Roma 2
2
Aya atráxwa litsi gyɔgyɔ
1Lɛ klɔ loso e, mlɔ banama gi mlɛzɛɛxwa etsi ni banima ɛ, kunububu utɔtɔ kúma ní mlɔ awla a. Lɛ ese linu si xegi mlɔ kiboebitɛ kíga lidze ní ba kiniɛ su i, kɔ mleebu isu ya lipɔ ɛ. 2Kwite anukwarɛɛ si Aya linɛ ligyɔ xe axwa litsi ni banɔ ba klɔ gi bizɛɛbitɛ eboa la ya elu i. 3Lɛ loso xegi wɔ ɔnɔ gbagbe wɔɛtsà litsi ki banima a, pɔ̀ xe wɔɛbitɛ bidɔ bɛ klɔ ʋa gi bɛ litsi wɔɛtsà ɛki ba ɛ! Kibu wobu si wɔase ní Aya yɛ litsixwaxwa lɛ onu na a? 4Aloo kikɔ mlɛkɔ yɛ asigagadidi ʋidi la, kiliɛ gi akɔ lɛ mɛ aki blɔ ɔ, xe aplɛ litɔ kese aki blɔ ɛ, si bínu bidɔ vevee na a. Mlɛ nya tè si Aya apɛ lipo me, lɛ ese linu si eekeni idi si yipɔni mlɔ tɔ mlekyi ní mlɔ ina nɛ mɛ ɛ. 5Pɔ̀ kɔkpɛ mlɔ kutu gaglaa ni kiliɛ gi mlékyi mlɔ ina nɛ mɛ ɛ, mlɛbitɛ mlɔ kutuheheo si kuze gagla sanɔ ní liwe lɛ klɔ gi biabu Aya yɛ kusuyeʋio ni litsi gyɔgyɔ lɛ kuxwaxwaa basɛ ɛ. 6Lɛ ese linu si Aya atrátsa liʋɛ ɛki ɔnɔ kakaa ní yɛ axwɛwawa la onu u. 7Banɔ batɔ bɛɛtrɛ lɛ aʋa ɛbitɛ eboe gbã na, lɛ bɛɛpɛ kuklekle, kubùbù yo ani ligbã́ moblo le e; lɛ ki banɔ ba klɔ ba ɛ Aya aaki ba ligbã́ moblo le e. 8Pɔ̀ banɔ ba klɔ gi benu bamimi nɛ ɛ, xe bapɛ eboe gbã a, si tɔ biaze ni eboe zimizi na kude e; ní banɔ ba klɔ aʋa ɛ, Aya aatrɔ yɛ kusuyeʋi gaglaa. 9Aya aaki ɔziã mɔmɔ ni kuyeʋiyeʋi ki ɔnɔ kakaa gi izɛbitɛ eboe zimizi i, ki Yudanɛ ma ní ɔtɔpu kɔ, lɛ kede e, ki banama gi bénu Yudanɛ ɛ. 10Pɔ̀ ki banama gi bizɛɛbitɛ eboe gbã ɛ, Aya aaki ba kuklekle, kubùbù ani kusuyɔ, ki Yudanɛ ma ní ɔtɔpu kɔ, lɛ kede e, ki banama gi bénu Yudanɛ ɛ. 11Lɛ ese linu si Aya aaxwa litsi ni ɔnɔ kakaa aŋu mɛ modi i.
