Tơlơi Yap 32
32
Kơnŭng Djuai Ruben hăng Kơnŭng Djuai Gat
1Ană tơčo Ruben hăng ană tơčo Gat hmâo lu hlô mơnơ̆ng. Gơñu ƀuh lŏn čar Jaser laih anŭn Galaat jing lŏn hiam brơi kơ bruă čem rong hlô mơnơ̆ng, 2hnŭn yơh gơñu laĭ hăng Môis, khua ngă yang Êlêasar laih anŭn ƀing khua djă akŏ tui anai: 3“Lŏn Atarôt, Dibôn, Jaser, Nimra, Hêsbôn, Êlêaleh, Sêbam, Nêbô laih anŭn Bêôn 4lŏn anŭn Yêhôwa hmâo pơblah dưi laih ƀơi anăp Israel, jing lŏn hiam brơi kơ bruă čem rong hlô mơnơ̆ng. Hloh kơ anŭn, ƀing ding kơna ih hmâo lu hlô mơnơ̆ng. 5Tơdah ƀing gơmơi hmâo tơlơi pap ƀơi anăp ih, rơkâo ih pha brơi bĕ lŏn anŭn kơ ƀing gơmơi ngă kong ngăn. Anăm brơi ƀing gơmơi găn ia krong Yurdan ôh.”
6Samơ̆ Môis laĭ glaĭ hăng ană tơčo Gat laih anŭn ană tơčo Ruben tui anai: “Tơdang adơi ayŏng ƀing gih nao pơblah, samơ̆ ƀing gih dŏ glaĭ pơ anai hă? 7Yua hơgĕt ƀing gih ngă kơ ƀing Israel hơtah hơtai ƀu kiăng nao ôh pơ lŏn čar Yêhôwa hmâo pha brơi kơ gơñu? 8Ơi adon ƀing gih ăt ngă tui anŭn mơ̆n tơdang mơ̆ng Kadês Barnê kâo pơkiaŏ gơñu nao kơsem lăng lŏn čar.#Yap 13:17-33. 9Yua kơ ơi adon ƀing gih tơdơi kơ ƀing gơñu hmâo truh laih pơ anih klŭng Êskôl kiăng kơ kơsem lăng lŏn čar, gơñu hmâo ngă brơi ƀing ană plei pla Israel hơtah hơtai ƀu kiăng mŭt nao ôh pơ čar Yêhôwa hmâo pha brơi laih kơ gơñu. 10Amăng hrơi anŭn, tơlơi hil Yêhôwa tơgŭ đĭ laih anŭn Ñu ƀuăn rơ̆ng tui anai:#Yap 14:26-35. 11‘Abih bang ƀing mơnuih tơbiă đuaĭ mơ̆ng čar Êjip čơdơ̆ng mơ̆ng dua pluh thŭn truh pơ glong ƀu či ƀuh ôh lŏn čar Kâo hmâo ƀuăn laih pha brơi kơ Abraham, Isak laih anŭn Yakôp, yua kơ gơñu ƀu hăng abih pran jua đuaĭ tui Kâo, 12rơngiao kơ Kalep, ană đah rơkơi Jêphunê, jing mơnuih Kênisit laih anŭn Yôsuê ană đah rơkơi Nun, yua kơ dua čô mơnuih anŭn hmâo đuaĭ tui laih Yêhôwa hăng abih pran jua,’ 13Yua kơ tui anŭn, tơlơi Yêhôwa hil tơgŭ đĭ ƀơi ană plei pla Israel, laih anŭn Ñu ngă brơi gơñu đuaĭ hyu amăng tơdrŏn har pă pluh thŭn, tơl abih bang rơnŭk ƀing mơnuih ngă tơlơi sat ƀai ƀơi anăp Yêhôwa leng kơ djai abih hĭ. 14Ră anai, ƀing gih jing kơnŭng djuai ƀing mơnuih soh sat, pŭng kơ pơala kơ ơi adon gih tơgŭ đĭ dơ̆ng laih anŭn ngă brơi tơlơi Yêhôwa hil kơ ƀing ană plei pla Israel jai kơtang hloh. 15Tơdah ƀing gih ăt dŏ hơngah lui Ñu, Ñu či hơngah lui ană plei pla anai amăng tơdrŏn har laih anŭn ƀing gih yơh jing ƀing ba rai tơlơi răm rai kơ ƀing gơñu.”
