We-ɛɛla 3
3
Pita chah boobi bɛl waa dɛ soŋe kwa
1Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa. 2Baa kaa tel dea la doonyoa la baa dɛ yerɔ Doonyodɛɛɡe la ta la, dɛ baa bɛl soɡe bela. Dɛ a ɡɛ baa la soɡe boobi o bechale saŋ bwa. Asɛ tɔpere bwa ba yon cheo ka so a ɡɛ doonyoa bela o kaa soŋe suuɡa nɛra baa dɛ jo Korowii Dea bela la be. 3Pita ne Jɔn aa dɛ ba dea bela joe la, o soŋ ba ŋɔ bá tɛo komɛl. 4Belaa ba pa sie o be, asɛ Pita ŋɔ, “Nyiŋi yaa!” 5Anee o nyiŋ ba dɛɛ lii kɛŋɔ baa tɛo komɛlee.
6Belaa Pita ŋɔ, “N ta suuɡa dɔe dɛ tɛɛ, kɛ mɛɛ tɛɛ kon n ɡe aa dɔa laanee. Yeesu Kristo waa le Nasarɛt la sɔn ta, ir dɛ́ valɛ!” 7Asɛ Pita lawɛ boobi la nɔndiɡ dɛ ɡɔɔro ir. Buɡ la ta, dɛ baa la nakpale ne o nalurumi denɔ do kpeɡri, 8o chuɡri ir che o naa anɛ la ta dɛɛ valɛ, asɛ o ne ba jo Korowii Dea bela. O kpɔ silɛɛ dɛɛ valɛ dɛɛ sa, dɛɛ kpɛɛ Korowii. 9Nɛra baa lɔ bela la bwa nao kɛŋɔ waa dɛ valɛ dɛɛ kpɛɛ Korowii. 10Baa naa kɛŋɔ boobi la o fa aa dɛ soŋe kwaa Doonyodɛɛɡe la ta laanee dɛɛ valɛ la, ba nyoa kpoo ba chara jeɡre kɛŋɔ waa bera won ir che dɛɛ valɛ la.
Pita bol waa baɡle nɛra Korowii Dea
11Baa la toɔh pɛl Pita ne Jɔn, asɛ ba ne o ka tel Korowii Dea la bobɛl baa dɛ yerɛ bela Solomɔn Pato la, asɛ nɛra la aa nao la, ba nyoa kpoo, asɛ ba bwa chwa biribiri ken dɛ ba Pita ne Jɔn ne baa la be bela. 12Pita aa na nɛra la, o bɔɔ ba ŋɔ, “Yabala Israel tena, ɛrɛɛ waa nɔ kpo he nyoa hɛɛ nyiŋi yaa ɡɛ nɔɔ? He dɛ lii ŋɔ ya ɡbaɡba kpeɡri ta kɛɛ ya nɛndɛɛɡa ɛɛ kohona waa baa nɔ won ir che dɛɛ valɛ nɔ kɛɛ? 13Gɛ laa. Korowii ya nabaala Abraham ne Aesek dɛ Jekɔb aa tomɔ la,#Kaa 3:6 on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?#Jɔn 19:20 14Wechɔɡa bɛlbwa toole o nɛ, wedɛɛɡa ɡboo o ɛ. Kɛ he ŋɔ haa on nyin, dɛ ŋɔ nɛn waa dɛ kpo nɛra laanee hɛɛ nyin kɛŋɔ Paelet foo ta dɛ́ ɡelo. 15Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la. 16O sɔnee ya yerɛ asɛ baa nɔ ɡbaŋre la. Yarada yaa dɛ yarada Yeesu la, a taa a che waa nɔ haa naa nɔ won ɛ la. O waa la yaa dɛ yarada la, a ɡbosoroo chah baa nɔ he bwa aa jemɔ nɔ la. He bwa ɡee naa kɛŋɔ o ɡbaŋrɔ.
17Yabala, n jemɔ kɛŋɔ bɛ jemaa ɡela he ne he nomonome ɛ Yeesu waa haa ɛo la. 18Korowii tɔ sie ɡel o keamere la bwa baɡle ŋɔ o Kristo la waa baɡɛ nyoa ŋɔ wɛɛ tomɔɔ ásɛ o ba lɛ yaa la dɛ́ ba waa nae. A ɡɛ waa la, kenii Korowii cheɡa a ba ɛ. 19Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba. 20Wɛɛ berɔɔ tomɛ Yeesu waa ɛ Kristo la he be. Onee o le ŋɔ ó ba lɛ heyaa la. 21A chɛ kɛŋɔ Yeesu do nyundua dɛ́ ka tel tɔɔ la wee Korowii aa ɛ wobɛlbwa kɛrɛdɛ ken, ɡɛ waa ɡela o keamere la baɡle la. 22Mosis baɡlɔ ŋɔ, ‘N Naa Korowii ɛɛ tomɛ o keamee ó ba bol o waa dɛɛ tɛ heyaa ɡɛ waa tom mɛ la. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol, dɛ́ ɛ ɡɛ bwa waa dɛ baɡle.#Mma 18:15 23Nomɛlbwa waa wola o wobol noɛ la, baa pero le Korowii nɛra binii dɛ́ kpoo!’
24Korowii keamere baa dɛ baɡle Korowii waa la, le Samoɛl bere saŋ ne banɔ la baa teŋɛ o nɛɛ bwa, ba bwaa baɡle waa aa dɛ ɛ fini nɔ wa. 25Korowii nyoa la waa baɡa dɛ ɡel o keamere bol la, heyaa o baɡɛ tɛ. Fɔo la Korowii ne he naawa aa fɔwa la laworomɛɛ hɛɛ di la. O ŋɔ Abraham be ŋɔ, ‘He naanar nɛɛ aa ba cheɡa n swee andɛɛɡa tɛ harɛ ta nɛra bwa.’#Mum 22:18 26A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”
Currently Selected:
We-ɛɛla 3: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 3
3
Pita chah boobi bɛl waa dɛ soŋe kwa
1Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa. 2Baa kaa tel dea la doonyoa la baa dɛ yerɔ Doonyodɛɛɡe la ta la, dɛ baa bɛl soɡe bela. Dɛ a ɡɛ baa la soɡe boobi o bechale saŋ bwa. Asɛ tɔpere bwa ba yon cheo ka so a ɡɛ doonyoa bela o kaa soŋe suuɡa nɛra baa dɛ jo Korowii Dea bela la be. 3Pita ne Jɔn aa dɛ ba dea bela joe la, o soŋ ba ŋɔ bá tɛo komɛl. 4Belaa ba pa sie o be, asɛ Pita ŋɔ, “Nyiŋi yaa!” 5Anee o nyiŋ ba dɛɛ lii kɛŋɔ baa tɛo komɛlee.
6Belaa Pita ŋɔ, “N ta suuɡa dɔe dɛ tɛɛ, kɛ mɛɛ tɛɛ kon n ɡe aa dɔa laanee. Yeesu Kristo waa le Nasarɛt la sɔn ta, ir dɛ́ valɛ!” 7Asɛ Pita lawɛ boobi la nɔndiɡ dɛ ɡɔɔro ir. Buɡ la ta, dɛ baa la nakpale ne o nalurumi denɔ do kpeɡri, 8o chuɡri ir che o naa anɛ la ta dɛɛ valɛ, asɛ o ne ba jo Korowii Dea bela. O kpɔ silɛɛ dɛɛ valɛ dɛɛ sa, dɛɛ kpɛɛ Korowii. 9Nɛra baa lɔ bela la bwa nao kɛŋɔ waa dɛ valɛ dɛɛ kpɛɛ Korowii. 10Baa naa kɛŋɔ boobi la o fa aa dɛ soŋe kwaa Doonyodɛɛɡe la ta laanee dɛɛ valɛ la, ba nyoa kpoo ba chara jeɡre kɛŋɔ waa bera won ir che dɛɛ valɛ la.
Pita bol waa baɡle nɛra Korowii Dea
11Baa la toɔh pɛl Pita ne Jɔn, asɛ ba ne o ka tel Korowii Dea la bobɛl baa dɛ yerɛ bela Solomɔn Pato la, asɛ nɛra la aa nao la, ba nyoa kpoo, asɛ ba bwa chwa biribiri ken dɛ ba Pita ne Jɔn ne baa la be bela. 12Pita aa na nɛra la, o bɔɔ ba ŋɔ, “Yabala Israel tena, ɛrɛɛ waa nɔ kpo he nyoa hɛɛ nyiŋi yaa ɡɛ nɔɔ? He dɛ lii ŋɔ ya ɡbaɡba kpeɡri ta kɛɛ ya nɛndɛɛɡa ɛɛ kohona waa baa nɔ won ir che dɛɛ valɛ nɔ kɛɛ? 13Gɛ laa. Korowii ya nabaala Abraham ne Aesek dɛ Jekɔb aa tomɔ la,#Kaa 3:6 on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?#Jɔn 19:20 14Wechɔɡa bɛlbwa toole o nɛ, wedɛɛɡa ɡboo o ɛ. Kɛ he ŋɔ haa on nyin, dɛ ŋɔ nɛn waa dɛ kpo nɛra laanee hɛɛ nyin kɛŋɔ Paelet foo ta dɛ́ ɡelo. 15Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la. 16O sɔnee ya yerɛ asɛ baa nɔ ɡbaŋre la. Yarada yaa dɛ yarada Yeesu la, a taa a che waa nɔ haa naa nɔ won ɛ la. O waa la yaa dɛ yarada la, a ɡbosoroo chah baa nɔ he bwa aa jemɔ nɔ la. He bwa ɡee naa kɛŋɔ o ɡbaŋrɔ.
17Yabala, n jemɔ kɛŋɔ bɛ jemaa ɡela he ne he nomonome ɛ Yeesu waa haa ɛo la. 18Korowii tɔ sie ɡel o keamere la bwa baɡle ŋɔ o Kristo la waa baɡɛ nyoa ŋɔ wɛɛ tomɔɔ ásɛ o ba lɛ yaa la dɛ́ ba waa nae. A ɡɛ waa la, kenii Korowii cheɡa a ba ɛ. 19Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba. 20Wɛɛ berɔɔ tomɛ Yeesu waa ɛ Kristo la he be. Onee o le ŋɔ ó ba lɛ heyaa la. 21A chɛ kɛŋɔ Yeesu do nyundua dɛ́ ka tel tɔɔ la wee Korowii aa ɛ wobɛlbwa kɛrɛdɛ ken, ɡɛ waa ɡela o keamere la baɡle la. 22Mosis baɡlɔ ŋɔ, ‘N Naa Korowii ɛɛ tomɛ o keamee ó ba bol o waa dɛɛ tɛ heyaa ɡɛ waa tom mɛ la. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol, dɛ́ ɛ ɡɛ bwa waa dɛ baɡle.#Mma 18:15 23Nomɛlbwa waa wola o wobol noɛ la, baa pero le Korowii nɛra binii dɛ́ kpoo!’
24Korowii keamere baa dɛ baɡle Korowii waa la, le Samoɛl bere saŋ ne banɔ la baa teŋɛ o nɛɛ bwa, ba bwaa baɡle waa aa dɛ ɛ fini nɔ wa. 25Korowii nyoa la waa baɡa dɛ ɡel o keamere bol la, heyaa o baɡɛ tɛ. Fɔo la Korowii ne he naawa aa fɔwa la laworomɛɛ hɛɛ di la. O ŋɔ Abraham be ŋɔ, ‘He naanar nɛɛ aa ba cheɡa n swee andɛɛɡa tɛ harɛ ta nɛra bwa.’#Mum 22:18 26A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.