Yak 5
5
Kiseʋi dúdu ní Bexonete ba su
1Abla ɛ, mlɔ bexonete ba mlata mɛ kutu! Mlebemi tɔ mlawa awowoe la ní kubleble liɔ gi kwitraba mlɔ aʋa su u! 2Mlɔ exo la ɛfumu, lɛ sakplakpa ʋa bɛta mlɔ ewu la a. 3Mlɔ sika yɛ ni klosalo ʋa begyewle, lɛ kugyewleo liɔ ya kwiaze katsali ní mlɔ su, lɛ biata mlɔ kigyɛ ŋwisi kifu kinɛ ɛ. Mlɛbla exo la ní ewe gɔgɔa la ya mɛ. 4Mlata kutu! Mleto banama gi bɛwa axwɛ na ní mlɔ inyrɔ nɛ mɛ ɛkpɛ ɛ. Mláta ba aʋɛ na kunutsatsa kutu! Banama gi bɛwa axwɛ na ɛki mlɔ ɛ, ba kubemi yo kwiku Aya Ɔka ʋidi ye yɛ kutu yɔ mɛ. 5Mlɔ ligbã nɛ ní kesea ʋa ya ɛ, liiyi ni ligbã́ŋaŋa ni isami mɔmɔ. Mleku kumu ikí mlɔ liye we le. 6Mlebu banima lipɔ lɛ mleye banama gi bata kese e, xe báyɔ kedu ní mlɔ su i.
Litɔ plɛplɛ kese nì Aya kuxwaxwa
7Mɛ benemi ba, mlaplɛ litɔ kese, kɔzɛna ni Ɔkaɛ yɛ kibaba ɛ. Mledi kiliɛ gi ɔnyrɔmɛdzɛɛ izɛɛplɛ litɔ kese e, xe izeepe yɛ kesea tɔ kaki bidɔkpɛkpɛ gi kedzi ŋaŋa kalɛ ní bɛ su i, izeeze nì litɔ plɛplɛ kese ki kedzenilea. 8Mlɔfɛ mlaplɛ litɔ kese. Mlaki mlɔ kudeonu didi yo kumu gi Ɔkaɛ libawe le liti pɔnɔ ɛ.
9Mɛ benemi ba mlakítsà mlɔ ahanuglɔ ba onu u, tɔ Aya ɔkixwa litsi ni mlo o. Otsixwa yɛ, eti apɔnɔ abla gi atráŋwi i. 10Mɛ benemi ba, mlaplɛ aŋu ní beboedoplɛ ba gi bɛpani ní Ɔkaɛ linyi ne me aʋa a. Mlakɔ ba ŋwisi kukɔsrɔnɔ kí litɔ plɛplɛ kese nì kulɛ́lɛɛ ní kini me kinɛ ɛ. 11Kwixwa ba si basami nɛ lɛ ese linu si bɛtani kulɛɛ. Mlenu Hiob yɛ litɔ plɛplɛ kese onu, lɛ mlete kiliɛ gi Ɔkaɛ abitɛ aki yɛ gɔgɔ ɛ. Lɛ ese linu si asigagadidi nì lipomepɛpɛ bilɛ ní Ɔkaɛ mɛ.
12Mɛ benemi ba, kɔsanɔ ɛ, mlakítàni bidɔ ɔ, xe mlɛɛka ɛplɛ ɛ. Mlakítàni lifunu ne loo kese loo kidɔ dzedze tɔtɔ ɔ. Mlapani ko si, “Ee” xe mlɛtrɔ si ee, nì “Oo” xe mlɛtrɔ si oo, tɔ mlekíku Aya yɛ litsixwaxwa mɛ ɛ.
