Kaala 33
33
Korowii ŋɔ Israel tena le Sinai Bwejen lɔɡa
1Ate, Korowii ŋɔ Mosis be ŋɔ, “Le bonɔ kaa, he ne nɛra haa kpɔ ba le Ijipt harɛ ba la, ásɛ dɛ kaa harɛ maa ŋwɛɛra baɡle Abraham ne Aesek dɛ Jekɔb ŋɔ ba naanaree mɛɛ ba kpɔe tɛ la ta.#Mum 12:7 2Mɛɛ ɡeloo n nyundua torome tɔ he sie, ásɛ dɛ doŋi Keenan ne Amɔre ne Hiti ne Pɛrɛs ne Hivi dɛ Jebus tena bwa le harɛ la ta. 3Harɛpare ondɛɛɡe taa hɛɛ kaa la. He deŋne aa kpeɡa nomanta, n ne he laa dɛɛ ba kaala ásɛ n ken ka kpoo heya ŋwɛnɛ ta.”
4Waa waa bola la ɡelɔ bɛlbwa bambile chɔɡ kohona ba pa mun dɛɛ wi. Bɛlbwa ta wone kpɔ o suuɡaswɛm deŋne kon kɛɛ baŋa kon bɛlbwa do kpa. 5Dɛ Korowii fa ŋɔ Mosis bol Israel tena la be ŋɔ, “He ɛ deŋnekpeɡ nɛra. Dɛ n ŋɔ n ne he kaa laa, dahara bonɔ tentenee n fe kpoo heya. Amɔ bɛlbwa laa o suuɡaswɛm kwaa la kpɔ, ásɛ mɔɔ n na ɡɛ maa ɛ heya.” 6Anomanta, Sinai Bwejen taa Israel tena tel dɛ laa suuɡaswɛm kwaa baa doa la foo bil.
Korowii Dea Cheremibɔr
7Mosis yon kpɔ tɛnte le kaa bela baa soɡa la dahara tama ka baŋre dɛɛ yerɔ ‘Korowii Dea Cheremibɔr.’ Nomɛlbwa waa dɛ nyin ó jemɛ waane le Korowii be la yon la bela. 8Saŋ bɛlbwa Mosis aa le dɛɛ kaa bela la, ɡɛɛ nɛra la bwa ir che ba doonyoo dɛɛ nyiŋu ó kaa ka jo o bini. 9O jo Tɛnte la bini naa, ɡɛɛ bam la waa do jaŋne dɛ le nyundua yon ba tɔ doonyoa, ásɛ Korowii bol waa o be.#Yel 99:7 10Saŋ bɛlbwa nɛra la aa na kɛŋɔ bam la baa tɔ Tɛnte la doonyoa la, ɡɛɛ ba ir che ba doonyoo, dɛ́ ɡuŋi harɛ dɛ́ kpɔ duure tɛ Korowii. 11Dɛ Korowii ne Mosis dɛ bol waa dɔŋa be kɛŋɔ nɛn ne o dam ken.#Mma 34:10 Asɛ Mosis berɛ kaa ba soŋnibɔr bela, kɛ Nun bibaa Josua waa dɛ chao la te soɡe bela.
Mosis ne Korowii jirima wa
12Anee Mosis ŋɔ Korowii be ŋɔ, “N Naa Korowii, saŋ bɛlbwaa he yon ŋɔ n tɔ nɛra nɔ sie dɛ́ kpɔ ba kaa, kɛ nɛn waa ja n nɛɛ la te he ta ɡelɛ mɛɛ jemɔ. He berɔ ŋɔ he jem mɛ kɛrɛdɛ he sie ɛɛ lɛ n nɛ. 13He sie lɛ n nɛɛ tenaa, baɡ mɛ he ŋwɛnɛre, ásɛ n jemɛ kɛrɛdɛ he sie ɛɛ lɛ n nɛ. Berɛ lii kɛŋɔ nɛra nɔ bwa ɛ he ɡbabir nɛra.”
14Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.” 15Asɛ Mosis ɡe ŋɔ, “Ya ne haa kaa tenaa, amɔ te bɛ yaa lawɛ le bonɔ. 16Ya ne he kaala taa nɛra ɛɛ ba jema kɛŋɔ he sie lɛ n ne he nɛra nɛ. Gɛɛ dɛɛ ba ɡela ya korɛ harɛ nɔ ta nɛra baa kaa nɛ.”
17Asɛ Korowii ŋɔ o be ŋɔ, “Mɛɛ ɛ waa haa soŋa nɔɔ, dɛkalkɛŋɔ n jemɛ heyaa kɛrɛdɛ n sie ɛɛ lɛ he nɛ.”
18Anee Mosis ŋɔ o be ŋɔ, “Dɛ ɡɛɛ tenaa, amɔ te ɡel n na he jirima.”
19Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.#Rom 9:15 20Kɛ maa ɡel he na n siebɔr, nomɛlbwa waa na mɛ la, sewaa chɛ kɛ naate sewɛ.” 21Dɛ berɛ ŋɔ, “Hé no, bɔr lɔ n jwɛɛh bonɔ he won che bwe bɛl ta. 22N jirima teŋo ba kaa laa, mɛɛ lawɛɛ sɔh bwebɔɔ bini dɛ́ kpɔ nɔn tɔ he nɛ ka tel saŋ maa ba kaa mɔɔ. 23Maa ba kaa mɔɔ la ásɛ n laa nɔn kpɔ he nɛ he na n habɔɔ, kɛ haa n sie te nae ba.”
