2 Kɔrent 12
12
Pɔɔl wepila ne chaahna waa naa
1A chɛ kɛ n maŋkura n te. N jemɔ kɛ aa wobɛlbwa kwaa te. Mɛɛ baɡle chaahna Korowii aa ɡela n na, ne waa waa pila baɡ mɛ. 2N jemɛ asɔre te baa bɛl. Dɛ ɛ bene fi dɛ anaarɛɛ nɔ Korowii aa keeru kaa o be nyundujaɡla. Dɛ o nɛndaa ɡbabirii kaa nyundua oo, dɛ o lileo ɡboo kaa bela oo, maa jemɛ. Korowii ɡboo jema. 3N jemɔ kɛ ba lawɔ kaa nyundua, kɛ anee n bol la, o nɛndaa ɡbabirii kaa bela oo, dɛ o lileo ɡboo kaa bela oo, Korowii ɡboo jema. 4Korowii la o ne o be, o ka no waane nɛwɛnyini aa wola won bola. Korowii ta ŋwɛnɛ tɛɛ kɛ nɛwɛnyini bola. 5N ŋɔ n maŋkura n te naa, ɡɛ nɛn nɔɔ mɛɛ ba kpɔe maŋkura n te. Maa n ɡbaɡba we-ɛɛlaa kpɔ maŋkura n te, nemenɛ n nɛŋɡwɛɡre ɛɛ ɡbo ta. 6Dɛ n ŋɔ ń kpɔ n ɡbaɡba we-ɛɛla maŋkura n te kwaraa naa, ɡɛnewaa laa te, dɛkalkɛŋɔ a ɛ kasinteŋ. Menee ɡɛ nɛn la, kɛ maa nyin n kpɔ ɡɛ waa la maŋkura n te. Dɛ n waa maa dɛ ɛ nɛra ɛɛ na, ne anɔ la baa dɛ no ta laa aa, maa nyin kɛ nɛra kpɛɛ mɛ wobɛlbwa ta.
7Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo. 8Kera atoro bwaa n soŋe Korowii kɛŋɔ o laa a ɡɛ waa nɔ kpɔ n nɛ, 9asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.#Aes 43:2 10N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.
Gɛ Pɔɔl siwi aa swɛɛ Kɔrent tena nɛ
11N bol waa kɛ ɡɛne, kɛ heyaa ɡela n ɛ ɡɛ. Heyaa chɛ kɛ hé fe ɛɛ tɛ mɛ sɔn. A lole kɛ n waa aa bobɛlbwa tel te, kɛ nɛra baa dɛ maŋkura ba te ɡwaa Yeesu Kristo toroma la, ba bɛlbwa ta men ɡwaalɛ wobɛlbwa ta. 12N fa aa lɔ he be la, n lawɛ bambile kɛrɛdɛ dɛɛ ɛ waa aa chaɡla kɛŋɔ Yeesu toroma la bɛlee men. Wekpeɡa ne nyokpowaa bwaa n ɛ. 13Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!
14N tooro tenaa nɔ maa kpɔ n te dɛɛ ba he be bala dɛ́ ba chɔɔ heya. Maa heyaa komɛlbwa bɔɔra ba. He waa hiah mɛ, he suuɡa laa hiah mɛ. Bechale ne ba mɛɛ, umee dɛɛ nyiŋi o dɔŋ ɔ? 15N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ? 16He nao kɛŋɔ n ta n te kpɔe dawɛ he nɛɛ kenɛ? Kɛ nomɛl ɡee ŋɔɔ n sie pilo to mɛɛ neɡre heya. 17Nɛra n fa aa tom ba he be la, n cheɡɛ ba bini bane nɛɛ dɛ neɡre heyaa di aa? 18Men soŋe Taetos dɛ tomɛ o ne ya dɔŋ asɔre te la he be. Hɛɛ wonoo ŋɔ Taetos baa neɡre heyaa di aa? Dabeŋkpoŋ laa n ne o kpoŋaa? Ya bwa we-ɛɛla ta beŋkpoŋ ɛɛ yaa?
19Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ. 20N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee. 21Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.
Currently Selected:
2 Kɔrent 12: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
2 Kɔrent 12
12
Pɔɔl wepila ne chaahna waa naa
1A chɛ kɛ n maŋkura n te. N jemɔ kɛ aa wobɛlbwa kwaa te. Mɛɛ baɡle chaahna Korowii aa ɡela n na, ne waa waa pila baɡ mɛ. 2N jemɛ asɔre te baa bɛl. Dɛ ɛ bene fi dɛ anaarɛɛ nɔ Korowii aa keeru kaa o be nyundujaɡla. Dɛ o nɛndaa ɡbabirii kaa nyundua oo, dɛ o lileo ɡboo kaa bela oo, maa jemɛ. Korowii ɡboo jema. 3N jemɔ kɛ ba lawɔ kaa nyundua, kɛ anee n bol la, o nɛndaa ɡbabirii kaa bela oo, dɛ o lileo ɡboo kaa bela oo, Korowii ɡboo jema. 4Korowii la o ne o be, o ka no waane nɛwɛnyini aa wola won bola. Korowii ta ŋwɛnɛ tɛɛ kɛ nɛwɛnyini bola. 5N ŋɔ n maŋkura n te naa, ɡɛ nɛn nɔɔ mɛɛ ba kpɔe maŋkura n te. Maa n ɡbaɡba we-ɛɛlaa kpɔ maŋkura n te, nemenɛ n nɛŋɡwɛɡre ɛɛ ɡbo ta. 6Dɛ n ŋɔ ń kpɔ n ɡbaɡba we-ɛɛla maŋkura n te kwaraa naa, ɡɛnewaa laa te, dɛkalkɛŋɔ a ɛ kasinteŋ. Menee ɡɛ nɛn la, kɛ maa nyin n kpɔ ɡɛ waa la maŋkura n te. Dɛ n waa maa dɛ ɛ nɛra ɛɛ na, ne anɔ la baa dɛ no ta laa aa, maa nyin kɛ nɛra kpɛɛ mɛ wobɛlbwa ta.
7Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo. 8Kera atoro bwaa n soŋe Korowii kɛŋɔ o laa a ɡɛ waa nɔ kpɔ n nɛ, 9asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.#Aes 43:2 10N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.
Gɛ Pɔɔl siwi aa swɛɛ Kɔrent tena nɛ
11N bol waa kɛ ɡɛne, kɛ heyaa ɡela n ɛ ɡɛ. Heyaa chɛ kɛ hé fe ɛɛ tɛ mɛ sɔn. A lole kɛ n waa aa bobɛlbwa tel te, kɛ nɛra baa dɛ maŋkura ba te ɡwaa Yeesu Kristo toroma la, ba bɛlbwa ta men ɡwaalɛ wobɛlbwa ta. 12N fa aa lɔ he be la, n lawɛ bambile kɛrɛdɛ dɛɛ ɛ waa aa chaɡla kɛŋɔ Yeesu toroma la bɛlee men. Wekpeɡa ne nyokpowaa bwaa n ɛ. 13Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!
14N tooro tenaa nɔ maa kpɔ n te dɛɛ ba he be bala dɛ́ ba chɔɔ heya. Maa heyaa komɛlbwa bɔɔra ba. He waa hiah mɛ, he suuɡa laa hiah mɛ. Bechale ne ba mɛɛ, umee dɛɛ nyiŋi o dɔŋ ɔ? 15N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ? 16He nao kɛŋɔ n ta n te kpɔe dawɛ he nɛɛ kenɛ? Kɛ nomɛl ɡee ŋɔɔ n sie pilo to mɛɛ neɡre heya. 17Nɛra n fa aa tom ba he be la, n cheɡɛ ba bini bane nɛɛ dɛ neɡre heyaa di aa? 18Men soŋe Taetos dɛ tomɛ o ne ya dɔŋ asɔre te la he be. Hɛɛ wonoo ŋɔ Taetos baa neɡre heyaa di aa? Dabeŋkpoŋ laa n ne o kpoŋaa? Ya bwa we-ɛɛla ta beŋkpoŋ ɛɛ yaa?
19Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ. 20N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee. 21Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.