Tơlơi Tơbiă 40
40
Phĕt Pơyơr Sang Khăn
1Yêhôwa laĭ kơ Môis, 2“Amăng lơ sa blan tal sa, brơi ih pơdơ̆ng sang khăn, jing sang khăn pơƀŭt. 3Brơi pioh hip kơnol pơgop ƀơi anŭn laih anŭn mă mơnal gom hĭ. 4Brơi ih ăt ba mŭt kơƀang laih anŭn dăp dă klă djơ̆ rĭm mơta mơnơ̆ng. Giơ̆ng anŭn ih ba gơ̆ng apui kơđen laih anŭn pioh apui kơđen ƀơi anŭn. 5Brơi ih pioh kơƀang ngă yang hăng mah pioh kơ bruă čuh mơnơ̆ng ƀâu hiam ƀơi anăp hip kơnol pơgop, giơ̆ng anŭn yol mơnal păng ƀơi bah amăng sang khăn, 6Ih ăt pioh kơƀang ngă yang pơyơr čuh ƀơi anăp bah amăng mŭt sang khăn, jing sang khăn pơƀŭt, 7laih anŭn pioh kơthŭng rao plah wah sang khăn pơƀŭt hăng kơƀang ngă yang, laih anŭn tuh ia amăng anŭn. 8Ih ăt pơdơ̆ng wăl sang jum dar, laih anŭn yol mơnal păng ƀơi amăng jang wăl sang.
9Giơ̆ng anŭn, ih mă ia ƀâu hiam, truač sang khăn laih anŭn abih bang mơnơ̆ng amăng anŭn. Brơi ih pơkah brơi sang khăn jing rơgoh laih anŭn abih bang mơnơ̆ng yua pơhrôp amăng sang khăn kiăng kơ sang khăn jing hĭ rơgoh. 10Brơi ih ăt truač ia ƀâu hiam ƀơi kơƀang ngă yang čuh laih anŭn hăng abih bang mơnơ̆ng yua amăng kơƀang ngă yang, giơ̆ng anŭn pơkah brơi kơƀang ngă yang jing rơgoh, kiăng kơ kơƀang ngă yang jing rơgoh hiam biă mă. 11Brơi ih truač ia ƀâu hiam ƀơi kơthŭng ia wơ̆t hăng tơkai ñu, laih anŭn pơkah brơi ñu jing rơgoh.
12Giơ̆ng kơ tơlơi anŭn brơi ih atăt Arôn wơ̆t hăng ƀing ană đah rơkơi ñu pơ bah amăng sang khăn pơƀŭt, laih anŭn mă ia mơnơi brơi gơñu. 13Brơi ih buh brơi Arôn sum ao rơgoh hiam, laih anŭn truač ia ƀâu hiam ƀơi ñu pơkah brơi ñu jing rơgoh kiăng kơ ñu dưi mă bruă jing khua ngă yang kơ Kâo. 14Brơi ih ăt atăt ƀing ană đah rơkơi Arôn laih anŭn buh brơi gơñu hăng ao phyung, 15truač ia ƀâu hiam kơ gơñu kar hăng ih hmâo truač laih kơ ama gơñu, kiăng kơ gơñu mă bruă khua ngă yang kơ Kâo. Tơlơi truač ia ƀâu hiam anŭn či pơsĭt kơ tơlơi gơñu jing khua ngă yang nanao amăng abih bang rơnŭk.”
16Tui anŭn Môis ngă djơ̆ tui hăng abih tơlơi Yêhôwa hmâo pơtă laih kơ ñu. 17Amăng lơ sa blan sa thŭn tal dua, sang khăn hmâo pơdơ̆ng giơ̆ng laih. 18Môis pơdơ̆ng sang khăn; ñu ngă bluh tơmeh, pơ̆ng hơnap, dưm kơyâo găn laih anŭn pơdơ̆ng tơmeh. 19Ñu dăng khăn ƀơi ngŏ sang khăn, laih anŭn klŏp mơnal păng ƀơi ngŏ, djơ̆ tui hăng Yêhôwa hmâo pơtă laih kơ Môis. 20Ñu ăt mă hnăl kơnol pơgop laih anŭn dưm gơ̆ amăng hip, truă gai čơkung, dưm kơhnơ̆p tơlơi pap ƀơi ngŏ hip, 21giơ̆ng anŭn ba mŭt hip kơnol pơgop amăng sang khăn laih anŭn glưh trŭn mơnal klŏp hĭ. Hip kơnol pơgop hmâo klŏp hơgơ̆m djơ̆ tui hăng Yêhôwa hmâo pơtă laih kơ Môis. 22Ñu ăt dưm kơƀang amăng sang khăn pơƀŭt gah kơdư kơ sang khăn gah rơngiao khăn păng, 23giơ̆ng anŭn dăp dă ƀañ tơpŭng hăng tơlơi djơ̆ pruĕ ƀơi anăp Yêhôwa tui hăng tơlơi Yêhôwa hmâo pơtă laih kơ Môis. 24Ñu ăt pioh gơ̆ng apui kơđen amăng sang khăn pơƀŭt, pơklă anăp hăng kơƀang, gah dơnŭng kơ sang khăn, 25laih anŭn pioh (tuč) khul apui kơđen ƀơi anăp Yêhôwa, djơ̆ tui hăng Yêhôwa hmâo pơtă laih kơ Môis. 26Ñu ăt pioh kơƀang ngă yang hăng mah ƀơi anăp khăn păng amăng sang khăn pơƀŭt 27laih anŭn čuh mơnơ̆ng ƀâu hiam ƀơi anŭn djơ̆ tui hăng Yêhôwa hmâo pơtă laih kơ Môis. 28Ñu ăt yol mơnal păng ƀơi bah amăng mŭt sang khăn. 29Ñu pioh kơƀang ngă yang čuh ƀơi bah amăng mŭt sang khăn, jing sang khăn pơƀŭt laih anŭn pơyơr ƀơi anŭn mơnơ̆ng pơyơr čuh laih anŭn mơnơ̆ng pơyơr braih pơdai djơ̆ tui hăng Yêhôwa hmâo pơtă laih kơ Môis. 30Ñu pioh kơthŭng rao plah wah sang khăn pơƀŭt laih anŭn kơƀang ngă yang laih anŭn ñu tuh ia amăng anŭn pioh rao pơrơgoh. 31Môis, Arôn laih anŭn ƀing ană đah rơkơi Arôn rao tơkai tơngan ƀơi anŭn. 32Tơ mŭt amăng sang khăn pơƀŭt ƀôdah tơ gơñu nao jĕ kơƀang ngă yang, gơñu leng kơ rao pơrơgoh djơ̆ tui hăng Yêhôwa hmâo pơtă laih kơ Môis. 33Jum dar sang khăn laih anŭn kơƀang ngă yang, ñu leng pơdơ̆ng wăl sang laih anŭn ñu yol mơnal păng ƀơi bah amăng wăl. Tui anŭn yơh, Môis hmâo ngă pơgiơ̆ng abih bang bruă.
Gơnăm Kơthul laih anŭn Tơlơi Ang Yang Yêhôwa
(Yap 9:15-23)
34 #
I Pơtao 8:10-11; Êsai 6:4; Êsê 43:4-5; Bơrđ 15:8. Giơ̆ng anŭn hmâo gơnăm kơthul gom sang khăn pơƀŭt, laih anŭn tơlơi ang yang Yêhôwa bă blai sang khăn. 35Môis ƀu dưi mŭt ôh amăng sang khăn pơƀŭt, yua kơ gơnăm kơthul gom hăng ngŏ sang khăn, tơlơi ang yang Yêhôwa bă blai sang khăn.
36Amăng abih jơlan gơñu rơbat hyu, rĭm wơ̆t gơnăm kơthul mơ̆ng sang khăn đuaĭ đĭ, hlăk anŭn ƀing ană plei pla Israel dưi nao pơ anih pơkŏn. 37Samơ̆ tơdah gơnăm kơthul ƀu đuaĭ đĭ hăng ngŏ, gơñu ƀu đuaĭ nao pơ anih pơkŏn ôh, tơl hrơi pă gơnăm kơthul đĭ hăng ngŏ. 38Yua kơ amăng rĭm jơlan gơñu rơbat hyu, gơnăm kơthul Yêhôwa dŏ hăng ngŏ sang khăn tơdang tơhrơi, laih anŭn hmâo apui amăng kơthul tơdang mlam, ƀơi anăp abih bang ană plei pla Israel.
Currently Selected:
Tơlơi Tơbiă 40: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 40
40
Phĕt Pơyơr Sang Khăn
1Yêhôwa laĭ kơ Môis, 2“Amăng lơ sa blan tal sa, brơi ih pơdơ̆ng sang khăn, jing sang khăn pơƀŭt. 3Brơi pioh hip kơnol pơgop ƀơi anŭn laih anŭn mă mơnal gom hĭ. 4Brơi ih ăt ba mŭt kơƀang laih anŭn dăp dă klă djơ̆ rĭm mơta mơnơ̆ng. Giơ̆ng anŭn ih ba gơ̆ng apui kơđen laih anŭn pioh apui kơđen ƀơi anŭn. 5Brơi ih pioh kơƀang ngă yang hăng mah pioh kơ bruă čuh mơnơ̆ng ƀâu hiam ƀơi anăp hip kơnol pơgop, giơ̆ng anŭn yol mơnal păng ƀơi bah amăng sang khăn, 6Ih ăt pioh kơƀang ngă yang pơyơr čuh ƀơi anăp bah amăng mŭt sang khăn, jing sang khăn pơƀŭt, 7laih anŭn pioh kơthŭng rao plah wah sang khăn pơƀŭt hăng kơƀang ngă yang, laih anŭn tuh ia amăng anŭn. 8Ih ăt pơdơ̆ng wăl sang jum dar, laih anŭn yol mơnal păng ƀơi amăng jang wăl sang.
9Giơ̆ng anŭn, ih mă ia ƀâu hiam, truač sang khăn laih anŭn abih bang mơnơ̆ng amăng anŭn. Brơi ih pơkah brơi sang khăn jing rơgoh laih anŭn abih bang mơnơ̆ng yua pơhrôp amăng sang khăn kiăng kơ sang khăn jing hĭ rơgoh. 10Brơi ih ăt truač ia ƀâu hiam ƀơi kơƀang ngă yang čuh laih anŭn hăng abih bang mơnơ̆ng yua amăng kơƀang ngă yang, giơ̆ng anŭn pơkah brơi kơƀang ngă yang jing rơgoh, kiăng kơ kơƀang ngă yang jing rơgoh hiam biă mă. 11Brơi ih truač ia ƀâu hiam ƀơi kơthŭng ia wơ̆t hăng tơkai ñu, laih anŭn pơkah brơi ñu jing rơgoh.
12Giơ̆ng kơ tơlơi anŭn brơi ih atăt Arôn wơ̆t hăng ƀing ană đah rơkơi ñu pơ bah amăng sang khăn pơƀŭt, laih anŭn mă ia mơnơi brơi gơñu. 13Brơi ih buh brơi Arôn sum ao rơgoh hiam, laih anŭn truač ia ƀâu hiam ƀơi ñu pơkah brơi ñu jing rơgoh kiăng kơ ñu dưi mă bruă jing khua ngă yang kơ Kâo. 14Brơi ih ăt atăt ƀing ană đah rơkơi Arôn laih anŭn buh brơi gơñu hăng ao phyung, 15truač ia ƀâu hiam kơ gơñu kar hăng ih hmâo truač laih kơ ama gơñu, kiăng kơ gơñu mă bruă khua ngă yang kơ Kâo. Tơlơi truač ia ƀâu hiam anŭn či pơsĭt kơ tơlơi gơñu jing khua ngă yang nanao amăng abih bang rơnŭk.”
