Emɔs 5
5
Liire chara dɛ́ berɛ ba Korowii be
1Emɔs ŋɔ, “Israel tena, hé no wiile maa taara dɛɛ tɛ heyaa nɔ.
2‘Israel harɛ
waa do kɛŋɔ bitolo
waa wola baa jemɛ la paɡrɔ
waa wola werii do kpa,
harɛ la chɔ pɛɛ nomɛlbwa
toole dɛ́ kwaa vɔrɔwo.’ ”
3Nemenɛ Korowii ŋɔ,
“Bwɛjen bɛl lɔ Israel harɛ ta,
dɛ́ kpɔ laa tena kaɡboŋ la
laa, kɛ nɛra lafa ɡboo
dɛ́ berɛ ba.
Bwɛɛ bɛl ɡe kpɔ laa tena
lafa la, kɛ ba nɛra fi ɡboo
dɛ́ berɛ ba.”
4Korowii ŋɔ Israel tena be ŋɔ,
“Hé berɛ ba n be,
ásɛ dɛ dɔ he nyu.#Aes 55:6
5He bɛ Bɛtel la ka tom mɛ,
he bɛ Gelɡal la,
he bɛ Beɛseeba ɡba la.
Kasinteŋ, baa lawɛ
Gelɡal tena laa taa
kaa bojaŋ harɛ ta,
ásɛ Bɛtel paɡre kwaraa.”
6Emɔs ŋɔ, “Hé berɛ ba
Korowii be dɛ́ dɔ he nyu,
ɡɛ laa aa, wɛɛ ba he Israel
tena nɛɛ kɛŋɔ nii,
dɛ́ ba fuh heya,
dɛ́ fuh Bɛtel tena ɡe,
nomɛlbwa
aa wola won dima.
7He berɛ waa aa ɛ kasinteŋ
sie, dɛ tɔ
waa aa toɡra ŋwɛnɛ.
8Korowiirii ta Baŋɡaana ne
weweela bwa so siwi,
dɛ berɛ ɡel bɔr ɛɛ beɡre,
dɛ ɡel bɔr bir dɛɛ chaah,
bɔr chaah dɛɛ bir.
Dɛ ta mpo o ba bɔle harɛ ta.
O sɔne Korowii.
9Onee dɛɛ chɔɡ ba dekpeɡa,
dɛ ɡel bwɛjen baa
ma danjwɛɛ
baro ɛɛ berɛ dimɡbia.
10Hé hah nomɛlbwa
waa wola nyosone teŋe,
dɛɛ bol kasinteŋ kɔɔto dea.
11He fiiɡi nyaara
dɛ ɛɡre ba dɛɛ lɛ mea.
Anomanta,
haa deene haa kpɔ
bwedɛɛɡa maa la binii so,
kɛɛ dɛ́ dɔ sen nyɔ le he
daa kodɛɛɡa haa para la ta.
12N jemɛ ɡɛ he wechɔɡa
aa kana, dɛ jemɛ
wedoŋa bwa haa ɛa.
He ɛɡre nɛra ba wa aa toɡra,
dɛ ɡel baa yawɛ heyaa sen,
haa nyaara waa bolɛ dɛɛ
tɛɛ ba aŋwɛnɛ ta kɔɔto.
13Anomanta, nɛn waa jemɛ
waa la tɔ nyoa,
a ɡɛ wechɔɡa
saŋ nɔ waa aa do ɡɛ nɔ ta.
14Hé nyin wedɛɛɡa,
dɛ́ ɡel wechɔɡa ɛɛ,
ásɛ dɛ dɔ he nyu.
Anee dɛ́ ɡel Korowii
Waa Ɛ Kpeɡri Bwa Dɔɔ
ja he nɛ,
ɡɛ haa bol o waa la.
15Hé hah wechɔɡa,
dɛ́ nyin wedɛɛɡa,
hé ɡel kasinteŋ ɛɛ ɛ toma
kɔɔto deene.#Rom 12:9
Nemenɛ Korowii ken ɛɛ sune
Josef dea nɛra
baa kaa nɛɛ.”
16Anomanta, Nemenɛ Korowii Waa Ɛ Koranar Bwa Kooro ŋɔ,
“Nɛra ɛɛ wi fɔɡbaahnaa,
ásɛ lokua wii do bela
nɛra aa dɛ cheme bwa.
Baa yerɛ paara bwaa cheme
ba wi tɛ nɛra baa serewa,
dɛ́ ka kpɔ nɛra bá ba wi.
17Nɛra ɛɛ wi daa kooni ta
bwaa.
Gɛ waa nɔ bwa ɛɛ bao,
dɛkalkɛ n dɛ ba ba tɛr
he deŋne.
Men Korowiirii bola.”
Korowii Tɔpere waa lea cheɡ
18Emɔs ŋɔ, “Nomɛlbwa waa dɛ
nyin o na tɔpere
Korowii aa dɛ ba ba
bol nɛra waa dɛ́ pa bole la,
ó bwɛɛlɛ.
Ɛrɛɛ hɛɛ nyin he na
Korowii Tɔpere waa lea
cheɡ laɔ?
Biro ɡboo awola,
bɔr aa o ta chaahna ba.
19Aa ɛo kɛŋɔ nɛn aa dɛ chwa
nyujente
dɛ ka cheme sisire ken.
Aa doo kɛŋɔ nɛn aa jo o dea
dɛ kpɔ nɔn dawɛ
danjwɛɛ ta,
asɛ harɛkon domɔ.
20Korowii Tɔpere
waa lea cheɡ la,
biro kpirkpir ɡboo,
wee aa lee do kwara,
dɛ́ chaah bɔr.”
21Korowii ŋɔ, “N hah he
tɔpejena haa dɛ di la,
n sie aa a ta lɛ kwaraa.#Aes 1:14
22A lole kɛŋɔ he kpɔ saraha
kwaa baa dɛ fuah
ne mea sarahare baa tɛ mɛ,
maa an lɛ.
He kpɔ deŋnesɔɔhna sarahare
baa tɛ mɛ te,
n sie aa a taa lɛ.
23Hé kpɔ he ɡbɔɡa yela le n nɛ.
Maa he janjela yela nyin
dɛ́ no.
24Kɛ, hé ɡel kasinteŋ
do le saŋ bɛlbwa,
kɛŋɔ moo aa dɛ palɛ,
waa aa toɡra ɡe
do kɛŋɔ nenabɔɔ
waa wola hweeh bwa.
25Israel tena, n ta sarahare
ne kwaa lɛɛ le he be bene
fifraanaarɛ haa lɔ
pua hɛŋle ɡbo harɛ la ta.#Weɛ 7:42-43
26Hé dɛ tomɛ voɡ Sakut
haa ɛo kooro,
ne Kaiwan haa ɛo
kɛŋɔ wewee.
Hɛɛ che ɡɛ voɡa nɔɔ,
27ɡɛ saŋ maa lawɛ heyaa
kaa bojaŋ harɛfale ta,
Damaskɔs baŋ le la.
Men Korowii Maa Ɛ
Koranar Bwa Kooroo bola.”
Currently Selected:
Emɔs 5: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Emɔs 5
5
Liire chara dɛ́ berɛ ba Korowii be
1Emɔs ŋɔ, “Israel tena, hé no wiile maa taara dɛɛ tɛ heyaa nɔ.
2‘Israel harɛ
waa do kɛŋɔ bitolo
waa wola baa jemɛ la paɡrɔ
waa wola werii do kpa,
harɛ la chɔ pɛɛ nomɛlbwa
toole dɛ́ kwaa vɔrɔwo.’ ”
3Nemenɛ Korowii ŋɔ,
“Bwɛjen bɛl lɔ Israel harɛ ta,
dɛ́ kpɔ laa tena kaɡboŋ la
laa, kɛ nɛra lafa ɡboo
dɛ́ berɛ ba.
Bwɛɛ bɛl ɡe kpɔ laa tena
lafa la, kɛ ba nɛra fi ɡboo
dɛ́ berɛ ba.”
4Korowii ŋɔ Israel tena be ŋɔ,
“Hé berɛ ba n be,
ásɛ dɛ dɔ he nyu.#Aes 55:6
5He bɛ Bɛtel la ka tom mɛ,
he bɛ Gelɡal la,
he bɛ Beɛseeba ɡba la.
Kasinteŋ, baa lawɛ
Gelɡal tena laa taa
kaa bojaŋ harɛ ta,
ásɛ Bɛtel paɡre kwaraa.”
6Emɔs ŋɔ, “Hé berɛ ba
Korowii be dɛ́ dɔ he nyu,
ɡɛ laa aa, wɛɛ ba he Israel
tena nɛɛ kɛŋɔ nii,
dɛ́ ba fuh heya,
dɛ́ fuh Bɛtel tena ɡe,
nomɛlbwa
aa wola won dima.
7He berɛ waa aa ɛ kasinteŋ
sie, dɛ tɔ
waa aa toɡra ŋwɛnɛ.
8Korowiirii ta Baŋɡaana ne
weweela bwa so siwi,
dɛ berɛ ɡel bɔr ɛɛ beɡre,
dɛ ɡel bɔr bir dɛɛ chaah,
bɔr chaah dɛɛ bir.
Dɛ ta mpo o ba bɔle harɛ ta.
O sɔne Korowii.
9Onee dɛɛ chɔɡ ba dekpeɡa,
dɛ ɡel bwɛjen baa
ma danjwɛɛ
baro ɛɛ berɛ dimɡbia.
