Axwɛ 20
20
Paulo Atrɛ ní Makedonia ni Hela Kuseo me
1Agi bɛmɔni ozi lo kukpɛ ɛ, Paulo axwa baʋaziŋa ba mani yɛ klɔ, lɛ gi akpɛ ba kigagla ní ba kuziŋaa mɛ ɛ, akla ba lɛ eku Makedonia kudeo me e. 2Gi aga kusio klɔ ɔ, xe akpɛ ba kigagla ni eboe glegle e, aba Hela kesea mɛ. 3Lɛ eze niklɔ badzidzi tiata a, nya apɛ si yiku ohu lo ɛtrɛ ní Siria xe e, pɔ̀ gi amɔ si Yudanɛ ma bɛtrɔ liboe ní yɛ su i, ekyi yɛ begyodi ʋa lɛ azɛɛga Makedonia ɛ. 4Lɛ banama gi bezeni yɛ kude e, ba benu, Sopatre, Piro gi ádɔ Beroia a yebi, Aristarxo ani Sekundo gi bɛdɔ Tesalonika a; Gayo gi ádɔ Derbe e, kɔpɔni Tixiko ni Trofimo gi bɛdɔ Asia ani Timoteo. 5Banɔ ba ya ɛ, betu ɔtɔ lɛ bezeepe blo ní Troa ɔma nɔ mɛ ɛ. 6Lɛ gi kwiku ohu lo ɛdɔni Filipi ní Yudanɛ ma Aklamɔnyasi na liwe le kede e, kwizɛtsani ba ní Troa liwe tsunɛ nɛ aʋa, lɛ kwize ní niklɔ ewe tegloele e.
Paulo Adzɛ Troa Kugɔgɔɔ
7Ní ogle no liwe tɔpu nɛ aʋa a, gi kwitsa si kuŋa Ɔkaɛ yɛ kiŋaŋaɛ ɛ, Paulo apani aki banima lipoe gblamadza zɛkɔna ni elesi tetsu, lɛ ese linu si apɛ si, xe kelea kɛti i, yɛ aaku kudeo me. 8Lɛ kani glegle bezekle e, ní abaa la ligba ɛ lɛ klɔ mɛ gi kwitsa ɛ. 9Ɔyasɔʋi ɔtɔ, gi yɛ linyi linu Eutixo eze ní fɛsrɛ onu, gi Paulo eboe la edzè onu i, eku sra mɛ, lɛ awɔli adɔ ni abaa la ligbatrɔtrɔ lɛ litanɛ nɛ aʋa xe aba dɔ kesea ɛ, lɛ gi bezefeke ye e, bɛmɔ si etse. 10Agi Paulo eple atrɛ ní kesea ɛ, ehe ye apɔni isu lɛ apani si, “Mlakikpɛ lɛ ozi i, ɔlɛ ligbã.” 11Lɛ gi edzì emu i, ayaʋi àklã na lɛ bɛta ɛ, lɛ apani aki ba zɛkɔna ni lipoe lɛ gi liwe le litu i, lɛ asɛ ɛ. 12Banima bɛgbani ɔyasɔʋi lɔ ɛtsini kepea mɛ ɔgbagbe, ni ɔna dɔdɔ glegle.
Paulo Adɔ Troa Aba Malta
13Kwiku ɔtɔ eku ohu lo me lɛ kwitrɛ ní Aso e: niklɔ kwiazi Paulo kpɛ ní ohu lo me e, abitɛ kutrɔtrɔ liɔ ya lɛ ese linu si yɛ ɔtutɔ ɛ, ikli atrága. 14Gi atsani blɔ ní Aso e, kwizi yɛ kpɛ ní ohu lo me lɛ kwiba Mitilene e. 15Lɛ gi kelea kɛti i, kwikpaʋi dɔni niklɔ lɛ kwiba Xio su i, lɛ lɛ keletitia mɛ ɛ, kwitipɔni Samo, gi kelea kɛti dzɛ ɛ, kwiba eku Malta. 16Lɛ ese linu si Paulo atrɔ si yidɔ Efeso eza, tɔ yikízizi lipoe ní Asia, lɛ ese linu si ɛɛkɔsi si xegi liasɔnɔ ɛ, tɔ yiku Yerusalem ní Pentekoste liwe le aʋa a.