Aya Kuxwaxwa ní Kuziŋa mɛ
13Dani mlɔ mɛ batɔ beku kuxixa mɛ ɛ? Baxwa Aya. Dani mlɔ mɛ batɔ bɛɛmɔ isami i? Bazà idzi tɔ bakɔ akpɔ̀ Aya. 14Dani mlɔ mɛ batɔ beetse e? Bakpɛ banɔ atsisi ɔha lɔ banɔtsitsi ba, tɔ baxwa Aya ní ba litukpo atɔ basra kumu aki ba ní Ɔkaɛ linyi ne me. 15Aya kuxwaxwa liɔ ní kuziŋa mɛ ɛ, kwiayɔ ni ba; Ɔkaɛ aaki si biadziku ba kìku ye. Lɛ xegi bɛbitɛ eboe zimizi i, biakɔ ba eboe zimizi na kɔkyɛ ba. 16Lɛ loso, mladra mlɔ eboe zimizi na mɛ akí mlɔ ahanuglɔ ba, tɔ mlaxwa Aya ní mlɔ ahanuglɔ ba litukpo tɔ biayɔni mlɔ. Ɔnɔ gbã yɛ Aya kuxwaxwa ɛ, kuli gagla lɛ kuzebu libi i. 17Eliya eze ɔnɔ blɔ kiniɛ. Axwa Aya ni kimbi kyikyi si dzeni ye ɔkidɔ ɔ, lɛ dzeni ɔtɔtɔ ɔ́dɔ ní kesea aʋa agɔ tata ni kapɛ ɛ. 18Lɛ axwa Aya dzɛ, lɛ ayɛɛ aki dzeni ye, lɛ kesea kyɛ kɛki bidɔŋaŋa ʋɛ ɛ.
19Mɛ benemi ba, xe mlɔ mɛ ɔtɔ adzɛ kede ní anukwarɛ su u, xe ɔnɔ dzedze edzini yɛ amanɔ ɛ, 20mlaplɛ aŋu lɛ ya aʋa si, ɔniliɛ gi aakyi ɔnɔ gi abitɛ eboe zimizi dɔni yɛ eboe zimizi na mɛ ɛ, aabu yɛ esobo la dɔni kutse me, lɛ biakɔ eboe zimizi glegle kɔkyɛ.
Currently Selected:
Yak 5: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Yak 5
5
Kiseʋi dúdu ní Bexonete ba su
1Abla ɛ, mlɔ bexonete ba mlata mɛ kutu! Mlebemi tɔ mlawa awowoe la ní kubleble liɔ gi kwitraba mlɔ aʋa su u! 2Mlɔ exo la ɛfumu, lɛ sakplakpa ʋa bɛta mlɔ ewu la a. 3Mlɔ sika yɛ ni klosalo ʋa begyewle, lɛ kugyewleo liɔ ya kwiaze katsali ní mlɔ su, lɛ biata mlɔ kigyɛ ŋwisi kifu kinɛ ɛ. Mlɛbla exo la ní ewe gɔgɔa la ya mɛ. 4Mlata kutu! Mleto banama gi bɛwa axwɛ na ní mlɔ inyrɔ nɛ mɛ ɛkpɛ ɛ. Mláta ba aʋɛ na kunutsatsa kutu! Banama gi bɛwa axwɛ na ɛki mlɔ ɛ, ba kubemi yo kwiku Aya Ɔka ʋidi ye yɛ kutu yɔ mɛ. 5Mlɔ ligbã nɛ ní kesea ʋa ya ɛ, liiyi ni ligbã́ŋaŋa ni isami mɔmɔ. Mleku kumu ikí mlɔ liye we le. 6Mlebu banima lipɔ lɛ mleye banama gi bata kese e, xe báyɔ kedu ní mlɔ su i.
Litɔ plɛplɛ kese nì Aya kuxwaxwa
7Mɛ benemi ba, mlaplɛ litɔ kese, kɔzɛna ni Ɔkaɛ yɛ kibaba ɛ. Mledi kiliɛ gi ɔnyrɔmɛdzɛɛ izɛɛplɛ litɔ kese e, xe izeepe yɛ kesea tɔ kaki bidɔkpɛkpɛ gi kedzi ŋaŋa kalɛ ní bɛ su i, izeeze nì litɔ plɛplɛ kese ki kedzenilea. 8Mlɔfɛ mlaplɛ litɔ kese. Mlaki mlɔ kudeonu didi yo kumu gi Ɔkaɛ libawe le liti pɔnɔ ɛ.
