Axwɛ 11
11
Petro abɔ Baʋaziŋa ba amani yɛ ní Yerusalem
1Lídze xe banɔkpɛkpɛ ba ni baʋaziŋa gɔgɔ ba ní Yudea petee e, benu si banama gi bénu Yudanɛ fɛ bɛzi Aya liboe le e. 2Gi Petro atrɛ ní Yerusalem i, Yudanɛ baʋaziŋa ba, bɛtɛni yɛ ni eboa la si, 3“Wòze ɔbaba ní banama gi bénu Yudanɛ kepe me e, lɛ wɔŋa bidɔ ni ba kyɛ ɛ.”
4Lɛ loso Petro abɔ liboe kakaa gi liba lɛ mɛ ɛ, si ba dɔni lɛ okpese klɔ si, 5“Gi mazɛɛxwa Aya ní Yopa ɔma ʋidi no me e, matsini sra lɛ mamɔ kububasɛ ɛ. Mamɔ kiditɔ gi kiiple ŋwisi kusa ʋidi utɔ ɔ, gi bɛka ní igyrɔ tine ne onu kinɛ ɛ, dɔni lifune lɛ biiple dɔ ní klɔ gi malɛ ɛ. 6Gi mevu aŋu bɛ su i, mamɔ kepe ni liŋwafu mɛ baga, baga ʋa gi bizeti ba epò la aʋa a, ni liwɔ lɛ mɛ kudzɔʋi yɔ. 7Lɛ menu ole ɔtɔ ɔ, gi ɛɛsi mɛ si i, ‘Petro! Yɔ lɛɛ, ye tɔ ta!’
8“Pɔ̀ mapani si, owo o, Ɔkaɛ maʋikpɛ bidɔ gi bɛsu bídra loo biŋaŋa kluklu ní ɔkɔ lɔ onu ní unugu me oʋídi.
9“Ole lo eyi dɔni lifunu ne dzɛ si, Wukíkɔ kidɔ gi Aya adra kɛ su i, si kídra. 10Liba lɛ mɛ nite tatá, lɛ bedzini bidɔ mɛ petee muno ní lifunu ne e.
11“Ní lipoe lɛ klɔ mɛ ɛ, benyime tiata gi bɛkpɛ dɔni Kaisarea a, bɛba eku kepea lia klɔ mɛ gi meze e.
12“Lɛ Aya yɛ Ɔfuɛfuɛ nɔ ɛsi mɛ si mikíkpɛ lidzegaga a, mitrɛ ni ba kyɔŋ. Baʋaziŋa tieglo ba ya gi bɛdɔ Yopa e, kyɛ bekuni mɛ kude xe kwitrɛ ní Kaisarea a, lɛ blɔ petee kwitrɛ ní Kɔnelio kepea mɛ ɛ. 13Lɛ asi blɔ kiliɛ gi amɔ Aya yɛ ɔxwɛdzɛɛ gi ɔlɛɛ ní yɛ kepea mɛ ɛ, xe asi yɛ si i, ‘Kpɛ ɔnutɔ tsisi Yopa tɔ baxwa onyime ɔtɔ gi yɛ linyi zizi nɛ linu Simon Petro amanɔ ɔ. 14Yɛ aapani liboe le kí wɔ lɛ gani lɛ mɛ ɛ, wɔ ni wɔ kepea petee mlamɔ kubúbú.’
15“Gi mekpese kunugu yo kugu i, Aya yɛ Ɔfuɛfuɛ nɔ eple edɔ ba aʋa kiliɛ ɖii gi liba blɔ aʋa ní okpese klɔ ɛ. 16Lɛ maplɛ aŋu ní liboe lɛ gi Ɔkaɛ apani aʋa a si, ‘Yohanes akpɛ kuni aki banima, pɔ̀ Aya akpɛ yɛ Ɔfuɛfuɛ nɔ kí mlɔ!’ 17Lɛ mɛ lidra si Aya aki banama gi bénu Yudanɛ kidɔkɔkɔ tile liɛ gi aki blɔ ɛ, gi kwizi Ɔkaɛ Yesu Kristo aʋa ɛɛŋa ɛ. Nyaŋwɛ mɛ menu si mitsi kude kí Aya a?”
18Gi benu liboe le e, bɛmɔni ba kutɛtɛɔ, lɛ bɛkpɔ̀ Aya si “Kɔlɔ Aya aki banama gi bénu Yudanɛ fɛ kude onu si bekyi ɔna mɛ tɔ biaze ligbã́!”
Ɔsɔli ha lɔ ní Antioxia
19Baʋaziŋaatɔ gi bese hle kɔkpɛ keduyɔyɔ a gi kɛ ba ní Stefano kuyeyeo me e, bɛtrɛ ní Foenike, Kipro ni Antioxia ke nì liboe le kí Yudanɛ ma tete. 20Pɔ̀ benyime baʋaziŋaatɔ ɔ, gi bɛdɔ Kipro ni Kirene e, bɛba Antioxia, lɛ bɛpani Aya Liboe gbã nɛ ní Ɔkaɛ Yesu su isi banama gi bénu Yudanɛ ma fɛ ɛ. 21Aya kigaglaɛ kize ni ba, lɛ banɔ glegle bɛzi ŋa a, lɛ bekyi vu Ɔkaɛ ɛ.
