Kaala Tɔn nɔ bini waa baɡla
Tɔn nɔ bini waa baɡla
Israel Tena Ira Dɛ Kaa Tɔn nɔ dɛ baɡle ɡɛ Korowii aa cheɡɛ Mosis nɛɛ dɛ lɛ o nɛra Israel tena le Ijipt harɛ ta, ɡɛ saŋ baa ɛ yoma bela wa. Korowii kpɔ o te baɡle Mosis dawii ane aa dɛ fuh baah, dɛ doo ŋɔ ó tɔ o nɛra Israel tena sie le Ijipt harɛ ta. Nyiŋi nyu 3. Korowii ɡelɔ Mposwɛm pere anɛ, asɛ ba valɛ harɛ waa hola ta le o baŋ. Korowii cheɡɛ Mosis nɛɛ dɛ kpɔ o Mmarare fi tɛɛ ba Sinai Bwejen ta. Mmarare fi la habɔɔ la, o berɔ tɛɛ ba ane ɡe, ɡɛ baa che a ta dɛ́ won ba o be dɛ́ baa tomɔ. O baɡle Mosis ŋwɛnɛre waa kpɔ ɛ Tɛnte Dea baa dɛ ba wona cheo dɛɛ ɡaaɡe, ásɛ dɛ baŋro bobɛlbwa baa ka so, ásɛ o ɛ bɔr baa cheme Korowii bela dɛɛ tomɔ.
Currently Selected:
Kaala Tɔn nɔ bini waa baɡla: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.