Emɔs 2
2
1Korowii ŋɔ,
“Moab tena teŋɔ
dɛɛ ɛ wechɔɡa,
a chɛ kɛ ń tɛr ba deŋne.
Ba ta Edom kooro bui,
ba huɡri o hoɡa,
dɛ fuah a berɛ tɔɔ.#Ɛse 25:8-11; Sef 2:8-11
2Mɛɛ ɡeloo nii ba fuh
Moab harɛ,
dɛ́ fuh dekpeɡa
aa bar bwɛjen Kereɔt.
Moab tena ɛɛ serewoo,
a ɡɛ saŋ laa tena
aa dɛɛ do ɡbɔɡa
dɛɛ hoh laa bɛle la.
3Mɛɛ kpo Moab kooro
ne o nomonome
baa ja o nɛɛ bwaa.
Men Korowiirii bola.”
4Korowii ŋɔ,
“Juda tena teŋɔ
dɛɛ ɛ wechɔɡa,
a chɛ kɛ
ń tɛr ba deŋne a wa.
Ba vɛh me Mmarare la,
ba ta waa maa do ba
a ta teŋɛ,
dɛ le n waa ta,
dɛ kaa tomɛ voɡa
ba naawa fa aa toma la.
5Anomanta, mɛɛ ɡeloo nii
ba fuh Juda harɛ, dɛ́ fuh
Jerusalam dekpeɡa,
dɛ́ chɔɡa.”
Korowii pa Israel tena bolchɔɡe
6Korowii ŋɔ,
“Israel tena teŋɔ
dɛɛ ɛ wechɔɡa,
a chɛ kɛ
ń tɛr ba deŋne a wa.
Ba yoɡ nɛra ba wa aa toɡra,
dɛ di kema baa wola
won bɔ la.
Ba lɛ suuɡapoŋa
ba ka ɛ yoma,
dɛ yoɡ nyaara
baa di kema,
kema la suuɡa aa wola
won yawɛ naŋɡawa ɡba.
7Ba tiɡri nyaara
dɛɛ do harɛ kɛŋɔ teera ken,
dɛ vɛh nɛra baa dɛ fiɡ
ba waa bola
dɛ tɛɛ ba aŋwɛnɛ ta.
Mɛɛ ne o bie bwa
pɛ hahbeŋkpoŋ, dɛ kpɔ
doŋa kah men Korowii sɔn
waa do ɡoroŋ la.
8Bobɛlbwa baa dɛ tom mɛ la,
ba pa yale baa lɛa cheɡ
awɔba la dɛɛ chɔ a ta.
Ba cheme n Dea aa,
suuɡa baa faah nɛra
dɛ lɛ le ba be la,
a nee baa nyɔ sene.
9Israel tena siwi taa n
chɔɡ Amɔre tena kwaraa,
dɛ ba kpekpeɡo
ba bwara do kpeɡri,
kɛŋɔ peleme daa
ne dajena ken,#Mma 3:8-11
asɛ n chɔɡ a nɔna
ne a lune.
10Menee lawɛ heyaa
le Ijipt harɛ ta,
dɛ kpɔ heyaa kpɔ
pua hɛŋle ɡbo harɛ ta
bene fifraanaarɛ,
dɛ ba kpɔ Amɔre tena harɛ
tɛ heya.
11N berɔ le he bibaala la bini
bane ba ɛ n keamere,
ba bini bonɔɔna la bini
bane ɡe ɛ Nasiri tena.#2:11 Nasiri tena nɔ ɛ Israel tena bane baa ŋwɛɛra dɛ kpɔ ba te tɛ Korowii ŋɔ baa sen nyɔ, baa nyuune fonɛ, baa lala ɡe leɡe.
Israel tena,
n teŋe nyosone naa?#Kur 6:2-4
Men Korowiirii bola.
12Kɛ he ɡelɔ Nasiri tena nyɔ sen,
dɛ do n keamere ŋɔ ba bɛ
n waa aa dɛ ba bala la
ka bol.
13Taraken, mɛɛ tiɡrii do harɛ
kɛŋɔ torɔɡo yon che bone
kohona dɛ tire kon ta la.
14Nɛra baa won chwae la
aa won le a nyoa,
bokpeɡa tena ɛɛ ɛo kahonɛ,
banyoo bɛlbwa
ɡe aa won lɛ o nyu.
15Nɛn waa jemɛ hɛm tae ɡba
aa won che a nyoa,
laa te bɛlbwa waa won
chwae aa won le a nyoa,
nɛn waa soɡe jaaɡɔ ta ɡba
aa won lɛ o nyu.
16Hale banyoola ba bambile
aa kpeɡa, ɛɛ chwao
ɡel ba dɔmkwaa
awola tɔpere,
Men Korowiirii bola.”
