Emɔs 6
6
Israel harɛ chɔɡa wa
1Saayɔn tena haa dɛ lii
kɛŋɔ wobɛlbwa aa heyaa
ha, ne Samaria Bwejen
dor tena haa dɛ lii
kɛ he soɡe deŋnesɔɔhna
ta la, hé bwɛɛlɛ!
Nomonjena haa dɛ tɔ Israel
harɛ waa sie,
Israel tena ɛɛ ba he be
hɛɛ cha ba la bwa,
hé bwɛɛlɛ!
2Hé la bwɛjen Kalne ka na,
dɛ́ le bela la bwɛjen Hamat,
dɛ́ berɛ kaa Filisti tena
bwɛjen Gat.
Ba ɡwaa he harɛre anɛ nɔ naa?
Ba harɛ la kan
ɡwaa he kon aa?
3Haa lii kɛŋɔ tɔpechɔɡe bɛl
dɛ ba,
kɛ he we-ɛɛla ɡbo ɛɛ ɡeloo
ó ba warane.
4Mpare baa ɛa dɛ kpɔ
bala nyena
mɛɛ a taa hɛɛ chɔ,
dɛɛ yale he kanedɛɛɡa ta.
Hé kpoo pebiiri aa wera,
ne nabali aa do bwara
dɛɛ chwe.
5Hé dɛ nyin yela
kɛŋɔ Kooro Devid ken,
dɛɛ lɔa he janjelare ne.
6He dɛ nyɔ numojena ne sen,
dɛ kpɔ konsɔɔhsoma
aa wera dɛɛ ɛ he te,
kɛ haa chɔɡa Israel aa
dɛ ba chɔɡa te waa wi.
7Anomanta, hɛɛ ja nɛra
baa tɔ sie dɛ́ laɡ ba laa ta kaa
bojaŋ harɛre ta la nɛɛ,
ásɛ kwaa haa dia dɛɛ lɛ sie,
ne he waa bwa ba a jaɡa.
Korowii hah mbarafo Israel tena aa dɛ ɛ
8Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ,
“N hah mbarafo Israel tena
aa dɛ ɛ la,
dɛ ki ba dekpeɡa
baa soɡe a bini.
Mɛɛ kpɔ bwɛjen la
ne komɛlbwa waa lɔ o taa
do ba dɔma nɔn ta.”
9Baala fi ka dembeŋkpoŋ ta kwaraa naa, ba ɡe ɛɛ serewoo. 10Nɛra baa serewa la lole bɛl ɛɛ bao, dɛ́ ba pa lala la le dem bela, dɛ́ bɔɔ nomɛlbwa waa ka dem bela ŋɔ, “Nomɛl ta lɔ he be bonɔ kɛɛ?” Ásɛ taa bɛl chaŋe ŋɔ “Ɔɔhɔh!” Ásɛ lole la ŋɔ, “Hel! Ya nyiŋi kɛrɛdɛ dɛ bɛ Korowii sɔn yerɛ.”
11Dɛ Korowii ŋɔ ba taɡɛ
demjena ne demjeɡre bwa
ɡooɡe aa,
baa taɡɛ a bwaa ɡooɡe,
á paɡre buruburu ken.
12Jaɡre won bwea dor chwae yaa?
Nɛn ɛɛ kpɔ nae
ka parɛ bela aa?
Kɛ he ɡelɔ kasinteŋ
do kɛ tɛɡchɔɡa,
asɛ waa aa toɡra berɛ do
kɛŋɔ wechɔɡa ken.
13He dɛ maŋkura he te kɛŋɔ
haa kaa yo lɛ Lo Debar
dɛ ŋɔ,
“Ya cheɡɛ ya bokpeɡa ta
dɛ ka yo lɛ Kanaim.”
14Korowii
Waa Ɛ Kpeɡri Bwa Dɔɔ ŋɔ,
“Israel tena, mɛɛ ɡeloo
harɛ bɛl nɛra ba yo heya,
dɛ́ ba fiiɡi heyaa le
Lebo Hamat ŋwɛnɛ
weekaŋle nyundua, dɛ́ ba
weekaŋle harɛbɔr
Jɔɔdan Moo ta.”
Currently Selected:
Emɔs 6: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