16Samơ̆ ƀing mơnuih anŭn nao pơ Môis hăng laĭ: “Ƀing gơmơi či pơdơ̆ng đĭ war hlô rong laih anŭn plei pơnăng brơi kơ ană bă ƀing gơmơi, 17laih anŭn ƀing gơmơi prăp pre djă gơnam pơblah nao hlâo kơ ană plei pla Israel tơl ba ƀing gơñu mŭt nao lŏn čar gơñu kiăng mă tŭ. Samơ̆ kơnơ̆ng ană bă ƀing gơmơi či dŏ glaĭ amăng plei pơnăng kơjăp yua kơ hwĭ ană plei pla amăng lŏn čar anŭn kơsung blah. 18Ƀing gơmơi ƀu či wơ̆t glaĭ pơ sang gơmơi ôh tơl rĭm čô ƀing Israel hmâo mă tŭ kong ngăn ñu pô. 19Ƀing gơmơi ƀu či mă tŭ kong ngăn hrŏm hăng ană plei pla Israel pơ gah adih ia krong Yurdan ôh ƀôdah jing anih ataih hloh dơ̆ng, yua kơ ƀing gơmơi hmâo mă tŭ kong ngăn gơmơi pô pơ gah ngŏ ia krong Yurdan anai laih.”
20Môis laĭ glaĭ kơ gơñu: “Tơdah ƀing gih ngă tơlơi anŭn, djă gơnam pơblah ƀơi anăp Yêhôwa, 21laih anŭn tơdah abih bang leng kơ djă gơnam pơblah găn ia krong Yurdan ƀơi anăp Yêhôwa tơl Ñu puh pơđuaĭ abih ayăt mơ̆ng ƀơi anăp Ñu 22laih anŭn ƀing gih či dưi wơ̆t glaĭ kơnơ̆ng tơdah ƀing gih hmâo pơblah dưi laih lŏn čar anŭn ƀơi anăp Yêhôwa, hnŭn yơh ƀing gih hmâo ngă giơ̆ng laih bruă ƀing gih hăng Yêhôwa laih anŭn Israel. Hlăk anŭn kah, lŏn čar anai či jing kong ngăn ƀing gih ƀơi anăp Yêhôwa. 23Samơ̆, tơdah ƀing gih ƀu ngă tui anŭn ôh, ƀing gih hmâo ngă soh laih hăng Yêhôwa laih anŭn ƀing gih khŏm thâo tơlơi soh anŭn sĭt yơh či tuh glaĭ ƀơi ƀing gih. 24Tui anŭn, pơdơ̆ng đĭ bĕ plei pơnăng brơi kơ ană bă ƀing gih, pơdơ̆ng đĭ war kơ khul hlô rong laih anŭn ngă tơlơi ƀing gih hmâo pơhiăp laih.”
25Ană tơčo Gat laih anŭn ană tơčo Ruben laĭ hăng Môis tui anai: “Ƀing gơmơi jing ƀing ding kơna ih či ngă tui hăng tơlơi ih pơtă laih. 26Bơnai laih anŭn ană bă ƀing gơmơi, khul triu laih anŭn abih bang hlô mơnơ̆ng rong ƀing gơmơi či dŏ glaĭ pơ anai amăng khul plei prŏng Galaat, 27samơ̆ abih bang ƀing ding kơna ih či djă gơnam pơblah găn ia krong hăng pơblah gah anăp Yêhôwa kar hăng ih jing khua ƀing gơmơi pơtă.”
28Tui anŭn Môis pơtă pơtăn kơ dua kơnŭng anŭn brơi kơ khua ngă yang Êlêasar, Yôsuê ană đah rơkơi Nun laih anŭn ƀing khua djă akŏ kơnŭng djuai Israel.#Yôs 1:12-15. 29Ñu laĭ hăng gơñu: “Tơdah ană tơčo Gat hăng ană tơčo Ruben djă gơnam pơblah găn ia krong Yurdan hrŏm hăng ƀing gih kiăng kơ pơblah ƀơi anăp Yêhôwa laih anŭn tơdang ƀing gih hmâo mă hĭ laih lŏn čar anai, tui anŭn brơi ƀing gih khŏm pha brơi bĕ ƀing gơñu lŏn čar Galaat ngă kong ngăn. 30Samơ̆ tơdah gơñu ƀu djă gơnam pơblah găn ia krong hrŏm hăng ƀing gih, tui anŭn gơñu či mă tŭ kong ngăn amăng tơ̆ng krah ƀing gih amăng lŏn Kanaan.” 31Ană tơčo Gat hăng ană tơčo Ruben laĭ: “Ƀing gơmơi či ngă tui tơlơi Yêhôwa hmâo pơtă hăng ƀing ding kơna ih. 32Ƀing gơmơi či djă gơnam pơblah gah anăp Yêhôwa mŭt amăng lŏn Kanaan, samơ̆ ƀing gơmơi či mă tŭ kong ngăn gah anai ia krong Yurdan.”