16Tui anŭn Môis ngă djơ̆ tui hăng abih tơlơi Yêhôwa hmâo pơtă laih kơ ñu. 17Amăng lơ sa blan sa thŭn tal dua, sang khăn hmâo pơdơ̆ng giơ̆ng laih. 18Môis pơdơ̆ng sang khăn; ñu ngă bluh tơmeh, pơ̆ng hơnap, dưm kơyâo găn laih anŭn pơdơ̆ng tơmeh. 19Ñu dăng khăn ƀơi ngŏ sang khăn, laih anŭn klŏp mơnal păng ƀơi ngŏ, djơ̆ tui hăng Yêhôwa hmâo pơtă laih kơ Môis. 20Ñu ăt mă hnăl kơnol pơgop laih anŭn dưm gơ̆ amăng hip, truă gai čơkung, dưm kơhnơ̆p tơlơi pap ƀơi ngŏ hip, 21giơ̆ng anŭn ba mŭt hip kơnol pơgop amăng sang khăn laih anŭn glưh trŭn mơnal klŏp hĭ. Hip kơnol pơgop hmâo klŏp hơgơ̆m djơ̆ tui hăng Yêhôwa hmâo pơtă laih kơ Môis. 22Ñu ăt dưm kơƀang amăng sang khăn pơƀŭt gah kơdư kơ sang khăn gah rơngiao khăn păng, 23giơ̆ng anŭn dăp dă ƀañ tơpŭng hăng tơlơi djơ̆ pruĕ ƀơi anăp Yêhôwa tui hăng tơlơi Yêhôwa hmâo pơtă laih kơ Môis. 24Ñu ăt pioh gơ̆ng apui kơđen amăng sang khăn pơƀŭt, pơklă anăp hăng kơƀang, gah dơnŭng kơ sang khăn, 25laih anŭn pioh (tuč) khul apui kơđen ƀơi anăp Yêhôwa, djơ̆ tui hăng Yêhôwa hmâo pơtă laih kơ Môis. 26Ñu ăt pioh kơƀang ngă yang hăng mah ƀơi anăp khăn păng amăng sang khăn pơƀŭt 27laih anŭn čuh mơnơ̆ng ƀâu hiam ƀơi anŭn djơ̆ tui hăng Yêhôwa hmâo pơtă laih kơ Môis. 28Ñu ăt yol mơnal păng ƀơi bah amăng mŭt sang khăn. 29Ñu pioh kơƀang ngă yang čuh ƀơi bah amăng mŭt sang khăn, jing sang khăn pơƀŭt laih anŭn pơyơr ƀơi anŭn mơnơ̆ng pơyơr čuh laih anŭn mơnơ̆ng pơyơr braih pơdai djơ̆ tui hăng Yêhôwa hmâo pơtă laih kơ Môis. 30Ñu pioh kơthŭng rao plah wah sang khăn pơƀŭt laih anŭn kơƀang ngă yang laih anŭn ñu tuh ia amăng anŭn pioh rao pơrơgoh. 31Môis, Arôn laih anŭn ƀing ană đah rơkơi Arôn rao tơkai tơngan ƀơi anŭn. 32Tơ mŭt amăng sang khăn pơƀŭt ƀôdah tơ gơñu nao jĕ kơƀang ngă yang, gơñu leng kơ rao pơrơgoh djơ̆ tui hăng Yêhôwa hmâo pơtă laih kơ Môis. 33Jum dar sang khăn laih anŭn kơƀang ngă yang, ñu leng pơdơ̆ng wăl sang laih anŭn ñu yol mơnal păng ƀơi bah amăng wăl. Tui anŭn yơh, Môis hmâo ngă pơgiơ̆ng abih bang bruă.
Gơnăm Kơthul laih anŭn Tơlơi Ang Yang Yêhôwa
(Yap 9:15-23)
34 #
I Pơtao 8:10-11; Êsai 6:4; Êsê 43:4-5; Bơrđ 15:8. Giơ̆ng anŭn hmâo gơnăm kơthul gom sang khăn pơƀŭt, laih anŭn tơlơi ang yang Yêhôwa bă blai sang khăn. 35Môis ƀu dưi mŭt ôh amăng sang khăn pơƀŭt, yua kơ gơnăm kơthul gom hăng ngŏ sang khăn, tơlơi ang yang Yêhôwa bă blai sang khăn.
36Amăng abih jơlan gơñu rơbat hyu, rĭm wơ̆t gơnăm kơthul mơ̆ng sang khăn đuaĭ đĭ, hlăk anŭn ƀing ană plei pla Israel dưi nao pơ anih pơkŏn. 37Samơ̆ tơdah gơnăm kơthul ƀu đuaĭ đĭ hăng ngŏ, gơñu ƀu đuaĭ nao pơ anih pơkŏn ôh, tơl hrơi pă gơnăm kơthul đĭ hăng ngŏ. 38Yua kơ amăng rĭm jơlan gơñu rơbat hyu, gơnăm kơthul Yêhôwa dŏ hăng ngŏ sang khăn tơdang tơhrơi, laih anŭn hmâo apui amăng kơthul tơdang mlam, ƀơi anăp abih bang ană plei pla Israel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.