Tơlơi Yap 21
21
Ƀing Israel Pơblah Dưi Pơtao Arat
1Tơdang pơtao Arat, mơnuih Kanaan hơdip amăng anih Nêgep, gơñu hmư̆ ƀing Israel hlăk rơbat nao amăng jơlan Atharim, tui anŭn gơñu kơsung blah ƀing Israel hăng mă đơđa mơnuih amăng ƀing Israel jing mơnă.#Yap 33:40. 2Ƀing Israel ƀuăn hăng Yêhôwa tui anai: “Tơdah Khua Yang jao plei pla anai amăng tơngan ƀing gơmơi, ƀing gơmơi či pơrai abih plei ƀing gơñu.” 3Yêhôwa hmư̆ tơlơi ƀing Israel rơkâo laih anŭn jao hĭ ƀing Kanaan amăng tơngan ƀing gơñu. Gơñu pơrai hĭ abih bang ană plei pla laih anŭn khul plei ƀing gơñu, laih anŭn pơanăn anih anai jing Horma.#21:3 Horma: Amăng tơlơi Hêbrơ, boh pơhiăp anai kiăng pia “tơlơi pơrai”.
Ala ngă hăng kong
4Mơ̆ng čư̆ Hor, ƀing Israel rơbat anăp nao pơ ia Rơsĭ Mriah kiăng rơbat dar čar Êđôm. Samơ̆ tơdang rơbat ƀơi jơlan ană plei pla tơdu pran jua.#Mơñă 2:1. 5Ƀing ană plei pla pơkơdơ̆ng glaĭ hăng Ơi Adai laih anŭn Môis. Gơñu laĭ: “Yua hơgĕt ih#21:5 Ƀôdah: ƀing gih. ba ƀing gơmơi đuaĭ mơ̆ng čar Êjip kiăng kơ ƀing gơmơi djai hĭ amăng tơdrŏn har anai? Yua kơ pơ anai ƀu hmâo ƀañ ăt kŏn hmâo ia mơñum lơi laih anŭn ƀing gơmơi bơrơmŭt biă mă mơnơ̆ng ƀơ̆ng ƀu jơman anai.”#I Kôr 10:9. 6Yêhôwa brơi rai khul ala apui amăng ƀing gơñu laih anŭn čoh pơdjai lu ƀing Israel. 7Ƀing Israel nao pơ Môis hăng laĭ: “Ƀing gơmơi hmâo ngă soh yua kơ hmâo pơkơdơ̆ng hăng Yêhôwa laih anŭn hăng Ih. Rơkâo ih kơwưh rơkâo kơ Yêhôwa brơi ala đuaĭ ataih mơ̆ng ƀing gơmơi.” Tui anŭn, Môis iâu laĭ brơi kơ ană plei pla. 8Yêhôwa laĭ kơ Môis tui anai: “Ngă bĕ sa drơi ala apui giơ̆ng anŭn yol ñu ƀơi sa ƀĕ kơyâo. Hlơi pô ala čoh, samơ̆ tơdah ñu lăng đĭ ñu či hơdip.” 9Tui anŭn Môis ngă sa drơi ala hăng kong, giơ̆ng anŭn ñu yol ƀơi sa ƀĕ kơyâo. Hlơi pô ala čoh, samơ̆ tơdah ñu lăng đĭ ala ngă hăng kong, ñu či hơdip.#II Pơtao 18:4; Yô 3:14.
10Mơ̆ng anŭn, ƀing Israel rơbat nao hăng jưh ƀơi anih Ôbôt. 11Mơ̆ng Ôbôt, gơñu rơbat nao hăng jưh ƀơi anih Iyê Abarim, amăng tơdrŏn har ƀơi anăp čar Môap, gah yang hrơi ƀlĕ. 12Mơ̆ng anŭn, gơñu rơbat nao hăng jưh ƀơi klŭng Sêret. 13Giơ̆ng anŭn gơñu đuaĭ nao dơ̆ng hăng jưh gah adih hơnoh ia Arnôn, amăng tơdrŏn har. Tơdrŏn har anai truh pơ guai ƀing Amôrit. Ia krong Arnôn jing guai hăng ƀing Môap, dŏ tơ̆ng krah guai Môap hăng guai ƀing Amôrit. 14Yua kơ anŭn yơh, amăng hră Tơlơi Yêhôwa Pơblah#21:14 Hră anai hmâo rơngiă laih. hmâo čih:
“Wahep dŏ pơ Supha
Laih anŭn Klŭng hơnoh ia Arnôn,
15Laih anŭn thong ñu
Đuaĭ truh pơ Ar
Laih anŭn sŏ hăng guai Môap.”
16Mơ̆ng anŭn, ƀing Israel rơbat nao truh pơ Bêr#21:16 Bêr: kiăng laĭ jing “ia dơmun”. Anŭn jing ia dơmun Yêhôwa hmâo pơtă kơ Môis tui anai: “Brơi ih pơƀŭt bĕ ană plei pla laih anŭn Kâo či brơi ƀing gih ia mơñum.” 17Hlăk anŭn, ƀing Israel adoh tơlơi anai:
“Ơ ia dơmun, bluh đĭ ia bĕ!
Adoh mơak bĕ kơ ia dơmun!
18Ia dơmun ƀing ană pơtao hmâo klơi laih,
Ƀing khua akŏ ană plei pla Khua Yang hmâo klơi laih,
Hăng gai pơtao laih anŭn hăng gai jra ñu!”
Giơ̆ng anŭn, ană plei pla Israel mơ̆ng tơdrŏn har truh pơ Matana; 19Mơ̆ng Matana truh pơ Nahaliel; mơ̆ng Nahaniel truh pơ Bamôt; 20Mơ̆ng Bamôt truh pơ klŭng amăng lŏn čar Môap, ƀơi akŏ čư̆ Pisga jing anih arăng lăng ƀuh tơdrŏn har.
Pơblah Dưi Pơtao Sihôn hăng Pơtao Basan
21Ană plei pla Israel pơkiaŏ mơnuih nao pơhiăp hăng Sihôn, pơtao Amôrit tui anai: 22“Rơkâo kơ ih brơi ƀing gơmơi rơbat găn nao čar ih. Ƀing gơmơi ƀu kơsem ep lăng hmua pơdai ƀôdah đang boh kơƀâu ih laih anŭn ia dơmun ih ôh. Ƀing gơmơi kơnơ̆ng rơbat kơtuai jơlan prŏng pơtao tơl gơmơi rơbat găn hĭ lŏn čar ih.” 23Samơ̆ Sihôn ƀu brơi ôh ană plei pla Israel rơbat găn lŏn čar ñu. Pơtao anŭn pơƀŭt glaĭ ƀing tơhan ñu laih anŭn kơsung blah ƀing Israel mơ̆ng tơdrŏn har. Ñu truh pơ Jahas laih anŭn pơblah hăng ƀing Israel. 24Ƀing Israel yua đao gưm pơblah dưi hĭ hăng pơtao anai laih anŭn plah mă hĭ lŏn čar anŭn mơ̆ng hơnoh ia Arnôn truh pơ ia krong Jabôk laih anŭn dơ̆ng glaĭ ƀơi guai lŏn kơ ƀing Ammôn, yua kơ lŏn čar ƀing Amôn jing kơjăp kơtang.#21:24 Hmâo đơđa hră pơblang so đưm: truh pơ rơnuč Jaêse jing guai lŏn kơ ƀing Amôn. 25Ƀing ană plei pla Israel plah mă abih bang plei ƀing Amôrit laih anŭn gơñu dŏ amăng abih bang plei anŭn, wơ̆t hăng plei Hêsbôn laih anŭn abih bang plei anĕt jum dar. 26Hêsbôn jing plei kơ Sihôn, pơtao ană plei pla Amôrit, jing pơtao hmâo pơblah pơkơdơ̆ng glaĭ laih hăng pơtao ƀing Môap hlâo adih, laih anŭn hmâo plah mă hĭ laih abih bang lŏn čar pơtao anŭn truh pơ hơnoh ia Arnôn. 27Yua tui anŭn, ƀing thâo adoh hmâo čih:
“Nao bĕ pơ Hêsbôn! Pơkra glaĭ bĕ plei Sihôn,
Pơkra glaĭ bĕ plei anŭn!
28Yua kơ hmâo apui mơ̆ng Hêsbôn,#Yêr 48:45-46.
Jơlah apui mơ̆ng plei Sihôn,
Čuh hĭ plei Ar amăng lŏn čar Môap,
Laih anŭn abih bang anih khua pơtao dŏ ƀơi anih kơdư hơnoh ia Arnôn.
29Răm ƀăm yơh kơ ƀing gih, Ơ ƀing Môap!
Ơ ƀing Kêmôs#21:29 Kêmôs: jing yang kơ ƀing Môap. ih hmâo rơngiă luč laih!
Ih hmâo jao laih ană đah rơkơi ih pô jing ƀing đuaĭ hyu,
Ană đah kơmơi ih jing mơnă kơ Sihôn, jing pơtao ƀing Amôrit.
30Samơ̆ ƀing gơmơi hmâo yua hraŏ pơnah ƀing gơñu;
Hêsbôn hmâo răm rai truh pơ Dibôn.
Ƀing gơmơi hmâo pơluč ƀing gơñu truh pơ Nôpha,
Apui hmâo ƀơ̆ng lar truh pơ Mêdêba.”
31Tui anŭn ană plei pla Israel dŏ hĭ amăng lŏn ƀing Amôrit. 32Môis pơkiaŏ ƀing mơnuih kơsem lăng plei Jaser. Ƀing Israel plah mă abih bang plei dŏ jum dar hăng puh pơđuaĭ ƀing Amôrit mơ̆ng anŭn.
Pơblah Dưi Hĭ Pơtao Ôk
33Ƀing ană plei pla Israel wir glaĭ laih anŭn rơbat nao tui jơlan anăp nao gah lŏn čar Basan. Ôk, pơtao Basan hăng abih bang ƀing tơhan ñu tơbiă nao laih anŭn kiăng pơblah hăng Israel ƀơi plei Êdrei. 34Samơ̆ Yêhôwa laĭ kơ Môis: “Anăm hwĭ ôh! Yua kơ Kâo hmâo jao laih ñu, tơhan ñu laih anŭn lŏn ñu amăng tơngan ih. Brơi ih ngă kơ ñu kar hăng ih hmâo ngă laih kơ plei Sihôn, pơtao ƀing Amôrit ƀơi Hêsbôn.” 35Tui anŭn ƀing Israel pơblah dưi hĭ pơtao Ôk, ƀing ană đah rơkơi laih anŭn ƀing tơhan ñu, ƀu pioh glaĭ sa čô hlơi amăng ƀing gơñu dŏ hơdip ôh. Laih anŭn ƀing Israel plah mă abih bang lŏn čar pơtao Ôk.
Currently Selected:
Tơlơi Yap 21: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 21
21
Ƀing Israel Pơblah Dưi Pơtao Arat
1Tơdang pơtao Arat, mơnuih Kanaan hơdip amăng anih Nêgep, gơñu hmư̆ ƀing Israel hlăk rơbat nao amăng jơlan Atharim, tui anŭn gơñu kơsung blah ƀing Israel hăng mă đơđa mơnuih amăng ƀing Israel jing mơnă.#Yap 33:40. 2Ƀing Israel ƀuăn hăng Yêhôwa tui anai: “Tơdah Khua Yang jao plei pla anai amăng tơngan ƀing gơmơi, ƀing gơmơi či pơrai abih plei ƀing gơñu.” 3Yêhôwa hmư̆ tơlơi ƀing Israel rơkâo laih anŭn jao hĭ ƀing Kanaan amăng tơngan ƀing gơñu. Gơñu pơrai hĭ abih bang ană plei pla laih anŭn khul plei ƀing gơñu, laih anŭn pơanăn anih anai jing Horma.#21:3 Horma: Amăng tơlơi Hêbrơ, boh pơhiăp anai kiăng pia “tơlơi pơrai”.
Ala ngă hăng kong
4Mơ̆ng čư̆ Hor, ƀing Israel rơbat anăp nao pơ ia Rơsĭ Mriah kiăng rơbat dar čar Êđôm. Samơ̆ tơdang rơbat ƀơi jơlan ană plei pla tơdu pran jua.#Mơñă 2:1. 5Ƀing ană plei pla pơkơdơ̆ng glaĭ hăng Ơi Adai laih anŭn Môis. Gơñu laĭ: “Yua hơgĕt ih#21:5 Ƀôdah: ƀing gih. ba ƀing gơmơi đuaĭ mơ̆ng čar Êjip kiăng kơ ƀing gơmơi djai hĭ amăng tơdrŏn har anai? Yua kơ pơ anai ƀu hmâo ƀañ ăt kŏn hmâo ia mơñum lơi laih anŭn ƀing gơmơi bơrơmŭt biă mă mơnơ̆ng ƀơ̆ng ƀu jơman anai.”#I Kôr 10:9. 6Yêhôwa brơi rai khul ala apui amăng ƀing gơñu laih anŭn čoh pơdjai lu ƀing Israel. 7Ƀing Israel nao pơ Môis hăng laĭ: “Ƀing gơmơi hmâo ngă soh yua kơ hmâo pơkơdơ̆ng hăng Yêhôwa laih anŭn hăng Ih. Rơkâo ih kơwưh rơkâo kơ Yêhôwa brơi ala đuaĭ ataih mơ̆ng ƀing gơmơi.” Tui anŭn, Môis iâu laĭ brơi kơ ană plei pla. 8Yêhôwa laĭ kơ Môis tui anai: “Ngă bĕ sa drơi ala apui giơ̆ng anŭn yol ñu ƀơi sa ƀĕ kơyâo. Hlơi pô ala čoh, samơ̆ tơdah ñu lăng đĭ ñu či hơdip.” 9Tui anŭn Môis ngă sa drơi ala hăng kong, giơ̆ng anŭn ñu yol ƀơi sa ƀĕ kơyâo. Hlơi pô ala čoh, samơ̆ tơdah ñu lăng đĭ ala ngă hăng kong, ñu či hơdip.#II Pơtao 18:4; Yô 3:14.
10Mơ̆ng anŭn, ƀing Israel rơbat nao hăng jưh ƀơi anih Ôbôt. 11Mơ̆ng Ôbôt, gơñu rơbat nao hăng jưh ƀơi anih Iyê Abarim, amăng tơdrŏn har ƀơi anăp čar Môap, gah yang hrơi ƀlĕ. 12Mơ̆ng anŭn, gơñu rơbat nao hăng jưh ƀơi klŭng Sêret. 13Giơ̆ng anŭn gơñu đuaĭ nao dơ̆ng hăng jưh gah adih hơnoh ia Arnôn, amăng tơdrŏn har. Tơdrŏn har anai truh pơ guai ƀing Amôrit. Ia krong Arnôn jing guai hăng ƀing Môap, dŏ tơ̆ng krah guai Môap hăng guai ƀing Amôrit. 14Yua kơ anŭn yơh, amăng hră Tơlơi Yêhôwa Pơblah#21:14 Hră anai hmâo rơngiă laih. hmâo čih:
“Wahep dŏ pơ Supha
Laih anŭn Klŭng hơnoh ia Arnôn,
15Laih anŭn thong ñu
Đuaĭ truh pơ Ar
Laih anŭn sŏ hăng guai Môap.”
16Mơ̆ng anŭn, ƀing Israel rơbat nao truh pơ Bêr#21:16 Bêr: kiăng laĭ jing “ia dơmun”. Anŭn jing ia dơmun Yêhôwa hmâo pơtă kơ Môis tui anai: “Brơi ih pơƀŭt bĕ ană plei pla laih anŭn Kâo či brơi ƀing gih ia mơñum.” 17Hlăk anŭn, ƀing Israel adoh tơlơi anai:
“Ơ ia dơmun, bluh đĭ ia bĕ!
Adoh mơak bĕ kơ ia dơmun!
18Ia dơmun ƀing ană pơtao hmâo klơi laih,
Ƀing khua akŏ ană plei pla Khua Yang hmâo klơi laih,
Hăng gai pơtao laih anŭn hăng gai jra ñu!”
Giơ̆ng anŭn, ană plei pla Israel mơ̆ng tơdrŏn har truh pơ Matana; 19Mơ̆ng Matana truh pơ Nahaliel; mơ̆ng Nahaniel truh pơ Bamôt; 20Mơ̆ng Bamôt truh pơ klŭng amăng lŏn čar Môap, ƀơi akŏ čư̆ Pisga jing anih arăng lăng ƀuh tơdrŏn har.
Pơblah Dưi Pơtao Sihôn hăng Pơtao Basan
21Ană plei pla Israel pơkiaŏ mơnuih nao pơhiăp hăng Sihôn, pơtao Amôrit tui anai: 22“Rơkâo kơ ih brơi ƀing gơmơi rơbat găn nao čar ih. Ƀing gơmơi ƀu kơsem ep lăng hmua pơdai ƀôdah đang boh kơƀâu ih laih anŭn ia dơmun ih ôh. Ƀing gơmơi kơnơ̆ng rơbat kơtuai jơlan prŏng pơtao tơl gơmơi rơbat găn hĭ lŏn čar ih.” 23Samơ̆ Sihôn ƀu brơi ôh ană plei pla Israel rơbat găn lŏn čar ñu. Pơtao anŭn pơƀŭt glaĭ ƀing tơhan ñu laih anŭn kơsung blah ƀing Israel mơ̆ng tơdrŏn har. Ñu truh pơ Jahas laih anŭn pơblah hăng ƀing Israel. 24Ƀing Israel yua đao gưm pơblah dưi hĭ hăng pơtao anai laih anŭn plah mă hĭ lŏn čar anŭn mơ̆ng hơnoh ia Arnôn truh pơ ia krong Jabôk laih anŭn dơ̆ng glaĭ ƀơi guai lŏn kơ ƀing Ammôn, yua kơ lŏn čar ƀing Amôn jing kơjăp kơtang.#21:24 Hmâo đơđa hră pơblang so đưm: truh pơ rơnuč Jaêse jing guai lŏn kơ ƀing Amôn. 25Ƀing ană plei pla Israel plah mă abih bang plei ƀing Amôrit laih anŭn gơñu dŏ amăng abih bang plei anŭn, wơ̆t hăng plei Hêsbôn laih anŭn abih bang plei anĕt jum dar. 26Hêsbôn jing plei kơ Sihôn, pơtao ană plei pla Amôrit, jing pơtao hmâo pơblah pơkơdơ̆ng glaĭ laih hăng pơtao ƀing Môap hlâo adih, laih anŭn hmâo plah mă hĭ laih abih bang lŏn čar pơtao anŭn truh pơ hơnoh ia Arnôn. 27Yua tui anŭn, ƀing thâo adoh hmâo čih:
“Nao bĕ pơ Hêsbôn! Pơkra glaĭ bĕ plei Sihôn,
Pơkra glaĭ bĕ plei anŭn!
28Yua kơ hmâo apui mơ̆ng Hêsbôn,#Yêr 48:45-46.
Jơlah apui mơ̆ng plei Sihôn,
Čuh hĭ plei Ar amăng lŏn čar Môap,
Laih anŭn abih bang anih khua pơtao dŏ ƀơi anih kơdư hơnoh ia Arnôn.
29Răm ƀăm yơh kơ ƀing gih, Ơ ƀing Môap!
Ơ ƀing Kêmôs#21:29 Kêmôs: jing yang kơ ƀing Môap. ih hmâo rơngiă luč laih!
Ih hmâo jao laih ană đah rơkơi ih pô jing ƀing đuaĭ hyu,
Ană đah kơmơi ih jing mơnă kơ Sihôn, jing pơtao ƀing Amôrit.
30Samơ̆ ƀing gơmơi hmâo yua hraŏ pơnah ƀing gơñu;
Hêsbôn hmâo răm rai truh pơ Dibôn.
Ƀing gơmơi hmâo pơluč ƀing gơñu truh pơ Nôpha,
Apui hmâo ƀơ̆ng lar truh pơ Mêdêba.”
31Tui anŭn ană plei pla Israel dŏ hĭ amăng lŏn ƀing Amôrit. 32Môis pơkiaŏ ƀing mơnuih kơsem lăng plei Jaser. Ƀing Israel plah mă abih bang plei dŏ jum dar hăng puh pơđuaĭ ƀing Amôrit mơ̆ng anŭn.
Pơblah Dưi Hĭ Pơtao Ôk
33Ƀing ană plei pla Israel wir glaĭ laih anŭn rơbat nao tui jơlan anăp nao gah lŏn čar Basan. Ôk, pơtao Basan hăng abih bang ƀing tơhan ñu tơbiă nao laih anŭn kiăng pơblah hăng Israel ƀơi plei Êdrei. 34Samơ̆ Yêhôwa laĭ kơ Môis: “Anăm hwĭ ôh! Yua kơ Kâo hmâo jao laih ñu, tơhan ñu laih anŭn lŏn ñu amăng tơngan ih. Brơi ih ngă kơ ñu kar hăng ih hmâo ngă laih kơ plei Sihôn, pơtao ƀing Amôrit ƀơi Hêsbôn.” 35Tui anŭn ƀing Israel pơblah dưi hĭ pơtao Ôk, ƀing ană đah rơkơi laih anŭn ƀing tơhan ñu, ƀu pioh glaĭ sa čô hlơi amăng ƀing gơñu dŏ hơdip ôh. Laih anŭn ƀing Israel plah mă abih bang lŏn čar pơtao Ôk.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.