ta jɔmɔra. Baa forɛ bɔɔ danjwɛɛ taa ó kpɔ o ta le kaa. Wɛɛ kpɔ konee tɔ sie dɛ bɛ harɛ na.#2Ko 25:3-6 13Mɛɛ ta asawii dɛ́ lawɔ, dɛ́ kpɔɔ kaa bwɛjen Babelɔn ta waa wola belaa na dɛ́ sewɛ bela. 14Mɛɛ lɔ o nomonome ne o laa tena bwaa peɡre bobɛlbwa, ásɛ dɛ ɡel nɛra teŋɛ ba nɛɛ dɛ́ kpoo ba.
15Dɛ n laɡ ba kaa harɛfala ta dɛ lɔ ba peɡre harɛre ta naa, a taa baa ba jema kɛŋɔ menee Korowii. 16Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”
17Korowii berɔ ŋɔ men Ɛsekeɛl be ŋɔ, 18“Nɛwɛnyini bie, kpɔ bochela di kondikwa, dɛ́ nyɔ nee ɔmee ne sibeɡra ne. 19Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa. 20Bwɛjena nɛra aa su a ta bwa ɛɛ chɔɡoo, harɛ la chɔ pɛɛ, ásɛ ba jemɛ kɛŋɔ menee Korowii.’ ”
21Korowii berɔ ŋɔ n be ŋɔ, 22“Nɛwɛnyini bie, sɛɡla Israel tena aa dɛ sɛɡle ŋɔ, ‘A dɛ biɡri, yaa wepila Korowii keamere aa dɛ baɡle ŋɔ aa bao la ɡe na.’ 23Ŋɔ Nemenɛ Korowii bol a waa ŋɔ o dɛ ba ɡela sɛɡla la ba a jaɡa, baa ɡɛ waa laanee bol Israel harɛ ta kpa. Gel ba no kɛŋɔ waa baa naa wepila ta la bɛlbwa telo tonɛ. 24Wepila aa ɛ nyosone aa lee do kpa, kɛɛ nyosonwaa baa dɛ bola ŋɔ, aa bao kerekere aa Israel harɛ taa do kpa. 25Men Korowii te, n bol wa aa, aa biɡri dɛ́ ba. Saŋ he deŋnekpeɡ tena nɔ aa lole nɔ taa mɛɛ bola dɛ́ ɛa. Men Nemenɛ Korowiirii bola.”
26Korowii berɔ ŋɔ men Ɛsekeɛl be ŋɔ, 27“Nɛwɛnyini bie, Israel tena ta dɛ bol kɛŋɔ wepila haa naa ne waa haa bola ŋɔ aa bao la, fini laa, kerekere waa.
28Anomanta, ŋɔ men Nemenɛ Korowii ŋɔ, ‘Wobɛlbwa aa le n nyoa la aa biɡri kpa, a bwa ɛɛ bao. Men Nemenɛ Korowiirii bola.’ ”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.