Mark 10
10
Jesus kaa aayimuutahk e wepinitunaanuyich
Matthew 19.1-12; Luke 16.18
1Jesus maak chii chistuhteu anit aniyuu kaa ihtaat, ekw anite Judea aschiihch kaa ati ituhtet kwestehchekaam Jordan siipiihch. Ekun kaa ihtuutaakut kaye anite aweyuu, chii mihchetiyuu e pechi nituwaapamikut. Ekw kaa ihtuutawaat taan kaa chii ihtuutawaat maan aweyuu e nituwaapamikut, chii chiskutamuweu. 2Chii takushiniyuuh Phariseeh e chii wii naanituu pisiiwiikut ekaa kuiskw chechii ishi wiihtahk chekwaayuu. Chii ishi kakwechimikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.” 3Jesus chii nishkweushiheu uyuu e ishi kakwechimaat, “Taan kaa itashumitaakw maak Moses.” 4Ekw kaa itwetwaau, “Moses chii pachishtineu naapeu chechii ushihtaayich wepinituu masinahiikaniyuu ekw maak yaakw chechii wepinaayich wiichiskwewiyuu.” 5Ekw Jesus kaa itaat, “Naashch taapwe chisiipihtenaawaau eukw uyuu wehchii masinahahk Moses uyuu itashuwewiniyuu. 6Mikw maak uskach kaa ushihtaakanuuhch uu aschii chii nisituunaakuniyuu taan kaa wii ihtit Chishemanituu wesh maau e itashtech Chishemanituu umasinahiikanihch, taapishkun naapeuh nesht iskweuh chii ushiheu.
7Eukw maak uyuu che uhchi nakataat naapeu uniichihiikw wiichiskweu chechii wiichimaat. 8Ekw maak e niishitwaau aniyuuh wiichiskweu peyakw miyu che ishinaakusitwaau.
Namui maak ekw taapishkun pahkaanipimaatisiyuuch, muyaam peyakw miiyuu ekun e ishinaakusitwaau ekw. 9Aniyuuh aweyuuh Chishemanituu e chii ihtuutuwaat chechii wiichihtuyich ekaawii awen kata uhchi ihtuutaweu chechii nakatituyich.”
10Iskutak maak paahchetwaau waaskaahiikaniyuu Jesus uchischinuhamuwaakanh chii kakwechimikuu aniyuu taan kaa ishi aayimuutamiyich. 11Jesus maak chii iteu, “An awen che wepinaakwe wiichiskweu, miin maak niipuute, kutak iskweu wiichimaate, namui kuiskw ihtuutaweu aniyuu niishtam iskweu kaa wiichimaat, pisikwaatisiyuu uyuu e ihtit. 12Maak iskweu wepinaate unaapem miin maak niipuute kutak naapeu wiichimaate, namui kuiskw ihtuutaweu aniyuuh niishtam unaapem, pisikwaatisiyuu uyuu e ihtit.”
Jesus kaa saaminaat awaasha
Matthew 19.13-15; Luke 18.15-17
13Chii peshuweuch maak awenich awaasha Jesus e ihtaayich, e nitaweyimaatwaau chechii saaminaayich. Anichii maak chischinuhamuwaakanich chii chistahamuweuch aniyuuh aweyuu uyuu e ihtiyich. 14Iskutak Jesus wiyaapamaat uyuu e ihtiyich aniyuuh chischinuhamuwaakanh namui mitun uhchi naheyihtamihiikuu ekw kaa itaat, “Pachishtinaahkuch awaashach chechii pechi naasitwaau, ekaawii uhchi chistahamuwaahkuch, wesh uyuu kaa iteyihtaakusitwaau awenich Chishemanituu uchisheuchimaawiniihch ishi tipeyihtaakusuuch. 15Chihchiwe chititinaawaau, michihpin awen ekaa che taapweucheyihtamuwaakwe Chishemanituuh uchimaawiniyuu e ishi taapweucheyihtamiyich awaasha namui kata chii piihcheu taanite wechimaawiyich Chishemanituu.” 16Chii uhpineu paahpeyakw aniyuuh awaasha ekw kaa saaminaat kaye chii shaweyimeu e miywaachimaat.
Naapeu kaa miisitisiit
Matthew 19.16-30; Luke 18.18-30
17Mekwaach maak e pimuhtet Jesus meskanaahch, naapeu chii uhchi paapahtaayuuh kaa ati uchihchiihkunapayihuyich anit e ihtaat ekw kaa itikut, “Chischinuhamaachesuu, kaa miyeyihtaakusiyin, taan che ihtiyaan chechii ayaayaan kaachiche pimaatisiiwin.” 18Ekw Jesus kaa itaat, “Chekwaan wehchi ishinihkaasiyin kaa miyuhtwaat. Namui awen ihtaau tekash chechii miyuhtwaat, mikw Chishemanituu. 19Chichischeyihten uyuuh kacheskwewinh,
Ekaawii nipahii awen, ekaawii pisikwaatisii, ekaawii chimuth, ekaawii nitamukw ishi ataameyim awen, ekaawii wiyeshihiiwe, chisteyim kuuhtaawii kaye chikaawii.”
20Ekw an naapeu kaa itwet, “Chischinuhamaachesuu, kaa pechi awaashiyuuyaan shaash nichii nanihiihten uyuuh kacheskwewinh.”
21Jesus chii kanawaapameu e saachihaat ekw kaa itaat, “Peyakw chekwaan eshkw namui chitayaan. Maachiih nituu ataawe misiwe taan e ishi ayaayin ekw an shuuliyaau kaa chistimaatisiitwaau che miyatwaau, ekw maak che ayaayin miisitisiiwin anite kihchikiishikuhch. Chii ihtuutamane maak uu ekw che pechi nuushuushkuwiyin.” 22An maak naapeu iskutak piyehtahk uyuu naashch chii uhchi macheyihtamuunaakusuu ekw kaa chistuhtet e macheyihtahk wesh naashch taapwe chii miisitisiyuu. 23Ekw Jesus misiwe kaa iitaapit e kanawaapamaat aniyuu uchischinuhamuwaakanh ekw kaa itaat, “Taapwe nuwach kata aayimaniyuu anichii kaa miisitisiitwaau chechii piihchetwaau Chishemanituu uchisheuchimaawiniihch.”
24Chii kushkuweyihtamihiikuuch anichii chischinuhamuwaakanich taan kaa ishi aayimuutamiyich Jesus mikw maak yaapach chii ati ayimuu Jesus e itwet, “Nitawaashiimitikw, taapwe nuwach aayimaniyuu awen chechii piihchet Chishemanituu uchisheuchimaawiniihch. 25Etituu aayimaniyuu awen kaa miisitisiit chechii piihchet Chishemanituu uchisheuchimaawiniihch ishpishaat an awesiis kaa mista piskwaakunet chechii shaapushkahk shaapunikaniyuu anit e pakuneyaapiskaayich.”
26Anichii maak chischinuhamuwaakanich nuwach chii kushkuweyihtamihiikuuch uyuu e itweyich ekw kaa itwetwaau, “Awen maak ekw chechii pimaachihaakanuut.” 27Jesus maak kuiskw chii kanawaapameu e itaat, “Aayimaniyuu naapeu uyuu chechii ihtit mikw maak namui aayimihiikuu wiya Chishemanituu. Namui ihtakuniyuu chekwaayuu Chishemanituu ekaa chechii ihtuutahk.” 28Peter chii uhchi ayimuu e itwet, “Kanawaapahta maa, misiwe chekwaan nichii nakatenaan chechii nuushuushkaataahch.”
29“Ehe, taapwe,” chii itikuu Jesus, “chiwiihtamaatinaawaau maak, an awen che nakatamukwe wiichi, maak che nakataakwe wiichishaan, wiichishaaniskwem, maak ukaawii, uhtaawii, maak utawaashiim maak che nakatamukwe unihtaauchihchikan aschii, niya uhchi kaye miywaachimuwiniyuu uhchi, 30etituu kata ishi ayaau anite niishtamihch eshkw utah aschiihch e ihtaat eyuu maak kaachiche pimaatisiiwiniyuu kata ayaau. Uyuu ihtite mitaahtumitanewaau ayuwaak kata ishpish miyaakanuu waaskaahiikanh, kaye mitaahtumitanewaau ayuwaak kata ishpish miyaakanuu aweyuu che wiichishaanit kaye che wiichishaaniskwemit kaye che ukaawiit, kaye che utawaashiimit. Eyuu maak mitaahtumitanewaau ayuwaak kata ishpish miyaakanuu aschiiyuu. Mikw maak kata nachishkam e nanehkaachihaakanuut. 31Mihchetu awenich niikaan kaa iteyihtaakusitwaau anuhchiish maahchishtai kata ishi pachishtinaakanuuch, ekw anichii maahchishtai kaa ihtaatwaau anuhchiish wiyawaau niishtam kata ishi pachishtinaakanuuch.”
Jesus ekw nishtwaau kaa aayimuutahk che nipit
Matthew 20.17-19; Luke 18.31-34
32Jesus ekw maak uchischinuhamuwaakanh Jerusalemihch chii ituhteuch, aniyuu maak e ati pimuhtetwaau Jesus chii ati niikaanihteu. Anichii maak chischinuhamuwaakanich chii miskaateyimeuch Jesus Jerusalemihch e wii ituhteyich neshta anichii anite utaahch kaa pechi pimuhtetwaau chii sechisuuch anite chechii ituhtetwaau. Ekw Jesus pahkaan kaa ituhtahaat uchischinuhamuwaakanh ekw kaa waawiihtamuwaat taan che ispayit. 33“Nituhtamukw maa,” chii iteu, “Jerusalemihch chitituhtenaanuu, ekute ute che maakunaakanuut Iinuu Ukusisa anite chechii ishi pachishtinaakanuut kaa niikaanapiyitwaauh ayimiheuchimaauh e ihtaayich kaye wiishuwewiniyuu kaa chiskutamaacheyitwaauh e ihtaayich chechii wiyaaskunikut. Eukw uchii che itashuwetwaau chechii nipahaakanuyich kaye anite aniyuu ekaa Jewa kaa itiskaanesiyich e ihtaayich ekute che ishi pachishtinaatwaau. 34Eukw uchii che maayeyimaatwaau kaye che sihkwaataatwaau, kaye che pasistehwaatwaau, ekw maak che nipahaatwaau. Nishtu chiishikaau maak chii utihchipayiyiche kaau che wanishkaat.”
Kaa ishi kakwechihcheyimutwaau James ekw maak John
Matthew 20.20-28
35Iskutak uyuu kaa itwet Jesus, chii pechi naatikuu James ekw maak John, aniyuu Zebedee ukusiyuuh ekw kaa itikut, “Chischinuhamaachesuu, chinituweyimitinaan chechii ihtuutamuuyaahch taan e ishi pukuseyimitaahch.” 36Chii itikuuch Jesus, “Chekwaan maak an netaweyihtamekw chechii ihtuutamaatakuch.” 37Kaa itaatwaau, “Pachishtinaan maa anite kaa chisteyihtaakuhch kuuchimaawinihch ihtaayaahche iituu anit e ihtaayin chechii apiyaahch, peyakw chinihiiwinihch ekw maak peyakw anite chinimihchiiwinihch.” 38Mikw maak Jesus chii itikuuch, “Namui chichischeyihtenaawaau uu chekwaan kaa nituweyihtamekw. Chika chii ihtinaawaau aa chechii minihkweyekw taan e ishi ihtakuhch niminihkwaakanihch menihkweyaan anuhchiish. Chika chii ihtinaawaau aa chechii siikahaahtaakuyekw muyaam niya taan che ishi siikahaahtaakuyaan.” 39Chii iteuch maak, “Nika chii ihtinaan.”
Ekw Jesus kaa itikutwaau, “An che ishi minihkweyaan ekun kaye chiyawaau che ishi minihkweyekw, chika peyakuhtaanaanuu an minihkwaakan. Kaye an siikahaahtaachewin che siikahaahtaakuyaan eukun an kaye chiyawaau che siikahaahtaakuyekw. 40Mikw maak namui niya nika chii wiyeyimaau awen che apit anite nihiiwinihch maak anite nimihchiiwinihch wesh shaash chii wiyeyimaakanuuch awenichii che apitwaau anite.” 41Iskutak maak anichii kutakach mitaahtu chischinuhamuwaakanich piyehtawaatwaau uyuu e ishi kakwechihcheyimuyich James ekw maak John, chii chishuwaahiikuuch. 42Ekw Jesus misiwe kaa wiishaamaat kaa itaat, “Anichii kaa uchimaautwaau kaa iteyimaakanuutwaau naashch wii katipeyimeuch aniyuu iinuuh kaa niikaanishkuwaatwaau. Uchii maak kaa uchimaaweyimaakanuutwaau ihtaayuuh uchimaamuwaauh naashch e suuhcheyihtaakusiyich e niikaanishkaacheyich, mitun tekash e wii wiishuwaatikutwaau. 43Mikw maak ekaawii chika uhchi ishinaakusinaawaau chiyawaau. An awen anit e tashiyekw netaweyihtamukwe chihchiwe chechii iteyihtaakusit ekush chika ihtuutam chechii atushkaataakw. 44Ekw an awen kaa wii niikaanapihiisut eukuu misiwe e tashiyekw che utaapachihaakaniyekw. 45Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatisiiwin miiskuch mihchetu aweyuuh chechii aapihkunaakanuyich.”
Bartimaeus kaa miinuwaachihaakanuut ekaa uhchii waapahtahk
Matthew 20.29-34; Luke 18.35-43
46Chii utihtamuch ihtaawiniyuu Jericho kaa ishinihkaateyich. Aniyuu maak e ati wiiwiitwaau aniyuu ihtaawiniyuu Jesus neshta uchischinuhamuwaakanh kaye maak kutakach awenich e mihchetitwaau, chii utihteuch naapeu anite patuteskanuu e apiyich. Uu maak naapeu namui uhchii waapahtam kaye maak chii nitutamaau shuuliyaayuu anit aniyuu e apit. Bartimaeus chii ishinihkaasuu. Timaeus chii ishinihkaasuyuuh uhtaawii. 47Iskutak piyehtahk Jesus e takushiniyich, aniyuu Nazareth kaa uhchiyich, chii tepweu e itwet, “Jesus, David kaa ukusiitutaask, pechi chistimaacheyim.” 48Mihchetu maak aweyuu chii chistahamaakuu e itikut ekaa chechii chistut. Piskunuu maak etituu chii ishi tepweu, “Jesus, David kaa ukusiitutaask, pechi chistimaacheyim.” 49Jesus maak chii chipihchikaapuu ekw kaa itwet, “Wiishaamaahkw.” Ekw kaa tepwaataatwaau aniyuu naapeu ekaa kaa waapahtamiyich e itaatwaau, “Miyeyihta, pishikuu, chitepwaatikw wesin.” 50Chii maniwepinam aniyuu utakuhp ekw kaa pishikushipahtaat kaa nituwaapamaat Jesus. 51Ekw Jesus kaa itaat uyuu naapeu, “Taan e ishi nitaweyihtaman chechii ihtuutamaataan.” Ekw an naapeu kaa itwet, “Utipeyihchikeu, miih chechii waapahtamaan.” 52Jesus maak chii iteu, “Maachiih, chitaapwehtamuwin chimiinuwaachihiikuun.” An maak naapeu tiiwehch chii uhchi waapahtam ekw kaa nuushuushkuwaat Jesus aniyuu e ati pimuhteyich.
Currently Selected:
Mark 10: crjrNT
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Mark 10
10
Jesus kaa aayimuutahk e wepinitunaanuyich
Matthew 19.1-12; Luke 16.18
1Jesus maak chii chistuhteu anit aniyuu kaa ihtaat, ekw anite Judea aschiihch kaa ati ituhtet kwestehchekaam Jordan siipiihch. Ekun kaa ihtuutaakut kaye anite aweyuu, chii mihchetiyuu e pechi nituwaapamikut. Ekw kaa ihtuutawaat taan kaa chii ihtuutawaat maan aweyuu e nituwaapamikut, chii chiskutamuweu. 2Chii takushiniyuuh Phariseeh e chii wii naanituu pisiiwiikut ekaa kuiskw chechii ishi wiihtahk chekwaayuu. Chii ishi kakwechimikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.” 3Jesus chii nishkweushiheu uyuu e ishi kakwechimaat, “Taan kaa itashumitaakw maak Moses.” 4Ekw kaa itwetwaau, “Moses chii pachishtineu naapeu chechii ushihtaayich wepinituu masinahiikaniyuu ekw maak yaakw chechii wepinaayich wiichiskwewiyuu.” 5Ekw Jesus kaa itaat, “Naashch taapwe chisiipihtenaawaau eukw uyuu wehchii masinahahk Moses uyuu itashuwewiniyuu. 6Mikw maak uskach kaa ushihtaakanuuhch uu aschii chii nisituunaakuniyuu taan kaa wii ihtit Chishemanituu wesh maau e itashtech Chishemanituu umasinahiikanihch, taapishkun naapeuh nesht iskweuh chii ushiheu.
7Eukw maak uyuu che uhchi nakataat naapeu uniichihiikw wiichiskweu chechii wiichimaat. 8Ekw maak e niishitwaau aniyuuh wiichiskweu peyakw miyu che ishinaakusitwaau.
Namui maak ekw taapishkun pahkaanipimaatisiyuuch, muyaam peyakw miiyuu ekun e ishinaakusitwaau ekw. 9Aniyuuh aweyuuh Chishemanituu e chii ihtuutuwaat chechii wiichihtuyich ekaawii awen kata uhchi ihtuutaweu chechii nakatituyich.”
10Iskutak maak paahchetwaau waaskaahiikaniyuu Jesus uchischinuhamuwaakanh chii kakwechimikuu aniyuu taan kaa ishi aayimuutamiyich. 11Jesus maak chii iteu, “An awen che wepinaakwe wiichiskweu, miin maak niipuute, kutak iskweu wiichimaate, namui kuiskw ihtuutaweu aniyuu niishtam iskweu kaa wiichimaat, pisikwaatisiyuu uyuu e ihtit. 12Maak iskweu wepinaate unaapem miin maak niipuute kutak naapeu wiichimaate, namui kuiskw ihtuutaweu aniyuuh niishtam unaapem, pisikwaatisiyuu uyuu e ihtit.”
Jesus kaa saaminaat awaasha
Matthew 19.13-15; Luke 18.15-17
13Chii peshuweuch maak awenich awaasha Jesus e ihtaayich, e nitaweyimaatwaau chechii saaminaayich. Anichii maak chischinuhamuwaakanich chii chistahamuweuch aniyuuh aweyuu uyuu e ihtiyich. 14Iskutak Jesus wiyaapamaat uyuu e ihtiyich aniyuuh chischinuhamuwaakanh namui mitun uhchi naheyihtamihiikuu ekw kaa itaat, “Pachishtinaahkuch awaashach chechii pechi naasitwaau, ekaawii uhchi chistahamuwaahkuch, wesh uyuu kaa iteyihtaakusitwaau awenich Chishemanituu uchisheuchimaawiniihch ishi tipeyihtaakusuuch. 15Chihchiwe chititinaawaau, michihpin awen ekaa che taapweucheyihtamuwaakwe Chishemanituuh uchimaawiniyuu e ishi taapweucheyihtamiyich awaasha namui kata chii piihcheu taanite wechimaawiyich Chishemanituu.” 16Chii uhpineu paahpeyakw aniyuuh awaasha ekw kaa saaminaat kaye chii shaweyimeu e miywaachimaat.
Naapeu kaa miisitisiit
Matthew 19.16-30; Luke 18.18-30
17Mekwaach maak e pimuhtet Jesus meskanaahch, naapeu chii uhchi paapahtaayuuh kaa ati uchihchiihkunapayihuyich anit e ihtaat ekw kaa itikut, “Chischinuhamaachesuu, kaa miyeyihtaakusiyin, taan che ihtiyaan chechii ayaayaan kaachiche pimaatisiiwin.” 18Ekw Jesus kaa itaat, “Chekwaan wehchi ishinihkaasiyin kaa miyuhtwaat. Namui awen ihtaau tekash chechii miyuhtwaat, mikw Chishemanituu. 19Chichischeyihten uyuuh kacheskwewinh,
Ekaawii nipahii awen, ekaawii pisikwaatisii, ekaawii chimuth, ekaawii nitamukw ishi ataameyim awen, ekaawii wiyeshihiiwe, chisteyim kuuhtaawii kaye chikaawii.”
20Ekw an naapeu kaa itwet, “Chischinuhamaachesuu, kaa pechi awaashiyuuyaan shaash nichii nanihiihten uyuuh kacheskwewinh.”
21Jesus chii kanawaapameu e saachihaat ekw kaa itaat, “Peyakw chekwaan eshkw namui chitayaan. Maachiih nituu ataawe misiwe taan e ishi ayaayin ekw an shuuliyaau kaa chistimaatisiitwaau che miyatwaau, ekw maak che ayaayin miisitisiiwin anite kihchikiishikuhch. Chii ihtuutamane maak uu ekw che pechi nuushuushkuwiyin.” 22An maak naapeu iskutak piyehtahk uyuu naashch chii uhchi macheyihtamuunaakusuu ekw kaa chistuhtet e macheyihtahk wesh naashch taapwe chii miisitisiyuu. 23Ekw Jesus misiwe kaa iitaapit e kanawaapamaat aniyuu uchischinuhamuwaakanh ekw kaa itaat, “Taapwe nuwach kata aayimaniyuu anichii kaa miisitisiitwaau chechii piihchetwaau Chishemanituu uchisheuchimaawiniihch.”
24Chii kushkuweyihtamihiikuuch anichii chischinuhamuwaakanich taan kaa ishi aayimuutamiyich Jesus mikw maak yaapach chii ati ayimuu Jesus e itwet, “Nitawaashiimitikw, taapwe nuwach aayimaniyuu awen chechii piihchet Chishemanituu uchisheuchimaawiniihch. 25Etituu aayimaniyuu awen kaa miisitisiit chechii piihchet Chishemanituu uchisheuchimaawiniihch ishpishaat an awesiis kaa mista piskwaakunet chechii shaapushkahk shaapunikaniyuu anit e pakuneyaapiskaayich.”
26Anichii maak chischinuhamuwaakanich nuwach chii kushkuweyihtamihiikuuch uyuu e itweyich ekw kaa itwetwaau, “Awen maak ekw chechii pimaachihaakanuut.” 27Jesus maak kuiskw chii kanawaapameu e itaat, “Aayimaniyuu naapeu uyuu chechii ihtit mikw maak namui aayimihiikuu wiya Chishemanituu. Namui ihtakuniyuu chekwaayuu Chishemanituu ekaa chechii ihtuutahk.” 28Peter chii uhchi ayimuu e itwet, “Kanawaapahta maa, misiwe chekwaan nichii nakatenaan chechii nuushuushkaataahch.”
29“Ehe, taapwe,” chii itikuu Jesus, “chiwiihtamaatinaawaau maak, an awen che nakatamukwe wiichi, maak che nakataakwe wiichishaan, wiichishaaniskwem, maak ukaawii, uhtaawii, maak utawaashiim maak che nakatamukwe unihtaauchihchikan aschii, niya uhchi kaye miywaachimuwiniyuu uhchi, 30etituu kata ishi ayaau anite niishtamihch eshkw utah aschiihch e ihtaat eyuu maak kaachiche pimaatisiiwiniyuu kata ayaau. Uyuu ihtite mitaahtumitanewaau ayuwaak kata ishpish miyaakanuu waaskaahiikanh, kaye mitaahtumitanewaau ayuwaak kata ishpish miyaakanuu aweyuu che wiichishaanit kaye che wiichishaaniskwemit kaye che ukaawiit, kaye che utawaashiimit. Eyuu maak mitaahtumitanewaau ayuwaak kata ishpish miyaakanuu aschiiyuu. Mikw maak kata nachishkam e nanehkaachihaakanuut. 31Mihchetu awenich niikaan kaa iteyihtaakusitwaau anuhchiish maahchishtai kata ishi pachishtinaakanuuch, ekw anichii maahchishtai kaa ihtaatwaau anuhchiish wiyawaau niishtam kata ishi pachishtinaakanuuch.”
Jesus ekw nishtwaau kaa aayimuutahk che nipit
Matthew 20.17-19; Luke 18.31-34
32Jesus ekw maak uchischinuhamuwaakanh Jerusalemihch chii ituhteuch, aniyuu maak e ati pimuhtetwaau Jesus chii ati niikaanihteu. Anichii maak chischinuhamuwaakanich chii miskaateyimeuch Jesus Jerusalemihch e wii ituhteyich neshta anichii anite utaahch kaa pechi pimuhtetwaau chii sechisuuch anite chechii ituhtetwaau. Ekw Jesus pahkaan kaa ituhtahaat uchischinuhamuwaakanh ekw kaa waawiihtamuwaat taan che ispayit. 33“Nituhtamukw maa,” chii iteu, “Jerusalemihch chitituhtenaanuu, ekute ute che maakunaakanuut Iinuu Ukusisa anite chechii ishi pachishtinaakanuut kaa niikaanapiyitwaauh ayimiheuchimaauh e ihtaayich kaye wiishuwewiniyuu kaa chiskutamaacheyitwaauh e ihtaayich chechii wiyaaskunikut. Eukw uchii che itashuwetwaau chechii nipahaakanuyich kaye anite aniyuu ekaa Jewa kaa itiskaanesiyich e ihtaayich ekute che ishi pachishtinaatwaau. 34Eukw uchii che maayeyimaatwaau kaye che sihkwaataatwaau, kaye che pasistehwaatwaau, ekw maak che nipahaatwaau. Nishtu chiishikaau maak chii utihchipayiyiche kaau che wanishkaat.”
Kaa ishi kakwechihcheyimutwaau James ekw maak John
Matthew 20.20-28
35Iskutak uyuu kaa itwet Jesus, chii pechi naatikuu James ekw maak John, aniyuu Zebedee ukusiyuuh ekw kaa itikut, “Chischinuhamaachesuu, chinituweyimitinaan chechii ihtuutamuuyaahch taan e ishi pukuseyimitaahch.” 36Chii itikuuch Jesus, “Chekwaan maak an netaweyihtamekw chechii ihtuutamaatakuch.” 37Kaa itaatwaau, “Pachishtinaan maa anite kaa chisteyihtaakuhch kuuchimaawinihch ihtaayaahche iituu anit e ihtaayin chechii apiyaahch, peyakw chinihiiwinihch ekw maak peyakw anite chinimihchiiwinihch.” 38Mikw maak Jesus chii itikuuch, “Namui chichischeyihtenaawaau uu chekwaan kaa nituweyihtamekw. Chika chii ihtinaawaau aa chechii minihkweyekw taan e ishi ihtakuhch niminihkwaakanihch menihkweyaan anuhchiish. Chika chii ihtinaawaau aa chechii siikahaahtaakuyekw muyaam niya taan che ishi siikahaahtaakuyaan.” 39Chii iteuch maak, “Nika chii ihtinaan.”
Ekw Jesus kaa itikutwaau, “An che ishi minihkweyaan ekun kaye chiyawaau che ishi minihkweyekw, chika peyakuhtaanaanuu an minihkwaakan. Kaye an siikahaahtaachewin che siikahaahtaakuyaan eukun an kaye chiyawaau che siikahaahtaakuyekw. 40Mikw maak namui niya nika chii wiyeyimaau awen che apit anite nihiiwinihch maak anite nimihchiiwinihch wesh shaash chii wiyeyimaakanuuch awenichii che apitwaau anite.” 41Iskutak maak anichii kutakach mitaahtu chischinuhamuwaakanich piyehtawaatwaau uyuu e ishi kakwechihcheyimuyich James ekw maak John, chii chishuwaahiikuuch. 42Ekw Jesus misiwe kaa wiishaamaat kaa itaat, “Anichii kaa uchimaautwaau kaa iteyimaakanuutwaau naashch wii katipeyimeuch aniyuu iinuuh kaa niikaanishkuwaatwaau. Uchii maak kaa uchimaaweyimaakanuutwaau ihtaayuuh uchimaamuwaauh naashch e suuhcheyihtaakusiyich e niikaanishkaacheyich, mitun tekash e wii wiishuwaatikutwaau. 43Mikw maak ekaawii chika uhchi ishinaakusinaawaau chiyawaau. An awen anit e tashiyekw netaweyihtamukwe chihchiwe chechii iteyihtaakusit ekush chika ihtuutam chechii atushkaataakw. 44Ekw an awen kaa wii niikaanapihiisut eukuu misiwe e tashiyekw che utaapachihaakaniyekw. 45Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatisiiwin miiskuch mihchetu aweyuuh chechii aapihkunaakanuyich.”
Bartimaeus kaa miinuwaachihaakanuut ekaa uhchii waapahtahk
Matthew 20.29-34; Luke 18.35-43
46Chii utihtamuch ihtaawiniyuu Jericho kaa ishinihkaateyich. Aniyuu maak e ati wiiwiitwaau aniyuu ihtaawiniyuu Jesus neshta uchischinuhamuwaakanh kaye maak kutakach awenich e mihchetitwaau, chii utihteuch naapeu anite patuteskanuu e apiyich. Uu maak naapeu namui uhchii waapahtam kaye maak chii nitutamaau shuuliyaayuu anit aniyuu e apit. Bartimaeus chii ishinihkaasuu. Timaeus chii ishinihkaasuyuuh uhtaawii. 47Iskutak piyehtahk Jesus e takushiniyich, aniyuu Nazareth kaa uhchiyich, chii tepweu e itwet, “Jesus, David kaa ukusiitutaask, pechi chistimaacheyim.” 48Mihchetu maak aweyuu chii chistahamaakuu e itikut ekaa chechii chistut. Piskunuu maak etituu chii ishi tepweu, “Jesus, David kaa ukusiitutaask, pechi chistimaacheyim.” 49Jesus maak chii chipihchikaapuu ekw kaa itwet, “Wiishaamaahkw.” Ekw kaa tepwaataatwaau aniyuu naapeu ekaa kaa waapahtamiyich e itaatwaau, “Miyeyihta, pishikuu, chitepwaatikw wesin.” 50Chii maniwepinam aniyuu utakuhp ekw kaa pishikushipahtaat kaa nituwaapamaat Jesus. 51Ekw Jesus kaa itaat uyuu naapeu, “Taan e ishi nitaweyihtaman chechii ihtuutamaataan.” Ekw an naapeu kaa itwet, “Utipeyihchikeu, miih chechii waapahtamaan.” 52Jesus maak chii iteu, “Maachiih, chitaapwehtamuwin chimiinuwaachihiikuun.” An maak naapeu tiiwehch chii uhchi waapahtam ekw kaa nuushuushkuwaat Jesus aniyuu e ati pimuhteyich.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.