33Tui anŭn Môis pha brơi ană tơčo Gat, ană tơčo Ruben laih anŭn sa mơkrah kơnŭng djuai Manasê jing ană tơčo Yôsep, dêh čar Sihôn, pơtao Amôrit laih anŭn dêh čar Ôk, pơtao Basan, abih bang lŏn čar dua pơtao anai wơ̆t hăng hơdôm plei pơnăng hrŏm hăng abih tring jum dar. 34Ană tơčo Gat pơdơ̆ng đĭ plei Dibôn, plei Atarôt, plei Arôer, 35Atrôt Sôpan, plei Jaser, plei Jôbêha, 36plei Bêtnimra laih anŭn plei Bet Haran jing plei pơnăng kơjăp. Gơñu ăt ngă war kơ khul hlô mơnơ̆ng rong dơ̆ng mơ̆n. 37Ană tơčo Ruben pơdơ̆ng đĭ plei Hêsbôn, plei Êlêaleh, plei Kiriathaim, 38plei Nêbô, plei Baal Mêôn (anăn hơdôm plei anai hmâo pơplih) laih anŭn plei Sipma. Gơñu pơanăn brơi kơ abih plei gơñu pơdơ̆ng đĭ. 39Ană tơčo Makir jing ană đah rơkơi Manasê nao plah mă lŏn Galaat laih anŭn puh pơđuaĭ hĭ ƀing Amôrit mơ̆ng anih anŭn. 40Tui anŭn Môis pha lŏn čar Galaat brơi kơ Makir ană đah rơkơi Manasê laih anŭn ñu nao dŏ pơ anŭn. 41Jar ană đah rơkơi Manasê pơblah sua hơdôm plei anĕt kơ ƀing ană plei Amôrit laih anŭn pơplih anăn jing hĭ plei Jar. 42Nôba nao pơblah sua plei Kênat laih anŭn hơdôm plei lŏm kơ ñu, laih anŭn pơanăn jing plei Nôba tui anăn ñu pô.
Currently Selected:
Tơlơi Yap 32: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 32
32
Kơnŭng Djuai Ruben hăng Kơnŭng Djuai Gat
1Ană tơčo Ruben hăng ană tơčo Gat hmâo lu hlô mơnơ̆ng. Gơñu ƀuh lŏn čar Jaser laih anŭn Galaat jing lŏn hiam brơi kơ bruă čem rong hlô mơnơ̆ng, 2hnŭn yơh gơñu laĭ hăng Môis, khua ngă yang Êlêasar laih anŭn ƀing khua djă akŏ tui anai: 3“Lŏn Atarôt, Dibôn, Jaser, Nimra, Hêsbôn, Êlêaleh, Sêbam, Nêbô laih anŭn Bêôn 4lŏn anŭn Yêhôwa hmâo pơblah dưi laih ƀơi anăp Israel, jing lŏn hiam brơi kơ bruă čem rong hlô mơnơ̆ng. Hloh kơ anŭn, ƀing ding kơna ih hmâo lu hlô mơnơ̆ng. 5Tơdah ƀing gơmơi hmâo tơlơi pap ƀơi anăp ih, rơkâo ih pha brơi bĕ lŏn anŭn kơ ƀing gơmơi ngă kong ngăn. Anăm brơi ƀing gơmơi găn ia krong Yurdan ôh.”