Currently Selected:
Emɔs 2: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Emɔs 2
2
1Korowii ŋɔ,
“Moab tena teŋɔ
dɛɛ ɛ wechɔɡa,
a chɛ kɛ ń tɛr ba deŋne.
Ba ta Edom kooro bui,
ba huɡri o hoɡa,
dɛ fuah a berɛ tɔɔ.#Ɛse 25:8-11; Sef 2:8-11
2Mɛɛ ɡeloo nii ba fuh
Moab harɛ,
dɛ́ fuh dekpeɡa
aa bar bwɛjen Kereɔt.
Moab tena ɛɛ serewoo,
a ɡɛ saŋ laa tena
aa dɛɛ do ɡbɔɡa
dɛɛ hoh laa bɛle la.
3Mɛɛ kpo Moab kooro
ne o nomonome
baa ja o nɛɛ bwaa.
Men Korowiirii bola.”
4Korowii ŋɔ,
“Juda tena teŋɔ
dɛɛ ɛ wechɔɡa,
a chɛ kɛ
ń tɛr ba deŋne a wa.
Ba vɛh me Mmarare la,
ba ta waa maa do ba
a ta teŋɛ,
dɛ le n waa ta,
dɛ kaa tomɛ voɡa
ba naawa fa aa toma la.
5Anomanta, mɛɛ ɡeloo nii
ba fuh Juda harɛ, dɛ́ fuh
Jerusalam dekpeɡa,
dɛ́ chɔɡa.”
Korowii pa Israel tena bolchɔɡe
6Korowii ŋɔ,
“Israel tena teŋɔ
dɛɛ ɛ wechɔɡa,
a chɛ kɛ
ń tɛr ba deŋne a wa.
Ba yoɡ nɛra ba wa aa toɡra,
dɛ di kema baa wola
won bɔ la.
Ba lɛ suuɡapoŋa
ba ka ɛ yoma,
dɛ yoɡ nyaara
baa di kema,
kema la suuɡa aa wola
won yawɛ naŋɡawa ɡba.
7Ba tiɡri nyaara
dɛɛ do harɛ kɛŋɔ teera ken,
dɛ vɛh nɛra baa dɛ fiɡ
ba waa bola
dɛ tɛɛ ba aŋwɛnɛ ta.
Mɛɛ ne o bie bwa
pɛ hahbeŋkpoŋ, dɛ kpɔ
doŋa kah men Korowii sɔn
waa do ɡoroŋ la.
8Bobɛlbwa baa dɛ tom mɛ la,
ba pa yale baa lɛa cheɡ
awɔba la dɛɛ chɔ a ta.
Ba cheme n Dea aa,
suuɡa baa faah nɛra
dɛ lɛ le ba be la,
a nee baa nyɔ sene.
9Israel tena siwi taa n
chɔɡ Amɔre tena kwaraa,
dɛ ba kpekpeɡo
ba bwara do kpeɡri,
kɛŋɔ peleme daa
ne dajena ken,#Mma 3:8-11
asɛ n chɔɡ a nɔna
ne a lune.
10Menee lawɛ heyaa
le Ijipt harɛ ta,
dɛ kpɔ heyaa kpɔ
pua hɛŋle ɡbo harɛ ta
bene fifraanaarɛ,
dɛ ba kpɔ Amɔre tena harɛ
tɛ heya.
11N berɔ le he bibaala la bini
bane ba ɛ n keamere,
ba bini bonɔɔna la bini
bane ɡe ɛ Nasiri tena.#2:11 Nasiri tena nɔ ɛ Israel tena bane baa ŋwɛɛra dɛ kpɔ ba te tɛ Korowii ŋɔ baa sen nyɔ, baa nyuune fonɛ, baa lala ɡe leɡe.
Israel tena,
n teŋe nyosone naa?#Kur 6:2-4
Men Korowiirii bola.
12Kɛ he ɡelɔ Nasiri tena nyɔ sen,
dɛ do n keamere ŋɔ ba bɛ
n waa aa dɛ ba bala la
ka bol.
13Taraken, mɛɛ tiɡrii do harɛ
kɛŋɔ torɔɡo yon che bone
kohona dɛ tire kon ta la.
14Nɛra baa won chwae la
aa won le a nyoa,
bokpeɡa tena ɛɛ ɛo kahonɛ,
banyoo bɛlbwa
ɡe aa won lɛ o nyu.
15Nɛn waa jemɛ hɛm tae ɡba
aa won che a nyoa,
laa te bɛlbwa waa won
chwae aa won le a nyoa,
nɛn waa soɡe jaaɡɔ ta ɡba
aa won lɛ o nyu.
16Hale banyoola ba bambile
aa kpeɡa, ɛɛ chwao
ɡel ba dɔmkwaa
awola tɔpere,
Men Korowiirii bola.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.