12Banama gi bénu Yudanɛ ɛ, xe béte Mose Ɔsã nɔ ɔ, xe bɛbitɛ eboe zimizi na ɛ, bialila gani ɔsã nɔ kede e. Pɔ́ Yudanɛ ma gi bete Mose Ɔsã nɔ ɔ, xe bɛbitɛ eboe zimizi na ɛ, Aya aaxwa litsi ni ba ní ɔsã nɔ onu u. 13Lɛ ese linu si aní ɔsã nɔ kununu yo kuzɛɛki si ɔnɔ aaze ligbã́ gyɔgyɔ nì Aya a, pɔ̀ banama gi bɛɛbitɛ ní ɔsã nɔ aʋa ɛ. 14Pɔ̀ xegi Ɔsã nɔ ɔma ní banama gi bénu Yudanɛ ma awla ɛ, pɔ̀ xe lipoe kakaa ɛlɛ gi liyɔ ní ba mɛ ɛ, xe bɛbitɛ kidiliɛ gi Mose Ɔsã nɔ eʋi i, batutɔ bɛbasɛ si ɔsã ɔlɛ ní ba awla, lɛ bete kidiliɛ gi liziã si babitɛ ɛ, gi Mose Ɔsã nɔ ɔma ní ba awla kyɛ ɛ. 15Ba kizezee me kibasɛ si kidiliɛ gi Ɔsã nɔ ɛɛpɛ ɛ, bɛŋwlimi kɛ ɛkpɛ ní ba ina nɛ mɛ. Ba ina nɛ fɛ iibasɛ si lilɛ lɛ mɛ, agi ba begyodi ʋa bizebu ba lipɔ epoe atɔ ɔ, lɛ bizɛŋwlɛ ba litukpo lipoe dzedze e. 16Lɛ ni Liboe Gbã nɛ gi masɔli mɛ ɛ, nite litraze ní liwe lɛ klɔ gi Aya a, gani Yesu Kristo aʋa aaxwa litsi ni mlɔ begyodi kpokpo ʋa.
Yudanɛ ma nì ɔsã nɔ
17Lɛ wɔ xwɛ ɛ, xegi wɔɛxwa isu ya si Yuda ɔnɛ ɛ; xe wovu ɔsã nɔ mɛ awla a, xe wɔɛkɔ Aya ɛdɔ isu ya ɛ; 18xe wote kidiliɛ gi Aya apɛ si bitɛ ɛ, xe wɔkpasi dɔni ɔsã nɔ mɛ si kya eboe gbã na ɛ; 19xe wɔka ní lɛ aʋa si wɔɛbasɛ kuŋupoo kudeo o, xe wonu kani ɔki banama a, gi balɛ ní litumu ne me e, 20xe wonu ɔɖaŋukpɛ ɔki banama gi béte liboe e, ni ɔdɔbasɛ ɔki banama gi bénu eboe ese e. Wɔka ní lɛ aʋa si ní ɔsã nɔ mɛ ɛ, wɔzɛ kuboeteo ni anukwarɛ ɛ ní kisrɛsrɛ mɛ. 21Agi mlɛɛbasɛ banima bidɔ mɛ ɛ, ege lɛ loso mlatrábasɛ isu ya bidɔ ɛ? Mlɛzɛɛpani si, “Wukízuru u” pɔ̀ dani mleezezuru i? 22Mlɛzɛɛpani si, “Wukíwa kihasi i” pɔ̀ dani mlazɛɛwa kihasi ye e? Mládimɛni kubusumu yo o, pɔ̀ dani mlezezuru ní abugba la mɛ ɛ? 23Mlɛzɛɛdɔ̀ isu ya si Aya ɔsã nɔ ɔlɛ ní mlɔ awla, pɔ̀ dani mlɛɛzɛɛkpɛ Aya kuye gani yɛ ɔsã nɔ ese kutata mɛ na a? 24Aya liboe le lipani si, “Kɔkpɛ mlɔ Yudanɛ ma loso ɛ, banama gi bénu Yudanɛ ɛ, bɛɛpani eboe zimizi na ní Aya su.”