Paulo Akla Efesoanɛ ma Baka ba
17Lɛ ní Malta ɛ, akpɛ banɔ atsisi Efeso, lɛ bɛzɛxwa baʋaziŋa ba baka ba ɛmanɔ ɛ. 18Agi bɛba yɛ klɔ ɛ, asi ba si, “Mlete kiliɛ gi meze e, xe mawa axwɛ na ní mlɔ kusi i, dɔni liwe tɔpu nɛ gi makpɛ ɔkli ní Asia ɛ, 19mesumu Ɔkaɛ ni kusububɔ ni kube gi kukenidi kwiba mɛ aʋa gani Yudanɛ ma batrɔtrɔ ʋa si beye me su u. 20Mlete si mákɔ liboeboe kpo mlo gi liakpɛ mlɔ kigagla a, mapani Aya yɛ liboe le, lɛ mabasɛ mlɔ bidɔ ní ɔha kusi ni dɔni kepeme tsini kepeme e, 21mapani akí Yudanɛ ma ni banama gi bénu Yudanɛ ní ɔna mɛ kukyikyi su ki Aya a, ani tɔ bazɛ Ɔkaɛ Yesu aʋa ŋa. 22Pɔ̀ abla ɛ, dike, malɛ kunyanya mɛ ní Ɔfuɛfuɛ nɔ mɛ gi mɛɛtrɛ ní Yerusalem i, lɛ méte liboe lɛ gi litraba mɛ aʋa niklɔ ɔ, 23pɔ̀ mete si ní ɔma kakaa mɛ ɛ, Aya Ɔfuɛfuɛ nɔ izɛki mizeete si kunugu ni ligbã kuzeze kwipe me e. 24Pɔ̀ mákɔ lɛ si mɛ ligbã nɛ líŋa kedzi sanɔ ɔ, xegi maabloni mɛ kude gaga uliɔ gi mazi adɔ ni Ɔkaɛ Yesu kɔ ɛ, lɛ linu si misi banima liboe gbã nɛ ní Aya lipomepɛpɛ nɛ su u.
25“Lɛ abla ɛ, mete si, mlɔ banama petee kusi gi maga a, xe mazeebu Aya yɛ kukusi ŋaŋaa ese akɔ ɛ, mlátramɔ mɛ aŋu mɛ tɔ ɔ. 26Lɛ loso, mɛɛsi mlɔ omono liwe le si, xe mlɔ mɛ ɔnutɔ aalila yɛ ligbã́ nɛ ɛ, mɛ onugu ɔ̀ma ní lɛ mɛ ɛ. 27Lɛ ese linu si mékpo Aya yɛ kaʋaŋaa su kudradra ní mlɔ su u. 28Lɛ loso e, mledi mlɔ isu ya aʋa mumɔ, lɛ mledi banama petee, gi Aya Ɔfuɛfuɛ nɔ ɛkpɛ ní mlɔ awla ɛ aʋa mumɔ ɔ, mleze banɔgbanɔ kí bebi ba ya gi Aya akpɛ ní mlɔ awla ɛ, gi edzì ni yɛ ɔtutɔ Yebi ye yɛ ika lɛ ɛ. 29Mete si ní mɛ kusɛsɛɔ kede e, kuŋwafudroʋi yo banyraga ʋa biaku mlɔ kusi, banama gi bátradi iʋesi le asigaga a, 30lɛ ní mlɔatsali kusi i, benyime ba klɔ gi bizɛsɛ asia na ɛ, biayɔ, lɛ biahe baʋaziŋaatɔ bu ní mlɔ kusi gi bia zeni ba kude e. 31Lɛ loso e, mleze ni aŋu, tɔ mlaplɛ aŋu si, agɔ tata nyɔŋ gi meze ní mlɔ kusi i, elesi ni kemize, mámɔni mlɔ mɛ kakaa kugba ni kube e.
32“Lɛ abla ɛ, benemi ba a, makɔ mlɔ akpɛ ní Aya awla si odi mlɔ aʋa, yɛ liboe le liaki si mlatsi ní Ɔfuɛfuɛ nɔ mɛ ɛ, lɛ aaki mlɔ ɔŋakɔ ní banama petee gi akya ɛ kusi. 33Mázã kimbi ní ɔnɔnɔ yɛ klosalo loo sika, lo ewu su u. 34Mlɔ tutɔ mlete si, mɛ iwlaɛ lɛ ya ʋa makɔ awa axwɛ na ki mɛ ni banama gi bɛpɔni mɛ ɛ, blɔ baziazia ʋa a. 35Ní kidɔ kakaa mɛ ɛ, mabasɛ mlɔ si, linu si, ɔnɔ ɔwa axwɛ, tɔ aazi kí banama su gi kigagla kíma ɛ, tɔ mlaplɛ aŋu ní Ɔkaɛ Yesu yɛ eboa la gi yɛ ɔtutɔ asi mlɔ aʋa si, ‘Kukɔkɔ kunu kukrira sani kuzɛɛzɛ.’ ”
36Agi apani la ya pɔ́ ɛ, atrɛ yɛ aklamasi na aʋa, lɛ yɛ ni ba petee bɛxwa Aya ɛ. 37Lɛ ba petee bekpese kubemi gagla a, lɛ bɛkpɛ awla Paulo ole lɛ bɛmu yɛ adzɔ la, xe bɛkpɛ yɛ kude 38nì ɔna nyipu u, li lɛ gi liyeʋi ba linu liboe lɛ gi apani si, bátramɔ yɛ tɔ ɔ. Lɛ bɛya yɛ zɛna ni ohu lo me e.
Currently Selected:
Axwɛ 20: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 20
20
Paulo Atrɛ ní Makedonia ni Hela Kuseo me
1Agi bɛmɔni ozi lo kukpɛ ɛ, Paulo axwa baʋaziŋa ba mani yɛ klɔ, lɛ gi akpɛ ba kigagla ní ba kuziŋaa mɛ ɛ, akla ba lɛ eku Makedonia kudeo me e. 2Gi aga kusio klɔ ɔ, xe akpɛ ba kigagla ni eboe glegle e, aba Hela kesea mɛ. 3Lɛ eze niklɔ badzidzi tiata a, nya apɛ si yiku ohu lo ɛtrɛ ní Siria xe e, pɔ̀ gi amɔ si Yudanɛ ma bɛtrɔ liboe ní yɛ su i, ekyi yɛ begyodi ʋa lɛ azɛɛga Makedonia ɛ. 4Lɛ banama gi bezeni yɛ kude e, ba benu, Sopatre, Piro gi ádɔ Beroia a yebi, Aristarxo ani Sekundo gi bɛdɔ Tesalonika a; Gayo gi ádɔ Derbe e, kɔpɔni Tixiko ni Trofimo gi bɛdɔ Asia ani Timoteo. 5Banɔ ba ya ɛ, betu ɔtɔ lɛ bezeepe blo ní Troa ɔma nɔ mɛ ɛ. 6Lɛ gi kwiku ohu lo ɛdɔni Filipi ní Yudanɛ ma Aklamɔnyasi na liwe le kede e, kwizɛtsani ba ní Troa liwe tsunɛ nɛ aʋa, lɛ kwize ní niklɔ ewe tegloele e.
Paulo Adzɛ Troa Kugɔgɔɔ
7Ní ogle no liwe tɔpu nɛ aʋa a, gi kwitsa si kuŋa Ɔkaɛ yɛ kiŋaŋaɛ ɛ, Paulo apani aki banima lipoe gblamadza zɛkɔna ni elesi tetsu, lɛ ese linu si apɛ si, xe kelea kɛti i, yɛ aaku kudeo me. 8Lɛ kani glegle bezekle e, ní abaa la ligba ɛ lɛ klɔ mɛ gi kwitsa ɛ. 9Ɔyasɔʋi ɔtɔ, gi yɛ linyi linu Eutixo eze ní fɛsrɛ onu, gi Paulo eboe la edzè onu i, eku sra mɛ, lɛ awɔli adɔ ni abaa la ligbatrɔtrɔ lɛ litanɛ nɛ aʋa xe aba dɔ kesea ɛ, lɛ gi bezefeke ye e, bɛmɔ si etse. 10Agi Paulo eple atrɛ ní kesea ɛ, ehe ye apɔni isu lɛ apani si, “Mlakikpɛ lɛ ozi i, ɔlɛ ligbã.” 11Lɛ gi edzì emu i, ayaʋi àklã na lɛ bɛta ɛ, lɛ apani aki ba zɛkɔna ni lipoe lɛ gi liwe le litu i, lɛ asɛ ɛ. 12Banima bɛgbani ɔyasɔʋi lɔ ɛtsini kepea mɛ ɔgbagbe, ni ɔna dɔdɔ glegle.
Paulo Adɔ Troa Aba Malta
13Kwiku ɔtɔ eku ohu lo me lɛ kwitrɛ ní Aso e: niklɔ kwiazi Paulo kpɛ ní ohu lo me e, abitɛ kutrɔtrɔ liɔ ya lɛ ese linu si yɛ ɔtutɔ ɛ, ikli atrága. 14Gi atsani blɔ ní Aso e, kwizi yɛ kpɛ ní ohu lo me lɛ kwiba Mitilene e. 15Lɛ gi kelea kɛti i, kwikpaʋi dɔni niklɔ lɛ kwiba Xio su i, lɛ lɛ keletitia mɛ ɛ, kwitipɔni Samo, gi kelea kɛti dzɛ ɛ, kwiba eku Malta. 16Lɛ ese linu si Paulo atrɔ si yidɔ Efeso eza, tɔ yikízizi lipoe ní Asia, lɛ ese linu si ɛɛkɔsi si xegi liasɔnɔ ɛ, tɔ yiku Yerusalem ní Pentekoste liwe le aʋa a.
Paulo Akla Efesoanɛ ma Baka ba
17Lɛ ní Malta ɛ, akpɛ banɔ atsisi Efeso, lɛ bɛzɛxwa baʋaziŋa ba baka ba ɛmanɔ ɛ. 18Agi bɛba yɛ klɔ ɛ, asi ba si, “Mlete kiliɛ gi meze e, xe mawa axwɛ na ní mlɔ kusi i, dɔni liwe tɔpu nɛ gi makpɛ ɔkli ní Asia ɛ, 19mesumu Ɔkaɛ ni kusububɔ ni kube gi kukenidi kwiba mɛ aʋa gani Yudanɛ ma batrɔtrɔ ʋa si beye me su u. 20Mlete si mákɔ liboeboe kpo mlo gi liakpɛ mlɔ kigagla a, mapani Aya yɛ liboe le, lɛ mabasɛ mlɔ bidɔ ní ɔha kusi ni dɔni kepeme tsini kepeme e, 21mapani akí Yudanɛ ma ni banama gi bénu Yudanɛ ní ɔna mɛ kukyikyi su ki Aya a, ani tɔ bazɛ Ɔkaɛ Yesu aʋa ŋa. 22Pɔ̀ abla ɛ, dike, malɛ kunyanya mɛ ní Ɔfuɛfuɛ nɔ mɛ gi mɛɛtrɛ ní Yerusalem i, lɛ méte liboe lɛ gi litraba mɛ aʋa niklɔ ɔ, 23pɔ̀ mete si ní ɔma kakaa mɛ ɛ, Aya Ɔfuɛfuɛ nɔ izɛki mizeete si kunugu ni ligbã kuzeze kwipe me e. 24Pɔ̀ mákɔ lɛ si mɛ ligbã nɛ líŋa kedzi sanɔ ɔ, xegi maabloni mɛ kude gaga uliɔ gi mazi adɔ ni Ɔkaɛ Yesu kɔ ɛ, lɛ linu si misi banima liboe gbã nɛ ní Aya lipomepɛpɛ nɛ su u.
25“Lɛ abla ɛ, mete si, mlɔ banama petee kusi gi maga a, xe mazeebu Aya yɛ kukusi ŋaŋaa ese akɔ ɛ, mlátramɔ mɛ aŋu mɛ tɔ ɔ. 26Lɛ loso, mɛɛsi mlɔ omono liwe le si, xe mlɔ mɛ ɔnutɔ aalila yɛ ligbã́ nɛ ɛ, mɛ onugu ɔ̀ma ní lɛ mɛ ɛ. 27Lɛ ese linu si mékpo Aya yɛ kaʋaŋaa su kudradra ní mlɔ su u. 28Lɛ loso e, mledi mlɔ isu ya aʋa mumɔ, lɛ mledi banama petee, gi Aya Ɔfuɛfuɛ nɔ ɛkpɛ ní mlɔ awla ɛ aʋa mumɔ ɔ, mleze banɔgbanɔ kí bebi ba ya gi Aya akpɛ ní mlɔ awla ɛ, gi edzì ni yɛ ɔtutɔ Yebi ye yɛ ika lɛ ɛ. 29Mete si ní mɛ kusɛsɛɔ kede e, kuŋwafudroʋi yo banyraga ʋa biaku mlɔ kusi, banama gi bátradi iʋesi le asigaga a, 30lɛ ní mlɔatsali kusi i, benyime ba klɔ gi bizɛsɛ asia na ɛ, biayɔ, lɛ biahe baʋaziŋaatɔ bu ní mlɔ kusi gi bia zeni ba kude e. 31Lɛ loso e, mleze ni aŋu, tɔ mlaplɛ aŋu si, agɔ tata nyɔŋ gi meze ní mlɔ kusi i, elesi ni kemize, mámɔni mlɔ mɛ kakaa kugba ni kube e.
32“Lɛ abla ɛ, benemi ba a, makɔ mlɔ akpɛ ní Aya awla si odi mlɔ aʋa, yɛ liboe le liaki si mlatsi ní Ɔfuɛfuɛ nɔ mɛ ɛ, lɛ aaki mlɔ ɔŋakɔ ní banama petee gi akya ɛ kusi. 33Mázã kimbi ní ɔnɔnɔ yɛ klosalo loo sika, lo ewu su u. 34Mlɔ tutɔ mlete si, mɛ iwlaɛ lɛ ya ʋa makɔ awa axwɛ na ki mɛ ni banama gi bɛpɔni mɛ ɛ, blɔ baziazia ʋa a. 35Ní kidɔ kakaa mɛ ɛ, mabasɛ mlɔ si, linu si, ɔnɔ ɔwa axwɛ, tɔ aazi kí banama su gi kigagla kíma ɛ, tɔ mlaplɛ aŋu ní Ɔkaɛ Yesu yɛ eboa la gi yɛ ɔtutɔ asi mlɔ aʋa si, ‘Kukɔkɔ kunu kukrira sani kuzɛɛzɛ.’ ”
36Agi apani la ya pɔ́ ɛ, atrɛ yɛ aklamasi na aʋa, lɛ yɛ ni ba petee bɛxwa Aya ɛ. 37Lɛ ba petee bekpese kubemi gagla a, lɛ bɛkpɛ awla Paulo ole lɛ bɛmu yɛ adzɔ la, xe bɛkpɛ yɛ kude 38nì ɔna nyipu u, li lɛ gi liyeʋi ba linu liboe lɛ gi apani si, bátramɔ yɛ tɔ ɔ. Lɛ bɛya yɛ zɛna ni ohu lo me e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc