2 Timoti 3
3
Tɔpera aa ka mun wa
1Jemɛ kɛŋɔ tɔpera aa ba ka mun ba la, aa do kpeɡrii tɛ nɛra, 2dɛkalkɛ nɛra ɛɛ dɛɛ nyin ba ɡbaɡbaa ɡwaa komɛlbwa, dɛɛ nyin suuɡa sibeɡra ne, dɛɛ ɛ mbarafo, dɛɛ ɛ jenu, dɛ bol waa dɛɛ yaɡɛ nɛra, dɛ ɛ deŋnekpeɡ tena baa wola ba eehnanar waa no, dɛ ɛ boniayɛ tena, dɛ ɛ ba te nɛndoŋa. 3Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa. 4Baa ɛ bwɛpaɡre nɛraa, ba sie ɛɛ do wɔrɔbee, dɛɛ maŋkura ba te. Baa kpɔ silɛɛ kwaa ɡwaa Korowii. 5Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.
6Gɛ nɛra nɔ bini banee yon kpɔ ŋwɛnɛre ane ta dɛ́ sɔh jo deremi ta, ásɛ dɛɛ dɔ haahna ba wechɔɡa aa ɡwaa ba nɛɛ ba sie ɛɛ yal ba ba pɛlchɔɡa ta la, ba yon dɛɛ teŋɛ ba nɛ. 7A ɡɛ haahna la dɛ hweli waa tɔperee te bɛlbwa, kɛ kasinteŋ waa aa lɔ waa la bini la te, baa won an jemɛ bwa. 8Gɛ Janes ne Jambɛs aa vuuɡi Mosis la, ɡɛɛ a ɡɛ baala nɔ ɡe ɛɛ vuuɡi kasinteŋ waa la. Ba liire aa were. Baa vɛh kasinteŋ waa la yaradae nomanta, Korowii vɛɛh ba.#Kaa 7:11 9Ba we-ɛɛla aa won tel sie bobɛlbwa, dɛkalkɛŋɔ ɡɛ a saŋ la tena aa na Janes ne Jambɛs ɡɛna la, ɡɛɛ nɛra ɛɛ na ba ɡe ɡɛna ɡɛ.
Pɔɔl ɡbemba waa do Timoti
10He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa. 11Fiiɡa baa fiɡ mɛ ne n wenaale maa naa Anteɔk, Ikooniam ne Lestra, n lawɛ bambile a bwa ta la, he jemɛ a bwa. Kɛ ya Dɔɔ la cha mɛ dɛ lɛɛ mɛ a ɡɛ waa la bwa ta.#Weɛ 13:50-52; 14:1-7, 19-20 12Kasinteŋ, nomɛlbwa waa dɛ nyin kɛ o ne Yeesu Kristo pɛ o soɡa bini o waa su Korowii siwi la, baa ɛo hɔhɔrɔwaa. 13Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe. 14Kɛ he te, dɛɛ teŋɛ kasinteŋ webaɡla haa hwela dɛ jemɛ kɛ a ɛ kasinteŋ la ta. Bɛ ɡel bwa. He jemɛ nɛra baa baɡle ɡɛ waa la, dɛɛ yarada ba ɡe. 15He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ. 16Korowii Tɔn bini waa bwa, Korowiirii kpɔa do nɛra liire ta ba chwera. A wer kɛ ba kpɔa dɛɛ baɡle nɛra wa, dɛ kpɔa dɛɛ kah nɛra ba wechɔɡa ta, dɛ kpɔa dɛɛ toɡre nɛra, dɛ kpɔa dɛɛ chaɡle nɛra waa aa dɛ su Korowii siwi. 17Anee dɛ won cha Korowii nɛn ó won ɛ wedɛɛɡa bwa ka tonɛ.
Currently Selected:
2 Timoti 3: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
2 Timoti 3
3
Tɔpera aa ka mun wa
1Jemɛ kɛŋɔ tɔpera aa ba ka mun ba la, aa do kpeɡrii tɛ nɛra, 2dɛkalkɛ nɛra ɛɛ dɛɛ nyin ba ɡbaɡbaa ɡwaa komɛlbwa, dɛɛ nyin suuɡa sibeɡra ne, dɛɛ ɛ mbarafo, dɛɛ ɛ jenu, dɛ bol waa dɛɛ yaɡɛ nɛra, dɛ ɛ deŋnekpeɡ tena baa wola ba eehnanar waa no, dɛ ɛ boniayɛ tena, dɛ ɛ ba te nɛndoŋa. 3Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa. 4Baa ɛ bwɛpaɡre nɛraa, ba sie ɛɛ do wɔrɔbee, dɛɛ maŋkura ba te. Baa kpɔ silɛɛ kwaa ɡwaa Korowii. 5Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.
6Gɛ nɛra nɔ bini banee yon kpɔ ŋwɛnɛre ane ta dɛ́ sɔh jo deremi ta, ásɛ dɛɛ dɔ haahna ba wechɔɡa aa ɡwaa ba nɛɛ ba sie ɛɛ yal ba ba pɛlchɔɡa ta la, ba yon dɛɛ teŋɛ ba nɛ. 7A ɡɛ haahna la dɛ hweli waa tɔperee te bɛlbwa, kɛ kasinteŋ waa aa lɔ waa la bini la te, baa won an jemɛ bwa. 8Gɛ Janes ne Jambɛs aa vuuɡi Mosis la, ɡɛɛ a ɡɛ baala nɔ ɡe ɛɛ vuuɡi kasinteŋ waa la. Ba liire aa were. Baa vɛh kasinteŋ waa la yaradae nomanta, Korowii vɛɛh ba.#Kaa 7:11 9Ba we-ɛɛla aa won tel sie bobɛlbwa, dɛkalkɛŋɔ ɡɛ a saŋ la tena aa na Janes ne Jambɛs ɡɛna la, ɡɛɛ nɛra ɛɛ na ba ɡe ɡɛna ɡɛ.
Pɔɔl ɡbemba waa do Timoti
10He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa. 11Fiiɡa baa fiɡ mɛ ne n wenaale maa naa Anteɔk, Ikooniam ne Lestra, n lawɛ bambile a bwa ta la, he jemɛ a bwa. Kɛ ya Dɔɔ la cha mɛ dɛ lɛɛ mɛ a ɡɛ waa la bwa ta.#Weɛ 13:50-52; 14:1-7, 19-20 12Kasinteŋ, nomɛlbwa waa dɛ nyin kɛ o ne Yeesu Kristo pɛ o soɡa bini o waa su Korowii siwi la, baa ɛo hɔhɔrɔwaa. 13Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe. 14Kɛ he te, dɛɛ teŋɛ kasinteŋ webaɡla haa hwela dɛ jemɛ kɛ a ɛ kasinteŋ la ta. Bɛ ɡel bwa. He jemɛ nɛra baa baɡle ɡɛ waa la, dɛɛ yarada ba ɡe. 15He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ. 16Korowii Tɔn bini waa bwa, Korowiirii kpɔa do nɛra liire ta ba chwera. A wer kɛ ba kpɔa dɛɛ baɡle nɛra wa, dɛ kpɔa dɛɛ kah nɛra ba wechɔɡa ta, dɛ kpɔa dɛɛ toɡre nɛra, dɛ kpɔa dɛɛ chaɡle nɛra waa aa dɛ su Korowii siwi. 17Anee dɛ won cha Korowii nɛn ó won ɛ wedɛɛɡa bwa ka tonɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.