Tơlơi Yap 6
6
Tơlơi Juăt Kơ Ƀing Nasirê
1Yêhôwa laĭ kơ Môis: 2“Brơi ih laĭ kơ ană plei Israel: ‘Tơdah sa čô đah rơkơi ƀôdah đah kơmơi kiăng ngă tơlơi ƀuăn jing mơnuih Nasirê,#6:2 Nasirê kiăng pia “pơkah pioh hơjăn”. kiăng pơkah pioh ñu pô brơi kơ Yêhôwa, 3ñu anŭn khŏm kŏm kơ tơpai laih anŭn mơnơ̆ng mơñum hmâo tơpơi; ƀu dưi mơñum ia mơsăm mơ̆ng ia tơpai ƀôdah ia mơñum hmâo tơpơi ôh. Mơnuih anŭn ăt ƀu dưi ôh mơñum ia boh kơƀâu ƀôdah ƀơ̆ng boh kơƀâu dŏ sat, boh kơƀâu kro.#Luk 1:15. 4Amăng abih hrơi mông ñu pioh ñu pô brơi kơ Ơi Adai, anăm ƀơ̆ng mơnơ̆ng hơgĕt arăng ngă rai mơ̆ng boh kơƀâu ôh, wơ̆t dah pơjeh ƀôdah kơđuh ñu.
5Amăng abih hrơi mông ñu ƀuăn jing Nasirê, pô anŭn ƀu dưi kuah ƀuk ƀơi akŏ ôh. Mơnuih anŭn či pioh ñu pô brơi kơ rơgoh hiam laih anŭn lui ƀuk čăt glong tơl abih hĭ hrơi mông ñu pioh ñu pô brơi kơ Yêhôwa.
6Amăng abih mông ñu pioh ñu pô brơi kơ Yêhôwa, ñu anŭn ƀu dưi nao giăm drơi jan djai ôh. 7Ñu anŭn anăm ôh yua kơ amĭ ƀôdah ama, ƀôdah ayŏng adơi ƀôdah amai adơi ñu djai ñu ngă hĭ ñu pô jing grĭ hơƀak, yua kơ gru pơthâo kơ tơlơi ñu pioh ñu pô brơi kơ Ơi Adai ăt dŏ ƀơi akŏ ñu. 8Amăng abih mông hrơi ñu ƀuăn jing Nasirê, mơnuih anŭn hmâo pioh brơi ñu pô rơgoh hiam kơ Yêhôwa.
9Tơdah tŏ tơnŏ hmâo hlơi djai giăm ñu, laih anŭn ngă grĭ hơƀak hĭ akŏ ñu hmâo pioh brơi laih kơ tơlơi rơgoh hiam, ñu khŏm kuah ƀuk ñu ƀơi hrơi ñu hmâo tơlơi pơrơgoh, jing hrơi tal tơjuh yơh. 10Giơ̆ng anŭn, amăng hrơi tal sapăn, mơnuih anŭn khŏm ba dua drơi čĭm bơrơgơ̆m ƀôdah dua drơi ană čĭm kơtrâo nao pơ khua ngă yang ƀơi bah amăng mŭt amăng Sang Khăn Pơƀŭt. 11Khua ngă yang či pơyơr sa drơi ngă yang song mă tơlơi soh, sa drơi ngă yang čuh kiăng song mă tơlơi soh kơ mơnuih anŭn yua kơ drơi jan djai. Hnŭn yơh, amăng hrơi anŭn mơnuih anŭn či pioh brơi akŏ ñu jing rơgoh hiam. 12Ñu anŭn khŏm pioh brơi kơ Yêhôwa amăng khul hrơi ñu ngă glaĭ tơlơi ƀuăn jing Nasirê laih anŭn pơyơr sa drơi triu tơno sa thŭn ngă mơnơ̆ng ngă yang song mă tơlơi soh, samơ̆ amăng khul hrơi hlâo kơ anŭn ƀu yap ôh, yua kơ ñu hmâo jing hĭ grĭ hơƀak laih amăng hrơi mông Nasirê.
13Anai jing tơlơi juăt kơ mơnuih Nasirê tơdang khul hrơi pơkah pioh hmâo rơgao hĭ laih: Arăng khŏm ba pô anŭn truh pơ bah amăng mŭt Sang Khăn Pơƀŭt,#Bruă 21:23-24. 14pô anŭn khŏm pơyơr mơnơ̆ng ngă yang kơ Yêhôwa sa drơi triu tơno sa thŭn ƀu hmâo rơka kiăng ngă yang čuh, sa drơi triu ania sa thŭn ƀu hmâo rơka kiăng ngă yang song mă tơlơi soh laih anŭn sa drơi triu tơno ƀu hmâo rơka kiăng ngă yang rơnŭk rơnua, 15sa bai ƀañ tơpŭng ƀu hmâo tơpơi, ƀañ tơpŭng ƀlĭ lŭk hăng ia rơmuă, ƀañ rơpih ƀu hmâo tơpơi pik hăng rơmuă hrŏm hơbĭt hăng mơnơ̆ng ngă yang hăng braih pơdai laih anŭn tơlơi ngă yang tuh ia tơpai. 16Khua ngă yang či ba khul mơnơ̆ng anai nao ƀơi anăp Yêhôwa laih anŭn pơyơr mơnơ̆ng ngă yang song mă tơlơi soh hrŏm hăng mơnơ̆ng ngă yang čuh. 17Ñu ăt pơyơr mơ̆n bai ƀañ tơpŭng ƀu hmâo tơpơi laih anŭn triu tơno ngă yang rơnŭk rơnua brơi kơ Yêhôwa, hrŏm hăng mơnơ̆ng ngă yang hăng braih pơdai laih anŭn tơlơi ngă yang tuh ia tơpai mơ̆n. 18Ƀơi bah amăng Sang Khăn Pơƀŭt, mơnuih Nasirê khŏm kuah hĭ ƀuk ñu hmâo pơkah pioh laih laih anŭn mă ƀuk anŭn pioh amăng apui hlăk dŏ jă gah yŭ kơ mơnơ̆ng ngă yang kơ tơlơi rơnŭk rơnua. 19Giơ̆ng kơ mơnuih Nasirê hmâo kuah ƀuk laih, khua ngă yang či dưm ƀơi dua plă tơngan mơnuih anŭn asar añăm bra triu tơno hmâo hơtuk laih, sa boh ƀañ tơpŭng ƀu hmâo tơpơi amăng bai laih anŭn sa ƀañ rơpih ƀu hmâo tơpơi. 20Giơ̆ng anŭn, khua ngă yang či pơyơr khul gơnam anŭn hơdai nao rai ƀơi anăp Yêhôwa. Anŭn jing mơnơ̆ng rơgoh hiam lơ̆m kơ khua ngă yang wơ̆t hăng asar añăm tơda pơyơr hơdai nao rai laih anŭn sa ƀĕ pha pơyơr pŭ đĭ. Tơdơi kơ anŭn mơnuih Nasirê dưi mơñum ia tơpai yơh.
21Anŭn jing tơlơi juăt kơ ƀing mơnuih Nasirê hmâo ƀuăn laih anŭn mơnơ̆ng ngă yang pô anŭn khŏm pơyơr kơ Yêhôwa tui hăng tơlơi ƀuăn, gah rơngiao kơ khul mơnơ̆ng ngă yang pơkŏn pô anŭn hmâo tơlơi dưi kiăng pơyơr thim. Pô anŭn khŏm ngă tui tơlơi juăt Nasirê tui hăng ñu hmâo ƀuăn laih.’”
Tơlơi Hơơč Mơyun
22Yêhôwa laĭ kơ Môis: 23“Pơtă bĕ kơ Arôn hăng ƀing ană đah rơkơi ñu tui anai: ‘Ƀing gih khŏm hơơč mơyun kơ ană Israel kar hăng anai:
24Rơkâo Yêhôwa brơi tơlơi mơyun hiam kơ ih
Laih anŭn wai lăng ih!
25Rơkâo Yêhôwa pơčrang ƀô̆ mơta Ñu ƀơi ih
Laih anŭn ngă tơlơi pap kơ ih!
26Rơkâo Yêhôwa pap drap kơ ih
Laih anŭn pha brơi rơnŭk rơnua kơ ih!’
27Gơñu khŏm dưm anăn Kâo ƀơi ngŏ ană plei pla Israel tui anŭn Kâo či brơi tơlơi mơyun hiam kơ ƀing gơñu yơh.”
Currently Selected:
Tơlơi Yap 6: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 6
6
Tơlơi Juăt Kơ Ƀing Nasirê
1Yêhôwa laĭ kơ Môis: 2“Brơi ih laĭ kơ ană plei Israel: ‘Tơdah sa čô đah rơkơi ƀôdah đah kơmơi kiăng ngă tơlơi ƀuăn jing mơnuih Nasirê,#6:2 Nasirê kiăng pia “pơkah pioh hơjăn”. kiăng pơkah pioh ñu pô brơi kơ Yêhôwa, 3ñu anŭn khŏm kŏm kơ tơpai laih anŭn mơnơ̆ng mơñum hmâo tơpơi; ƀu dưi mơñum ia mơsăm mơ̆ng ia tơpai ƀôdah ia mơñum hmâo tơpơi ôh. Mơnuih anŭn ăt ƀu dưi ôh mơñum ia boh kơƀâu ƀôdah ƀơ̆ng boh kơƀâu dŏ sat, boh kơƀâu kro.#Luk 1:15. 4Amăng abih hrơi mông ñu pioh ñu pô brơi kơ Ơi Adai, anăm ƀơ̆ng mơnơ̆ng hơgĕt arăng ngă rai mơ̆ng boh kơƀâu ôh, wơ̆t dah pơjeh ƀôdah kơđuh ñu.
5Amăng abih hrơi mông ñu ƀuăn jing Nasirê, pô anŭn ƀu dưi kuah ƀuk ƀơi akŏ ôh. Mơnuih anŭn či pioh ñu pô brơi kơ rơgoh hiam laih anŭn lui ƀuk čăt glong tơl abih hĭ hrơi mông ñu pioh ñu pô brơi kơ Yêhôwa.
6Amăng abih mông ñu pioh ñu pô brơi kơ Yêhôwa, ñu anŭn ƀu dưi nao giăm drơi jan djai ôh. 7Ñu anŭn anăm ôh yua kơ amĭ ƀôdah ama, ƀôdah ayŏng adơi ƀôdah amai adơi ñu djai ñu ngă hĭ ñu pô jing grĭ hơƀak, yua kơ gru pơthâo kơ tơlơi ñu pioh ñu pô brơi kơ Ơi Adai ăt dŏ ƀơi akŏ ñu. 8Amăng abih mông hrơi ñu ƀuăn jing Nasirê, mơnuih anŭn hmâo pioh brơi ñu pô rơgoh hiam kơ Yêhôwa.
9Tơdah tŏ tơnŏ hmâo hlơi djai giăm ñu, laih anŭn ngă grĭ hơƀak hĭ akŏ ñu hmâo pioh brơi laih kơ tơlơi rơgoh hiam, ñu khŏm kuah ƀuk ñu ƀơi hrơi ñu hmâo tơlơi pơrơgoh, jing hrơi tal tơjuh yơh. 10Giơ̆ng anŭn, amăng hrơi tal sapăn, mơnuih anŭn khŏm ba dua drơi čĭm bơrơgơ̆m ƀôdah dua drơi ană čĭm kơtrâo nao pơ khua ngă yang ƀơi bah amăng mŭt amăng Sang Khăn Pơƀŭt. 11Khua ngă yang či pơyơr sa drơi ngă yang song mă tơlơi soh, sa drơi ngă yang čuh kiăng song mă tơlơi soh kơ mơnuih anŭn yua kơ drơi jan djai. Hnŭn yơh, amăng hrơi anŭn mơnuih anŭn či pioh brơi akŏ ñu jing rơgoh hiam. 12Ñu anŭn khŏm pioh brơi kơ Yêhôwa amăng khul hrơi ñu ngă glaĭ tơlơi ƀuăn jing Nasirê laih anŭn pơyơr sa drơi triu tơno sa thŭn ngă mơnơ̆ng ngă yang song mă tơlơi soh, samơ̆ amăng khul hrơi hlâo kơ anŭn ƀu yap ôh, yua kơ ñu hmâo jing hĭ grĭ hơƀak laih amăng hrơi mông Nasirê.
13Anai jing tơlơi juăt kơ mơnuih Nasirê tơdang khul hrơi pơkah pioh hmâo rơgao hĭ laih: Arăng khŏm ba pô anŭn truh pơ bah amăng mŭt Sang Khăn Pơƀŭt,#Bruă 21:23-24. 14pô anŭn khŏm pơyơr mơnơ̆ng ngă yang kơ Yêhôwa sa drơi triu tơno sa thŭn ƀu hmâo rơka kiăng ngă yang čuh, sa drơi triu ania sa thŭn ƀu hmâo rơka kiăng ngă yang song mă tơlơi soh laih anŭn sa drơi triu tơno ƀu hmâo rơka kiăng ngă yang rơnŭk rơnua, 15sa bai ƀañ tơpŭng ƀu hmâo tơpơi, ƀañ tơpŭng ƀlĭ lŭk hăng ia rơmuă, ƀañ rơpih ƀu hmâo tơpơi pik hăng rơmuă hrŏm hơbĭt hăng mơnơ̆ng ngă yang hăng braih pơdai laih anŭn tơlơi ngă yang tuh ia tơpai. 16Khua ngă yang či ba khul mơnơ̆ng anai nao ƀơi anăp Yêhôwa laih anŭn pơyơr mơnơ̆ng ngă yang song mă tơlơi soh hrŏm hăng mơnơ̆ng ngă yang čuh. 17Ñu ăt pơyơr mơ̆n bai ƀañ tơpŭng ƀu hmâo tơpơi laih anŭn triu tơno ngă yang rơnŭk rơnua brơi kơ Yêhôwa, hrŏm hăng mơnơ̆ng ngă yang hăng braih pơdai laih anŭn tơlơi ngă yang tuh ia tơpai mơ̆n. 18Ƀơi bah amăng Sang Khăn Pơƀŭt, mơnuih Nasirê khŏm kuah hĭ ƀuk ñu hmâo pơkah pioh laih laih anŭn mă ƀuk anŭn pioh amăng apui hlăk dŏ jă gah yŭ kơ mơnơ̆ng ngă yang kơ tơlơi rơnŭk rơnua. 19Giơ̆ng kơ mơnuih Nasirê hmâo kuah ƀuk laih, khua ngă yang či dưm ƀơi dua plă tơngan mơnuih anŭn asar añăm bra triu tơno hmâo hơtuk laih, sa boh ƀañ tơpŭng ƀu hmâo tơpơi amăng bai laih anŭn sa ƀañ rơpih ƀu hmâo tơpơi. 20Giơ̆ng anŭn, khua ngă yang či pơyơr khul gơnam anŭn hơdai nao rai ƀơi anăp Yêhôwa. Anŭn jing mơnơ̆ng rơgoh hiam lơ̆m kơ khua ngă yang wơ̆t hăng asar añăm tơda pơyơr hơdai nao rai laih anŭn sa ƀĕ pha pơyơr pŭ đĭ. Tơdơi kơ anŭn mơnuih Nasirê dưi mơñum ia tơpai yơh.
21Anŭn jing tơlơi juăt kơ ƀing mơnuih Nasirê hmâo ƀuăn laih anŭn mơnơ̆ng ngă yang pô anŭn khŏm pơyơr kơ Yêhôwa tui hăng tơlơi ƀuăn, gah rơngiao kơ khul mơnơ̆ng ngă yang pơkŏn pô anŭn hmâo tơlơi dưi kiăng pơyơr thim. Pô anŭn khŏm ngă tui tơlơi juăt Nasirê tui hăng ñu hmâo ƀuăn laih.’”
Tơlơi Hơơč Mơyun
22Yêhôwa laĭ kơ Môis: 23“Pơtă bĕ kơ Arôn hăng ƀing ană đah rơkơi ñu tui anai: ‘Ƀing gih khŏm hơơč mơyun kơ ană Israel kar hăng anai:
24Rơkâo Yêhôwa brơi tơlơi mơyun hiam kơ ih
Laih anŭn wai lăng ih!
25Rơkâo Yêhôwa pơčrang ƀô̆ mơta Ñu ƀơi ih
Laih anŭn ngă tơlơi pap kơ ih!
26Rơkâo Yêhôwa pap drap kơ ih
Laih anŭn pha brơi rơnŭk rơnua kơ ih!’
27Gơñu khŏm dưm anăn Kâo ƀơi ngŏ ană plei pla Israel tui anŭn Kâo či brơi tơlơi mơyun hiam kơ ƀing gơñu yơh.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.