22Liboe lɛ ya lizɛna Baʋaziŋa ba ní Yerusalem, nite si bɛkpɛ Barnaba tsisi Antioxia. 23Gi azeeku u, xe amɔ kiliɛ gi Aya akrira banima ɛ, isami iku ye lɛ akpɛ lɛ ní ba petee me si beze kuziŋaa aʋa ní Ɔkaɛ mɛ ni ba ina nɛ petee. 24Banaba eze ɔnɔ gbã gi eyi ni kuziŋaa ni Aya Ɔfuɛfuɛ nɔ, lɛ aki banɔ glegle bɛzi Ɔkaɛ aʋa ɛɛŋa ɛ.
25Lɛ Banaba atrɛ ní Tarso tɔ yizɛɛpɛ Saulo ɛmɔ ɔ. 26Gi amɔ yɛ ɛ, agbani yɛ atsini Antioxia, lɛ kɔkí ligɔ zizi i, ba tiaʋa bɛzɛɛtsa ni ɔsɔli ha lɔ, lɛ bɛ basɛ banɔ glegle bidɔ ɔ. Antioxia bɛ ya baʋaziŋa ba kuxwa si Kristo banɛ.
27Ní lipoe lɛ klɔ mɛ ɛ, Aya beboedoplɛatɔ bɛdɔ ní Yerusalem i ba Antioxia. 28Bamɛ tole gi bɛzɛxwa si Agabo e, ayɔ ɔlɛɛ lɛ gani Aya yɛ Ɔfuɛfuɛ nɔ kigaglaɛ mɛ ɛ, edo aplɛ si kuʋɛ gagla kutɔ kwitra dɔ ní Roma kesea petee aʋa. Kuʋɛ ɔliɔ ya kwidɔ lipoe lɛ mɛ gi Klaudio azɛɛŋa Roma Kesea aʋa ɛ. 29Lɛ loso Baʋaziŋa ba ní Antioxia bɛtrɔ lɛ si bamɛ ɔkakaa aatsisi kidiliɛ gi aatani kukɔ ɛ, tɔ biakɔ pɔni ba benemi baʋaziŋa ba ní Yudea. 30Bɛbitɛ nite lɛ bɛkɔ ba bidɔkɔkɔ ʋɛ tsisi ɔha lɔ banɔtsi ba gani Banaba ni Saulo aʋa a.
Currently Selected:
Axwɛ 11: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Axwɛ 11
11
Petro abɔ Baʋaziŋa ba amani yɛ ní Yerusalem
1Lídze xe banɔkpɛkpɛ ba ni baʋaziŋa gɔgɔ ba ní Yudea petee e, benu si banama gi bénu Yudanɛ fɛ bɛzi Aya liboe le e. 2Gi Petro atrɛ ní Yerusalem i, Yudanɛ baʋaziŋa ba, bɛtɛni yɛ ni eboa la si, 3“Wòze ɔbaba ní banama gi bénu Yudanɛ kepe me e, lɛ wɔŋa bidɔ ni ba kyɛ ɛ.”
4Lɛ loso Petro abɔ liboe kakaa gi liba lɛ mɛ ɛ, si ba dɔni lɛ okpese klɔ si, 5“Gi mazɛɛxwa Aya ní Yopa ɔma ʋidi no me e, matsini sra lɛ mamɔ kububasɛ ɛ. Mamɔ kiditɔ gi kiiple ŋwisi kusa ʋidi utɔ ɔ, gi bɛka ní igyrɔ tine ne onu kinɛ ɛ, dɔni lifune lɛ biiple dɔ ní klɔ gi malɛ ɛ. 6Gi mevu aŋu bɛ su i, mamɔ kepe ni liŋwafu mɛ baga, baga ʋa gi bizeti ba epò la aʋa a, ni liwɔ lɛ mɛ kudzɔʋi yɔ. 7Lɛ menu ole ɔtɔ ɔ, gi ɛɛsi mɛ si i, ‘Petro! Yɔ lɛɛ, ye tɔ ta!’
8“Pɔ̀ mapani si, owo o, Ɔkaɛ maʋikpɛ bidɔ gi bɛsu bídra loo biŋaŋa kluklu ní ɔkɔ lɔ onu ní unugu me oʋídi.
9“Ole lo eyi dɔni lifunu ne dzɛ si, Wukíkɔ kidɔ gi Aya adra kɛ su i, si kídra. 10Liba lɛ mɛ nite tatá, lɛ bedzini bidɔ mɛ petee muno ní lifunu ne e.
11“Ní lipoe lɛ klɔ mɛ ɛ, benyime tiata gi bɛkpɛ dɔni Kaisarea a, bɛba eku kepea lia klɔ mɛ gi meze e.
12“Lɛ Aya yɛ Ɔfuɛfuɛ nɔ ɛsi mɛ si mikíkpɛ lidzegaga a, mitrɛ ni ba kyɔŋ. Baʋaziŋa tieglo ba ya gi bɛdɔ Yopa e, kyɛ bekuni mɛ kude xe kwitrɛ ní Kaisarea a, lɛ blɔ petee kwitrɛ ní Kɔnelio kepea mɛ ɛ. 13Lɛ asi blɔ kiliɛ gi amɔ Aya yɛ ɔxwɛdzɛɛ gi ɔlɛɛ ní yɛ kepea mɛ ɛ, xe asi yɛ si i, ‘Kpɛ ɔnutɔ tsisi Yopa tɔ baxwa onyime ɔtɔ gi yɛ linyi zizi nɛ linu Simon Petro amanɔ ɔ. 14Yɛ aapani liboe le kí wɔ lɛ gani lɛ mɛ ɛ, wɔ ni wɔ kepea petee mlamɔ kubúbú.’
15“Gi mekpese kunugu yo kugu i, Aya yɛ Ɔfuɛfuɛ nɔ eple edɔ ba aʋa kiliɛ ɖii gi liba blɔ aʋa ní okpese klɔ ɛ. 16Lɛ maplɛ aŋu ní liboe lɛ gi Ɔkaɛ apani aʋa a si, ‘Yohanes akpɛ kuni aki banima, pɔ̀ Aya akpɛ yɛ Ɔfuɛfuɛ nɔ kí mlɔ!’ 17Lɛ mɛ lidra si Aya aki banama gi bénu Yudanɛ kidɔkɔkɔ tile liɛ gi aki blɔ ɛ, gi kwizi Ɔkaɛ Yesu Kristo aʋa ɛɛŋa ɛ. Nyaŋwɛ mɛ menu si mitsi kude kí Aya a?”
18Gi benu liboe le e, bɛmɔni ba kutɛtɛɔ, lɛ bɛkpɔ̀ Aya si “Kɔlɔ Aya aki banama gi bénu Yudanɛ fɛ kude onu si bekyi ɔna mɛ tɔ biaze ligbã́!”
Ɔsɔli ha lɔ ní Antioxia
19Baʋaziŋaatɔ gi bese hle kɔkpɛ keduyɔyɔ a gi kɛ ba ní Stefano kuyeyeo me e, bɛtrɛ ní Foenike, Kipro ni Antioxia ke nì liboe le kí Yudanɛ ma tete. 20Pɔ̀ benyime baʋaziŋaatɔ ɔ, gi bɛdɔ Kipro ni Kirene e, bɛba Antioxia, lɛ bɛpani Aya Liboe gbã nɛ ní Ɔkaɛ Yesu su isi banama gi bénu Yudanɛ ma fɛ ɛ. 21Aya kigaglaɛ kize ni ba, lɛ banɔ glegle bɛzi ŋa a, lɛ bekyi vu Ɔkaɛ ɛ.
22Liboe lɛ ya lizɛna Baʋaziŋa ba ní Yerusalem, nite si bɛkpɛ Barnaba tsisi Antioxia. 23Gi azeeku u, xe amɔ kiliɛ gi Aya akrira banima ɛ, isami iku ye lɛ akpɛ lɛ ní ba petee me si beze kuziŋaa aʋa ní Ɔkaɛ mɛ ni ba ina nɛ petee. 24Banaba eze ɔnɔ gbã gi eyi ni kuziŋaa ni Aya Ɔfuɛfuɛ nɔ, lɛ aki banɔ glegle bɛzi Ɔkaɛ aʋa ɛɛŋa ɛ.
25Lɛ Banaba atrɛ ní Tarso tɔ yizɛɛpɛ Saulo ɛmɔ ɔ. 26Gi amɔ yɛ ɛ, agbani yɛ atsini Antioxia, lɛ kɔkí ligɔ zizi i, ba tiaʋa bɛzɛɛtsa ni ɔsɔli ha lɔ, lɛ bɛ basɛ banɔ glegle bidɔ ɔ. Antioxia bɛ ya baʋaziŋa ba kuxwa si Kristo banɛ.
27Ní lipoe lɛ klɔ mɛ ɛ, Aya beboedoplɛatɔ bɛdɔ ní Yerusalem i ba Antioxia. 28Bamɛ tole gi bɛzɛxwa si Agabo e, ayɔ ɔlɛɛ lɛ gani Aya yɛ Ɔfuɛfuɛ nɔ kigaglaɛ mɛ ɛ, edo aplɛ si kuʋɛ gagla kutɔ kwitra dɔ ní Roma kesea petee aʋa. Kuʋɛ ɔliɔ ya kwidɔ lipoe lɛ mɛ gi Klaudio azɛɛŋa Roma Kesea aʋa ɛ. 29Lɛ loso Baʋaziŋa ba ní Antioxia bɛtrɔ lɛ si bamɛ ɔkakaa aatsisi kidiliɛ gi aatani kukɔ ɛ, tɔ biakɔ pɔni ba benemi baʋaziŋa ba ní Yudea. 30Bɛbitɛ nite lɛ bɛkɔ ba bidɔkɔkɔ ʋɛ tsisi ɔha lɔ banɔtsi ba gani Banaba ni Saulo aʋa a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc