Emɔs 8
8
Wɛɡrɛ bɛl ne daa nɔna aa bea wa
1Nemenɛ Korowii berɔ ɡel men Emɔs na waane wepila ta ja. N na wɛɡrɛ bɛl daa nɔna aa bea#Jer 24:1-10 do o bini. 2Asɛ o bɔɔ mɛ ŋɔ, “Bɔkwaa hɛɛ na nɔ?”
N chaŋe ŋɔ, “N na wɛɡrɛ daa nɔna aa bea do o bini.”
Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.
3Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”
Israel tena bwɛɛlɛ
4Hé no, he nɛra haa dɛ
fiiɡi nyaara dɛɛ chɔɡ
nɛŋɡwɛɡra harɛ la ta,
5dɛɛ bol ŋɔ,
“Saŋ besoo Korobifala
Tɔpejena dii ɛɛ
ba a jaɡa bala
ásɛ ya yoɡ mea ɔ?
Saŋ besoo Ona Tɔpere
ɡe ba kaa
ásɛ ya ka yawɛ kwa ɔ?
Ásɛ ya kpɔ kwaa
aa wola chɛ kɛ ya
kpɔ maɡɛ kwa,
dɛ́ dawɛ a yoɡ,
dɛ́ faah nɛra a maɡa ta,
6dɛ́ kpɔ suuɡapoŋa
aa wola naŋɡawa ɡba yoɡ
tele yawɛ nyaara yoma,
dɛ́ kpɔ yoɡ dawɛ mea ta.”
7Korowii Israel tena aa dɛ tomɔ la ŋwɛɛrɔ ŋɔ,
“Maa ba waa baa ɛa
bɛlbwaa soh bwa.
8Harɛ la ɛɛ jiɡruu a waa,
ásɛ nomɛlbwa waa soɡe
harɛ la ta di suna.
Harɛ la dɛ́ ba dɛɛ beɡre
kɛŋɔ Nael Moo yon su,
ásɛ dɛ berɛ hweeh ka
chɔ o buɡ ta la ken.”
9Nemenɛ Korowii ŋɔ, “Awola tɔpere la, mɛɛ ɡeloo bɔr jo webaŋa
ásɛ bobɛlbwa bir.
10Mɛɛ ɡeloo he Tɔpejena dii
berɛ lwe,
ásɛ he yela ɡoe berɛ wii.
Mɛɛ ɡeloo he bwa tɔ lweyale
dɛ́ fonɛ he nyuune.
Mɛɛ ɡeloo awola do kɛŋɔ
nomɛl aa dɛ wi
o bibambeŋkpoŋ la,
dɛ́ ɛ tɔpechɔɡe ka tonɛ.
11Tɔpera ane dɛ ba,
ásɛ men Nemenɛ Korowii
ɡel lɔr chole harɛ nɔ ta.
Kondikwaa kɛɛ nyɔɡre laa,
men Korowii waa la bɛ dɔe
dɛ́ no la waa.
Men Korowiirii bola.
12Nɛra ɛɛ ɡaaɡoo le
weekaŋle nyunduabɔr,
dɛ́ ba kaa
weekaŋle harɛbɔr,
ne wee leebɔr
dɛ́ ba kaa wee cholibɔr,
dɛɛ nyin Korowii waa la
dɛ́ no, kɛ baa dɔ no.
13Awola tɔpere la,
toli ne bonɔɔna ba bwara aa
kpeɡa sie ɛɛ bir
baa bá choɡli,
nyɔɡre wa.
14Banɔ la baa dɛɛ ŋwɛɛ
Samaria voɡa,
kɛɛ dɛɛ ŋwɛɛ Dan dea voɡ,
kɛɛ voɡ waa lɔ Beɛseeba
bwa dɛ́ ba choɡla,
baa wola won ir kpa.”
Currently Selected:
Emɔs 8: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Emɔs 8
8
Wɛɡrɛ bɛl ne daa nɔna aa bea wa
1Nemenɛ Korowii berɔ ɡel men Emɔs na waane wepila ta ja. N na wɛɡrɛ bɛl daa nɔna aa bea#Jer 24:1-10 do o bini. 2Asɛ o bɔɔ mɛ ŋɔ, “Bɔkwaa hɛɛ na nɔ?”
N chaŋe ŋɔ, “N na wɛɡrɛ daa nɔna aa bea do o bini.”
Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.
3Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”
Israel tena bwɛɛlɛ
4Hé no, he nɛra haa dɛ
fiiɡi nyaara dɛɛ chɔɡ
nɛŋɡwɛɡra harɛ la ta,
5dɛɛ bol ŋɔ,
“Saŋ besoo Korobifala
Tɔpejena dii ɛɛ
ba a jaɡa bala
ásɛ ya yoɡ mea ɔ?
Saŋ besoo Ona Tɔpere
ɡe ba kaa
ásɛ ya ka yawɛ kwa ɔ?
Ásɛ ya kpɔ kwaa
aa wola chɛ kɛ ya
kpɔ maɡɛ kwa,
dɛ́ dawɛ a yoɡ,
dɛ́ faah nɛra a maɡa ta,
6dɛ́ kpɔ suuɡapoŋa
aa wola naŋɡawa ɡba yoɡ
tele yawɛ nyaara yoma,
dɛ́ kpɔ yoɡ dawɛ mea ta.”
7Korowii Israel tena aa dɛ tomɔ la ŋwɛɛrɔ ŋɔ,
“Maa ba waa baa ɛa
bɛlbwaa soh bwa.
8Harɛ la ɛɛ jiɡruu a waa,
ásɛ nomɛlbwa waa soɡe
harɛ la ta di suna.
Harɛ la dɛ́ ba dɛɛ beɡre
kɛŋɔ Nael Moo yon su,
ásɛ dɛ berɛ hweeh ka
chɔ o buɡ ta la ken.”
9Nemenɛ Korowii ŋɔ, “Awola tɔpere la, mɛɛ ɡeloo bɔr jo webaŋa
ásɛ bobɛlbwa bir.
10Mɛɛ ɡeloo he Tɔpejena dii
berɛ lwe,
ásɛ he yela ɡoe berɛ wii.
Mɛɛ ɡeloo he bwa tɔ lweyale
dɛ́ fonɛ he nyuune.
Mɛɛ ɡeloo awola do kɛŋɔ
nomɛl aa dɛ wi
o bibambeŋkpoŋ la,
dɛ́ ɛ tɔpechɔɡe ka tonɛ.
11Tɔpera ane dɛ ba,
ásɛ men Nemenɛ Korowii
ɡel lɔr chole harɛ nɔ ta.
Kondikwaa kɛɛ nyɔɡre laa,
men Korowii waa la bɛ dɔe
dɛ́ no la waa.
Men Korowiirii bola.
12Nɛra ɛɛ ɡaaɡoo le
weekaŋle nyunduabɔr,
dɛ́ ba kaa
weekaŋle harɛbɔr,
ne wee leebɔr
dɛ́ ba kaa wee cholibɔr,
dɛɛ nyin Korowii waa la
dɛ́ no, kɛ baa dɔ no.
13Awola tɔpere la,
toli ne bonɔɔna ba bwara aa
kpeɡa sie ɛɛ bir
baa bá choɡli,
nyɔɡre wa.
14Banɔ la baa dɛɛ ŋwɛɛ
Samaria voɡa,
kɛɛ dɛɛ ŋwɛɛ Dan dea voɡ,
kɛɛ voɡ waa lɔ Beɛseeba
bwa dɛ́ ba choɡla,
baa wola won ir kpa.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.