6Samơ̆ Môis laĭ glaĭ hăng ană tơčo Gat laih anŭn ană tơčo Ruben tui anai: “Tơdang adơi ayŏng ƀing gih nao pơblah, samơ̆ ƀing gih dŏ glaĭ pơ anai hă? 7Yua hơgĕt ƀing gih ngă kơ ƀing Israel hơtah hơtai ƀu kiăng nao ôh pơ lŏn čar Yêhôwa hmâo pha brơi kơ gơñu? 8Ơi adon ƀing gih ăt ngă tui anŭn mơ̆n tơdang mơ̆ng Kadês Barnê kâo pơkiaŏ gơñu nao kơsem lăng lŏn čar.#Yap 13:17-33. 9Yua kơ ơi adon ƀing gih tơdơi kơ ƀing gơñu hmâo truh laih pơ anih klŭng Êskôl kiăng kơ kơsem lăng lŏn čar, gơñu hmâo ngă brơi ƀing ană plei pla Israel hơtah hơtai ƀu kiăng mŭt nao ôh pơ čar Yêhôwa hmâo pha brơi laih kơ gơñu. 10Amăng hrơi anŭn, tơlơi hil Yêhôwa tơgŭ đĭ laih anŭn Ñu ƀuăn rơ̆ng tui anai:#Yap 14:26-35. 11‘Abih bang ƀing mơnuih tơbiă đuaĭ mơ̆ng čar Êjip čơdơ̆ng mơ̆ng dua pluh thŭn truh pơ glong ƀu či ƀuh ôh lŏn čar Kâo hmâo ƀuăn laih pha brơi kơ Abraham, Isak laih anŭn Yakôp, yua kơ gơñu ƀu hăng abih pran jua đuaĭ tui Kâo, 12rơngiao kơ Kalep, ană đah rơkơi Jêphunê, jing mơnuih Kênisit laih anŭn Yôsuê ană đah rơkơi Nun, yua kơ dua čô mơnuih anŭn hmâo đuaĭ tui laih Yêhôwa hăng abih pran jua,’ 13Yua kơ tui anŭn, tơlơi Yêhôwa hil tơgŭ đĭ ƀơi ană plei pla Israel, laih anŭn Ñu ngă brơi gơñu đuaĭ hyu amăng tơdrŏn har pă pluh thŭn, tơl abih bang rơnŭk ƀing mơnuih ngă tơlơi sat ƀai ƀơi anăp Yêhôwa leng kơ djai abih hĭ. 14Ră anai, ƀing gih jing kơnŭng djuai ƀing mơnuih soh sat, pŭng kơ pơala kơ ơi adon gih tơgŭ đĭ dơ̆ng laih anŭn ngă brơi tơlơi Yêhôwa hil kơ ƀing ană plei pla Israel jai kơtang hloh. 15Tơdah ƀing gih ăt dŏ hơngah lui Ñu, Ñu či hơngah lui ană plei pla anai amăng tơdrŏn har laih anŭn ƀing gih yơh jing ƀing ba rai tơlơi răm rai kơ ƀing gơñu.”
16Samơ̆ ƀing mơnuih anŭn nao pơ Môis hăng laĭ: “Ƀing gơmơi či pơdơ̆ng đĭ war hlô rong laih anŭn plei pơnăng brơi kơ ană bă ƀing gơmơi, 17laih anŭn ƀing gơmơi prăp pre djă gơnam pơblah nao hlâo kơ ană plei pla Israel tơl ba ƀing gơñu mŭt nao lŏn čar gơñu kiăng mă tŭ. Samơ̆ kơnơ̆ng ană bă ƀing gơmơi či dŏ glaĭ amăng plei pơnăng kơjăp yua kơ hwĭ ană plei pla amăng lŏn čar anŭn kơsung blah. 18Ƀing gơmơi ƀu či wơ̆t glaĭ pơ sang gơmơi ôh tơl rĭm čô ƀing Israel hmâo mă tŭ kong ngăn ñu pô. 19Ƀing gơmơi ƀu či mă tŭ kong ngăn hrŏm hăng ană plei pla Israel pơ gah adih ia krong Yurdan ôh ƀôdah jing anih ataih hloh dơ̆ng, yua kơ ƀing gơmơi hmâo mă tŭ kong ngăn gơmơi pô pơ gah ngŏ ia krong Yurdan anai laih.”
20Môis laĭ glaĭ kơ gơñu: “Tơdah ƀing gih ngă tơlơi anŭn, djă gơnam pơblah ƀơi anăp Yêhôwa, 21laih anŭn tơdah abih bang leng kơ djă gơnam pơblah găn ia krong Yurdan ƀơi anăp Yêhôwa tơl Ñu puh pơđuaĭ abih ayăt mơ̆ng ƀơi anăp Ñu 22laih anŭn ƀing gih či dưi wơ̆t glaĭ kơnơ̆ng tơdah ƀing gih hmâo pơblah dưi laih lŏn čar anŭn ƀơi anăp Yêhôwa, hnŭn yơh ƀing gih hmâo ngă giơ̆ng laih bruă ƀing gih hăng Yêhôwa laih anŭn Israel. Hlăk anŭn kah, lŏn čar anai či jing kong ngăn ƀing gih ƀơi anăp Yêhôwa. 23Samơ̆, tơdah ƀing gih ƀu ngă tui anŭn ôh, ƀing gih hmâo ngă soh laih hăng Yêhôwa laih anŭn ƀing gih khŏm thâo tơlơi soh anŭn sĭt yơh či tuh glaĭ ƀơi ƀing gih. 24Tui anŭn, pơdơ̆ng đĭ bĕ plei pơnăng brơi kơ ană bă ƀing gih, pơdơ̆ng đĭ war kơ khul hlô rong laih anŭn ngă tơlơi ƀing gih hmâo pơhiăp laih.”
25Ană tơčo Gat laih anŭn ană tơčo Ruben laĭ hăng Môis tui anai: “Ƀing gơmơi jing ƀing ding kơna ih či ngă tui hăng tơlơi ih pơtă laih. 26Bơnai laih anŭn ană bă ƀing gơmơi, khul triu laih anŭn abih bang hlô mơnơ̆ng rong ƀing gơmơi či dŏ glaĭ pơ anai amăng khul plei prŏng Galaat, 27samơ̆ abih bang ƀing ding kơna ih či djă gơnam pơblah găn ia krong hăng pơblah gah anăp Yêhôwa kar hăng ih jing khua ƀing gơmơi pơtă.”
28Tui anŭn Môis pơtă pơtăn kơ dua kơnŭng anŭn brơi kơ khua ngă yang Êlêasar, Yôsuê ană đah rơkơi Nun laih anŭn ƀing khua djă akŏ kơnŭng djuai Israel.#Yôs 1:12-15. 29Ñu laĭ hăng gơñu: “Tơdah ană tơčo Gat hăng ană tơčo Ruben djă gơnam pơblah găn ia krong Yurdan hrŏm hăng ƀing gih kiăng kơ pơblah ƀơi anăp Yêhôwa laih anŭn tơdang ƀing gih hmâo mă hĭ laih lŏn čar anai, tui anŭn brơi ƀing gih khŏm pha brơi bĕ ƀing gơñu lŏn čar Galaat ngă kong ngăn. 30Samơ̆ tơdah gơñu ƀu djă gơnam pơblah găn ia krong hrŏm hăng ƀing gih, tui anŭn gơñu či mă tŭ kong ngăn amăng tơ̆ng krah ƀing gih amăng lŏn Kanaan.” 31Ană tơčo Gat hăng ană tơčo Ruben laĭ: “Ƀing gơmơi či ngă tui tơlơi Yêhôwa hmâo pơtă hăng ƀing ding kơna ih. 32Ƀing gơmơi či djă gơnam pơblah gah anăp Yêhôwa mŭt amăng lŏn Kanaan, samơ̆ ƀing gơmơi či mă tŭ kong ngăn gah anai ia krong Yurdan.”
33Tui anŭn Môis pha brơi ană tơčo Gat, ană tơčo Ruben laih anŭn sa mơkrah kơnŭng djuai Manasê jing ană tơčo Yôsep, dêh čar Sihôn, pơtao Amôrit laih anŭn dêh čar Ôk, pơtao Basan, abih bang lŏn čar dua pơtao anai wơ̆t hăng hơdôm plei pơnăng hrŏm hăng abih tring jum dar. 34Ană tơčo Gat pơdơ̆ng đĭ plei Dibôn, plei Atarôt, plei Arôer, 35Atrôt Sôpan, plei Jaser, plei Jôbêha, 36plei Bêtnimra laih anŭn plei Bet Haran jing plei pơnăng kơjăp. Gơñu ăt ngă war kơ khul hlô mơnơ̆ng rong dơ̆ng mơ̆n. 37Ană tơčo Ruben pơdơ̆ng đĭ plei Hêsbôn, plei Êlêaleh, plei Kiriathaim, 38plei Nêbô, plei Baal Mêôn (anăn hơdôm plei anai hmâo pơplih) laih anŭn plei Sipma. Gơñu pơanăn brơi kơ abih plei gơñu pơdơ̆ng đĭ. 39Ană tơčo Makir jing ană đah rơkơi Manasê nao plah mă lŏn Galaat laih anŭn puh pơđuaĭ hĭ ƀing Amôrit mơ̆ng anih anŭn. 40Tui anŭn Môis pha lŏn čar Galaat brơi kơ Makir ană đah rơkơi Manasê laih anŭn ñu nao dŏ pơ anŭn. 41Jar ană đah rơkơi Manasê pơblah sua hơdôm plei anĕt kơ ƀing ană plei Amôrit laih anŭn pơplih anăn jing hĭ plei Jar. 42Nôba nao pơblah sua plei Kênat laih anŭn hơdôm plei lŏm kơ ñu, laih anŭn pơanăn jing plei Nôba tui anăn ñu pô.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.