Currently Selected:
Kaala 33: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Kaala 33
33
Korowii ŋɔ Israel tena le Sinai Bwejen lɔɡa
1Ate, Korowii ŋɔ Mosis be ŋɔ, “Le bonɔ kaa, he ne nɛra haa kpɔ ba le Ijipt harɛ ba la, ásɛ dɛ kaa harɛ maa ŋwɛɛra baɡle Abraham ne Aesek dɛ Jekɔb ŋɔ ba naanaree mɛɛ ba kpɔe tɛ la ta.#Mum 12:7 2Mɛɛ ɡeloo n nyundua torome tɔ he sie, ásɛ dɛ doŋi Keenan ne Amɔre ne Hiti ne Pɛrɛs ne Hivi dɛ Jebus tena bwa le harɛ la ta. 3Harɛpare ondɛɛɡe taa hɛɛ kaa la. He deŋne aa kpeɡa nomanta, n ne he laa dɛɛ ba kaala ásɛ n ken ka kpoo heya ŋwɛnɛ ta.”
4Waa waa bola la ɡelɔ bɛlbwa bambile chɔɡ kohona ba pa mun dɛɛ wi. Bɛlbwa ta wone kpɔ o suuɡaswɛm deŋne kon kɛɛ baŋa kon bɛlbwa do kpa. 5Dɛ Korowii fa ŋɔ Mosis bol Israel tena la be ŋɔ, “He ɛ deŋnekpeɡ nɛra. Dɛ n ŋɔ n ne he kaa laa, dahara bonɔ tentenee n fe kpoo heya. Amɔ bɛlbwa laa o suuɡaswɛm kwaa la kpɔ, ásɛ mɔɔ n na ɡɛ maa ɛ heya.” 6Anomanta, Sinai Bwejen taa Israel tena tel dɛ laa suuɡaswɛm kwaa baa doa la foo bil.
Korowii Dea Cheremibɔr
7Mosis yon kpɔ tɛnte le kaa bela baa soɡa la dahara tama ka baŋre dɛɛ yerɔ ‘Korowii Dea Cheremibɔr.’ Nomɛlbwa waa dɛ nyin ó jemɛ waane le Korowii be la yon la bela. 8Saŋ bɛlbwa Mosis aa le dɛɛ kaa bela la, ɡɛɛ nɛra la bwa ir che ba doonyoo dɛɛ nyiŋu ó kaa ka jo o bini. 9O jo Tɛnte la bini naa, ɡɛɛ bam la waa do jaŋne dɛ le nyundua yon ba tɔ doonyoa, ásɛ Korowii bol waa o be.#Yel 99:7 10Saŋ bɛlbwa nɛra la aa na kɛŋɔ bam la baa tɔ Tɛnte la doonyoa la, ɡɛɛ ba ir che ba doonyoo, dɛ́ ɡuŋi harɛ dɛ́ kpɔ duure tɛ Korowii. 11Dɛ Korowii ne Mosis dɛ bol waa dɔŋa be kɛŋɔ nɛn ne o dam ken.#Mma 34:10 Asɛ Mosis berɛ kaa ba soŋnibɔr bela, kɛ Nun bibaa Josua waa dɛ chao la te soɡe bela.
Mosis ne Korowii jirima wa
12Anee Mosis ŋɔ Korowii be ŋɔ, “N Naa Korowii, saŋ bɛlbwaa he yon ŋɔ n tɔ nɛra nɔ sie dɛ́ kpɔ ba kaa, kɛ nɛn waa ja n nɛɛ la te he ta ɡelɛ mɛɛ jemɔ. He berɔ ŋɔ he jem mɛ kɛrɛdɛ he sie ɛɛ lɛ n nɛ. 13He sie lɛ n nɛɛ tenaa, baɡ mɛ he ŋwɛnɛre, ásɛ n jemɛ kɛrɛdɛ he sie ɛɛ lɛ n nɛ. Berɛ lii kɛŋɔ nɛra nɔ bwa ɛ he ɡbabir nɛra.”
14Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.” 15Asɛ Mosis ɡe ŋɔ, “Ya ne haa kaa tenaa, amɔ te bɛ yaa lawɛ le bonɔ. 16Ya ne he kaala taa nɛra ɛɛ ba jema kɛŋɔ he sie lɛ n ne he nɛra nɛ. Gɛɛ dɛɛ ba ɡela ya korɛ harɛ nɔ ta nɛra baa kaa nɛ.”
17Asɛ Korowii ŋɔ o be ŋɔ, “Mɛɛ ɛ waa haa soŋa nɔɔ, dɛkalkɛŋɔ n jemɛ heyaa kɛrɛdɛ n sie ɛɛ lɛ he nɛ.”
18Anee Mosis ŋɔ o be ŋɔ, “Dɛ ɡɛɛ tenaa, amɔ te ɡel n na he jirima.”
19Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.#Rom 9:15 20Kɛ maa ɡel he na n siebɔr, nomɛlbwa waa na mɛ la, sewaa chɛ kɛ naate sewɛ.” 21Dɛ berɛ ŋɔ, “Hé no, bɔr lɔ n jwɛɛh bonɔ he won che bwe bɛl ta. 22N jirima teŋo ba kaa laa, mɛɛ lawɛɛ sɔh bwebɔɔ bini dɛ́ kpɔ nɔn tɔ he nɛ ka tel saŋ maa ba kaa mɔɔ. 23Maa ba kaa mɔɔ la ásɛ n laa nɔn kpɔ he nɛ he na n habɔɔ, kɛ haa n sie te nae ba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.