We-ɛɛla 28
28
Pɔɔlwa kaa chuɡe ekwi harɛ Mɔlta ta
1Ya le nee la baŋ, dɛ le ya siswɛm la nyoa mɔɔ dɛ ta no kɛŋɔ ɡɛ ekwi harɛ la sɔne Mɔlta. 2Bela tena nyiŋi yaa kɛrɛdɛ. Yaa dena jo bela dɛ bwaala dɛ nɛ asɛ waa do le kohona, asɛ ba mar nii tɛ yaa ya ŋwee. 3Pɔɔl nyin daa ane ŋɔ ó kpɔ ba do nii la ta. Jaah harɛkon lɔ daa la ta. Waa doa nii ta bɔwɔb lawɛ harɛkon la, o leɔ dɛ choɡo, dɛ ka saɡɛ o nɔn ta.#Mak 16:18 4Bela tena la aa na harɛkon la Pɔɔl nɔn ta saɡa la, dɛ ba dɛ bol dɔŋa be ŋɔ, “Baa nɔ maɡaa kpo nɛn! Na waa le seo nyoa mpo ta asɛ o wechɔɡa taa ti o luɡe ɡɛ!” 5Pɔɔl mer harɛkon la ta nii la ta. O choɡa la ta on wobɛlbwa ɛɛ. 6Dɛ bela tena la te soɡo dɛɛ nyiŋi kɛŋɔ Pɔɔl nɔn la ɛɛ ɔrɔɔ, dɛ ŋɔ ɡɛ laa ɡe aa, wɛɛ choloo buɡ ta dɛ́ sewɛ. Baa soɡa dɛɛ nyiŋu kɛŋɔ wɛɛ sewɔɔ waa wola sewɛ wobɛlbwa aa wola on ɛɛ la, ba berɔ ŋɔ voɡ bɛlee ken berɛ nɛn ba ba be la.
7Dɛ nomoa waa dɛ nyiŋi bela harɛ la ta sɔne Publius. Dɛ on dɔ harɛre aa lɔ ba jwɛɛh bela la te bwa. O lɛ yaa dɛ nyiŋi yaa kɛrɛdɛ tɔpera atoro. 8Dɛ Publius mɛɛ bwara wɔrɔbɔ asɛ o chɔ. Dɛ o dɛ feeɡe ɡe. Pɔɔl jo o be dea dɛ kpɔ nɔɔra dawɛ o nɛ, dɛ soŋe Korowii tɛo, asɛ o ɡbaŋre. 9Gɛ waa nɔ aa ɛa la, bela tena ba bwara aa dɛ wee ba la ba Pɔɔl be, asɛ o soŋe Korowii tɛɛ ba ba ɡbaŋre. 10Ba kɛ yaa kwaa pirim. Yaa dɛ ba stiimae ta joe dɛ kaa la, ba tɛ yaa laala aa chɛ kɛ ya dɔ mɔɔ dɛ́ le la bwa.
Pɔɔlwa kaa tel Rom
11Ya di korobie atoro bela mɔɔ dɛ dɔ Alɛksandrea tena stiimae bɛl baa dɛ yerɔ Voɡkpara la bini jo. Peujen saŋ la aa tela la, stiimae la tena baa so Mɔlta, ásɛ peujena la tonɛ mɔɔ ba le. 12Yaa lea la, ya kaa choɡ bwɛɛ bɛl baa dɛ yerɔ Serakius la, dɛ di tɔpera atoro. 13Ya le bela dɛ la bwɛɛ bɛl baa dɛ yerɔ Rɛɡeɔm la. Tɔ aa pera la, dɛ peu bɛl tao le weekaŋle harɛbɔr dɛɛ ba. Tɔpera anɛɛ ya di ŋwɛnɛ ta dɛ tel bwɛɛ bɛl baa dɛ yerɔ Puteoli. 14Dɛ asɔre tena bane lɔ bela dɛ ŋɔ yá di yawanyoa ba be mɔɔ dɛ kaa. Belaa ya le dɛ ba Rom. 15Rom asɔre tena aa no ya waa la, ba baa cheme yaa Apius Yawa ta ne bela baa dɛ yerɛ Deene Atoro la bɔr. Pɔɔl aa na ba la, o bambile ba harɛ, asɛ o jam Korowii. 16Waa ba Rom la, ba tɛo o ɡbo dea, dɛ ɡel sooja beŋkpoŋ ɛɛ daahno.#Ɛfe 4:1
17Pɔɔl aa di tɔpera atoro Rom la, o yerɛ bela Juu tena nomonome bwa cheme dɛ ŋɔ ba be ŋɔ, “Yabala, n ta ya bwɛɛ tena wobɛlbwa ɛɛ, n ta ya naawa waa baa dɛ ɛ la bɛlbwa nɛɛ joɛ, asɛ ba laɡ mɛ Jerusalam, dɛ kpɔ mɛ tɛ Rom tena ba tɔ mɛ dea la. 18Ba ɡe aa nyiŋi n waa bini la, dɛ ba fe dɛ nyin n tae, dɛkalkɛ dɛ wobɛlbwa ta chaɡlɛ kɛŋɔ bá kpo mɛ ɡɛ ya bwɛɛ tena aa chaɡla la. 19Baa ŋɔa bá ta mɛ la, ya bwɛɛ tena ta sɛɛh kwaraa, asɛ n koh a waa ŋɔ amɔ te bá tel n ne Rom Koojen Siisa sie ó ka nyiŋi a ta. Kasinteŋ, dɛ anɔ laa aa, n ne ya bwɛɛ tena ta wobɛlbwa dɔe. 20A waa n ŋɔ a chɛ kɛ n na heya, ásɛ dɛ kpɔ bil he sie, dɛkalkɛ nɛn Juu tena bwa aa dɛ hwɛɡɛ o nɛɛ kɛŋɔ wɛɛ ba lɛ yaa la waa ba laɡ mɛ dɛ do mɛ jɔɡrɔre n nɔɔra nɔ.”
21Anee Juu tena la ŋɔ, “Ya bwɛɛ Juda harɛ tena ta yaa tɔn bɛlbwa chwerɛ dɛ baɡle he wobɛlbwa ya be. Yabala baa le ya bwɛɛ dɛɛ ba bonɔ nɔ ɡe bɛlbwa ta he wechɔɡe bɛlbwa bolɛ ya no. 22Yaa no he nyoa wobolee, dɛkalkɛŋɔ ya jemɔ kɛŋɔ he ŋwɛnɛfale nɔ haa kpɔ o ta dɛɛ tomɛ Korowii nɔ te, baa o waa nyin bobɛlbwa.”
23Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la. 24Nɛra la bane yarada o waa la, bane ɡe ta an yaradae. 25Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ,
“Korowii Domadɛɛɡe cheɡɛ
o keame Aesaya nɛɛ bol waa ya naawa be,
dɛ kpelaa o ŋɔ. O bolɔ ŋɔ,
26‘Ka ŋɔ nɛra la be ŋɔ,
“Hɛɛ noo kohona, kɛ haa a mun noe ba,
hɛɛ nyiŋuu kohona, kɛ haa a jema ba.#Aes 6:9-10
27Dɛkalkɛŋɔ nɛra nɔ bambile kpeɡri,
ba kpɔ nɔɔra tɔɔɡe deŋna, dɛ tɔɔɡe ba sibie ɡe.
A waa laa aa, ba sie fe ɛɛ nao,
ásɛ ba deŋna no, ásɛ ba jemɛ a mun,
dɛ́ charɛ ba liire ásɛ n lɛɛ ba.” ’ ”
28Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.” 29Pɔɔl aa bol waa tonɛ la, ba leɔ dɛɛ kaa dɛɛ tɔŋle dɔŋa kohona.
30Pɔɔl hane dea dɛ so o bini bene anɛ. Dɛ nɛra dɛ ba o be. O ta ba bɛlbwa berɛ. 31Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.
Currently Selected:
We-ɛɛla 28: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 28
28
Pɔɔlwa kaa chuɡe ekwi harɛ Mɔlta ta
1Ya le nee la baŋ, dɛ le ya siswɛm la nyoa mɔɔ dɛ ta no kɛŋɔ ɡɛ ekwi harɛ la sɔne Mɔlta. 2Bela tena nyiŋi yaa kɛrɛdɛ. Yaa dena jo bela dɛ bwaala dɛ nɛ asɛ waa do le kohona, asɛ ba mar nii tɛ yaa ya ŋwee. 3Pɔɔl nyin daa ane ŋɔ ó kpɔ ba do nii la ta. Jaah harɛkon lɔ daa la ta. Waa doa nii ta bɔwɔb lawɛ harɛkon la, o leɔ dɛ choɡo, dɛ ka saɡɛ o nɔn ta.#Mak 16:18 4Bela tena la aa na harɛkon la Pɔɔl nɔn ta saɡa la, dɛ ba dɛ bol dɔŋa be ŋɔ, “Baa nɔ maɡaa kpo nɛn! Na waa le seo nyoa mpo ta asɛ o wechɔɡa taa ti o luɡe ɡɛ!” 5Pɔɔl mer harɛkon la ta nii la ta. O choɡa la ta on wobɛlbwa ɛɛ. 6Dɛ bela tena la te soɡo dɛɛ nyiŋi kɛŋɔ Pɔɔl nɔn la ɛɛ ɔrɔɔ, dɛ ŋɔ ɡɛ laa ɡe aa, wɛɛ choloo buɡ ta dɛ́ sewɛ. Baa soɡa dɛɛ nyiŋu kɛŋɔ wɛɛ sewɔɔ waa wola sewɛ wobɛlbwa aa wola on ɛɛ la, ba berɔ ŋɔ voɡ bɛlee ken berɛ nɛn ba ba be la.
7Dɛ nomoa waa dɛ nyiŋi bela harɛ la ta sɔne Publius. Dɛ on dɔ harɛre aa lɔ ba jwɛɛh bela la te bwa. O lɛ yaa dɛ nyiŋi yaa kɛrɛdɛ tɔpera atoro. 8Dɛ Publius mɛɛ bwara wɔrɔbɔ asɛ o chɔ. Dɛ o dɛ feeɡe ɡe. Pɔɔl jo o be dea dɛ kpɔ nɔɔra dawɛ o nɛ, dɛ soŋe Korowii tɛo, asɛ o ɡbaŋre. 9Gɛ waa nɔ aa ɛa la, bela tena ba bwara aa dɛ wee ba la ba Pɔɔl be, asɛ o soŋe Korowii tɛɛ ba ba ɡbaŋre. 10Ba kɛ yaa kwaa pirim. Yaa dɛ ba stiimae ta joe dɛ kaa la, ba tɛ yaa laala aa chɛ kɛ ya dɔ mɔɔ dɛ́ le la bwa.
Pɔɔlwa kaa tel Rom
11Ya di korobie atoro bela mɔɔ dɛ dɔ Alɛksandrea tena stiimae bɛl baa dɛ yerɔ Voɡkpara la bini jo. Peujen saŋ la aa tela la, stiimae la tena baa so Mɔlta, ásɛ peujena la tonɛ mɔɔ ba le. 12Yaa lea la, ya kaa choɡ bwɛɛ bɛl baa dɛ yerɔ Serakius la, dɛ di tɔpera atoro. 13Ya le bela dɛ la bwɛɛ bɛl baa dɛ yerɔ Rɛɡeɔm la. Tɔ aa pera la, dɛ peu bɛl tao le weekaŋle harɛbɔr dɛɛ ba. Tɔpera anɛɛ ya di ŋwɛnɛ ta dɛ tel bwɛɛ bɛl baa dɛ yerɔ Puteoli. 14Dɛ asɔre tena bane lɔ bela dɛ ŋɔ yá di yawanyoa ba be mɔɔ dɛ kaa. Belaa ya le dɛ ba Rom. 15Rom asɔre tena aa no ya waa la, ba baa cheme yaa Apius Yawa ta ne bela baa dɛ yerɛ Deene Atoro la bɔr. Pɔɔl aa na ba la, o bambile ba harɛ, asɛ o jam Korowii. 16Waa ba Rom la, ba tɛo o ɡbo dea, dɛ ɡel sooja beŋkpoŋ ɛɛ daahno.#Ɛfe 4:1
17Pɔɔl aa di tɔpera atoro Rom la, o yerɛ bela Juu tena nomonome bwa cheme dɛ ŋɔ ba be ŋɔ, “Yabala, n ta ya bwɛɛ tena wobɛlbwa ɛɛ, n ta ya naawa waa baa dɛ ɛ la bɛlbwa nɛɛ joɛ, asɛ ba laɡ mɛ Jerusalam, dɛ kpɔ mɛ tɛ Rom tena ba tɔ mɛ dea la. 18Ba ɡe aa nyiŋi n waa bini la, dɛ ba fe dɛ nyin n tae, dɛkalkɛ dɛ wobɛlbwa ta chaɡlɛ kɛŋɔ bá kpo mɛ ɡɛ ya bwɛɛ tena aa chaɡla la. 19Baa ŋɔa bá ta mɛ la, ya bwɛɛ tena ta sɛɛh kwaraa, asɛ n koh a waa ŋɔ amɔ te bá tel n ne Rom Koojen Siisa sie ó ka nyiŋi a ta. Kasinteŋ, dɛ anɔ laa aa, n ne ya bwɛɛ tena ta wobɛlbwa dɔe. 20A waa n ŋɔ a chɛ kɛ n na heya, ásɛ dɛ kpɔ bil he sie, dɛkalkɛ nɛn Juu tena bwa aa dɛ hwɛɡɛ o nɛɛ kɛŋɔ wɛɛ ba lɛ yaa la waa ba laɡ mɛ dɛ do mɛ jɔɡrɔre n nɔɔra nɔ.”
21Anee Juu tena la ŋɔ, “Ya bwɛɛ Juda harɛ tena ta yaa tɔn bɛlbwa chwerɛ dɛ baɡle he wobɛlbwa ya be. Yabala baa le ya bwɛɛ dɛɛ ba bonɔ nɔ ɡe bɛlbwa ta he wechɔɡe bɛlbwa bolɛ ya no. 22Yaa no he nyoa wobolee, dɛkalkɛŋɔ ya jemɔ kɛŋɔ he ŋwɛnɛfale nɔ haa kpɔ o ta dɛɛ tomɛ Korowii nɔ te, baa o waa nyin bobɛlbwa.”
23Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la. 24Nɛra la bane yarada o waa la, bane ɡe ta an yaradae. 25Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ,
“Korowii Domadɛɛɡe cheɡɛ
o keame Aesaya nɛɛ bol waa ya naawa be,
dɛ kpelaa o ŋɔ. O bolɔ ŋɔ,
26‘Ka ŋɔ nɛra la be ŋɔ,
“Hɛɛ noo kohona, kɛ haa a mun noe ba,
hɛɛ nyiŋuu kohona, kɛ haa a jema ba.#Aes 6:9-10
27Dɛkalkɛŋɔ nɛra nɔ bambile kpeɡri,
ba kpɔ nɔɔra tɔɔɡe deŋna, dɛ tɔɔɡe ba sibie ɡe.
A waa laa aa, ba sie fe ɛɛ nao,
ásɛ ba deŋna no, ásɛ ba jemɛ a mun,
dɛ́ charɛ ba liire ásɛ n lɛɛ ba.” ’ ”
28Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.” 29Pɔɔl aa bol waa tonɛ la, ba leɔ dɛɛ kaa dɛɛ tɔŋle dɔŋa kohona.
30Pɔɔl hane dea dɛ so o bini bene anɛ. Dɛ nɛra dɛ ba o be. O ta ba bɛlbwa berɛ. 31Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.