25Xegi mlɛɛbitɛ ní Ɔsã nɔ aʋa ɛ, mlɔ ɔyaʋi tsatsa lɔ ebu libi; pɔ̀ xegi mlɛta ɔsã nɔ ese e, kɔlɔ xegi bátsa ɔyaʋi aki mlɔ ɛ, lipɛ ɛsanɔ. 26Xe ɔnɔ gi ónu Yuda ɔnɛ ɛ, xe ɔ́ga ɔyaʋi tsatsa lɔ mɛ ɛ, pɔ̀ xe aga ní Ɔsã nɔ aʋa ɛ, dani Aya aabu ye ŋwisi ɔnɔ gi atsa ɔyaʋi kinɛ na a? 27Banama gi bénu Yudanɛ ɛ, gi bátsa ɔyaʋi i, pɔ̀ bizɛɛbitɛ ni ɔsã nɔ aʋa ɛ, biabú mlɔ Yudanɛ ma lipɔ gani lɛ mɛ si mlɔ bɛki ɔsã nɔ xe bɛŋwlimi lɔ ɛplɛ ɛ, xe mlɛtsa ɔyaʋi lɔ kyɛ ɛ, pɔ̀ mlaʋíbitɛ ní ɔsã nɔ aʋa a.
28Ni lɛ ya mɛ ɛ, nyaŋwɛ onu Yuda ɔnɛ ɔtutɔ lɔ ɔ, gi ní anukwarɛɛ mɛ ɛ, aga ɔyaʋi tsatsa lɔ mɛ ɛ? Aní ɔniliɛ klɔ gi onu Yudanɛ ni oge no o, gi yɛ ɔyaʋi tsatsa lɔ onu kisugyaɛ mɛ bidɔ ko o. 29Boŋu i, Yuda ɔnɛ ɔtutɔ lɔ yɛ onu Yudanɛ dɔni ɔna nɔ mɛ, gi yɛ onu ɔniliɛ klɔ ɔ, gi yɛ ekyi ɔna mɛ ɛ, gi yɛ ɔna nɔ bɛkpɛ gyesi si onu Aya ɔnɛ ɛ. Lɛ lɛya linu Aya yɛ Ɔfuɛfuɛ nɔ axwɛwawa la, lɛ aní ní Ɔsã nɔ gi bɛŋwlimi plɛ ɛ. Ɔniliɛ klɔ ʋa aazi yɛ kukpɔ̀kpɔ̀ ɔ dɔni Aya kɔ aní dɔni banima kɔ ɔ.
Currently Selected:
Roma 2: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 2
2
Aya atráxwa litsi gyɔgyɔ
1Lɛ klɔ loso e, mlɔ banama gi mlɛzɛɛxwa etsi ni banima ɛ, kunububu utɔtɔ kúma ní mlɔ awla a. Lɛ ese linu si xegi mlɔ kiboebitɛ kíga lidze ní ba kiniɛ su i, kɔ mleebu isu ya lipɔ ɛ. 2Kwite anukwarɛɛ si Aya linɛ ligyɔ xe axwa litsi ni banɔ ba klɔ gi bizɛɛbitɛ eboa la ya elu i. 3Lɛ loso xegi wɔ ɔnɔ gbagbe wɔɛtsà litsi ki banima a, pɔ̀ xe wɔɛbitɛ bidɔ bɛ klɔ ʋa gi bɛ litsi wɔɛtsà ɛki ba ɛ! Kibu wobu si wɔase ní Aya yɛ litsixwaxwa lɛ onu na a? 4Aloo kikɔ mlɛkɔ yɛ asigagadidi ʋidi la, kiliɛ gi akɔ lɛ mɛ aki blɔ ɔ, xe aplɛ litɔ kese aki blɔ ɛ, si bínu bidɔ vevee na a. Mlɛ nya tè si Aya apɛ lipo me, lɛ ese linu si eekeni idi si yipɔni mlɔ tɔ mlekyi ní mlɔ ina nɛ mɛ ɛ. 5Pɔ̀ kɔkpɛ mlɔ kutu gaglaa ni kiliɛ gi mlékyi mlɔ ina nɛ mɛ ɛ, mlɛbitɛ mlɔ kutuheheo si kuze gagla sanɔ ní liwe lɛ klɔ gi biabu Aya yɛ kusuyeʋio ni litsi gyɔgyɔ lɛ kuxwaxwaa basɛ ɛ. 6Lɛ ese linu si Aya atrátsa liʋɛ ɛki ɔnɔ kakaa ní yɛ axwɛwawa la onu u. 7Banɔ batɔ bɛɛtrɛ lɛ aʋa ɛbitɛ eboe gbã na, lɛ bɛɛpɛ kuklekle, kubùbù yo ani ligbã́ moblo le e; lɛ ki banɔ ba klɔ ba ɛ Aya aaki ba ligbã́ moblo le e. 8Pɔ̀ banɔ ba klɔ gi benu bamimi nɛ ɛ, xe bapɛ eboe gbã a, si tɔ biaze ni eboe zimizi na kude e; ní banɔ ba klɔ aʋa ɛ, Aya aatrɔ yɛ kusuyeʋi gaglaa. 9Aya aaki ɔziã mɔmɔ ni kuyeʋiyeʋi ki ɔnɔ kakaa gi izɛbitɛ eboe zimizi i, ki Yudanɛ ma ní ɔtɔpu kɔ, lɛ kede e, ki banama gi bénu Yudanɛ ɛ. 10Pɔ̀ ki banama gi bizɛɛbitɛ eboe gbã ɛ, Aya aaki ba kuklekle, kubùbù ani kusuyɔ, ki Yudanɛ ma ní ɔtɔpu kɔ, lɛ kede e, ki banama gi bénu Yudanɛ ɛ. 11Lɛ ese linu si Aya aaxwa litsi ni ɔnɔ kakaa aŋu mɛ modi i.
12Banama gi bénu Yudanɛ ɛ, xe béte Mose Ɔsã nɔ ɔ, xe bɛbitɛ eboe zimizi na ɛ, bialila gani ɔsã nɔ kede e. Pɔ́ Yudanɛ ma gi bete Mose Ɔsã nɔ ɔ, xe bɛbitɛ eboe zimizi na ɛ, Aya aaxwa litsi ni ba ní ɔsã nɔ onu u. 13Lɛ ese linu si aní ɔsã nɔ kununu yo kuzɛɛki si ɔnɔ aaze ligbã́ gyɔgyɔ nì Aya a, pɔ̀ banama gi bɛɛbitɛ ní ɔsã nɔ aʋa ɛ. 14Pɔ̀ xegi Ɔsã nɔ ɔma ní banama gi bénu Yudanɛ ma awla ɛ, pɔ̀ xe lipoe kakaa ɛlɛ gi liyɔ ní ba mɛ ɛ, xe bɛbitɛ kidiliɛ gi Mose Ɔsã nɔ eʋi i, batutɔ bɛbasɛ si ɔsã ɔlɛ ní ba awla, lɛ bete kidiliɛ gi liziã si babitɛ ɛ, gi Mose Ɔsã nɔ ɔma ní ba awla kyɛ ɛ. 15Ba kizezee me kibasɛ si kidiliɛ gi Ɔsã nɔ ɛɛpɛ ɛ, bɛŋwlimi kɛ ɛkpɛ ní ba ina nɛ mɛ. Ba ina nɛ fɛ iibasɛ si lilɛ lɛ mɛ, agi ba begyodi ʋa bizebu ba lipɔ epoe atɔ ɔ, lɛ bizɛŋwlɛ ba litukpo lipoe dzedze e. 16Lɛ ni Liboe Gbã nɛ gi masɔli mɛ ɛ, nite litraze ní liwe lɛ klɔ gi Aya a, gani Yesu Kristo aʋa aaxwa litsi ni mlɔ begyodi kpokpo ʋa.
