Galatia 2
2
Banɔkpɛkpɛ Dzedze ba bɛzi Paulo
1Ní agɔ liɔfɔ ni tene kede e, memu atre ní Yerusalem ni Banaba, lɛ magbani Tito kyɛ apɔni isu ya ɛ. 2Madzɛ lɛ ese linu si Aya ebu abasɛ mɛ si linu si mitrɛ. Ní kikpokpo me kutsátsa mɛ ɛ mebú eboe mɛ, aki banama gi bɛŋwi ŋwisi ba beze ba onu i, mápɛ si axwɛ ana gi mawa zanɔ ɔ loo laklɔ gi mɛɛwa abla ɛ, adɔ limu. 3Mɛ ɔgaglɔnɛ Tito, gi onu Hela ɔnɛ kruaa kyɛ ɛ, bemi yɛ aʋa si ɔtsà ɔyaʋi. 4Pɔ̀ liboe lɛ ya likpɛ ketui dono o, lɛ ese linu si banɔ baklɔ ʋa bɛbitɛ isu ya ŋwisi baʋaziŋa kinɛ ɛ, bekpo etiku blɔ mɛ, tɔ bɛɛpami tɔ beedi ɔwlamɔmɔ nɔ klɔ gi kwimɔ ɛ, gani blɔ likpɔkpɛkpɛ mɛ ni Kristo Yesu u.#2:4 Ni Paulo Kuplekpaa mɛ ɛ, izɛɛwa Kristo Yesu su axwɛ xe gi ɛɛpani ní Yesu yɛ Kunɔbu yo axwɛwawa la su u. Lɛ izɛɛwa Yesu Kristo su axwɛ xegi ɛɛpani ni yɛ kisugyaɛ mɛ ligbãzeze ne su u. Bɛpɛ si bɛɛbitɛ blɔ banɔdzidzi. 5Pɔ̀ tɔ kubla Liboe Gbã nɛ lɛ anukwarɛɛ akí mlɔ ɛ, kúkiba kudeonu lipoe tɔtɔ fɛ.
6Pɔ̀ banɔ baklɔ gi bɛŋwi ikí ba si ba bedi ní ba onu i, mámɔ lidzegaga ɛtɔtɔ ní ba kusi i. Lɛ ese linu si Aya ɔʋíxwa litsi ní banɔ kiŋwiŋwi mɛ su, lɛ banɔ baklɔ ba bákɔ liboeboe apɔni liboe lɛ gi mabasɛ si mlɔ ɔ. 7Boŋu i, bɛmɔ si Aya aki mɛ lixwɛ si misɔli liboe le ki banama gi bénu Yudanɛ ma a, kiliɛ ɖii gi aki Petro lixwɛ nɛ si ɔsɔli liboe le ɔki Yudanɛ ma ɛ. 8Lɛ ese linu si kiliɛ gi Aya awa axwɛ ní Petro yɛ axwɛwawa la mɛ ki Yudanɛ ma ɛ, nite ke ɛɛwa axwɛ na ní mɛ axwɛ na mɛ ŋwisi ɔnɔkpɛkpɛ ki banama gi bénu Yudanɛ ma a. 9Yakobo, Petro, nì Yohanes gi bɛŋwi si ba bedi ní ba onu i, bɛkpɛ lɛ gyesi ye si Aya aki mɛ lixwɛ dzedze lɛ ya; lɛ loso bɛki mɛ nì Banaba awla ní lɛ aʋa a, gi binu gyesi si baxwɛwaglɔnɛ kunu u. Kwidimɛ si Banaba nì Mɛ kwiawa axwɛ na ní banama gi bénu Yudanɛ ma kusi i, tɔ ba fɛ biawa axwɛ na ní Yudanɛ ma kusi. 10Kidiliɛ ko gi beʋi kinu si tɔ kuplɛ aŋu ní bazianete ba ní bá likpɔkpɛkpɛ lɛ mɛ aʋa a, gi lɛ linu kidiliɛ ɖii gi mazɛɛpɛ si mibitɛ ɛ.
Paulo Atɛni Petro Ní Antioxia
11Gi Petro aba Antioxia ɛ, mayɔ kedu ní yɛ su aŋu mɛ ni aŋu mɛ lɛ ese linu si, lɛ mɛ lidra si ata kese e. 12Xe ableke banɔ batɔ gi Yakobo akpɛ bɛba eku ní klɔ ɛ, Petro azɛɛŋa bidɔ ni benemi ba ya gi bénu Yudanɛ ma ɛ. Pɔ̀ gi banɔ baklɔ ba bɛba ɛ, edzì kide lɛ ɔ́zɛɛŋa bidɔ nì banama gi bénu Yudanɛ tɔ ɔ, lɛ ese linu si azeese Yudanɛ a ma gi bɛtrɔ awla ni lɛ aʋa si batsà ɔyaʋi aki ba ɛ, si biayɔ kedu ní yɛ su.
13Lɛ benemi Yudanɛ dzedze ba fɛ ɛ, bɛkɔ ɔŋufa#2:13 ɔŋufa lɔ onu si banama gi bizɛɛbitɛ ŋwisi bádimɛni kiditɔ ɔ, ní ɔha kusi pɔ̀ xe ɔnɔnɔ ɔ́ma niklɔ ʋa ɛ, bizɛdimɛ ni kidiliɛ klɔ ɔ. ɛpɔni Petro; lɛ bemeni Banaba fɛ ɛ.
14Agi mamɔ si baʋíga ní kude gyɔgyɔɔ aʋa ni Liboe Gbã nɛ lɛ anukwarɛɛ aʋa ɛ, masi Petro ní ba petee aŋu mɛ si, “Yuda ɔnɛ wonu pɔ̀ woeze ligbã́ nɛ ko ŋwisi ɔnɔ gi ónu Yuda ɔnɛ kinɛ ɛ. Kitɛmɛ wɔakyi Babubitɛ ba tɔ beze ni Yudanɛ ma ikɔ lɛ kude e?”
15“Blɔ banama gi kunu Yudanɛ gani kipɔpɔ mɛ ɛ, kúnu ‘Banama gi bénu Yudanɛ gi bɛta kese e’, ŋwisi kiliɛ gi bɛɛxwa ba kinɛ ɛ. 16Lɛ kwite si ɔnɔ liboe litrágyɔ ní Aya aŋu mɛ ɛ, gani ɔsã nɔ aʋa kubitɛ mɛ, boŋu i, gani kuziŋa ní Yesu Kristo me. Blɔ fɛ kwizi Kristo Yesu aʋa ɛɛŋa, tɔ blɔ linɛ liagyɔ ní Aya yɛ aŋu mɛ ɛ, lɛ aní kɔgani kidiliɛ gi Mose Ɔsã nɔ eʋi me e. Lɛ ese linu si gani Mose ɔsã nɔ aʋa kubitɛ mɛ ɛ, ɔnɔnɔ linɛ litrágyɔ ní Aya kɔ ɔ.
17“Kɔlɔ xegi kwipɛ si blɔ linɛ ligyɔ ní Aya kɔ ɔ, gani likpɔkpɛkpɛ mɛ ni Kristo e, xe bɛɛmɔ blɔ si kwibitɛ eboe zimizi ŋwisi kiliɛ gi banama a, gi bénu Yudanɛ ma balɛ kinɛ ɛ, kɔ kibasɛ libasɛ si Kristo ɛɛkpɛ eboe zimizi na kubitɛ kigagla na a? Owo líma lɛ mɛ nite e! 18Xegi medzini kiditɔ ɔ, gi mayaʋi i, xe medzini kɛ awa ɛ, kɔlɔ mɛɛbasɛ isu ya si, menu ɔnutɔ gi ɛɛta Ɔsã nɔ ese e. 19Tsã ɛ, meze ní ɔsã nɔ ese, pɔ̀ máma ní ɔsã nɔ ese tɔ ɔ, lɛ malɛ ligbã́ nɛ aki Aya. Beye mɛ ligbã́ koko le nì Kristo ní yɛ osetsase lo su, 20lɛ loso aní mɛ malɛ ligbã́ nɛ tɔ ɔ, pɔ̀ Kristo yɛ ɔlɛ ligbã́ nɛ ní mɛmɛ ɛ. Ligbã́ɛ nɛ gi malɛ abla ɛ, malɛ ní kuziŋaa mɛ ní Aya Yebi ye me, ɔniliɛ gi alɔ mɛ ɛ, xe akɔ yɛ ligbã́ nɛ akyɛ ní mɛ onu i. 21Mátradimɛ si mikyí kede ekpɛ Aya yɛ lipomepɛpɛ nɛ ɛ. Pɔ̀ xe ɔnutɔ linɛ liagyɔ ní Aya aŋu mɛ gani Mose Ɔsã nɔ aʋa ɛ, kɔ libasɛ si Kristo etse fiteete!”
