Tơlơi Yap 8
8
Gơ̆ng Apui Kơđen
1Yêhôwa laĭ kơ Môis:#Tơb 25:31-40; 37:17-24. 2“Pơtă bĕ kơ Arôn tui anai: Tơ ih dă dăp gơ̆ng apui kơđen, brơi bĕ tơjuh boh apui kơđen pơčrang rơđah gah anăp kơ gơ̆ng apui kơđen.” 3Arôn ngă djơ̆ kar hăng anŭn; ñu dưm tơjuh boh apui kơđen pơčrang rơđah gah anăp kơ gơ̆ng apui kơđen kar hăng tơlơi Yêhôwa hmâo pơtă laih kơ Môis. 4Gơ̆ng apui kơđen arăng ngă ñu hăng mah glit rơpih, mơ̆ng tơkai gơ̆ng apui kơđen truh pơ khul bơnga apui kơđen. Arăng ngă gơ̆ng apui kơđen djơ̆ tui hăng rup Yêhôwa hmâo pơtă laih kơ Môis.
Arăng Hmâo Pơkah Pioh Ƀing Lêwi Brơi Kơ Khua Yang
5Yêhôwa laĭ kơ Môis: 6“Pơkah pioh bĕ ƀing Lêwi mơ̆ng ană plei Israel laih anŭn ngă phĕt pơrơgoh ƀing gơñu. 7Brơi ih pơrơgoh ƀing gơñu kar hăng anai: Brơi ih prăh ia pơrơgoh ƀơi ƀing gơñu bĕ; pơđar gơñu kuah abih drơi jan gơñu laih anŭn boh sum ao hăng pơrơgoh gơñu pô. 8Tơdơi kơ anŭn, pơđar gơñu mă sa drơi rơmo tơno hrŏm hăng mơnơ̆ng ngă yang hăng braih pơdai jing tơpŭng ƀlĭ lŭk hăng rơmuă, giơ̆ng anŭn ih khŏm mă sa drơi rơmo tơno dăm tal dua kiăng yua amăng tơlơi ngă yang song mă tơlơi soh. 9Ih khŏm pơtă bĕ kơ ƀing Lêwi nao pơ anăp Sang Khăn Pơƀŭt laih anŭn iâu pơƀŭt glaĭ abih bang ană plei pla Israel. 10Tơ ih ba rai ƀing Lêwi ƀơi anăp Yêhôwa, ƀing Israel či ah tơngan ƀơi ƀing Lêwi. 11Arôn či pơyơr ƀing Lêwi ƀơi Yêhôwa jing sa mơnơ̆ng ngă yang hơdai nao rai mơ̆ng ană plei pla Israel, kiăng kơ ƀing gơñu prăp pre mă bruă kơ Yêhôwa. 12Ƀing Lêwi či ah tơngan ƀơi dua drơi rơmo tơno laih anŭn ih khŏm pơyơr sa drơi ngă yang song mă tơlơi soh, sa drơi ngă yang čuh kơ Yêhôwa kiăng song mă tơlơi soh ƀing Lêwi. 13Giơ̆ng anŭn, ih pơtă bĕ kơ ƀing Lêwi brơi gơñu dŏ dơ̆ng ƀơi anăp Arôn hăng ană đah rơkơi ñu, giơ̆ng anŭn pơyơr gơñu kar hăng mơnơ̆ng ngă yang hơdai nao rai kơ Yêhôwa.
14Tui anŭn, ih či pơkah pioh ƀing Lêwi mơ̆ng ană Israel laih anŭn ƀing Lêwi či lơ̆m kơ Kâo yơh. 15Giơ̆ng kơ ih hmâo pơrơgoh hăng pơyơr ƀing Lêwi kar hăng mơnơ̆ng ngă yang hơdai nao rai, ƀing gơñu či rai mă bruă ƀơi Sang Khăn Pơƀŭt. 16Yua kơ arăng hmâo pơyơr laih ƀing mơnuih Lêwi kơ Kâo mơ̆ng tơ̆ng krah ƀing ană plei pla Israel; Kâo hmâo ruah mă gơñu kơ Kâo pơala brơi kơ abih bang ană kơčoa ană plei pla Israel. 17Rĭm čô ană kơčoa ƀing Israel leng lơ̆m kơ Kâo, mơnuih wơ̆t hlô mơnơ̆ng. Kâo hmâo pơkah pioh ƀing gơñu kơ Kâo pô amăng hrơi Kâo pơrai abih bang ană kơčoa amăng čar Êjip#Tơb 13:2. 18laih anŭn Kâo hmâo ruah ƀing Lêwi pơala brơi kơ ană kơčoa kơ ƀing Israel. 19Mơ̆ng tơ̆ng krah Israel, Kâo hmâo pha brơi ƀing Lêwi kơ Arôn laih anŭn ƀing ană đah rơkơi ñu kiăng ngă bruă kơ ƀing Israel amăng Sang Khăn Pơƀŭt, ngă yang song mă tơlơi soh kơ ƀing ană plei pla Israel kiăng kơ ƀing gơñu ƀu bưp ôh tơlơi răm ruă truh tơ gơñu nao giăm anih rơgoh.”
20Tui anŭn yơh Môis, Arôn hăng abih bang ƀing Israel ngă brơi kơ ƀing Lêwi hơdôm tơlơi Yêhôwa hmâo pơtă laih kơ Môis. 21Ƀing Lêwi ngă pơrơgoh gơñu pô hăng boh sum ao gơñu pô, giơ̆ng anŭn Arôn pơyơr gơñu kar hăng mơnơ̆ng ngă yang hơdai nao rai ƀơi anăp Yêhôwa laih anŭn ngă yang song mă tơlơi soh kiăng kơ gơñu dưi hmâo tơlơi pơrơgoh. 22Giơ̆ng anŭn, ƀing Lêwi nao ngă bruă gơñu pô amăng Sang Khăn Pơƀŭt gah yŭ tơlơi Arôn hăng ană đah rơkơi ñu wai lăng. Arăng ngă kơ ƀing Lêwi djơ̆ kar hăng tơlơi Yêhôwa hmâo laĭ laih kơ gơñu găn mơ̆ng Môis.
23Yêhôwa laĭ kơ Môis: 24“Anai jing khul tơlơi pơkă brơi kơ ƀing Lêwi: Mơ̆ng dua pluh rơma thŭn truh pơ glong, ƀing gơñu khŏm nao pơgop mă bruă ƀơi Sang Khăn Pơƀŭt. 25Samơ̆ truh rơma pluh thŭn, gơñu či pơdơi, ƀu mă bruă dơ̆ng tah. 26Gơñu dưi djru ayŏng adơi gơñu amăng Sang Khăn Pơƀŭt, samơ̆ gơñu pô ƀu dưi glăm bruă dơ̆ng tah. Anŭn jing tơlơi ih pơpha bruă jao kơ ƀing Lêwi.”
Currently Selected:
Tơlơi Yap 8: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 8
8
Gơ̆ng Apui Kơđen
1Yêhôwa laĭ kơ Môis:#Tơb 25:31-40; 37:17-24. 2“Pơtă bĕ kơ Arôn tui anai: Tơ ih dă dăp gơ̆ng apui kơđen, brơi bĕ tơjuh boh apui kơđen pơčrang rơđah gah anăp kơ gơ̆ng apui kơđen.” 3Arôn ngă djơ̆ kar hăng anŭn; ñu dưm tơjuh boh apui kơđen pơčrang rơđah gah anăp kơ gơ̆ng apui kơđen kar hăng tơlơi Yêhôwa hmâo pơtă laih kơ Môis. 4Gơ̆ng apui kơđen arăng ngă ñu hăng mah glit rơpih, mơ̆ng tơkai gơ̆ng apui kơđen truh pơ khul bơnga apui kơđen. Arăng ngă gơ̆ng apui kơđen djơ̆ tui hăng rup Yêhôwa hmâo pơtă laih kơ Môis.
Arăng Hmâo Pơkah Pioh Ƀing Lêwi Brơi Kơ Khua Yang
5Yêhôwa laĭ kơ Môis: 6“Pơkah pioh bĕ ƀing Lêwi mơ̆ng ană plei Israel laih anŭn ngă phĕt pơrơgoh ƀing gơñu. 7Brơi ih pơrơgoh ƀing gơñu kar hăng anai: Brơi ih prăh ia pơrơgoh ƀơi ƀing gơñu bĕ; pơđar gơñu kuah abih drơi jan gơñu laih anŭn boh sum ao hăng pơrơgoh gơñu pô. 8Tơdơi kơ anŭn, pơđar gơñu mă sa drơi rơmo tơno hrŏm hăng mơnơ̆ng ngă yang hăng braih pơdai jing tơpŭng ƀlĭ lŭk hăng rơmuă, giơ̆ng anŭn ih khŏm mă sa drơi rơmo tơno dăm tal dua kiăng yua amăng tơlơi ngă yang song mă tơlơi soh. 9Ih khŏm pơtă bĕ kơ ƀing Lêwi nao pơ anăp Sang Khăn Pơƀŭt laih anŭn iâu pơƀŭt glaĭ abih bang ană plei pla Israel. 10Tơ ih ba rai ƀing Lêwi ƀơi anăp Yêhôwa, ƀing Israel či ah tơngan ƀơi ƀing Lêwi. 11Arôn či pơyơr ƀing Lêwi ƀơi Yêhôwa jing sa mơnơ̆ng ngă yang hơdai nao rai mơ̆ng ană plei pla Israel, kiăng kơ ƀing gơñu prăp pre mă bruă kơ Yêhôwa. 12Ƀing Lêwi či ah tơngan ƀơi dua drơi rơmo tơno laih anŭn ih khŏm pơyơr sa drơi ngă yang song mă tơlơi soh, sa drơi ngă yang čuh kơ Yêhôwa kiăng song mă tơlơi soh ƀing Lêwi. 13Giơ̆ng anŭn, ih pơtă bĕ kơ ƀing Lêwi brơi gơñu dŏ dơ̆ng ƀơi anăp Arôn hăng ană đah rơkơi ñu, giơ̆ng anŭn pơyơr gơñu kar hăng mơnơ̆ng ngă yang hơdai nao rai kơ Yêhôwa.
14Tui anŭn, ih či pơkah pioh ƀing Lêwi mơ̆ng ană Israel laih anŭn ƀing Lêwi či lơ̆m kơ Kâo yơh. 15Giơ̆ng kơ ih hmâo pơrơgoh hăng pơyơr ƀing Lêwi kar hăng mơnơ̆ng ngă yang hơdai nao rai, ƀing gơñu či rai mă bruă ƀơi Sang Khăn Pơƀŭt. 16Yua kơ arăng hmâo pơyơr laih ƀing mơnuih Lêwi kơ Kâo mơ̆ng tơ̆ng krah ƀing ană plei pla Israel; Kâo hmâo ruah mă gơñu kơ Kâo pơala brơi kơ abih bang ană kơčoa ană plei pla Israel. 17Rĭm čô ană kơčoa ƀing Israel leng lơ̆m kơ Kâo, mơnuih wơ̆t hlô mơnơ̆ng. Kâo hmâo pơkah pioh ƀing gơñu kơ Kâo pô amăng hrơi Kâo pơrai abih bang ană kơčoa amăng čar Êjip#Tơb 13:2. 18laih anŭn Kâo hmâo ruah ƀing Lêwi pơala brơi kơ ană kơčoa kơ ƀing Israel. 19Mơ̆ng tơ̆ng krah Israel, Kâo hmâo pha brơi ƀing Lêwi kơ Arôn laih anŭn ƀing ană đah rơkơi ñu kiăng ngă bruă kơ ƀing Israel amăng Sang Khăn Pơƀŭt, ngă yang song mă tơlơi soh kơ ƀing ană plei pla Israel kiăng kơ ƀing gơñu ƀu bưp ôh tơlơi răm ruă truh tơ gơñu nao giăm anih rơgoh.”
20Tui anŭn yơh Môis, Arôn hăng abih bang ƀing Israel ngă brơi kơ ƀing Lêwi hơdôm tơlơi Yêhôwa hmâo pơtă laih kơ Môis. 21Ƀing Lêwi ngă pơrơgoh gơñu pô hăng boh sum ao gơñu pô, giơ̆ng anŭn Arôn pơyơr gơñu kar hăng mơnơ̆ng ngă yang hơdai nao rai ƀơi anăp Yêhôwa laih anŭn ngă yang song mă tơlơi soh kiăng kơ gơñu dưi hmâo tơlơi pơrơgoh. 22Giơ̆ng anŭn, ƀing Lêwi nao ngă bruă gơñu pô amăng Sang Khăn Pơƀŭt gah yŭ tơlơi Arôn hăng ană đah rơkơi ñu wai lăng. Arăng ngă kơ ƀing Lêwi djơ̆ kar hăng tơlơi Yêhôwa hmâo laĭ laih kơ gơñu găn mơ̆ng Môis.
23Yêhôwa laĭ kơ Môis: 24“Anai jing khul tơlơi pơkă brơi kơ ƀing Lêwi: Mơ̆ng dua pluh rơma thŭn truh pơ glong, ƀing gơñu khŏm nao pơgop mă bruă ƀơi Sang Khăn Pơƀŭt. 25Samơ̆ truh rơma pluh thŭn, gơñu či pơdơi, ƀu mă bruă dơ̆ng tah. 26Gơñu dưi djru ayŏng adơi gơñu amăng Sang Khăn Pơƀŭt, samơ̆ gơñu pô ƀu dưi glăm bruă dơ̆ng tah. Anŭn jing tơlơi ih pơpha bruă jao kơ ƀing Lêwi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.