Kaala 37
37
Korowii Ne Nɛwɛnyina Fɔo Daka kwaara
1Besalɛl kpɔ akaasia daa kwaa Korowii Ne Nɛwɛnyina Fɔo Daka la. O jaŋne ka tama ó ɛ naɡale anaarɛ, o paɡri ɡe ka tama ó ɡwaa naɡale anɛ. O daŋa ɡe ka ta ma ó ɡwaa naɡale anɛ. 2O kpɔ suuɡaswɛm tenten ɛ o bini ne o baŋ bwa, asɛ dɛ ɛ ane bar o nyoo ɡe cheme. 3O berɔ ɛ suuɡaswɛm kɛŋɔ nɔnloɡa ken dɛ kpɔ marɛ o nakpale anaarɛ la ta. Anɛ lɔ o baŋ bɛl asɛ anɛ ɡe do baŋ bɛl. 4O kpɔ akaasia daa kwaa dajaŋa dɛ kpɔ suuɡaswɛm ɛ a bwara. 5Dɛ kpɔ dajaŋa la su nɔnloɡa aa lɔ Daka la baŋne anɛ la ta, ásɛ ba kpɔ dɛɛ cheo.
6O kpɔ suuɡaswɛm tenten kwaa Daka la tɔ bela Korowii aa ba cheme o nɛra dɛ́ kpɔ ba wechɔɡa kɛ ba. O jaŋne ka tama ó ɛ naɡale anaarɛ, ásɛ o paɡri ɡe ka tama ó ɡwaa naɡale anɛ. 7Asɛ dɛ kpɔ suuɡaswɛm kwaa Kerobim anɛ do daka la nyoo, 8Kerobim la beŋkpoŋ chɔŋɛ o baŋ bɛl, asɛ bɛl do o baŋ bɛl la ɡe ta. Suuɡaswɛm beŋkpoŋii o kpɔ kwaa Kerobim la ne daka la tɔ bwa. 9Kerobim la sie chaɡɛ dɔŋa a kena paɡri kaa nyundua dɛɛ cheme dɔŋa dɛ tɔ daka la tɔ la ta.
Teebur baa kpɔ paanoo dɛɛ dawɛ o ta
10O berɔ kpɔ akaasia daa kwaa teebur o jaŋne ɛ naɡale atoro, o paɡri ɛ naɡale beŋkpoŋ ne tama asɛ o daŋa ɡe ka tama ó ɡwaa naɡale anɛ. 11O kpɔ suuɡaswɛm tenten ɛ o bwa, dɛ kpɔ ane ɡe bar o nyoo cheme. 12O ɛ kon o paɡri aa do kɛŋɔ nɔmpaa del, asɛ dɛ berɛ ɛ suuɡaswɛm dawɛ o ta bar. 13O kwaa suuɡaswɛm nɔnloɡa anaarɛ do o nakpale la bɛlbwa nyundua loŋkoni ta. 14O do nɔnloɡa la a do kon waa bar o nyundua la lɔɡa bá won kpɔ dajaŋa su a ta dɛ́ kpɔ dɛɛ cheo. 15Akaasia daa o kpɔ kwaa dajaŋa la dɛ kpɔ suuɡaswɛm ɛ a bwara bá kpɔ dɛɛ cheo. 16Ba kpɔ suuɡaswɛm tenten ɛ tafolabɔtɔre ne loɡa ne viine dɛ numoli baa kpɔ dɛɛ ɛ sen saraha.
Kandea daa kwaara wa
17O kwaa kandea da. Suuɡaswɛm tenten nee o kpɔ loɡɔ le o mun ta kaa o nyundua. O ɛ numoli a do kɛŋɔ daa fee yon pili la, dɛ ɛ anɔ la aa jaa bwa dɛ do kandea daa la ta suuɡaswɛm beŋkpoŋ la ne.
18Kpala anumɛlee lɔ kandea daa la ta. Atoro lɔ o baŋ bɛl asɛ atoro ɡe do baŋ bɛl. 19Numoli aa do kɛŋɔ almɔn da fee la ɛ atotoro dɛ do kpale bɛlbwa ta, 20asɛ o ɛ anaarɛ ɡe do kandea daa la tenten ta. 21O ɛ fee aa wola sie pile mɔɔ la beŋkpoŋ do kpala anɛ aa tɔ sie chenchema la lɔɡa, dɛ do bɛl kpala anɛ aa teŋa nɛɛ chenchema la lɔɡa, dɛ ɛ ɡɛ tenten do kpala anɛ aa teŋa tooro la ɡe chenchema lɔɡa. A bwa ɛ kpala anumɛl. 22Suuɡaswɛm beŋkpoŋii o kpɔ loɡɛ kandea daa la ne o kpala ne o fee aa wola sie pile mɔɔ la bwa.
23O kwaa kandere anuanɛ ba kpɔ do o ta, ne kwaa baa kpɔa dɛɛ fee kandea ŋwɛn la doŋa ne o loɡbakorɔre bwa. Suuɡaswɛm tenten nee o ɛa. 24Suuɡaswɛm waa kpɔa kwaa kandea daa la ne o koŋkwaa bwa la tɔɡre ɛɛ ɛ kilore fifraatoro dɛ anaarɛɛ.
Kon baa dɛ fuh daawiile o ta
25Ba kpɔ akaasia daa kwaa kon baa dɛ fuh daawiile a sɔɔh aa soma o ta. O ɛ fɔɔskwɛɛ. O jaŋne ɛ naɡale beŋkpoŋ ne tama, ɡɛ tentenee o paɡri ɡe do, asɛ o daŋa ɡe ɛ naɡale atoro. Daa beŋkpoŋii o kpɔ sɛh o ne kwaa aa paaɡe o loŋkoni ta kɛŋɔ nyeɡlare la bwa. 26O kpɔ suuɡaswɛm tenten ɛ o nyundua ne o baŋne anaarɛ la bwa ta ne nyeɡlare la ta, dɛ ɛ ane ɡe bar o nyoo. 27Dɛ kpɔ suuɡaswɛm ɛ nɔnloɡa anɛ do o nyoo la lɔɡa bɔr. Anɛ lɔ baŋ bɛl asɛ anɛ ɡe do baŋ bɛl dɛ lawɛ dajaŋa baa kpɔ dɛɛ cheo la. 28Akaasia daa nee o ɛ dajaŋa la, asɛ dɛ kpɔ suuɡaswɛm ɛ a bwara.
29O ɛ noo aa do ɡoroŋ baa kpɔa dɛɛ do nɛn sɔfore ta, ne daawiile baa dɛ fuah, ɡɛ nɛn waa dɔ a wejema aa dɛ ɛa la.
Currently Selected:
Kaala 37: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Kaala 37
37
Korowii Ne Nɛwɛnyina Fɔo Daka kwaara
1Besalɛl kpɔ akaasia daa kwaa Korowii Ne Nɛwɛnyina Fɔo Daka la. O jaŋne ka tama ó ɛ naɡale anaarɛ, o paɡri ɡe ka tama ó ɡwaa naɡale anɛ. O daŋa ɡe ka ta ma ó ɡwaa naɡale anɛ. 2O kpɔ suuɡaswɛm tenten ɛ o bini ne o baŋ bwa, asɛ dɛ ɛ ane bar o nyoo ɡe cheme. 3O berɔ ɛ suuɡaswɛm kɛŋɔ nɔnloɡa ken dɛ kpɔ marɛ o nakpale anaarɛ la ta. Anɛ lɔ o baŋ bɛl asɛ anɛ ɡe do baŋ bɛl. 4O kpɔ akaasia daa kwaa dajaŋa dɛ kpɔ suuɡaswɛm ɛ a bwara. 5Dɛ kpɔ dajaŋa la su nɔnloɡa aa lɔ Daka la baŋne anɛ la ta, ásɛ ba kpɔ dɛɛ cheo.
6O kpɔ suuɡaswɛm tenten kwaa Daka la tɔ bela Korowii aa ba cheme o nɛra dɛ́ kpɔ ba wechɔɡa kɛ ba. O jaŋne ka tama ó ɛ naɡale anaarɛ, ásɛ o paɡri ɡe ka tama ó ɡwaa naɡale anɛ. 7Asɛ dɛ kpɔ suuɡaswɛm kwaa Kerobim anɛ do daka la nyoo, 8Kerobim la beŋkpoŋ chɔŋɛ o baŋ bɛl, asɛ bɛl do o baŋ bɛl la ɡe ta. Suuɡaswɛm beŋkpoŋii o kpɔ kwaa Kerobim la ne daka la tɔ bwa. 9Kerobim la sie chaɡɛ dɔŋa a kena paɡri kaa nyundua dɛɛ cheme dɔŋa dɛ tɔ daka la tɔ la ta.
Teebur baa kpɔ paanoo dɛɛ dawɛ o ta
10O berɔ kpɔ akaasia daa kwaa teebur o jaŋne ɛ naɡale atoro, o paɡri ɛ naɡale beŋkpoŋ ne tama asɛ o daŋa ɡe ka tama ó ɡwaa naɡale anɛ. 11O kpɔ suuɡaswɛm tenten ɛ o bwa, dɛ kpɔ ane ɡe bar o nyoo cheme. 12O ɛ kon o paɡri aa do kɛŋɔ nɔmpaa del, asɛ dɛ berɛ ɛ suuɡaswɛm dawɛ o ta bar. 13O kwaa suuɡaswɛm nɔnloɡa anaarɛ do o nakpale la bɛlbwa nyundua loŋkoni ta. 14O do nɔnloɡa la a do kon waa bar o nyundua la lɔɡa bá won kpɔ dajaŋa su a ta dɛ́ kpɔ dɛɛ cheo. 15Akaasia daa o kpɔ kwaa dajaŋa la dɛ kpɔ suuɡaswɛm ɛ a bwara bá kpɔ dɛɛ cheo. 16Ba kpɔ suuɡaswɛm tenten ɛ tafolabɔtɔre ne loɡa ne viine dɛ numoli baa kpɔ dɛɛ ɛ sen saraha.
Kandea daa kwaara wa
17O kwaa kandea da. Suuɡaswɛm tenten nee o kpɔ loɡɔ le o mun ta kaa o nyundua. O ɛ numoli a do kɛŋɔ daa fee yon pili la, dɛ ɛ anɔ la aa jaa bwa dɛ do kandea daa la ta suuɡaswɛm beŋkpoŋ la ne.
18Kpala anumɛlee lɔ kandea daa la ta. Atoro lɔ o baŋ bɛl asɛ atoro ɡe do baŋ bɛl. 19Numoli aa do kɛŋɔ almɔn da fee la ɛ atotoro dɛ do kpale bɛlbwa ta, 20asɛ o ɛ anaarɛ ɡe do kandea daa la tenten ta. 21O ɛ fee aa wola sie pile mɔɔ la beŋkpoŋ do kpala anɛ aa tɔ sie chenchema la lɔɡa, dɛ do bɛl kpala anɛ aa teŋa nɛɛ chenchema la lɔɡa, dɛ ɛ ɡɛ tenten do kpala anɛ aa teŋa tooro la ɡe chenchema lɔɡa. A bwa ɛ kpala anumɛl. 22Suuɡaswɛm beŋkpoŋii o kpɔ loɡɛ kandea daa la ne o kpala ne o fee aa wola sie pile mɔɔ la bwa.
23O kwaa kandere anuanɛ ba kpɔ do o ta, ne kwaa baa kpɔa dɛɛ fee kandea ŋwɛn la doŋa ne o loɡbakorɔre bwa. Suuɡaswɛm tenten nee o ɛa. 24Suuɡaswɛm waa kpɔa kwaa kandea daa la ne o koŋkwaa bwa la tɔɡre ɛɛ ɛ kilore fifraatoro dɛ anaarɛɛ.
Kon baa dɛ fuh daawiile o ta
25Ba kpɔ akaasia daa kwaa kon baa dɛ fuh daawiile a sɔɔh aa soma o ta. O ɛ fɔɔskwɛɛ. O jaŋne ɛ naɡale beŋkpoŋ ne tama, ɡɛ tentenee o paɡri ɡe do, asɛ o daŋa ɡe ɛ naɡale atoro. Daa beŋkpoŋii o kpɔ sɛh o ne kwaa aa paaɡe o loŋkoni ta kɛŋɔ nyeɡlare la bwa. 26O kpɔ suuɡaswɛm tenten ɛ o nyundua ne o baŋne anaarɛ la bwa ta ne nyeɡlare la ta, dɛ ɛ ane ɡe bar o nyoo. 27Dɛ kpɔ suuɡaswɛm ɛ nɔnloɡa anɛ do o nyoo la lɔɡa bɔr. Anɛ lɔ baŋ bɛl asɛ anɛ ɡe do baŋ bɛl dɛ lawɛ dajaŋa baa kpɔ dɛɛ cheo la. 28Akaasia daa nee o ɛ dajaŋa la, asɛ dɛ kpɔ suuɡaswɛm ɛ a bwara.
29O ɛ noo aa do ɡoroŋ baa kpɔa dɛɛ do nɛn sɔfore ta, ne daawiile baa dɛ fuah, ɡɛ nɛn waa dɔ a wejema aa dɛ ɛa la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.