Tito 2
2
Kidiliɛ gi lilɛ si babasɛ baʋaziŋa ede ede na ɛ
1Pɔ̀ wɔ ɛ, lilɛ si basɛ kidiliɛ gi kisrɔni bidɔbasɛbasɛ gbã ʋɛ ɛ. 2Basɛ banɔtsitsi ba tɔ baplɛ litɔ kese, babitɛ eboe gi aaki si banima biakpɛ kubùbù ni ba su u, lɛ baŋa isu aʋa a, tɔ beze mumɔ ní ba kuziŋa ni kunɔlɔ mɛ ani tɔ ɔna oze ní ba lipo ní kuxixa mɛ. 3Niteme ke basɛ badzɛtsitsi ba tɔ beze ligbã́ gbã gi likpɛ kubùbù ní Aya su u. Bakíze banɔ gi bizeegu kunugu banɔ su u, loo banɔdzidzi ki kuda. Boŋu i, lilɛ si babasɛ banɔ ligbãzeze gbã, 4tɔ babasɛ idisamii nɛ gi idini benyime ba ɛ, kiliɛ gi biadimɛ ni ba benye ba ni ba bebi ba ɛ. 5Babasɛ ba tɔ baŋa isu aʋa, tɔ badra ani tɔ bawa ba kupeo me axwɛ na mumɔ, tɔ badìmɛ ni banɔ ani tɔ bepleni isu ya aki ba benye ba, tɔ ɔnɔnɔ ɔkipani liboe nyani nyani ní liboe lɛ klɔ gi lidɔ Aya klɔ su u.
6Nite ke kpɛ iyasɔʋi lɛ sise tɔ baŋa isu aʋa. 7Ní kidɔ kakaa mɛ ɛ, mlɔ tutɔ mleze liŋwitsɛ gbã aki ba. Mleze banɔ gi biakpasi mlɔ kiboebitɛ ɛ, lɛ xe mlɛɛbasɛ ba bidɔ mɛ ɛ, lilɛ si mlakpɛ iku nɛ tɔ mlabitɛ lɛ ni ɔna gbã. 8Mlakɔ eboe gbã gi atrámani kuboehe e, tɔ biakpɛ mlɔ ahwafianɛ ma kuye gi batrámɔ liboe nyani nyani tɔtɔ ɔ, gi biapani ní blɔ su u.
9Lilɛ si banɔdzidzi ba bepleni isu aki ba baka ba, tɔ beku ba aŋu ní kidɔ kakaa mɛ. Líma si bedu onugu ayurɔ ba a, 10loo tɔ bezuru ba bidɔ, boŋu i, babasɛ lipoe kakaa si benu banɔ gi biazɛ ba aʋa ŋa a, tɔ gani kidɔ kakaa mɛ ɛ, ba kiboebitɛɛ kiaki si bidɔbasɛbasɛ ʋɛ ní Aya blɔ Obúbú ye su i, biaku banɔ glegle aŋu u.
11Lɛ ese linu si Aya ebu yɛ lipomepɛpɛ nɛ abasɛ ki banima petee kubúbú yo. 12Lipomepɛpɛ nɛ klɔ libasɛ blɔ si kuyurɔ blɔ ligba ɛ nɛ gi libasɛ si kúʋise Aya a. Kuyurɔ kelea mɛ kulekuku kakaa tɔ kuŋa isu aʋa, atɔ kubitɛ eboe gi ɛgyɔ ɔ, ani tɔ kuze ligbã gi liku Aya aŋu u, xe ligyɔ ɛ ní kelea lia ya mɛ. 13Agi kwiipe liwe ʋidi ilɛ klɔ ɔ, gi lɛ kudeonu kwiidi i. Liwe ʋidi lɛ klɔ gi lɛ mɛ blɔ Aya ʋidi ye ni blɔ Obúbú ye Yesu Kristo yɛ kuklekleo kwiaŋwi i. 14Akɔ yɛ isu ya akɔ ní blɔ litukpo, tɔ yibu blo edɔni litukpo me gagla kakaa mɛ ani tɔ yibitɛ blɔ tɔ kuze banɔ dradra gi kwiaze yɛ tètè banɛ ɛ, gi biapɛ́ veve e si bɛbitɛ kidiliɛ gi kipɛ ɛ.
15Eboa la ya enu kidiliɛ gi wɔabasɛ ɛ, lɛ ní wɔ ɔlɛɛ klɔ onu i, kpɛ ba kigagla, tɔ tɛni banama gi beenu wɔ liboe le e. Wukíki tɔ bamɛ ɔtɔtɔ ɔmɔ wɔ ese e.