9Mɛ benemi ba mlakítsà mlɔ ahanuglɔ ba onu u, tɔ Aya ɔkixwa litsi ni mlo o. Otsixwa yɛ, eti apɔnɔ abla gi atráŋwi i. 10Mɛ benemi ba, mlaplɛ aŋu ní beboedoplɛ ba gi bɛpani ní Ɔkaɛ linyi ne me aʋa a. Mlakɔ ba ŋwisi kukɔsrɔnɔ kí litɔ plɛplɛ kese nì kulɛ́lɛɛ ní kini me kinɛ ɛ. 11Kwixwa ba si basami nɛ lɛ ese linu si bɛtani kulɛɛ. Mlenu Hiob yɛ litɔ plɛplɛ kese onu, lɛ mlete kiliɛ gi Ɔkaɛ abitɛ aki yɛ gɔgɔ ɛ. Lɛ ese linu si asigagadidi nì lipomepɛpɛ bilɛ ní Ɔkaɛ mɛ.
12Mɛ benemi ba, kɔsanɔ ɛ, mlakítàni bidɔ ɔ, xe mlɛɛka ɛplɛ ɛ. Mlakítàni lifunu ne loo kese loo kidɔ dzedze tɔtɔ ɔ. Mlapani ko si, “Ee” xe mlɛtrɔ si ee, nì “Oo” xe mlɛtrɔ si oo, tɔ mlekíku Aya yɛ litsixwaxwa mɛ ɛ.
Aya Kuxwaxwa ní Kuziŋa mɛ
13Dani mlɔ mɛ batɔ beku kuxixa mɛ ɛ? Baxwa Aya. Dani mlɔ mɛ batɔ bɛɛmɔ isami i? Bazà idzi tɔ bakɔ akpɔ̀ Aya. 14Dani mlɔ mɛ batɔ beetse e? Bakpɛ banɔ atsisi ɔha lɔ banɔtsitsi ba, tɔ baxwa Aya ní ba litukpo atɔ basra kumu aki ba ní Ɔkaɛ linyi ne me. 15Aya kuxwaxwa liɔ ní kuziŋa mɛ ɛ, kwiayɔ ni ba; Ɔkaɛ aaki si biadziku ba kìku ye. Lɛ xegi bɛbitɛ eboe zimizi i, biakɔ ba eboe zimizi na kɔkyɛ ba. 16Lɛ loso, mladra mlɔ eboe zimizi na mɛ akí mlɔ ahanuglɔ ba, tɔ mlaxwa Aya ní mlɔ ahanuglɔ ba litukpo tɔ biayɔni mlɔ. Ɔnɔ gbã yɛ Aya kuxwaxwa ɛ, kuli gagla lɛ kuzebu libi i. 17Eliya eze ɔnɔ blɔ kiniɛ. Axwa Aya ni kimbi kyikyi si dzeni ye ɔkidɔ ɔ, lɛ dzeni ɔtɔtɔ ɔ́dɔ ní kesea aʋa agɔ tata ni kapɛ ɛ. 18Lɛ axwa Aya dzɛ, lɛ ayɛɛ aki dzeni ye, lɛ kesea kyɛ kɛki bidɔŋaŋa ʋɛ ɛ.
19Mɛ benemi ba, xe mlɔ mɛ ɔtɔ adzɛ kede ní anukwarɛ su u, xe ɔnɔ dzedze edzini yɛ amanɔ ɛ, 20mlaplɛ aŋu lɛ ya aʋa si, ɔniliɛ gi aakyi ɔnɔ gi abitɛ eboe zimizi dɔni yɛ eboe zimizi na mɛ ɛ, aabu yɛ esobo la dɔni kutse me, lɛ biakɔ eboe zimizi glegle kɔkyɛ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc