We-ɛɛla 10
10
Pita ne Kɔnɛɛleɔs
1Dɛ baa bɛl lɔ Sisaaria baa yerɔ Kɔnɛɛleɔs. Itali harɛ soojare bane nomoaa on. 2O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa. 3Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”
4Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?”
Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae. 5Tomɛ nɛra ba la Jopa dɛ́ ka yerɛ Seemɔn Pita ba. 6O ɛ hɔɔh dɛ do ɡbansaba te bɛl waa soɡe mpo nyoa baa yerɔ Seemɔn la dem.”
7Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la, 8dɛ bol waa la bwa chaɡ ba, dɛ tom ba Jopa.
Pita wepila waa naa
9Tɔ aa pera baa kaa dɛ ka tel bwɛjen Jopa la, Pita teeh sal dea webaŋa dɛɛ ba Korowii soŋa. Dɛ wee cheɡɛ nyufala. 10Dɛ lɔr lawɔ, asɛ wɛɛ nyin kwaa dɛ́ di, kɛ dɛ ba ta dɛ ɛ o kondikwa. Belaa o na wepila ane. 11O nao kɛŋɔ nyundua aa pera, asɛ ba lawɛ komɛl kɛŋɔ yajen o nyoo bɔre anaarɛ bwa, kwaane do o ta a saɡɛ jɛɛhjɛɛh dɛ le nyundua dɛɛ ba harɛ. 12Dɛ naa anaarɛ tena ne ola aa lɔ harɛ ta dɛɛ tuuɡi tea ta ne anɔ la aa dɛ huuh, dɛ jumbii aa dɛ ɡah bwa lɔ yal la ta. 13Belaa Pita no kɛŋɔ nomɛl aa ŋɔ o be ŋɔ, “Pita! Ir dɛ́ kpo chwe!”
14Asɛ Pita ŋɔ, “Ei! N Dɔɔ, ɡɛ aa won maɡre. N ta a ɡɛ koŋkiila dii bwa.”#Lew 11:2-47
15Anee naate berɛ ŋɔ o be nɛɛtena ŋɔ, “Kon Korowii aa laa o doŋa kpɔ o nɛɛ la, bɛ on kondoŋ yerɛ kpa.”#1Ti 4:4-5 16A ɡɛ waa nɔ ɛo kera atoro mɔɔ kon la berɛ kaa nyundua.
17Pita aa wola waa la mun jemɛ dɛ so sakaa la, kerabeŋkpoŋ dɛ nɛra Kɔnɛɛleɔs aa tom ba la balɔ. Ba bɔɔ Seemɔn dem dɛ ka che dem la doonyoa, 18dɛ yerɛ nomɛl dɛ bɔɔro ŋɔ, “Seemɔn la baa dɛ yerɔ Pita la lɔ dem nɔ ta kɛɛ?”
19Pita liire aa lɔ waa la ta o ta ɛɛ lii la, Korowii Domadɛɛɡe ŋɔ o be ŋɔ, “Nɛra batoro bane dɛ nyin he bɔr, 20anomanta, bɛ ɔmɛ. La ba be, dɛkalkɛŋɔ menee tom ba.” 21Anee Pita ir la nɛra la be dɛ ka ŋɔ ba be ŋɔ, “Men nɔ, a som aa?”
22Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.” 23Belaa Pita ŋɔ ba be ŋɔ bá chɔ o be, ásɛ tɔɔ per ba kaa.
Tɔ aa pera la, Pita bala asɔre tena baa lɔ Jopa la bane ja o nɛɛ asɛ ba ne toroma la kaa. 24Baa lea la, tɔɔ perɔ mɔɔ ba tel Sisaaria. Dɛ Kɔnɛɛleɔs yerɛ o lolanar ne o daamanar cheme dɛ so dɛɛ kpa Pita. 25Waa tel Kɔnɛɛleɔs dem bela dɛɛ ba dem la bini joe la, Kɔnɛɛleɔs baa chemo dɛ ɡuŋi harɛ. 26Anee Pita lawɔ ir dɛ ŋɔ, “Ir harɛ, he nɛwɛnyini dɔŋee men.”
27Pita ne o bol waa ka jo dem bela. Belaa Pita na kɛŋɔ nɛra cheme bela pirim, 28asɛ o ŋɔ ba be ŋɔ, “He ɡbabir jemɔ kɛŋɔ ya Juu tena aa nɛra baa wola Juu tena ɛɛ bini jo. Kɛ Korowii berɔ ŋɔ n be ŋɔ n bɛ nomɛlbwa nɛndoŋ yerɛ. 29A waa he yer mɛ n ba warane la. N dɛ bɔɔ heyaa ŋɔ ɛrɛɛ he ŋɔ ń ba ɛɔ?”
30Belaa Kɔnɛɛleɔs ŋɔ, “Tɔpera anaarɛɛ nɔ, maa lɔ n dem saŋ nɔ bɔr tenten dɛɛ soŋe Korowii wekee saŋ la, kerabeŋkpoŋ dɛ baa bɛl waa do laalapoŋa kpelkpel cheɡɛ n sie 31dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa. 32Tomɛ nomɛl Jopa baa bɛl baa dɛ yerɔ Seemɔn Pita la be ó ka yerɔ ba. O ɛ hɔɔh dɛ do ɡbansaba te bɛl waa soɡe mpo nyoa baa yerɔ Seemɔn la dem.’ 33A waa n tomɛ nɛra he be warane la. He ɡe ɛ waa kɛŋɔ haa bala nɔ. A waa ya bwa cheme Korowii sie bonɔ la. Ya dɛ nyin waa Korowii aa ŋɔa hé ba bol ya be la dɛ́ no.”
34Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.#Mma 10:17; Rom 2:11 35Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ. 36He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ. 37Jɔn o fa aa dɛ sɔ nɛra Korowii nee la toma la habɔɔ Yeesu waa che, dɛ perɛ Juda harɛ bwa la. Galilia harɛɛ a pa mun. 38He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.
39O waa waa ɛa Juda harɛ ta ne Jerusalam la bwaa ya na dɛɛ di a danseɛ. Ba kpaaro pɛl daɡaɡre ta dɛ kpoo. 40Asɛ o seo habɔɔ tɔpetooro wee la ta la, Korowii iru seo ta, dɛ ɡel o kpɔ o te ba chaɡle yaa. 41Korowii ta ɡelɛ o kpɔ o te chaɡle nomɛlbwa ka ja ya nɛra waa le yaa ŋɔ yá di o danseɛ nɔ nɛ. Ya ɡɛ nɛra nɔ ne o pɛ nɔn di kwaa o seo ta ira la habɔɔ. 42Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa. 43Korowii keamere la bwa bol Yeesu waa ŋɔ nomɛlbwa waa yarada o waa la, o nomanta, Korowii ɛɛ kpɔ naate wechɔɡaa kɛo.”
44Pita ta aa dɛ bol waa la, dɛ Korowii Domadɛɛɡe baa so nɛra baa dɛ no o wobol la bwa nɛ. 45Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ, 46dɛ ɡel baa bol wobofala dɛɛ jam Korowii la.
Belaa Pita ŋɔ, 47“Gɛ tenten Korowii aa tɛ yaa o Domadɛɛɡe laanee o tɛ nɛra nɔ ɡe la. Aah aa do ɡɛ nɔ, umee dɛ́ won vɔm ba Korowii nee sɔe yɔ?” 48Belaa Pita ŋɔ bá sɔ ba nee Yeesu Kristo sɔn ta. Baa sɔ nɛra la nee tonɛ la, ba ɡelɔ Pita so ba be tɔpera anɛ.
Currently Selected:
We-ɛɛla 10: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 10
10
Pita ne Kɔnɛɛleɔs
1Dɛ baa bɛl lɔ Sisaaria baa yerɔ Kɔnɛɛleɔs. Itali harɛ soojare bane nomoaa on. 2O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa. 3Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”
4Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?”
Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae. 5Tomɛ nɛra ba la Jopa dɛ́ ka yerɛ Seemɔn Pita ba. 6O ɛ hɔɔh dɛ do ɡbansaba te bɛl waa soɡe mpo nyoa baa yerɔ Seemɔn la dem.”
7Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la, 8dɛ bol waa la bwa chaɡ ba, dɛ tom ba Jopa.
Pita wepila waa naa
9Tɔ aa pera baa kaa dɛ ka tel bwɛjen Jopa la, Pita teeh sal dea webaŋa dɛɛ ba Korowii soŋa. Dɛ wee cheɡɛ nyufala. 10Dɛ lɔr lawɔ, asɛ wɛɛ nyin kwaa dɛ́ di, kɛ dɛ ba ta dɛ ɛ o kondikwa. Belaa o na wepila ane. 11O nao kɛŋɔ nyundua aa pera, asɛ ba lawɛ komɛl kɛŋɔ yajen o nyoo bɔre anaarɛ bwa, kwaane do o ta a saɡɛ jɛɛhjɛɛh dɛ le nyundua dɛɛ ba harɛ. 12Dɛ naa anaarɛ tena ne ola aa lɔ harɛ ta dɛɛ tuuɡi tea ta ne anɔ la aa dɛ huuh, dɛ jumbii aa dɛ ɡah bwa lɔ yal la ta. 13Belaa Pita no kɛŋɔ nomɛl aa ŋɔ o be ŋɔ, “Pita! Ir dɛ́ kpo chwe!”
14Asɛ Pita ŋɔ, “Ei! N Dɔɔ, ɡɛ aa won maɡre. N ta a ɡɛ koŋkiila dii bwa.”#Lew 11:2-47
15Anee naate berɛ ŋɔ o be nɛɛtena ŋɔ, “Kon Korowii aa laa o doŋa kpɔ o nɛɛ la, bɛ on kondoŋ yerɛ kpa.”#1Ti 4:4-5 16A ɡɛ waa nɔ ɛo kera atoro mɔɔ kon la berɛ kaa nyundua.
17Pita aa wola waa la mun jemɛ dɛ so sakaa la, kerabeŋkpoŋ dɛ nɛra Kɔnɛɛleɔs aa tom ba la balɔ. Ba bɔɔ Seemɔn dem dɛ ka che dem la doonyoa, 18dɛ yerɛ nomɛl dɛ bɔɔro ŋɔ, “Seemɔn la baa dɛ yerɔ Pita la lɔ dem nɔ ta kɛɛ?”
19Pita liire aa lɔ waa la ta o ta ɛɛ lii la, Korowii Domadɛɛɡe ŋɔ o be ŋɔ, “Nɛra batoro bane dɛ nyin he bɔr, 20anomanta, bɛ ɔmɛ. La ba be, dɛkalkɛŋɔ menee tom ba.” 21Anee Pita ir la nɛra la be dɛ ka ŋɔ ba be ŋɔ, “Men nɔ, a som aa?”
22Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.” 23Belaa Pita ŋɔ ba be ŋɔ bá chɔ o be, ásɛ tɔɔ per ba kaa.
Tɔ aa pera la, Pita bala asɔre tena baa lɔ Jopa la bane ja o nɛɛ asɛ ba ne toroma la kaa. 24Baa lea la, tɔɔ perɔ mɔɔ ba tel Sisaaria. Dɛ Kɔnɛɛleɔs yerɛ o lolanar ne o daamanar cheme dɛ so dɛɛ kpa Pita. 25Waa tel Kɔnɛɛleɔs dem bela dɛɛ ba dem la bini joe la, Kɔnɛɛleɔs baa chemo dɛ ɡuŋi harɛ. 26Anee Pita lawɔ ir dɛ ŋɔ, “Ir harɛ, he nɛwɛnyini dɔŋee men.”
27Pita ne o bol waa ka jo dem bela. Belaa Pita na kɛŋɔ nɛra cheme bela pirim, 28asɛ o ŋɔ ba be ŋɔ, “He ɡbabir jemɔ kɛŋɔ ya Juu tena aa nɛra baa wola Juu tena ɛɛ bini jo. Kɛ Korowii berɔ ŋɔ n be ŋɔ n bɛ nomɛlbwa nɛndoŋ yerɛ. 29A waa he yer mɛ n ba warane la. N dɛ bɔɔ heyaa ŋɔ ɛrɛɛ he ŋɔ ń ba ɛɔ?”
30Belaa Kɔnɛɛleɔs ŋɔ, “Tɔpera anaarɛɛ nɔ, maa lɔ n dem saŋ nɔ bɔr tenten dɛɛ soŋe Korowii wekee saŋ la, kerabeŋkpoŋ dɛ baa bɛl waa do laalapoŋa kpelkpel cheɡɛ n sie 31dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa. 32Tomɛ nomɛl Jopa baa bɛl baa dɛ yerɔ Seemɔn Pita la be ó ka yerɔ ba. O ɛ hɔɔh dɛ do ɡbansaba te bɛl waa soɡe mpo nyoa baa yerɔ Seemɔn la dem.’ 33A waa n tomɛ nɛra he be warane la. He ɡe ɛ waa kɛŋɔ haa bala nɔ. A waa ya bwa cheme Korowii sie bonɔ la. Ya dɛ nyin waa Korowii aa ŋɔa hé ba bol ya be la dɛ́ no.”
34Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.#Mma 10:17; Rom 2:11 35Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ. 36He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ. 37Jɔn o fa aa dɛ sɔ nɛra Korowii nee la toma la habɔɔ Yeesu waa che, dɛ perɛ Juda harɛ bwa la. Galilia harɛɛ a pa mun. 38He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.
39O waa waa ɛa Juda harɛ ta ne Jerusalam la bwaa ya na dɛɛ di a danseɛ. Ba kpaaro pɛl daɡaɡre ta dɛ kpoo. 40Asɛ o seo habɔɔ tɔpetooro wee la ta la, Korowii iru seo ta, dɛ ɡel o kpɔ o te ba chaɡle yaa. 41Korowii ta ɡelɛ o kpɔ o te chaɡle nomɛlbwa ka ja ya nɛra waa le yaa ŋɔ yá di o danseɛ nɔ nɛ. Ya ɡɛ nɛra nɔ ne o pɛ nɔn di kwaa o seo ta ira la habɔɔ. 42Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa. 43Korowii keamere la bwa bol Yeesu waa ŋɔ nomɛlbwa waa yarada o waa la, o nomanta, Korowii ɛɛ kpɔ naate wechɔɡaa kɛo.”
44Pita ta aa dɛ bol waa la, dɛ Korowii Domadɛɛɡe baa so nɛra baa dɛ no o wobol la bwa nɛ. 45Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ, 46dɛ ɡel baa bol wobofala dɛɛ jam Korowii la.
Belaa Pita ŋɔ, 47“Gɛ tenten Korowii aa tɛ yaa o Domadɛɛɡe laanee o tɛ nɛra nɔ ɡe la. Aah aa do ɡɛ nɔ, umee dɛ́ won vɔm ba Korowii nee sɔe yɔ?” 48Belaa Pita ŋɔ bá sɔ ba nee Yeesu Kristo sɔn ta. Baa sɔ nɛra la nee tonɛ la, ba ɡelɔ Pita so ba be tɔpera anɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.