Acts 22
22
1Paul chii iteu, “Niichishaanitikw ekw maak chiyawaau chisheinuutikw, pechi nituhtuukw kuiskw e wii wiihtamaan ekaa wiyesh ishi aataameyihtaakusiyaan.” 2Iskutak maak piyehtawaatwaau anichii iinuuch Hebrew e ishi ayimiyich Paul, aniyuu kiipaa e ishi ayimitwaau, ekw etituu namui uhchi chistuuch. Ekw Paul kaa ati itwet, 3“Jewa nititiskaanesin. Tarsus kaa ishinihkaatech ihtaawin anite Cilicia aschiihch kaa ihtakuhch ekute kaa pimaatisiyaan. Ekw mikw utah Jerusalemihch kaa nihtaautinikuyaan. Aniyuu maak Gamaliel kaa ishinihkaasut Chishemanituu uwiishuwewiniyuu kaa chii chiskutamaachet ekut an kaye niya yaakwaau kaa ishi chiskutamaakuyaan aniyehkaa chiwaahkumaakanuuch uwiishuwewinawaauh. Kaye niya naashch nichii wii nanihiihtuwaau Chishemanituu mwehch e ihtiyekw kaye chiyawaau utah anuhchiish. 4Naashch nichii wii nanehkaachihaauch anichii kaa taapwehtahkwaau Jesus uhchi e uhchi pimaachihunaanuuhch. Ekush misiwe nipahaakanuutwaawenich nichii iteyihten. Nichii maakunaauch taapishkun naapeuch kaye iskweuch, waawaach nichii ihtuutawaauch chechii chipahwaakanuutwaau. 5Uu maak chisheayimiheuchimaau kaye anichii Jewa iinuuch kaa maamuupishtahkwaau wiyaaskunichewiniyuu chika chii wiihtamaakuwaauch e taapweuch uyuu kaa itweuch. Nichii miikuch masinahiikanh chechii ituhtataamach wiichishaanimaauh anite Damascus kaa ihtaayich. Chii masinaateyuu anit e itashumitwaau chechii maakunimach kaye chechii maahchikwaapihkaatamach aniyuu kaa taapweyimaayich Jesus anite Damascus kaa ihtaayitwaauh kaye chechii peshiimach utah Jerusalemihch chechii waweshihaakanuyich.”
Paul kaa wiihtahk taan kaa ispayit anit kaa uhchi taapwehtahk
6“Peyakwaau mekwaach e pimuhteyaan e ati peshuwaapahtamaan Damascus, wiyesh e aapihtaachiishikaach, sischikuuch chii uhchi mista waashteu anit waaskaa e ihtaayaan anite uhchi kihchikiishikuhch e uhchi waashtech. 7Mitun maak nichii ati pahchishin anite aschiihch ekw kaa pehtawak awen e iishit, ‘Saul, Saul chekwaan wehchi nanehkaachihiyin.’ 8Ekw kaa itak, ‘Awen maak chiya, Utipeyihchikeu.’ Ekw kaa iishit, ‘Eukw niya Jesus, Nazareth kaa uhchiyaan, kaa nanehkaachihiyin.’ 9Anichii maak naapeuch kaa wiicheutwaau chii waapahtamuch aniyuu kaa chihkaashteyich, namui mikw uhchi pehtaweuch aniyuu kaa pechi ayimihiyich. 10Ekw kaa itak, ‘Utipeyihchikeu, taan e ishi nituweyimiyin maak che ihtiyaan.’ Ekw kaa iishit, ‘Pisikuuh, che ituhteyin anite Damascusihch. Ekut an che wiihtamaakuyin misiwe taan e itashumisk Chishemanituu che itaapatisuut.’ 11Namui maak nuuhchii waapahten kaa ishpish chii chiihkaayaashtech an kaa waashtech. Ekw anichii niwiichewaakanich kaa pechi tahkunischehtahiitwaau anite Damascusihch kaa ituhtahiitwaau.”