Currently Selected:
Tito 2: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Tito 2
2
Kidiliɛ gi lilɛ si babasɛ baʋaziŋa ede ede na ɛ
1Pɔ̀ wɔ ɛ, lilɛ si basɛ kidiliɛ gi kisrɔni bidɔbasɛbasɛ gbã ʋɛ ɛ. 2Basɛ banɔtsitsi ba tɔ baplɛ litɔ kese, babitɛ eboe gi aaki si banima biakpɛ kubùbù ni ba su u, lɛ baŋa isu aʋa a, tɔ beze mumɔ ní ba kuziŋa ni kunɔlɔ mɛ ani tɔ ɔna oze ní ba lipo ní kuxixa mɛ. 3Niteme ke basɛ badzɛtsitsi ba tɔ beze ligbã́ gbã gi likpɛ kubùbù ní Aya su u. Bakíze banɔ gi bizeegu kunugu banɔ su u, loo banɔdzidzi ki kuda. Boŋu i, lilɛ si babasɛ banɔ ligbãzeze gbã, 4tɔ babasɛ idisamii nɛ gi idini benyime ba ɛ, kiliɛ gi biadimɛ ni ba benye ba ni ba bebi ba ɛ. 5Babasɛ ba tɔ baŋa isu aʋa, tɔ badra ani tɔ bawa ba kupeo me axwɛ na mumɔ, tɔ badìmɛ ni banɔ ani tɔ bepleni isu ya aki ba benye ba, tɔ ɔnɔnɔ ɔkipani liboe nyani nyani ní liboe lɛ klɔ gi lidɔ Aya klɔ su u.
6Nite ke kpɛ iyasɔʋi lɛ sise tɔ baŋa isu aʋa. 7Ní kidɔ kakaa mɛ ɛ, mlɔ tutɔ mleze liŋwitsɛ gbã aki ba. Mleze banɔ gi biakpasi mlɔ kiboebitɛ ɛ, lɛ xe mlɛɛbasɛ ba bidɔ mɛ ɛ, lilɛ si mlakpɛ iku nɛ tɔ mlabitɛ lɛ ni ɔna gbã. 8Mlakɔ eboe gbã gi atrámani kuboehe e, tɔ biakpɛ mlɔ ahwafianɛ ma kuye gi batrámɔ liboe nyani nyani tɔtɔ ɔ, gi biapani ní blɔ su u.
9Lilɛ si banɔdzidzi ba bepleni isu aki ba baka ba, tɔ beku ba aŋu ní kidɔ kakaa mɛ. Líma si bedu onugu ayurɔ ba a, 10loo tɔ bezuru ba bidɔ, boŋu i, babasɛ lipoe kakaa si benu banɔ gi biazɛ ba aʋa ŋa a, tɔ gani kidɔ kakaa mɛ ɛ, ba kiboebitɛɛ kiaki si bidɔbasɛbasɛ ʋɛ ní Aya blɔ Obúbú ye su i, biaku banɔ glegle aŋu u.
11Lɛ ese linu si Aya ebu yɛ lipomepɛpɛ nɛ abasɛ ki banima petee kubúbú yo. 12Lipomepɛpɛ nɛ klɔ libasɛ blɔ si kuyurɔ blɔ ligba ɛ nɛ gi libasɛ si kúʋise Aya a. Kuyurɔ kelea mɛ kulekuku kakaa tɔ kuŋa isu aʋa, atɔ kubitɛ eboe gi ɛgyɔ ɔ, ani tɔ kuze ligbã gi liku Aya aŋu u, xe ligyɔ ɛ ní kelea lia ya mɛ. 13Agi kwiipe liwe ʋidi ilɛ klɔ ɔ, gi lɛ kudeonu kwiidi i. Liwe ʋidi lɛ klɔ gi lɛ mɛ blɔ Aya ʋidi ye ni blɔ Obúbú ye Yesu Kristo yɛ kuklekleo kwiaŋwi i. 14Akɔ yɛ isu ya akɔ ní blɔ litukpo, tɔ yibu blo edɔni litukpo me gagla kakaa mɛ ani tɔ yibitɛ blɔ tɔ kuze banɔ dradra gi kwiaze yɛ tètè banɛ ɛ, gi biapɛ́ veve e si bɛbitɛ kidiliɛ gi kipɛ ɛ.
15Eboa la ya enu kidiliɛ gi wɔabasɛ ɛ, lɛ ní wɔ ɔlɛɛ klɔ onu i, kpɛ ba kigagla, tɔ tɛni banama gi beenu wɔ liboe le e. Wukíki tɔ bamɛ ɔtɔtɔ ɔmɔ wɔ ese e.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc