Daneɛl 7
7
Daneɛl deera dɛ na kpɔɡ bini oljena anaarɛ ane wa
1Babelɔn Kooro Bɛlsasa aa di kora benanyoa beŋkpoŋ ta la, men Daneɛl deero dɛ na wepila ane ɡɛ saŋ maa chɔ mpa ta jwaana.#Dan 5:1 Asɛ n chwerɛ waa maa naa deera la ta jwaana la bil.
2N deera la ta la, n nao kɛŋɔ peu bele anaarɛ tao le baŋ bɛlbwa kpɔ nyundua dɛ baa ta mpo ta. 3Asɛ mpo bini oljena anaarɛ ɛɡɛ le mpo la ta, bɛlbwa korɛ o dɔŋ ta.#Wep 13:1-2
4“Oljen waa tɔ sie la do kɛŋɔ nyujente, dɛ dɔ kena kɛŋɔ kee ken. Maa nyiŋa na la, ba tu o kena la le o nɛɛ dɛ lawɔ ir, o che o nakpale anɛ ta kɛŋɔ nɛn ken, asɛ o dɔ nɛn liire ɡe.
5N berɔ na oljen nɛɛte o do kɛŋɔ sisire ken. O iro joŋi o habɔɔ nakpale anɛ ta, dɛ kuɡlambii atoro lɔ o nyoa o kpɔ nyena nyɛwa. Asɛ taa bɛl ŋɔ o be ŋɔ, ‘Ir ka chwe ola ɡɛ bwa haa won.’
6Onɔ habɔɔ, n berɔ na oljen bɛl ɡe o do kɛŋɔ noniete, kena anaarɛ lɔ o nyaŋ ta kɛŋɔ jumbie ken. Gɛ oljen nɔ dɔ nyuune anaarɛ, ba tɛo kora dii kpeɡri.
7A habɔɔ, n na oljen waa teŋa naarɛ. O ɔma o waa dɔ nyokpoa o do kpeɡri ɡe kohona. O nyena ɛ bune dɛ do kan, komɛlbwa waa lawɛ la, o dɛ di o ola, dɛ́ tiɡri o kabora do harɛ. O korɛ oljena la bwa bini, dɛ dɔ nyeɡlare fi.
8Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.
9Men Daneɛl berɔ na kɛŋɔ kookane aa baa che, asɛ
Nɛn Waa Lole Saŋ La Bwa#7:9 Nɛn Waa Lole Saŋ La Bwa nɔ ken ɛɛ ɛ Korowiirii.
ba so kane la bɛl ta.
O tɔ yal o to kɛŋɔ yabi,
asɛ o nyumpona to
kpelkpel
kɛŋɔ pee pona.
Ninlao ɡboo o kookara la,
asɛ kara la nakpale do
kɛŋɔ saaker nakpale dɛɛ hɔ.#Wep 5:11
10Asɛ nii do kɛŋɔ moo
dɛɛ palɛ o sie.
Nɛra kaɡboŋa bele kaɡboŋa
ɛɛ tomɔ,
nɛra kaɡboŋa fi bele
kaɡboŋa fi ɡe che o sie.
Saŋ telo kɛŋɔ nɛra so
dɛ bol ba waa
dɛ́ pa bole, asɛ ba pili tɔne.
11N ta aa dɛ nyiŋi la, dɛ nyeɡlejeɡa la dɛ bol mbarafo wobol. N nyiŋo ka tel kɛŋɔ baa kpo oljen waa teŋa naarɛ la, dɛ chɔɡ o ol, dɛ ɡɔɔ ta nii aa dɛ hɔ la ta. 12Oljena aa kaa la, ba lɛ a kpeɡri a be, dɛ tɛa ŋwɛnɛ ŋɔ á do le ka tel saŋ bɛl tama.
13Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.#Mat 26:64#Mat 28:18 14Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.#Wep 11:15
Deera la mun baɡla
15Wepila men Daneɛl aa naa la ha mɛ taeh, doma ne liire bini bwa. 16N suuhno tel nɛra baa cheɡɛ bela la bini bɛl, dɛ ŋɔ ó baɡ mɛ wepila la mun kɛrɛdɛ.
Asɛ o baɡ mɛ ɡɛ oljena anaarɛ la aa cheɡa tɛ dɛ ŋɔ, 17‘Oljena anaarɛ la cheɡɔ tɛ koojena anaarɛ aa dɛ ba harɛ nɔ ta bala. 18A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’
19Asɛ n berɛ dɛɛ nyin ń jemɛ oljen waa teŋa naarɛ, o waa korɛ o bala bini dɛ do ɔma kohona, o nyena ɛ bune o nanie ɛ ayaawa la. O lawɛ komɛlbwa naa, o dɛ chweo dɛ diu, dɛ tiɡri o kabora do harɛ la mun. 20N berɔ dɛɛ nyin ń jemɛ nyeɡlare fi aa paaɡe o nyu ta, ne nyeɡle bɛl o ɡe aa lea pa asɛ nyeɡlare atoro tu la mun. O dɔ sibie ne nyoa dɛɛ bol mbarafo wobol. A ɡɛ nyeɡle laanee do ɔma ɡwaa o bala bwa la. 21N ta aa dɛ nyiŋi la, n nao kɛŋɔ ɡɛ nyeɡle la yo Korowii nɛra ba waa aa toɡra laa dɛ pɔ ba nɛ, 22mɔɔ Nɛn Waa Lole Saŋ La Bwa la ba, dɛ́ ba pa Nemenɛ Korowii nɛra ba waa aa toɡra la boldɛɛɡe, asɛ saŋ tel kɛŋɔ ba kpɔ ba kora di name.
23O baɡ mɛ oljen waa teŋa naarɛ la waa mun. ‘Oljen waa teŋa naarɛ la cheɡɔ tɛ kora waa teŋa naarɛ, dɛ́ ba harɛ nɔ ta bwa. O kora ɛɛ korɛ kora bɛlbwa taa, dɛ́ lɛ harɛ nɔ bwa dɔɔh, dɛ́ tiɡri o ta. 24Nyeɡlare fi la cheɡɔ tɛ koranar fi baa dɛ ba oljen waa teŋa naarɛ la kora ta la lee. Ba habɔɔ la, koofale bɛl ɛɛ bao dɛ́ korɛ banɔ la nɛ, dɛ́ ir koranar batoro. 25Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.
26Nomonome ɛɛ soo dɛ́ bol o wa, dɛ́ laa kpeɡri waa dɔa la lɛ o be, dɛ́ chɔɡo kwaraa a tonɛ. 27Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’
28Waa la jaɡaa la. Men Daneɛl aa naa la, n ɔmɔ kohona n siebɔr ɡwaŋɛ, kɛ n kpɔ wobɛlbwa do n nyu bini.”
Currently Selected:
Daneɛl 7: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Daneɛl 7
7
Daneɛl deera dɛ na kpɔɡ bini oljena anaarɛ ane wa
1Babelɔn Kooro Bɛlsasa aa di kora benanyoa beŋkpoŋ ta la, men Daneɛl deero dɛ na wepila ane ɡɛ saŋ maa chɔ mpa ta jwaana.#Dan 5:1 Asɛ n chwerɛ waa maa naa deera la ta jwaana la bil.
2N deera la ta la, n nao kɛŋɔ peu bele anaarɛ tao le baŋ bɛlbwa kpɔ nyundua dɛ baa ta mpo ta. 3Asɛ mpo bini oljena anaarɛ ɛɡɛ le mpo la ta, bɛlbwa korɛ o dɔŋ ta.#Wep 13:1-2
4“Oljen waa tɔ sie la do kɛŋɔ nyujente, dɛ dɔ kena kɛŋɔ kee ken. Maa nyiŋa na la, ba tu o kena la le o nɛɛ dɛ lawɔ ir, o che o nakpale anɛ ta kɛŋɔ nɛn ken, asɛ o dɔ nɛn liire ɡe.
5N berɔ na oljen nɛɛte o do kɛŋɔ sisire ken. O iro joŋi o habɔɔ nakpale anɛ ta, dɛ kuɡlambii atoro lɔ o nyoa o kpɔ nyena nyɛwa. Asɛ taa bɛl ŋɔ o be ŋɔ, ‘Ir ka chwe ola ɡɛ bwa haa won.’
6Onɔ habɔɔ, n berɔ na oljen bɛl ɡe o do kɛŋɔ noniete, kena anaarɛ lɔ o nyaŋ ta kɛŋɔ jumbie ken. Gɛ oljen nɔ dɔ nyuune anaarɛ, ba tɛo kora dii kpeɡri.
7A habɔɔ, n na oljen waa teŋa naarɛ. O ɔma o waa dɔ nyokpoa o do kpeɡri ɡe kohona. O nyena ɛ bune dɛ do kan, komɛlbwa waa lawɛ la, o dɛ di o ola, dɛ́ tiɡri o kabora do harɛ. O korɛ oljena la bwa bini, dɛ dɔ nyeɡlare fi.
8Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.
9Men Daneɛl berɔ na kɛŋɔ kookane aa baa che, asɛ
Nɛn Waa Lole Saŋ La Bwa#7:9 Nɛn Waa Lole Saŋ La Bwa nɔ ken ɛɛ ɛ Korowiirii.
ba so kane la bɛl ta.
O tɔ yal o to kɛŋɔ yabi,
asɛ o nyumpona to
kpelkpel
kɛŋɔ pee pona.
Ninlao ɡboo o kookara la,
asɛ kara la nakpale do
kɛŋɔ saaker nakpale dɛɛ hɔ.#Wep 5:11
10Asɛ nii do kɛŋɔ moo
dɛɛ palɛ o sie.
Nɛra kaɡboŋa bele kaɡboŋa
ɛɛ tomɔ,
nɛra kaɡboŋa fi bele
kaɡboŋa fi ɡe che o sie.
Saŋ telo kɛŋɔ nɛra so
dɛ bol ba waa
dɛ́ pa bole, asɛ ba pili tɔne.
11N ta aa dɛ nyiŋi la, dɛ nyeɡlejeɡa la dɛ bol mbarafo wobol. N nyiŋo ka tel kɛŋɔ baa kpo oljen waa teŋa naarɛ la, dɛ chɔɡ o ol, dɛ ɡɔɔ ta nii aa dɛ hɔ la ta. 12Oljena aa kaa la, ba lɛ a kpeɡri a be, dɛ tɛa ŋwɛnɛ ŋɔ á do le ka tel saŋ bɛl tama.
13Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.#Mat 26:64#Mat 28:18 14Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.#Wep 11:15
Deera la mun baɡla
15Wepila men Daneɛl aa naa la ha mɛ taeh, doma ne liire bini bwa. 16N suuhno tel nɛra baa cheɡɛ bela la bini bɛl, dɛ ŋɔ ó baɡ mɛ wepila la mun kɛrɛdɛ.
Asɛ o baɡ mɛ ɡɛ oljena anaarɛ la aa cheɡa tɛ dɛ ŋɔ, 17‘Oljena anaarɛ la cheɡɔ tɛ koojena anaarɛ aa dɛ ba harɛ nɔ ta bala. 18A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’
19Asɛ n berɛ dɛɛ nyin ń jemɛ oljen waa teŋa naarɛ, o waa korɛ o bala bini dɛ do ɔma kohona, o nyena ɛ bune o nanie ɛ ayaawa la. O lawɛ komɛlbwa naa, o dɛ chweo dɛ diu, dɛ tiɡri o kabora do harɛ la mun. 20N berɔ dɛɛ nyin ń jemɛ nyeɡlare fi aa paaɡe o nyu ta, ne nyeɡle bɛl o ɡe aa lea pa asɛ nyeɡlare atoro tu la mun. O dɔ sibie ne nyoa dɛɛ bol mbarafo wobol. A ɡɛ nyeɡle laanee do ɔma ɡwaa o bala bwa la. 21N ta aa dɛ nyiŋi la, n nao kɛŋɔ ɡɛ nyeɡle la yo Korowii nɛra ba waa aa toɡra laa dɛ pɔ ba nɛ, 22mɔɔ Nɛn Waa Lole Saŋ La Bwa la ba, dɛ́ ba pa Nemenɛ Korowii nɛra ba waa aa toɡra la boldɛɛɡe, asɛ saŋ tel kɛŋɔ ba kpɔ ba kora di name.
23O baɡ mɛ oljen waa teŋa naarɛ la waa mun. ‘Oljen waa teŋa naarɛ la cheɡɔ tɛ kora waa teŋa naarɛ, dɛ́ ba harɛ nɔ ta bwa. O kora ɛɛ korɛ kora bɛlbwa taa, dɛ́ lɛ harɛ nɔ bwa dɔɔh, dɛ́ tiɡri o ta. 24Nyeɡlare fi la cheɡɔ tɛ koranar fi baa dɛ ba oljen waa teŋa naarɛ la kora ta la lee. Ba habɔɔ la, koofale bɛl ɛɛ bao dɛ́ korɛ banɔ la nɛ, dɛ́ ir koranar batoro. 25Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.
26Nomonome ɛɛ soo dɛ́ bol o wa, dɛ́ laa kpeɡri waa dɔa la lɛ o be, dɛ́ chɔɡo kwaraa a tonɛ. 27Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’
28Waa la jaɡaa la. Men Daneɛl aa naa la, n ɔmɔ kohona n siebɔr ɡwaŋɛ, kɛ n kpɔ wobɛlbwa do n nyu bini.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.