12“Chii ihtaau maak naapeu niyaanitam anit Damascus e chii wiichit Ananias e ishinihkaasut. Chii taapweyimeu Chishemanituu uu naapeu kaye naashch yaakwaau chii ishi naanaakatuweyihtamihiikuu Jewa ayimihewiishuwewiniyuu. Naashch maak chii chisteyimikuu misiwe aniyuu Jewa iinuuh anit Damascusihch kaa ihtaayich. 13Eukw uu naapeu kaa pechi nituwaapamit, kaa pechi uhchishkuukaapuushtuut, ekw kaa iishit, ‘Niichishaan Saul, kaau miin waapahta.’ Iskutak maak kaa iishit aniyuu tiiwehch miin nichii waapahtamuwaan. Kaa kanawaapamak, 14ekw kaa iishit, ‘Aniyuuh Chishemanituu kaa taapweyimaatwaau aniyehkaanaanich chimushuuminuuch, chichii wiyaapamukw chechii chischeyihtamut taan e ishi nituweyihtahk che ihtinaanuyich utah aschiihch, kaye chechii waapamat aniyuu Christ kaa kuiskutaatisiyich kaye chechii pehtuumat e ayimihiisk. 15Misiwe maak awenichii chika wiihtamuwaauch taan kaa ishi waapahtaman kaye kaa ishi pehtaman e itaachimaakanuut. 16Maachiih maak, ekaawii nanakaawiih. Pisikuuh, che siikahaahtaakuyin, ekw maak che wepeyihtamaakuyin chimachihtwaawin e tepwaatat Utipeyihchikeu chechii wepeyihtamaask.’ ”
Utipeyihchikeu kaa itaat Paul che wiihtamuwaayich miywaachimuwiniyuu aniyuu iinuu ekaa Jewa kaa itiskaanesiyich
17“Ekw miin kaau Jerusalemihch kaa ituhteyaan. Mekwaach maak e ayimihaayaan anite chisheayimiheukamikuhch, chii ihtakun taan kaa ishi waapahtiikuyaan. 18Nichii waapamaau Utipeyihchikeu e pechi iishit, ‘Chiipiih, nakat uu Jerusalem anuhchiish, taapaa wesin chika uhchi taapwehtaakuch uchii iinuuch utah taan che pechi itaachimiyin,’ nichii itikw. 19Ekw kaa itak, ‘Utipeyihchikeu, chischeyihtamuch uchii iinuuch mikw e chii ayaashuu naatamaan uyuu Jewa ayimiheukamikw chechii maakunakwaau uchii kaa taapweyimiskwaau kaye e chii ihtuutuukwaau chechii papasistehwaakanuutwaau. 20Kaye maak iskutak kaa nipahaakanuut Stephen aniyuu e tipaachimisk uhchi, kaye niya nichii ihtaan anit. Nichii naheyihten aniyuu e chii ihtuutawaakanuut kaye nichii kanuweyihtamuwaan utakuhpuwaau anichii kaa nipahaatwaau Stephen.’ 21Ekw kaa iishit Utipeyihchikeu, ‘Maachiih yaapach wesh waahyuu chika itishahuutin anite anichii ekaa Jewa kaa itiskaanesitwaau e ihtaatwaau.’ ”
22Iskutak maak uyuu e ishi ayimiyich aniyuuh Paul, aniyuu kiipaa e itaachimuyich Chishemanituu e chii itishahukuyich anite aniyuu ekaa Jewa kaa itiskaanesiyich e ihtaayich, ekun kaa ishpish nituhtawaatwaau anichii iinuuch. Chii chihchi aashihkweuch e itwetwaau, “Nipahaahkw uu naapeu, namui iteyihtaakusuu chechii pimaatisiit utah aschiihch.”
23Chii aashihkweuch maak e waawepayihtaatwaau uchekwaanimuwaau, kaye yekaayuu e ishpaahchewepinahkwaau kaa ishpish chii mista chishuwaasitwaau. 24Ekw an Rome nitupayuuchimaau kaa itaat aniyuu ushimaakanishiim chechii piihtakahaayich Paul anite shimaakanishuukamikuhch. Ekw kaa itashuwet chechii papasistehwaakanuyich. Chii pukuseyihtam kiipaa chek anit aniyuu e papasistwehwaakanuyich chechii uhchi wiihtamiyich taan kaa ishi wanihpisuyich wehchi ishpish wesaa chishuwaahaayich aniyuu Jewa iinuuh. 25Iskutak maak kaa wiyaapihkaataatwaau che papasistehwaatwaau, an shimaakanishuuchimaau chii ishi kakwechimikuu aniyuu Paul, “Kuiskunaakun aa chechii papasistehwekw awen Rome e ishi masinaasut kaye ekaa eshkw uhchi wiyaaskunaakanuut.”