Currently Selected:
Galatia 2: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Galatia 2
2
Banɔkpɛkpɛ Dzedze ba bɛzi Paulo
1Ní agɔ liɔfɔ ni tene kede e, memu atre ní Yerusalem ni Banaba, lɛ magbani Tito kyɛ apɔni isu ya ɛ. 2Madzɛ lɛ ese linu si Aya ebu abasɛ mɛ si linu si mitrɛ. Ní kikpokpo me kutsátsa mɛ ɛ mebú eboe mɛ, aki banama gi bɛŋwi ŋwisi ba beze ba onu i, mápɛ si axwɛ ana gi mawa zanɔ ɔ loo laklɔ gi mɛɛwa abla ɛ, adɔ limu. 3Mɛ ɔgaglɔnɛ Tito, gi onu Hela ɔnɛ kruaa kyɛ ɛ, bemi yɛ aʋa si ɔtsà ɔyaʋi. 4Pɔ̀ liboe lɛ ya likpɛ ketui dono o, lɛ ese linu si banɔ baklɔ ʋa bɛbitɛ isu ya ŋwisi baʋaziŋa kinɛ ɛ, bekpo etiku blɔ mɛ, tɔ bɛɛpami tɔ beedi ɔwlamɔmɔ nɔ klɔ gi kwimɔ ɛ, gani blɔ likpɔkpɛkpɛ mɛ ni Kristo Yesu u.#2:4 Ni Paulo Kuplekpaa mɛ ɛ, izɛɛwa Kristo Yesu su axwɛ xe gi ɛɛpani ní Yesu yɛ Kunɔbu yo axwɛwawa la su u. Lɛ izɛɛwa Yesu Kristo su axwɛ xegi ɛɛpani ni yɛ kisugyaɛ mɛ ligbãzeze ne su u. Bɛpɛ si bɛɛbitɛ blɔ banɔdzidzi. 5Pɔ̀ tɔ kubla Liboe Gbã nɛ lɛ anukwarɛɛ akí mlɔ ɛ, kúkiba kudeonu lipoe tɔtɔ fɛ.
6Pɔ̀ banɔ baklɔ gi bɛŋwi ikí ba si ba bedi ní ba onu i, mámɔ lidzegaga ɛtɔtɔ ní ba kusi i. Lɛ ese linu si Aya ɔʋíxwa litsi ní banɔ kiŋwiŋwi mɛ su, lɛ banɔ baklɔ ba bákɔ liboeboe apɔni liboe lɛ gi mabasɛ si mlɔ ɔ. 7Boŋu i, bɛmɔ si Aya aki mɛ lixwɛ si misɔli liboe le ki banama gi bénu Yudanɛ ma a, kiliɛ ɖii gi aki Petro lixwɛ nɛ si ɔsɔli liboe le ɔki Yudanɛ ma ɛ. 8Lɛ ese linu si kiliɛ gi Aya awa axwɛ ní Petro yɛ axwɛwawa la mɛ ki Yudanɛ ma ɛ, nite ke ɛɛwa axwɛ na ní mɛ axwɛ na mɛ ŋwisi ɔnɔkpɛkpɛ ki banama gi bénu Yudanɛ ma a. 9Yakobo, Petro, nì Yohanes gi bɛŋwi si ba bedi ní ba onu i, bɛkpɛ lɛ gyesi ye si Aya aki mɛ lixwɛ dzedze lɛ ya; lɛ loso bɛki mɛ nì Banaba awla ní lɛ aʋa a, gi binu gyesi si baxwɛwaglɔnɛ kunu u. Kwidimɛ si Banaba nì Mɛ kwiawa axwɛ na ní banama gi bénu Yudanɛ ma kusi i, tɔ ba fɛ biawa axwɛ na ní Yudanɛ ma kusi. 10Kidiliɛ ko gi beʋi kinu si tɔ kuplɛ aŋu ní bazianete ba ní bá likpɔkpɛkpɛ lɛ mɛ aʋa a, gi lɛ linu kidiliɛ ɖii gi mazɛɛpɛ si mibitɛ ɛ.
Paulo Atɛni Petro Ní Antioxia
11Gi Petro aba Antioxia ɛ, mayɔ kedu ní yɛ su aŋu mɛ ni aŋu mɛ lɛ ese linu si, lɛ mɛ lidra si ata kese e. 12Xe ableke banɔ batɔ gi Yakobo akpɛ bɛba eku ní klɔ ɛ, Petro azɛɛŋa bidɔ ni benemi ba ya gi bénu Yudanɛ ma ɛ. Pɔ̀ gi banɔ baklɔ ba bɛba ɛ, edzì kide lɛ ɔ́zɛɛŋa bidɔ nì banama gi bénu Yudanɛ tɔ ɔ, lɛ ese linu si azeese Yudanɛ a ma gi bɛtrɔ awla ni lɛ aʋa si batsà ɔyaʋi aki ba ɛ, si biayɔ kedu ní yɛ su.
13Lɛ benemi Yudanɛ dzedze ba fɛ ɛ, bɛkɔ ɔŋufa#2:13 ɔŋufa lɔ onu si banama gi bizɛɛbitɛ ŋwisi bádimɛni kiditɔ ɔ, ní ɔha kusi pɔ̀ xe ɔnɔnɔ ɔ́ma niklɔ ʋa ɛ, bizɛdimɛ ni kidiliɛ klɔ ɔ. ɛpɔni Petro; lɛ bemeni Banaba fɛ ɛ.
14Agi mamɔ si baʋíga ní kude gyɔgyɔɔ aʋa ni Liboe Gbã nɛ lɛ anukwarɛɛ aʋa ɛ, masi Petro ní ba petee aŋu mɛ si, “Yuda ɔnɛ wonu pɔ̀ woeze ligbã́ nɛ ko ŋwisi ɔnɔ gi ónu Yuda ɔnɛ kinɛ ɛ. Kitɛmɛ wɔakyi Babubitɛ ba tɔ beze ni Yudanɛ ma ikɔ lɛ kude e?”
15“Blɔ banama gi kunu Yudanɛ gani kipɔpɔ mɛ ɛ, kúnu ‘Banama gi bénu Yudanɛ gi bɛta kese e’, ŋwisi kiliɛ gi bɛɛxwa ba kinɛ ɛ. 16Lɛ kwite si ɔnɔ liboe litrágyɔ ní Aya aŋu mɛ ɛ, gani ɔsã nɔ aʋa kubitɛ mɛ, boŋu i, gani kuziŋa ní Yesu Kristo me. Blɔ fɛ kwizi Kristo Yesu aʋa ɛɛŋa, tɔ blɔ linɛ liagyɔ ní Aya yɛ aŋu mɛ ɛ, lɛ aní kɔgani kidiliɛ gi Mose Ɔsã nɔ eʋi me e. Lɛ ese linu si gani Mose ɔsã nɔ aʋa kubitɛ mɛ ɛ, ɔnɔnɔ linɛ litrágyɔ ní Aya kɔ ɔ.
17“Kɔlɔ xegi kwipɛ si blɔ linɛ ligyɔ ní Aya kɔ ɔ, gani likpɔkpɛkpɛ mɛ ni Kristo e, xe bɛɛmɔ blɔ si kwibitɛ eboe zimizi ŋwisi kiliɛ gi banama a, gi bénu Yudanɛ ma balɛ kinɛ ɛ, kɔ kibasɛ libasɛ si Kristo ɛɛkpɛ eboe zimizi na kubitɛ kigagla na a? Owo líma lɛ mɛ nite e! 18Xegi medzini kiditɔ ɔ, gi mayaʋi i, xe medzini kɛ awa ɛ, kɔlɔ mɛɛbasɛ isu ya si, menu ɔnutɔ gi ɛɛta Ɔsã nɔ ese e. 19Tsã ɛ, meze ní ɔsã nɔ ese, pɔ̀ máma ní ɔsã nɔ ese tɔ ɔ, lɛ malɛ ligbã́ nɛ aki Aya. Beye mɛ ligbã́ koko le nì Kristo ní yɛ osetsase lo su, 20lɛ loso aní mɛ malɛ ligbã́ nɛ tɔ ɔ, pɔ̀ Kristo yɛ ɔlɛ ligbã́ nɛ ní mɛmɛ ɛ. Ligbã́ɛ nɛ gi malɛ abla ɛ, malɛ ní kuziŋaa mɛ ní Aya Yebi ye me, ɔniliɛ gi alɔ mɛ ɛ, xe akɔ yɛ ligbã́ nɛ akyɛ ní mɛ onu i. 21Mátradimɛ si mikyí kede ekpɛ Aya yɛ lipomepɛpɛ nɛ ɛ. Pɔ̀ xe ɔnutɔ linɛ liagyɔ ní Aya aŋu mɛ gani Mose Ɔsã nɔ aʋa ɛ, kɔ libasɛ si Kristo etse fiteete!”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc