Daneɛl 1
1
Daneɛl ne o daamanar batoro
1Kooro Jehoiakim aa di kora Juda harɛ ta bentooro te ta la, Babelɔn Kooro Nebukadnesa kpɔ o laa tena la ka chɔ bar bwɛjen Jerusalam dɛ yo bwɛɛ la tena.#2Ko 24:1-2 2Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.#2We 36:7; Aes 39:6
3Ate, Kooro Nebukadnesa ŋɔ Aspenas waa chɔ o koodem nomonome nyoa be ŋɔ, ó kpɔ Israel koodem bonɔɔna bane baa laɡ ba laa ta kaa Babelɔn, ne banɔ la baa le nomonjena deremi ta ba.#2Ko 24:14 4Ba bini bonɔɔna baa wola kirihiah dii dɛ do wer, dɛ́ dɔ bambile hweli komɛlbwa waa hweli, dɛ dɔ lem dɛ́ won dɛɛ no waa mun warane, dɛ chɛ kɛŋɔ bá won ɛ toma koodem. Ásɛ Aspenas baɡ ba Babelɔn tena wobol ne o chwera. 5Babelɔn kooro ŋɔ báa tɛɛ ba o kondikwaa ne sen waa dɛ nyɔ tɔpere bɛlbwa la dɔŋa. Dɛ ŋɔ bá baɡ ba waa la bene atoro, ásɛ mɔɔ ba baa ɛ toma koodem bela.
6Nɛra baa kaa lee ba le Juda dea tena bini la banee, Daneɛl ne Hanania ne Mesael dɛ Asaria. 7Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.
8Kooro kondikwaa ne sen waa ŋɔa ba kpɔ dɛɛ tɛɛ ba la, Daneɛl ɛ o liire kɛŋɔ waa ɡɛ kondikwaa la ne sen laanee nyɔ, ásɛ dɛ kpɔ o te kah doŋa. Asɛ dɛ soŋe Aspenas waa ɛ koodem nomoa la a wa, dɛ bɛ doŋa kah. 9Korowii ɡelɔ koodem nomoa la na Daneɛl sum dɛ chao, 10kɛ Aspenas ŋɔ Daneɛl be ŋɔ, “N dɛ ɔmɛ n dɔɔ kooro waa ŋɔa ń tɛ heyaa kondikwaa ne sen la. A ta chɛ kɛ o ba na he ɡwaŋa dɛ he bala la te bwadabii wer. A ba ɡɛ naa, o ken ɛɛ koh he waa dɛ́ kpo mɛ.”
11Asɛ Daneɛl ŋɔ nɛn koodem nomoa la aa leo ŋɔ wɛɛ nyiŋi o ne Hanania ne Mesael dɛ Asaria nɛɛ la be ŋɔ, 12“N poori, tɛ yaa dɔkpɔɡa komɛlbwa aa wola toole a ta, ne nee ɡbo tɔpera fi, dɛ́ kpɔ daah yaa na. 13Ásɛ dɛ kpɔ yaa maɡɛ yabala baa dɛ di kooro dem kondikwaa la, dɛ́ che a ta na ɡɛ haa ɛ yaa.” 14Anomanta, o sɛoh, dɛ tɛɛ ba kondikwa baa bɔɔ a waa la tɔpera fi, dɛ́ kpɔ daah ba na.
15Tɔpera fi la aa tela la, dɛ Daneɛl ne o bala batoro la dɔ bokpeɡa kohona, ba bwadabii ɡe do wer ɡwaa banɔ la baa dɛ di kooro dem kondikwaa la. 16Le a ta dɛɛ kaa la, nɛn waa dɛ nyiŋi ba nɛɛ la ta ɡelɛ ba di kooro dem kondikwaa la kpa, dɛ ɡel baa di dɔkpɔɡa komɛlbwa aa wola toole a ta.
17Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.
18Bene atoro kooro la aa doa ŋɔ bá kpɔ ba ba o be la, koodem nomoa Aspenas kpɔ bonɔɔna la bwa la Kooro Nebukadnesa be. 19Kooro la ne ba bol wa, asɛ o na kɛŋɔ ba bini bɛlbwa toole dɛ do kɛ Daneɛl ne Hanania ne Mesael dɛ Asaria, anomanta, ba kpɔ ba do koodem toma ta. 20Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.
21Daneɛl soɡe koodem bela dɛɛ tomɛ, ka tel Pɛɛsea Koojen Saeros aa baa yo Babelɔn harɛ tena dɛ di kora.#2We 36:22
Currently Selected:
Daneɛl 1: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Daneɛl 1
1
Daneɛl ne o daamanar batoro
1Kooro Jehoiakim aa di kora Juda harɛ ta bentooro te ta la, Babelɔn Kooro Nebukadnesa kpɔ o laa tena la ka chɔ bar bwɛjen Jerusalam dɛ yo bwɛɛ la tena.#2Ko 24:1-2 2Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.#2We 36:7; Aes 39:6
3Ate, Kooro Nebukadnesa ŋɔ Aspenas waa chɔ o koodem nomonome nyoa be ŋɔ, ó kpɔ Israel koodem bonɔɔna bane baa laɡ ba laa ta kaa Babelɔn, ne banɔ la baa le nomonjena deremi ta ba.#2Ko 24:14 4Ba bini bonɔɔna baa wola kirihiah dii dɛ do wer, dɛ́ dɔ bambile hweli komɛlbwa waa hweli, dɛ dɔ lem dɛ́ won dɛɛ no waa mun warane, dɛ chɛ kɛŋɔ bá won ɛ toma koodem. Ásɛ Aspenas baɡ ba Babelɔn tena wobol ne o chwera. 5Babelɔn kooro ŋɔ báa tɛɛ ba o kondikwaa ne sen waa dɛ nyɔ tɔpere bɛlbwa la dɔŋa. Dɛ ŋɔ bá baɡ ba waa la bene atoro, ásɛ mɔɔ ba baa ɛ toma koodem bela.
6Nɛra baa kaa lee ba le Juda dea tena bini la banee, Daneɛl ne Hanania ne Mesael dɛ Asaria. 7Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.
8Kooro kondikwaa ne sen waa ŋɔa ba kpɔ dɛɛ tɛɛ ba la, Daneɛl ɛ o liire kɛŋɔ waa ɡɛ kondikwaa la ne sen laanee nyɔ, ásɛ dɛ kpɔ o te kah doŋa. Asɛ dɛ soŋe Aspenas waa ɛ koodem nomoa la a wa, dɛ bɛ doŋa kah. 9Korowii ɡelɔ koodem nomoa la na Daneɛl sum dɛ chao, 10kɛ Aspenas ŋɔ Daneɛl be ŋɔ, “N dɛ ɔmɛ n dɔɔ kooro waa ŋɔa ń tɛ heyaa kondikwaa ne sen la. A ta chɛ kɛ o ba na he ɡwaŋa dɛ he bala la te bwadabii wer. A ba ɡɛ naa, o ken ɛɛ koh he waa dɛ́ kpo mɛ.”
11Asɛ Daneɛl ŋɔ nɛn koodem nomoa la aa leo ŋɔ wɛɛ nyiŋi o ne Hanania ne Mesael dɛ Asaria nɛɛ la be ŋɔ, 12“N poori, tɛ yaa dɔkpɔɡa komɛlbwa aa wola toole a ta, ne nee ɡbo tɔpera fi, dɛ́ kpɔ daah yaa na. 13Ásɛ dɛ kpɔ yaa maɡɛ yabala baa dɛ di kooro dem kondikwaa la, dɛ́ che a ta na ɡɛ haa ɛ yaa.” 14Anomanta, o sɛoh, dɛ tɛɛ ba kondikwa baa bɔɔ a waa la tɔpera fi, dɛ́ kpɔ daah ba na.
15Tɔpera fi la aa tela la, dɛ Daneɛl ne o bala batoro la dɔ bokpeɡa kohona, ba bwadabii ɡe do wer ɡwaa banɔ la baa dɛ di kooro dem kondikwaa la. 16Le a ta dɛɛ kaa la, nɛn waa dɛ nyiŋi ba nɛɛ la ta ɡelɛ ba di kooro dem kondikwaa la kpa, dɛ ɡel baa di dɔkpɔɡa komɛlbwa aa wola toole a ta.
17Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.
18Bene atoro kooro la aa doa ŋɔ bá kpɔ ba ba o be la, koodem nomoa Aspenas kpɔ bonɔɔna la bwa la Kooro Nebukadnesa be. 19Kooro la ne ba bol wa, asɛ o na kɛŋɔ ba bini bɛlbwa toole dɛ do kɛ Daneɛl ne Hanania ne Mesael dɛ Asaria, anomanta, ba kpɔ ba do koodem toma ta. 20Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.
21Daneɛl soɡe koodem bela dɛɛ tomɛ, ka tel Pɛɛsea Koojen Saeros aa baa yo Babelɔn harɛ tena dɛ di kora.#2We 36:22
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.