26Iskutak maak piyehtahk uyuu an kaa niikaanishkuwaat shimaakanisha, chii nituwaapameu aniyuu shimaakanishuuchimaau, ekw kaa itaat, “Chichischeyihten aa taan e ihtiihkw uu. Rome iinuu aahchin itisinaasuu uu naapeu kaa ihtuutuuhkw.”
27Ekw an nitupayuuchimaau kaa nituwaapamaat aniyuu Paul, kaa itaat, “Taapwe aa Rome chititasinaasun.” Paul kaa itaat, “Ehe.”
28Ekw aniyuu nitupayuuchimaau kaa itikut, “Nuwach mistahii shuuliyaau nichii ishpitikuun Romehch chechii ishi masinaasuyaan.” Ekw Paul kaa itaat, “Kaa pimaatisiyaan niya shaash Rome nichii itasinaasun.” 29Piyehtahkwaau maak uyuu e itweyich Paul anichii kaa wii nituu chischeyimaatwaau taan kaa ishi wanituutamiyich chii ati ashaakaapuuch. Ekw an nitupayuuchimaau kaa sasechisit iskutak chescheyimaat Paul taapwe Rome e itasinaasuyich, kaye maak aniyuu e chii maahkupitaat upuuchishiyaapiih e aapachihtaat.
Paul kaa uhchishkuukaapushtawaat aniyuu kaa niikaanapiitwaau uchimaauh
30Wiyaapaniyich maak, aniyuu e wii nituu chischeyihtahk chekwaayuu nihaau wehchi nituweyimaakanuyich aniyuu Paul chechii nipahaakanuyich, chii itashuweu chechii pachishtinaakanuyich, ekw kaa itaat aniyuu kaa niikaanapiitwaau ayimiheuchimaauh ekw maak aniyuuh Jewa kaa maamuupishtamiyich wiyaaskunichewiniyuuh chechii nishtuwiyich. Kaa ituhtahaat Paul anite, ekw kaa uhchishkuukaapuuhaat anit aniyuu e nishtuwiinaanuyich.
Currently Selected:
Acts 22: crjrNT
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Acts 22
22
1Paul chii iteu, “Niichishaanitikw ekw maak chiyawaau chisheinuutikw, pechi nituhtuukw kuiskw e wii wiihtamaan ekaa wiyesh ishi aataameyihtaakusiyaan.” 2Iskutak maak piyehtawaatwaau anichii iinuuch Hebrew e ishi ayimiyich Paul, aniyuu kiipaa e ishi ayimitwaau, ekw etituu namui uhchi chistuuch. Ekw Paul kaa ati itwet, 3“Jewa nititiskaanesin. Tarsus kaa ishinihkaatech ihtaawin anite Cilicia aschiihch kaa ihtakuhch ekute kaa pimaatisiyaan. Ekw mikw utah Jerusalemihch kaa nihtaautinikuyaan. Aniyuu maak Gamaliel kaa ishinihkaasut Chishemanituu uwiishuwewiniyuu kaa chii chiskutamaachet ekut an kaye niya yaakwaau kaa ishi chiskutamaakuyaan aniyehkaa chiwaahkumaakanuuch uwiishuwewinawaauh. Kaye niya naashch nichii wii nanihiihtuwaau Chishemanituu mwehch e ihtiyekw kaye chiyawaau utah anuhchiish. 4Naashch nichii wii nanehkaachihaauch anichii kaa taapwehtahkwaau Jesus uhchi e uhchi pimaachihunaanuuhch. Ekush misiwe nipahaakanuutwaawenich nichii iteyihten. Nichii maakunaauch taapishkun naapeuch kaye iskweuch, waawaach nichii ihtuutawaauch chechii chipahwaakanuutwaau. 5Uu maak chisheayimiheuchimaau kaye anichii Jewa iinuuch kaa maamuupishtahkwaau wiyaaskunichewiniyuu chika chii wiihtamaakuwaauch e taapweuch uyuu kaa itweuch. Nichii miikuch masinahiikanh chechii ituhtataamach wiichishaanimaauh anite Damascus kaa ihtaayich. Chii masinaateyuu anit e itashumitwaau chechii maakunimach kaye chechii maahchikwaapihkaatamach aniyuu kaa taapweyimaayich Jesus anite Damascus kaa ihtaayitwaauh kaye chechii peshiimach utah Jerusalemihch chechii waweshihaakanuyich.”
Paul kaa wiihtahk taan kaa ispayit anit kaa uhchi taapwehtahk
6“Peyakwaau mekwaach e pimuhteyaan e ati peshuwaapahtamaan Damascus, wiyesh e aapihtaachiishikaach, sischikuuch chii uhchi mista waashteu anit waaskaa e ihtaayaan anite uhchi kihchikiishikuhch e uhchi waashtech. 7Mitun maak nichii ati pahchishin anite aschiihch ekw kaa pehtawak awen e iishit, ‘Saul, Saul chekwaan wehchi nanehkaachihiyin.’ 8Ekw kaa itak, ‘Awen maak chiya, Utipeyihchikeu.’ Ekw kaa iishit, ‘Eukw niya Jesus, Nazareth kaa uhchiyaan, kaa nanehkaachihiyin.’ 9Anichii maak naapeuch kaa wiicheutwaau chii waapahtamuch aniyuu kaa chihkaashteyich, namui mikw uhchi pehtaweuch aniyuu kaa pechi ayimihiyich. 10Ekw kaa itak, ‘Utipeyihchikeu, taan e ishi nituweyimiyin maak che ihtiyaan.’ Ekw kaa iishit, ‘Pisikuuh, che ituhteyin anite Damascusihch. Ekut an che wiihtamaakuyin misiwe taan e itashumisk Chishemanituu che itaapatisuut.’ 11Namui maak nuuhchii waapahten kaa ishpish chii chiihkaayaashtech an kaa waashtech. Ekw anichii niwiichewaakanich kaa pechi tahkunischehtahiitwaau anite Damascusihch kaa ituhtahiitwaau.”
12“Chii ihtaau maak naapeu niyaanitam anit Damascus e chii wiichit Ananias e ishinihkaasut. Chii taapweyimeu Chishemanituu uu naapeu kaye naashch yaakwaau chii ishi naanaakatuweyihtamihiikuu Jewa ayimihewiishuwewiniyuu. Naashch maak chii chisteyimikuu misiwe aniyuu Jewa iinuuh anit Damascusihch kaa ihtaayich. 13Eukw uu naapeu kaa pechi nituwaapamit, kaa pechi uhchishkuukaapuushtuut, ekw kaa iishit, ‘Niichishaan Saul, kaau miin waapahta.’ Iskutak maak kaa iishit aniyuu tiiwehch miin nichii waapahtamuwaan. Kaa kanawaapamak, 14ekw kaa iishit, ‘Aniyuuh Chishemanituu kaa taapweyimaatwaau aniyehkaanaanich chimushuuminuuch, chichii wiyaapamukw chechii chischeyihtamut taan e ishi nituweyihtahk che ihtinaanuyich utah aschiihch, kaye chechii waapamat aniyuu Christ kaa kuiskutaatisiyich kaye chechii pehtuumat e ayimihiisk. 15Misiwe maak awenichii chika wiihtamuwaauch taan kaa ishi waapahtaman kaye kaa ishi pehtaman e itaachimaakanuut. 16Maachiih maak, ekaawii nanakaawiih. Pisikuuh, che siikahaahtaakuyin, ekw maak che wepeyihtamaakuyin chimachihtwaawin e tepwaatat Utipeyihchikeu chechii wepeyihtamaask.’ ”
Utipeyihchikeu kaa itaat Paul che wiihtamuwaayich miywaachimuwiniyuu aniyuu iinuu ekaa Jewa kaa itiskaanesiyich
17“Ekw miin kaau Jerusalemihch kaa ituhteyaan. Mekwaach maak e ayimihaayaan anite chisheayimiheukamikuhch, chii ihtakun taan kaa ishi waapahtiikuyaan. 18Nichii waapamaau Utipeyihchikeu e pechi iishit, ‘Chiipiih, nakat uu Jerusalem anuhchiish, taapaa wesin chika uhchi taapwehtaakuch uchii iinuuch utah taan che pechi itaachimiyin,’ nichii itikw. 19Ekw kaa itak, ‘Utipeyihchikeu, chischeyihtamuch uchii iinuuch mikw e chii ayaashuu naatamaan uyuu Jewa ayimiheukamikw chechii maakunakwaau uchii kaa taapweyimiskwaau kaye e chii ihtuutuukwaau chechii papasistehwaakanuutwaau. 20Kaye maak iskutak kaa nipahaakanuut Stephen aniyuu e tipaachimisk uhchi, kaye niya nichii ihtaan anit. Nichii naheyihten aniyuu e chii ihtuutawaakanuut kaye nichii kanuweyihtamuwaan utakuhpuwaau anichii kaa nipahaatwaau Stephen.’ 21Ekw kaa iishit Utipeyihchikeu, ‘Maachiih yaapach wesh waahyuu chika itishahuutin anite anichii ekaa Jewa kaa itiskaanesitwaau e ihtaatwaau.’ ”
22Iskutak maak uyuu e ishi ayimiyich aniyuuh Paul, aniyuu kiipaa e itaachimuyich Chishemanituu e chii itishahukuyich anite aniyuu ekaa Jewa kaa itiskaanesiyich e ihtaayich, ekun kaa ishpish nituhtawaatwaau anichii iinuuch. Chii chihchi aashihkweuch e itwetwaau, “Nipahaahkw uu naapeu, namui iteyihtaakusuu chechii pimaatisiit utah aschiihch.”
23Chii aashihkweuch maak e waawepayihtaatwaau uchekwaanimuwaau, kaye yekaayuu e ishpaahchewepinahkwaau kaa ishpish chii mista chishuwaasitwaau. 24Ekw an Rome nitupayuuchimaau kaa itaat aniyuu ushimaakanishiim chechii piihtakahaayich Paul anite shimaakanishuukamikuhch. Ekw kaa itashuwet chechii papasistehwaakanuyich. Chii pukuseyihtam kiipaa chek anit aniyuu e papasistwehwaakanuyich chechii uhchi wiihtamiyich taan kaa ishi wanihpisuyich wehchi ishpish wesaa chishuwaahaayich aniyuu Jewa iinuuh. 25Iskutak maak kaa wiyaapihkaataatwaau che papasistehwaatwaau, an shimaakanishuuchimaau chii ishi kakwechimikuu aniyuu Paul, “Kuiskunaakun aa chechii papasistehwekw awen Rome e ishi masinaasut kaye ekaa eshkw uhchi wiyaaskunaakanuut.”
26Iskutak maak piyehtahk uyuu an kaa niikaanishkuwaat shimaakanisha, chii nituwaapameu aniyuu shimaakanishuuchimaau, ekw kaa itaat, “Chichischeyihten aa taan e ihtiihkw uu. Rome iinuu aahchin itisinaasuu uu naapeu kaa ihtuutuuhkw.”
27Ekw an nitupayuuchimaau kaa nituwaapamaat aniyuu Paul, kaa itaat, “Taapwe aa Rome chititasinaasun.” Paul kaa itaat, “Ehe.”
28Ekw aniyuu nitupayuuchimaau kaa itikut, “Nuwach mistahii shuuliyaau nichii ishpitikuun Romehch chechii ishi masinaasuyaan.” Ekw Paul kaa itaat, “Kaa pimaatisiyaan niya shaash Rome nichii itasinaasun.” 29Piyehtahkwaau maak uyuu e itweyich Paul anichii kaa wii nituu chischeyimaatwaau taan kaa ishi wanituutamiyich chii ati ashaakaapuuch. Ekw an nitupayuuchimaau kaa sasechisit iskutak chescheyimaat Paul taapwe Rome e itasinaasuyich, kaye maak aniyuu e chii maahkupitaat upuuchishiyaapiih e aapachihtaat.
Paul kaa uhchishkuukaapushtawaat aniyuu kaa niikaanapiitwaau uchimaauh
30Wiyaapaniyich maak, aniyuu e wii nituu chischeyihtahk chekwaayuu nihaau wehchi nituweyimaakanuyich aniyuu Paul chechii nipahaakanuyich, chii itashuweu chechii pachishtinaakanuyich, ekw kaa itaat aniyuu kaa niikaanapiitwaau ayimiheuchimaauh ekw maak aniyuuh Jewa kaa maamuupishtamiyich wiyaaskunichewiniyuuh chechii nishtuwiyich. Kaa ituhtahaat Paul anite, ekw kaa uhchishkuukaapuuhaat anit aniyuu e nishtuwiinaanuyich.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.