Daneɛl 4
4
Kooro Nebukadnesa nɛɛtena deera
1Kooro Nebukadnesa chwerɛ tɔn kaa harɛ bɛlbwa ta ka tɛ wobol bɛlbwa nɛra.
O ŋɔ, “N dɛ na heya!
2N sie lɛo kohona kɛŋɔ ń bol nyokpowaa ne we-ɛɛla Nemenɛ Korowii aa ɛa tɛ mɛ.
3Korowii nyokpowe-ɛɛla
waa ɛa tɛ yaa ta nyoa dɔe.
O waa waa dɛ ɛ ɡe kan
taeh.
O kora ta jaɡa dɔe,
wɛɛ di koraa saŋ bɛlbwaa
dɛɛ la.
4Dɛ men Kooro Nebukadnesa soɡe n dem deŋnesɔɔhna ta, dɛ dɔ kondɔɔh kohona, n bwara sɔɔh mɛ koodem. 5N deero asɛ dɛ na waane ɔmee laɡ mɛ. Maa chɔa la n na wepila, asɛ koŋkwaa ane soo siwi ɡale n sie ta a ɡel mɛɛ ɔmɛ kohona. 6Anomanta, n ɡelɔ ba yerɛ Babelɔn harɛ ta wejerema bwa ŋɔ bá ba cheme n sie, dɛ́ baɡ mɛ deera la mun. 7Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun. 8A habɔɔ la, Daneɛl baa bera dɛɛ yerɔ Bɛltesasa maa kpɔ n voɡ sɔn pao la, ba n be. Voɡa aa wola nɛwɛnyina ɛɛ tɛo kpeɡri ane, anomanta, n bol n deera la o be.
9Asɛ n ŋɔ Bɛltesasa waa ɛ dobodobo tena bwa nomoa la be ŋɔ, ‘N jemɔ kɛ voɡa aa wola nɛwɛnyina ɛɛ ane tɛɛ kpeɡri, asɛ wesɔɔhla bɛlbwa toole dɛ do kpeɡri tɛɛ. N deera maa deera laanee la. Baɡ mɛ a mun. 10Wepila ane maa chɔa dɛ na laanee nɔ. N na daa bɛl, asɛ o che harɛ bɛl baah ta. Dɛ o kpeɡo kɛrɛdɛ. 11Dɛ daa la dɛ kpeɡ dɛɛ do kan kohona, dɛ kpeɡ kaa leɡe nyundua. Nɛn cheɡɛ harɛ jaɡa bobɛlbwa naa, o dɛ nao. 12O papooni wer, o nɔna warɛ harɛ nɔ ta nɛra bwa dɔ dɛɛ di. O chunchule taa kpɔɡ bini ola ɛɛ chɔ, jumbii ɛɛ sɔh a kɔne o kpala ta. Belaa kontaale bɛlbwa dɔ kwaa dɛɛ di.
13N ta aa chɔa dɛɛ lii deera nɔ waa la, n nyiŋo dɛ na nyundua torome bɛl waa do ɡoroŋ, o tu le Korowii be nyundua dɛɛ ba. 14O kpɔ takpeɡ ŋɔ, “Hé teŋe daa la ta dɛ́ choo o kpala, dɛ́ nɛɛ o papooni le o kpala la ta, dɛ́ nɔr o nɔna la merɛ. Hé doŋi kpɔɡ bini ola la le o chunchule ta, ásɛ dɛ doŋi jumbii la ɡe le o kpala ta. 15Hé ɡel o muŋkpul la che, dɛ kpɔ buni jɔɡrɔre ne ayaawa vɔwɔ ó che kpɔɡ bini bela.
Hé ɡel mɛn lee o nɛ, ásɛ o ne kpɔɡ bini ola so kpɔɡ bini, harɛ nɔ ta. 16Hé ɡel o liire charɛ ó kpɔ ol liire, o bɛ nɛn liire dɔ ka tel kɛŋɔ bene anuanɛ aa baa kaa. 17Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”
18Deera men Kooro Nebukadnesa aa deera laanee nɔ. Bɛltesasa, baɡ mɛ a mun, dɛkalkɛ wejereme bɛlbwa toole n harɛ nɔ ta, dɛ́ won baɡ mɛ a mun. He te, voɡa aa wola nɛwɛnyina ɛɛ aa tɛɛ kpeɡri ane nɔ, hɛɛ wonoo baɡle.’ ”
Daneɛl deera mun baɡla
19Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.”
Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa. 20Daa haa deera nao o do kan dɛ do kpeɡri, dɛ kpeɡ kaa leɡe nyundua baa nao harɛ bɛlbwa ta, 21o papooni do wer, o nɔna warɛ nomɛlbwa dɔ ane dɛɛ di, kpɔɡ bini ola chɔ o chunchule ta, asɛ jumbii sɔh a kɔne o kpala ta la, 22n naa kooro, henee daa waa kpeɡa dɛ do kpeɡri la che tɛ. He kpeɡo dɛ kaa leɡe nyundua, asɛ dɛɛ di kpeɡri harɛre bwa ta.
23N naa kooro, he na nyundua torome waa do ɡoroŋ o le nyundua dɛɛ tu, dɛɛ ŋɔ, ‘Hé teŋe daa la ta, dɛ́ chɔɡo, hé ɡel o muŋkpul la che, dɛ́ kpɔ buni jɔɡrɔre ne ayaawa vɔwɔ, o ne o lune che kpɔɡ bini. Hé ɡel mɛn le nyundua lee o muŋkpul nɔ nɛ, ásɛ o ne kpɔɡ bini ola so kpɔɡ bini bene anuanɛ.’
24N naa kooro, deera la munii la. Gɛɛ Nemenɛ Korowii ŋɔ aa chiɡ he nɛɛ. 25Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta. 26Daa la muŋkpul ne o lune la nyundua torome la aa ŋɔa ó che la munii kɛŋɔ, dɛ he baa jemɛ kɛŋɔ Korowiirii dɔ kpeɡri harɛ nɔ bwa ta naa, he kora ɛɛ berɔɔ che. 27Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum.#Jon 3:10 He wobɛlbwa ɛɛ do werii dɛɛ la.”#Sɛɡ 16:6
Deera la baa ɛ ɡɛ
28A ɡɛ waa la bwa chiɡ Kooro Nebukadnesa nɛ. 29Korobie fi dɛ anɛ habɔɔ, dɛ Kooro Nebukadnesa dɛ valɛ Babelɔn koodem saldoa. 30O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”
31O nyoa ta lee, dɛ taa bɛl le nyundua dɛ ŋɔ, “Kooro Nebukadnesa, dɛɛ no, kpeɡri haa dɔa he kora ta la le he nɔn ta. 32Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”
33Waa nyundua torome la aa ŋɔa aa chiɡ Kooro Nebukadnesa nɛɛ la ɛ kpela. A chiɡ o nɛɛ buɡ la ta, asɛ ba doŋu le nɛra bini, asɛ o chwe kpɔɡa kɛŋɔ nao ken. Mɛn ta o nɛ, o nyumpona do kɛŋɔ kee kena ken, o nonie ɡe kpeɡ kɛŋɔ jumbie nanie ken.
34Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la.
Wɛɛ di kora
saŋ bɛlbwaa dɛɛ la,
o kora ɛɛ cheo saŋ te
bɛlbwa.
35Nɛra baa lɔ harɛ nɔ ta
waa ta komɛlbwa ɛɛ o be.
Gɛ waa dɛ nyin laanee wɛɛ ɛ
kwaa aa lɔ nyundua ne
harɛ nɛra nɛ.
Nomɛlbwa aa won tɔŋlo
kɛɛ dɛ́ bɔɔro waa waa ɛa.
36Gɛ saŋ n sie aa chole harɛ la. Korowii berɔ tɛ mɛ duure ne jirima n kora kan waa doa la wa. Nɛra baa dɛ ja mɛ ne n nomonome nyin n bɔr, dɛ berɛ kpɔ mɛ cheɡ kora ta, asɛ n berɛ dɔ kpeɡri waa ɡwaa wubwa kon la. 37Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”
Currently Selected:
Daneɛl 4: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Daneɛl 4
4
Kooro Nebukadnesa nɛɛtena deera
1Kooro Nebukadnesa chwerɛ tɔn kaa harɛ bɛlbwa ta ka tɛ wobol bɛlbwa nɛra.
O ŋɔ, “N dɛ na heya!
2N sie lɛo kohona kɛŋɔ ń bol nyokpowaa ne we-ɛɛla Nemenɛ Korowii aa ɛa tɛ mɛ.
3Korowii nyokpowe-ɛɛla
waa ɛa tɛ yaa ta nyoa dɔe.
O waa waa dɛ ɛ ɡe kan
taeh.
O kora ta jaɡa dɔe,
wɛɛ di koraa saŋ bɛlbwaa
dɛɛ la.
4Dɛ men Kooro Nebukadnesa soɡe n dem deŋnesɔɔhna ta, dɛ dɔ kondɔɔh kohona, n bwara sɔɔh mɛ koodem. 5N deero asɛ dɛ na waane ɔmee laɡ mɛ. Maa chɔa la n na wepila, asɛ koŋkwaa ane soo siwi ɡale n sie ta a ɡel mɛɛ ɔmɛ kohona. 6Anomanta, n ɡelɔ ba yerɛ Babelɔn harɛ ta wejerema bwa ŋɔ bá ba cheme n sie, dɛ́ baɡ mɛ deera la mun. 7Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun. 8A habɔɔ la, Daneɛl baa bera dɛɛ yerɔ Bɛltesasa maa kpɔ n voɡ sɔn pao la, ba n be. Voɡa aa wola nɛwɛnyina ɛɛ tɛo kpeɡri ane, anomanta, n bol n deera la o be.
9Asɛ n ŋɔ Bɛltesasa waa ɛ dobodobo tena bwa nomoa la be ŋɔ, ‘N jemɔ kɛ voɡa aa wola nɛwɛnyina ɛɛ ane tɛɛ kpeɡri, asɛ wesɔɔhla bɛlbwa toole dɛ do kpeɡri tɛɛ. N deera maa deera laanee la. Baɡ mɛ a mun. 10Wepila ane maa chɔa dɛ na laanee nɔ. N na daa bɛl, asɛ o che harɛ bɛl baah ta. Dɛ o kpeɡo kɛrɛdɛ. 11Dɛ daa la dɛ kpeɡ dɛɛ do kan kohona, dɛ kpeɡ kaa leɡe nyundua. Nɛn cheɡɛ harɛ jaɡa bobɛlbwa naa, o dɛ nao. 12O papooni wer, o nɔna warɛ harɛ nɔ ta nɛra bwa dɔ dɛɛ di. O chunchule taa kpɔɡ bini ola ɛɛ chɔ, jumbii ɛɛ sɔh a kɔne o kpala ta. Belaa kontaale bɛlbwa dɔ kwaa dɛɛ di.
13N ta aa chɔa dɛɛ lii deera nɔ waa la, n nyiŋo dɛ na nyundua torome bɛl waa do ɡoroŋ, o tu le Korowii be nyundua dɛɛ ba. 14O kpɔ takpeɡ ŋɔ, “Hé teŋe daa la ta dɛ́ choo o kpala, dɛ́ nɛɛ o papooni le o kpala la ta, dɛ́ nɔr o nɔna la merɛ. Hé doŋi kpɔɡ bini ola la le o chunchule ta, ásɛ dɛ doŋi jumbii la ɡe le o kpala ta. 15Hé ɡel o muŋkpul la che, dɛ kpɔ buni jɔɡrɔre ne ayaawa vɔwɔ ó che kpɔɡ bini bela.
Hé ɡel mɛn lee o nɛ, ásɛ o ne kpɔɡ bini ola so kpɔɡ bini, harɛ nɔ ta. 16Hé ɡel o liire charɛ ó kpɔ ol liire, o bɛ nɛn liire dɔ ka tel kɛŋɔ bene anuanɛ aa baa kaa. 17Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”
18Deera men Kooro Nebukadnesa aa deera laanee nɔ. Bɛltesasa, baɡ mɛ a mun, dɛkalkɛ wejereme bɛlbwa toole n harɛ nɔ ta, dɛ́ won baɡ mɛ a mun. He te, voɡa aa wola nɛwɛnyina ɛɛ aa tɛɛ kpeɡri ane nɔ, hɛɛ wonoo baɡle.’ ”
Daneɛl deera mun baɡla
19Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.”
Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa. 20Daa haa deera nao o do kan dɛ do kpeɡri, dɛ kpeɡ kaa leɡe nyundua baa nao harɛ bɛlbwa ta, 21o papooni do wer, o nɔna warɛ nomɛlbwa dɔ ane dɛɛ di, kpɔɡ bini ola chɔ o chunchule ta, asɛ jumbii sɔh a kɔne o kpala ta la, 22n naa kooro, henee daa waa kpeɡa dɛ do kpeɡri la che tɛ. He kpeɡo dɛ kaa leɡe nyundua, asɛ dɛɛ di kpeɡri harɛre bwa ta.
23N naa kooro, he na nyundua torome waa do ɡoroŋ o le nyundua dɛɛ tu, dɛɛ ŋɔ, ‘Hé teŋe daa la ta, dɛ́ chɔɡo, hé ɡel o muŋkpul la che, dɛ́ kpɔ buni jɔɡrɔre ne ayaawa vɔwɔ, o ne o lune che kpɔɡ bini. Hé ɡel mɛn le nyundua lee o muŋkpul nɔ nɛ, ásɛ o ne kpɔɡ bini ola so kpɔɡ bini bene anuanɛ.’
24N naa kooro, deera la munii la. Gɛɛ Nemenɛ Korowii ŋɔ aa chiɡ he nɛɛ. 25Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta. 26Daa la muŋkpul ne o lune la nyundua torome la aa ŋɔa ó che la munii kɛŋɔ, dɛ he baa jemɛ kɛŋɔ Korowiirii dɔ kpeɡri harɛ nɔ bwa ta naa, he kora ɛɛ berɔɔ che. 27Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum.#Jon 3:10 He wobɛlbwa ɛɛ do werii dɛɛ la.”#Sɛɡ 16:6
Deera la baa ɛ ɡɛ
28A ɡɛ waa la bwa chiɡ Kooro Nebukadnesa nɛ. 29Korobie fi dɛ anɛ habɔɔ, dɛ Kooro Nebukadnesa dɛ valɛ Babelɔn koodem saldoa. 30O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”
31O nyoa ta lee, dɛ taa bɛl le nyundua dɛ ŋɔ, “Kooro Nebukadnesa, dɛɛ no, kpeɡri haa dɔa he kora ta la le he nɔn ta. 32Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”
33Waa nyundua torome la aa ŋɔa aa chiɡ Kooro Nebukadnesa nɛɛ la ɛ kpela. A chiɡ o nɛɛ buɡ la ta, asɛ ba doŋu le nɛra bini, asɛ o chwe kpɔɡa kɛŋɔ nao ken. Mɛn ta o nɛ, o nyumpona do kɛŋɔ kee kena ken, o nonie ɡe kpeɡ kɛŋɔ jumbie nanie ken.
34Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la.
Wɛɛ di kora
saŋ bɛlbwaa dɛɛ la,
o kora ɛɛ cheo saŋ te
bɛlbwa.
35Nɛra baa lɔ harɛ nɔ ta
waa ta komɛlbwa ɛɛ o be.
Gɛ waa dɛ nyin laanee wɛɛ ɛ
kwaa aa lɔ nyundua ne
harɛ nɛra nɛ.
Nomɛlbwa aa won tɔŋlo
kɛɛ dɛ́ bɔɔro waa waa ɛa.
36Gɛ saŋ n sie aa chole harɛ la. Korowii berɔ tɛ mɛ duure ne jirima n kora kan waa doa la wa. Nɛra baa dɛ ja mɛ ne n nomonome nyin n bɔr, dɛ berɛ kpɔ mɛ cheɡ kora ta, asɛ n berɛ dɔ kpeɡri waa ɡwaa wubwa kon la. 37Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.