10Hé hah nomɛlbwa
waa wola nyosone teŋe,
dɛɛ bol kasinteŋ kɔɔto dea.
11He fiiɡi nyaara
dɛ ɛɡre ba dɛɛ lɛ mea.
Anomanta,
haa deene haa kpɔ
bwedɛɛɡa maa la binii so,
kɛɛ dɛ́ dɔ sen nyɔ le he
daa kodɛɛɡa haa para la ta.
12N jemɛ ɡɛ he wechɔɡa
aa kana, dɛ jemɛ
wedoŋa bwa haa ɛa.
He ɛɡre nɛra ba wa aa toɡra,
dɛ ɡel baa yawɛ heyaa sen,
haa nyaara waa bolɛ dɛɛ
tɛɛ ba aŋwɛnɛ ta kɔɔto.
13Anomanta, nɛn waa jemɛ
waa la tɔ nyoa,
a ɡɛ wechɔɡa
saŋ nɔ waa aa do ɡɛ nɔ ta.
14Hé nyin wedɛɛɡa,
dɛ́ ɡel wechɔɡa ɛɛ,
ásɛ dɛ dɔ he nyu.
Anee dɛ́ ɡel Korowii
Waa Ɛ Kpeɡri Bwa Dɔɔ
ja he nɛ,
ɡɛ haa bol o waa la.
15Hé hah wechɔɡa,
dɛ́ nyin wedɛɛɡa,
hé ɡel kasinteŋ ɛɛ ɛ toma
kɔɔto deene.#Rom 12:9
Nemenɛ Korowii ken ɛɛ sune
Josef dea nɛra
baa kaa nɛɛ.”
16Anomanta, Nemenɛ Korowii Waa Ɛ Koranar Bwa Kooro ŋɔ,
“Nɛra ɛɛ wi fɔɡbaahnaa,
ásɛ lokua wii do bela
nɛra aa dɛ cheme bwa.
Baa yerɛ paara bwaa cheme
ba wi tɛ nɛra baa serewa,
dɛ́ ka kpɔ nɛra bá ba wi.
17Nɛra ɛɛ wi daa kooni ta
bwaa.
Gɛ waa nɔ bwa ɛɛ bao,
dɛkalkɛ n dɛ ba ba tɛr
he deŋne.
Men Korowiirii bola.”
Korowii Tɔpere waa lea cheɡ
18Emɔs ŋɔ, “Nomɛlbwa waa dɛ
nyin o na tɔpere
Korowii aa dɛ ba ba
bol nɛra waa dɛ́ pa bole la,
ó bwɛɛlɛ.
Ɛrɛɛ hɛɛ nyin he na
Korowii Tɔpere waa lea
cheɡ laɔ?
Biro ɡboo awola,
bɔr aa o ta chaahna ba.
19Aa ɛo kɛŋɔ nɛn aa dɛ chwa
nyujente
dɛ ka cheme sisire ken.
Aa doo kɛŋɔ nɛn aa jo o dea
dɛ kpɔ nɔn dawɛ
danjwɛɛ ta,
asɛ harɛkon domɔ.
20Korowii Tɔpere
waa lea cheɡ la,
biro kpirkpir ɡboo,
wee aa lee do kwara,
dɛ́ chaah bɔr.”
21Korowii ŋɔ, “N hah he
tɔpejena haa dɛ di la,
n sie aa a ta lɛ kwaraa.#Aes 1:14
22A lole kɛŋɔ he kpɔ saraha
kwaa baa dɛ fuah
ne mea sarahare baa tɛ mɛ,
maa an lɛ.
He kpɔ deŋnesɔɔhna sarahare
baa tɛ mɛ te,
n sie aa a taa lɛ.
23Hé kpɔ he ɡbɔɡa yela le n nɛ.
Maa he janjela yela nyin
dɛ́ no.
24Kɛ, hé ɡel kasinteŋ
do le saŋ bɛlbwa,
kɛŋɔ moo aa dɛ palɛ,
waa aa toɡra ɡe
do kɛŋɔ nenabɔɔ
waa wola hweeh bwa.
25Israel tena, n ta sarahare
ne kwaa lɛɛ le he be bene
fifraanaarɛ haa lɔ
pua hɛŋle ɡbo harɛ la ta.#Weɛ 7:42-43
26Hé dɛ tomɛ voɡ Sakut
haa ɛo kooro,
ne Kaiwan haa ɛo
kɛŋɔ wewee.
Hɛɛ che ɡɛ voɡa nɔɔ,
27ɡɛ saŋ maa lawɛ heyaa
kaa bojaŋ harɛfale ta,
Damaskɔs baŋ le la.
Men Korowii Maa Ɛ
Koranar Bwa Kooroo bola.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.