2 Timo 2
2
Kristo Yesu Yɛ Ɔguta gi biazɛ yɛ aʋa kuŋa a
1Wɔ mɛ obi ye kɔ ɛ, ze gagla ní Aya yɛ lipomepɛpɛ lɛ gi linu blɔ linɛ ní likpɔkpɛkpɛ mɛ ni Kristo Yesu me e. 2Vu mɛ bidɔbasɛbasɛ ʋɛ gi wonu u, gi mabasɛ ní banɔ glegle e, gi bɛŋa katsalia ɛki mɛ ɛ, aŋu mɛ; tɔ kɔ bɛkpɛ awla kí banama gi wɔka ní ba aʋa si biatani banɔdzedze ba bidɔ kubasɛ ɛ. 3Kpɛ ikù nɛ tɔ pɔni blɔ ní kupepeo me, ŋwisi ɔgũta gbã kí Yesu Kristo kinɛ ɛ. 4Lɛ ese linu si ɔguta gi ɔlɛ ní yɛ axwɛ mɛ ɛ, izɛɛpɛ si yiku yɛ ɔkaɛ aŋu, lɛ loso e, ɔʋíkpɛ onugu ní kele me eboe me e. 5Lɛ ɔnɔ gi ɔlɛ ní besese ba kusi i, ɔ́tratani kaʋà kuŋa a, xe óxo kuseseo isã nɛ oto o. 6Ɔnyrɔmɛdzɛɛ gi awa axwɛ gagla ɛ, yɛ lilɛ si ɔmɔ yɛ ɔnyrɔ nɔ mɛ kiŋaŋa tɔpu yɛ. 7Gyo eboa la ya gi mɛɛpani su di i, lɛ ese linu si Ɔkaɛ aapɔni wɔ tɔ wɔanu la petee ese.
8Plɛ aŋu ní Yesu Kristo, gi Aya ayɔnɔ adɔ ni bekpo ʋa mɛ aʋa a, Yɛ eze Dawid yɛ osobi lɛ linu mɛ liboe le ose lo o, gi masɔli mɛ ɛ. 9Lɛ loso mamɔ ɔzia nɔ lɛ abla ɛ, bɛkpɛ mɛ bibɔ ŋwisi ɔnɔ gi abitɛ eboe zimizi kinɛ ɛ. Pɔ̀ Aya yɛ Liboe le e, bákpɛ lɛ bibɔ ɔ. 10Lɛ loso kɔkpɛ Aya yɛ banɔ kyakya ba ɛ, mazɛ likakaa tɔ bá fɛ bamɔ kubúbú yo gani Kristo Yesu me, tɔ biamɔ kusudra liɔ gi kutrádu i.
11Lɛ ya linu anukwarɛ liboe gi bɛpani i si,
Xe kwitse ni Kristo e,
kwiaze ligbã́ nì yɛ.
12Xe kwitani eboe la onu kulɛɛ ni yɛ ɛ,
kwiaŋa kukusi ni yɛ.
Xe kwikyi kede kpɛ yɛ ɛ,
yɛ fɛ aanada si yete blo.
13Xe kúzi yɛ aʋa ŋa ɛ,
yɛ kɔ ɔ́tradzi kede ní yɛ kakaplɛa su u,
lɛ ese linu si ɔ́tratani isu ya kunada a.
Ɔxwɛwa Gbã ɛ gi eku Aya aŋu i
14Zɛplɛ aŋu kí wɔ benete ba ní la ya su, tɔ kpɛ ɔsã ki ba ní Aya aŋu me si, bakígɔní akpɛ eboe. Atrábu libi i, pɔ̀ bidɔ izezizi ní banama gi benu la su u. 15Ki tɔ Aya ɔki wɔ kude ŋwisi ɔxwɛwa gi óse kuye ní yɛ axwɛwawa la su kinɛ ɛ, ɔniliɛ klɔ gi izɛɛbasɛ Aya yɛ liboe le lɛ anukwarɛɛ mumɔ ɔ. 16Kúkpɛ ɔha ni banama gi bizɛɛpani asasaboe e ni agaboe, lɛ ese linu si banama gi bizɛɛbitɛ eboa la ya elu i, bizɛɛdzi kede ni Aya su i sanɔ. 17Ba bidɔbasɛbasɛ bɛ bilɛ ŋwisi ebì gi izeenè etrɔ ɔ. Banɔ tiaʋa gi bɛbasɛ asasaboe ala elu i, bá benu Himenayo ni Fileto. 18Bɛsɛ ní anukwarɛɛ kudeo su lɛ bɛɛpisa banɔatɔ ba kuziŋaa gi bɛɛpani si banima kuyɔyɔ dɔni bekpo ʋa mɛ ɛ, kwiba kɔ mɛ kooko. 19Pɔ̀ ɔxɔ gaglaa lɔ klɔ gi Aya akpɛ ɛ, ɔma gi biasugu u; lɛ ní lɔ aʋa ɛ, Aya aŋwlimi eboa la ya si, “Ɔkaɛ ete banama gi benu yɛ banɛ ɛ” ni “Ɔnɔ kakaa gi apani si yenu Ɔkaɛ ɔnɛ ɛ, lilɛ si ɔmɔni eboe zimizi kubitɛ ɛ.”
20Ní kepe ʋidi me e, kùzí ede ede kulɛ: bɛbitɛ kùtɔ́ ni klosalo ni sika, kùtɔɛ bɛkɔ ise ni sise ɛʋɔ kɔ; kùtɔ́ fɛ ɛ, kùlɛ ɛki kùtutɔʋi lɛ kùtɔ fɛ ki axwɛ veve atɔ kuwawa. 21Nite lilɛ ki baʋaziŋa ba, xe ɔnutɔ eplo isu ya adɔ ní kututɔʋi yɔ mɛ ɛ, Ɔkaɛ akɔ yɛ ɔwa axwɛ gbã, lɛ ese linu si abla isu aki lixwɛ gbã kakaa elu.
22Se ní sɔhɛ ba kusuŋwasiɔ su, tɔ bitɛ eboe gbã ní kude kakaa onu, ze ligbã́ gi ligyeno ɔʋaziŋa ɛ, lɔ banɔ, ze ní kusuyɔ mɛ ni banɔ, atɔ ga kudeo ni banama gi bɛɛxwa Ɔkaɛ ni ɔna gbã si ɔpɔni ba ɛ. 23Boŋu i bú isu ya ní banama gi bizehe agaboe ni motemote eboe kusi i; lɛ ese linu si wote si izɛɛmani avitɛ ɛ. 24Lɛ ese linu si Ɔkaɛ yɛ ɔnɔsumu ye, limá si ohe eboe. Boŋu i, lilɛ si pɛ̀ lipo me kí ɔnɔ kakaa, ze ɔdɔbasɛ lɛ kítrɔ ɔnɔnɔ ahwafi. 25Ze ɔnɔ gi aaplɛ litɔ kese bú eboe me ki banama gi bɛyɔ kedu ní liboe le su i, ni kudeonudidi si Aya aaki ba ɔna mɛ kukyikyi si biate anukwarɛɛ. 26Plɛ litɔ kese tɔ bú eboe me ki ba, tɔ ba begyodi ʋa mɛ biadra tɔ biate anukwarɛɛ ní Yesu su, tɔ biase ní Ozimizi ye kupeo su, gi yɛ evu ba a, xe abitɛ ba si benu yɛ igbé le e.
Currently Selected:
2 Timo 2: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
2 Timo 2
2
Kristo Yesu Yɛ Ɔguta gi biazɛ yɛ aʋa kuŋa a
1Wɔ mɛ obi ye kɔ ɛ, ze gagla ní Aya yɛ lipomepɛpɛ lɛ gi linu blɔ linɛ ní likpɔkpɛkpɛ mɛ ni Kristo Yesu me e. 2Vu mɛ bidɔbasɛbasɛ ʋɛ gi wonu u, gi mabasɛ ní banɔ glegle e, gi bɛŋa katsalia ɛki mɛ ɛ, aŋu mɛ; tɔ kɔ bɛkpɛ awla kí banama gi wɔka ní ba aʋa si biatani banɔdzedze ba bidɔ kubasɛ ɛ. 3Kpɛ ikù nɛ tɔ pɔni blɔ ní kupepeo me, ŋwisi ɔgũta gbã kí Yesu Kristo kinɛ ɛ. 4Lɛ ese linu si ɔguta gi ɔlɛ ní yɛ axwɛ mɛ ɛ, izɛɛpɛ si yiku yɛ ɔkaɛ aŋu, lɛ loso e, ɔʋíkpɛ onugu ní kele me eboe me e. 5Lɛ ɔnɔ gi ɔlɛ ní besese ba kusi i, ɔ́tratani kaʋà kuŋa a, xe óxo kuseseo isã nɛ oto o. 6Ɔnyrɔmɛdzɛɛ gi awa axwɛ gagla ɛ, yɛ lilɛ si ɔmɔ yɛ ɔnyrɔ nɔ mɛ kiŋaŋa tɔpu yɛ. 7Gyo eboa la ya gi mɛɛpani su di i, lɛ ese linu si Ɔkaɛ aapɔni wɔ tɔ wɔanu la petee ese.
8Plɛ aŋu ní Yesu Kristo, gi Aya ayɔnɔ adɔ ni bekpo ʋa mɛ aʋa a, Yɛ eze Dawid yɛ osobi lɛ linu mɛ liboe le ose lo o, gi masɔli mɛ ɛ. 9Lɛ loso mamɔ ɔzia nɔ lɛ abla ɛ, bɛkpɛ mɛ bibɔ ŋwisi ɔnɔ gi abitɛ eboe zimizi kinɛ ɛ. Pɔ̀ Aya yɛ Liboe le e, bákpɛ lɛ bibɔ ɔ. 10Lɛ loso kɔkpɛ Aya yɛ banɔ kyakya ba ɛ, mazɛ likakaa tɔ bá fɛ bamɔ kubúbú yo gani Kristo Yesu me, tɔ biamɔ kusudra liɔ gi kutrádu i.
11Lɛ ya linu anukwarɛ liboe gi bɛpani i si,
Xe kwitse ni Kristo e,
kwiaze ligbã́ nì yɛ.
12Xe kwitani eboe la onu kulɛɛ ni yɛ ɛ,
kwiaŋa kukusi ni yɛ.
Xe kwikyi kede kpɛ yɛ ɛ,
yɛ fɛ aanada si yete blo.
13Xe kúzi yɛ aʋa ŋa ɛ,
yɛ kɔ ɔ́tradzi kede ní yɛ kakaplɛa su u,
lɛ ese linu si ɔ́tratani isu ya kunada a.
Ɔxwɛwa Gbã ɛ gi eku Aya aŋu i
14Zɛplɛ aŋu kí wɔ benete ba ní la ya su, tɔ kpɛ ɔsã ki ba ní Aya aŋu me si, bakígɔní akpɛ eboe. Atrábu libi i, pɔ̀ bidɔ izezizi ní banama gi benu la su u. 15Ki tɔ Aya ɔki wɔ kude ŋwisi ɔxwɛwa gi óse kuye ní yɛ axwɛwawa la su kinɛ ɛ, ɔniliɛ klɔ gi izɛɛbasɛ Aya yɛ liboe le lɛ anukwarɛɛ mumɔ ɔ. 16Kúkpɛ ɔha ni banama gi bizɛɛpani asasaboe e ni agaboe, lɛ ese linu si banama gi bizɛɛbitɛ eboa la ya elu i, bizɛɛdzi kede ni Aya su i sanɔ. 17Ba bidɔbasɛbasɛ bɛ bilɛ ŋwisi ebì gi izeenè etrɔ ɔ. Banɔ tiaʋa gi bɛbasɛ asasaboe ala elu i, bá benu Himenayo ni Fileto. 18Bɛsɛ ní anukwarɛɛ kudeo su lɛ bɛɛpisa banɔatɔ ba kuziŋaa gi bɛɛpani si banima kuyɔyɔ dɔni bekpo ʋa mɛ ɛ, kwiba kɔ mɛ kooko. 19Pɔ̀ ɔxɔ gaglaa lɔ klɔ gi Aya akpɛ ɛ, ɔma gi biasugu u; lɛ ní lɔ aʋa ɛ, Aya aŋwlimi eboa la ya si, “Ɔkaɛ ete banama gi benu yɛ banɛ ɛ” ni “Ɔnɔ kakaa gi apani si yenu Ɔkaɛ ɔnɛ ɛ, lilɛ si ɔmɔni eboe zimizi kubitɛ ɛ.”
20Ní kepe ʋidi me e, kùzí ede ede kulɛ: bɛbitɛ kùtɔ́ ni klosalo ni sika, kùtɔɛ bɛkɔ ise ni sise ɛʋɔ kɔ; kùtɔ́ fɛ ɛ, kùlɛ ɛki kùtutɔʋi lɛ kùtɔ fɛ ki axwɛ veve atɔ kuwawa. 21Nite lilɛ ki baʋaziŋa ba, xe ɔnutɔ eplo isu ya adɔ ní kututɔʋi yɔ mɛ ɛ, Ɔkaɛ akɔ yɛ ɔwa axwɛ gbã, lɛ ese linu si abla isu aki lixwɛ gbã kakaa elu.
22Se ní sɔhɛ ba kusuŋwasiɔ su, tɔ bitɛ eboe gbã ní kude kakaa onu, ze ligbã́ gi ligyeno ɔʋaziŋa ɛ, lɔ banɔ, ze ní kusuyɔ mɛ ni banɔ, atɔ ga kudeo ni banama gi bɛɛxwa Ɔkaɛ ni ɔna gbã si ɔpɔni ba ɛ. 23Boŋu i bú isu ya ní banama gi bizehe agaboe ni motemote eboe kusi i; lɛ ese linu si wote si izɛɛmani avitɛ ɛ. 24Lɛ ese linu si Ɔkaɛ yɛ ɔnɔsumu ye, limá si ohe eboe. Boŋu i, lilɛ si pɛ̀ lipo me kí ɔnɔ kakaa, ze ɔdɔbasɛ lɛ kítrɔ ɔnɔnɔ ahwafi. 25Ze ɔnɔ gi aaplɛ litɔ kese bú eboe me ki banama gi bɛyɔ kedu ní liboe le su i, ni kudeonudidi si Aya aaki ba ɔna mɛ kukyikyi si biate anukwarɛɛ. 26Plɛ litɔ kese tɔ bú eboe me ki ba, tɔ ba begyodi ʋa mɛ biadra tɔ biate anukwarɛɛ ní Yesu su, tɔ biase ní Ozimizi ye kupeo su, gi yɛ evu ba a, xe abitɛ ba si benu yɛ igbé le e.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc