1 Tesalonika 5
5
Hé so kpa he dɔɔ bala
1Yabala, a ta chɛ kɛŋɔ ń chwerɛ dɛ́ baɡle heyaa tɔpere la waa nɔ aa dɛ ba chiɡa, 2dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.#Mat 24:42-44; 2Pi 3:10 3Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.
4Kɛ yabala, he te toole biro ta, he sie chaah waa nɔ ta. Anomanta, Yeesu bala la aa heyaa piɡri kɛŋɔ ŋwɛɛ. 5He bwa sekwara ɛ nɛra he sie aa chaah Korowii waa ta. Biro bini nɛra laa yan, bochaah ta nɛraa yan. 6Anomanta, ya bɛ bɔhwaah ɛ kɛŋɔ bane aa dɛ ɛ la, kɛ hé ɡel ya sie chɔ harɛ yaa nyiŋi kɛrɛdɛ. 7Bɔhwaahra ne nɛra baa dɛ dɛɛ te bwa ɛ biro bini nɛra. 8Ya te yaa ɛ bochaah ta nɛra nɔ, hé ɡel ya sie chɔ harɛ, ásɛ dɛ kpɔ yarada ne nɛnnyin ɛ ya laa batakaare kɛŋɔ baa do laa batakaare dɛɛ yo laa la, dɛ́ berɛ kpɔ hwɛɡa yaa dɔa ya Dɔɔ Yeesu be kɛŋɔ wɛɛ lɛ yaa la ɛ buni ɡbɛrɛ dɛ́ kpɔ pi.#Aes 59:17; Ɛfe 6:14, 17 9Korowii ta yaa tae ŋɔ yá ba di bolchɔɡe o sie. O ta yaa ŋɔ yá che ya Dɔɔ Yeesu Kristo nɛɛ dɛ́ dɔ ya nyu. 10Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ. 11Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.
Jae ne kala aa ka mun
12Yabala, ya dɛ soŋe heyaa kɛŋɔ hɛ́ɛ duu nɛra baa ɛ he nomonome dɛɛ ɛ Korowii toma nɔ dɛɛ ja heyaa la. 13Ba toma la nomanta, hɛ́ɛ duu ba kɛrɛdɛ, dɛɛ nyin ba wa. Hé ɡel he bwa nyoa pɛ. 14Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa. 15Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.
16Hé ɡel he sie ɛɛ lɛ tɔpere bɛlbwa, wobɛlbwa ta, 17dɛɛ soŋe Korowii saŋ bɛlbwa. 18Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.
19He bɛ ɡel Korowii Domadɛɛɡe waa soɡe he nɛɛ la nyoa sɔɔh. 20He bɛ he bala baa dɛ na chaahna la nyoa dɛɛ vɛh. 21Kɛ hé nyiŋi ba webaɡla, ásɛ dɛ lawɛ anɔ la aa wera la bini. 22Hé laa he te kpɔ wechɔɡa bɛlbwa ta.
23Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba. 24Korowii waa le heyaa he ba ɛ o bii la, o ɛ kasinteŋ te. Onee dɛɛ ba heyaa nɛndɛɛɡa ɛɛ.
25Yabala, hé soŋe Korowii dɛɛ tɛ yaa. 26Hɛ́ɛ lea dɔŋa kɛrɛdɛ kɛŋɔ nyabii. 27N kpɔ ya Dɔɔ dɛɛ do heyaa kɛ hé kure tɔn nɔ baɡle yabala la bwa sekwaraa.
28Ya Dɔɔ Yeesu Kristo waa dɛ na nɛra sum la cha he bwa sekwaraa.
Currently Selected:
1 Tesalonika 5: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
1 Tesalonika 5
5
Hé so kpa he dɔɔ bala
1Yabala, a ta chɛ kɛŋɔ ń chwerɛ dɛ́ baɡle heyaa tɔpere la waa nɔ aa dɛ ba chiɡa, 2dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.#Mat 24:42-44; 2Pi 3:10 3Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.
4Kɛ yabala, he te toole biro ta, he sie chaah waa nɔ ta. Anomanta, Yeesu bala la aa heyaa piɡri kɛŋɔ ŋwɛɛ. 5He bwa sekwara ɛ nɛra he sie aa chaah Korowii waa ta. Biro bini nɛra laa yan, bochaah ta nɛraa yan. 6Anomanta, ya bɛ bɔhwaah ɛ kɛŋɔ bane aa dɛ ɛ la, kɛ hé ɡel ya sie chɔ harɛ yaa nyiŋi kɛrɛdɛ. 7Bɔhwaahra ne nɛra baa dɛ dɛɛ te bwa ɛ biro bini nɛra. 8Ya te yaa ɛ bochaah ta nɛra nɔ, hé ɡel ya sie chɔ harɛ, ásɛ dɛ kpɔ yarada ne nɛnnyin ɛ ya laa batakaare kɛŋɔ baa do laa batakaare dɛɛ yo laa la, dɛ́ berɛ kpɔ hwɛɡa yaa dɔa ya Dɔɔ Yeesu be kɛŋɔ wɛɛ lɛ yaa la ɛ buni ɡbɛrɛ dɛ́ kpɔ pi.#Aes 59:17; Ɛfe 6:14, 17 9Korowii ta yaa tae ŋɔ yá ba di bolchɔɡe o sie. O ta yaa ŋɔ yá che ya Dɔɔ Yeesu Kristo nɛɛ dɛ́ dɔ ya nyu. 10Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ. 11Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.
Jae ne kala aa ka mun
12Yabala, ya dɛ soŋe heyaa kɛŋɔ hɛ́ɛ duu nɛra baa ɛ he nomonome dɛɛ ɛ Korowii toma nɔ dɛɛ ja heyaa la. 13Ba toma la nomanta, hɛ́ɛ duu ba kɛrɛdɛ, dɛɛ nyin ba wa. Hé ɡel he bwa nyoa pɛ. 14Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa. 15Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.
16Hé ɡel he sie ɛɛ lɛ tɔpere bɛlbwa, wobɛlbwa ta, 17dɛɛ soŋe Korowii saŋ bɛlbwa. 18Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.
19He bɛ ɡel Korowii Domadɛɛɡe waa soɡe he nɛɛ la nyoa sɔɔh. 20He bɛ he bala baa dɛ na chaahna la nyoa dɛɛ vɛh. 21Kɛ hé nyiŋi ba webaɡla, ásɛ dɛ lawɛ anɔ la aa wera la bini. 22Hé laa he te kpɔ wechɔɡa bɛlbwa ta.
23Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba. 24Korowii waa le heyaa he ba ɛ o bii la, o ɛ kasinteŋ te. Onee dɛɛ ba heyaa nɛndɛɛɡa ɛɛ.
25Yabala, hé soŋe Korowii dɛɛ tɛ yaa. 26Hɛ́ɛ lea dɔŋa kɛrɛdɛ kɛŋɔ nyabii. 27N kpɔ ya Dɔɔ dɛɛ do heyaa kɛ hé kure tɔn nɔ baɡle yabala la bwa sekwaraa.
28Ya Dɔɔ Yeesu Kristo waa dɛ na nɛra sum la cha he bwa sekwaraa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.