Yudanɛ ma nì ɔsã nɔ
17Lɛ wɔ xwɛ ɛ, xegi wɔɛxwa isu ya si Yuda ɔnɛ ɛ; xe wovu ɔsã nɔ mɛ awla a, xe wɔɛkɔ Aya ɛdɔ isu ya ɛ; 18xe wote kidiliɛ gi Aya apɛ si bitɛ ɛ, xe wɔkpasi dɔni ɔsã nɔ mɛ si kya eboe gbã na ɛ; 19xe wɔka ní lɛ aʋa si wɔɛbasɛ kuŋupoo kudeo o, xe wonu kani ɔki banama a, gi balɛ ní litumu ne me e, 20xe wonu ɔɖaŋukpɛ ɔki banama gi béte liboe e, ni ɔdɔbasɛ ɔki banama gi bénu eboe ese e. Wɔka ní lɛ aʋa si ní ɔsã nɔ mɛ ɛ, wɔzɛ kuboeteo ni anukwarɛ ɛ ní kisrɛsrɛ mɛ. 21Agi mlɛɛbasɛ banima bidɔ mɛ ɛ, ege lɛ loso mlatrábasɛ isu ya bidɔ ɛ? Mlɛzɛɛpani si, “Wukízuru u” pɔ̀ dani mleezezuru i? 22Mlɛzɛɛpani si, “Wukíwa kihasi i” pɔ̀ dani mlazɛɛwa kihasi ye e? Mládimɛni kubusumu yo o, pɔ̀ dani mlezezuru ní abugba la mɛ ɛ? 23Mlɛzɛɛdɔ̀ isu ya si Aya ɔsã nɔ ɔlɛ ní mlɔ awla, pɔ̀ dani mlɛɛzɛɛkpɛ Aya kuye gani yɛ ɔsã nɔ ese kutata mɛ na a? 24Aya liboe le lipani si, “Kɔkpɛ mlɔ Yudanɛ ma loso ɛ, banama gi bénu Yudanɛ ɛ, bɛɛpani eboe zimizi na ní Aya su.”
25Xegi mlɛɛbitɛ ní Ɔsã nɔ aʋa ɛ, mlɔ ɔyaʋi tsatsa lɔ ebu libi; pɔ̀ xegi mlɛta ɔsã nɔ ese e, kɔlɔ xegi bátsa ɔyaʋi aki mlɔ ɛ, lipɛ ɛsanɔ. 26Xe ɔnɔ gi ónu Yuda ɔnɛ ɛ, xe ɔ́ga ɔyaʋi tsatsa lɔ mɛ ɛ, pɔ̀ xe aga ní Ɔsã nɔ aʋa ɛ, dani Aya aabu ye ŋwisi ɔnɔ gi atsa ɔyaʋi kinɛ na a? 27Banama gi bénu Yudanɛ ɛ, gi bátsa ɔyaʋi i, pɔ̀ bizɛɛbitɛ ni ɔsã nɔ aʋa ɛ, biabú mlɔ Yudanɛ ma lipɔ gani lɛ mɛ si mlɔ bɛki ɔsã nɔ xe bɛŋwlimi lɔ ɛplɛ ɛ, xe mlɛtsa ɔyaʋi lɔ kyɛ ɛ, pɔ̀ mlaʋíbitɛ ní ɔsã nɔ aʋa a.
28Ni lɛ ya mɛ ɛ, nyaŋwɛ onu Yuda ɔnɛ ɔtutɔ lɔ ɔ, gi ní anukwarɛɛ mɛ ɛ, aga ɔyaʋi tsatsa lɔ mɛ ɛ? Aní ɔniliɛ klɔ gi onu Yudanɛ ni oge no o, gi yɛ ɔyaʋi tsatsa lɔ onu kisugyaɛ mɛ bidɔ ko o. 29Boŋu i, Yuda ɔnɛ ɔtutɔ lɔ yɛ onu Yudanɛ dɔni ɔna nɔ mɛ, gi yɛ onu ɔniliɛ klɔ ɔ, gi yɛ ekyi ɔna mɛ ɛ, gi yɛ ɔna nɔ bɛkpɛ gyesi si onu Aya ɔnɛ ɛ. Lɛ lɛya linu Aya yɛ Ɔfuɛfuɛ nɔ axwɛwawa la, lɛ aní ní Ɔsã nɔ gi bɛŋwlimi plɛ ɛ. Ɔniliɛ klɔ ʋa aazi yɛ kukpɔ̀kpɔ̀ ɔ dɔni Aya kɔ aní dɔni banima kɔ ɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc