Acts 18
18
Paul kaa ituhtet anite Corinth kaa ishinihkaateyich ihtaawiniyuu
1Paatimaa maak chii chistuhteu Paul anit uhchi Athensihch, ekw anite Corinth kaa ituhtet. 2Ekut maak utah kaa uhchi chischeyimaat aniyuu Jewa iinuuh Aquila kaa ishinihkaasuyich. Anite Pontus kaa ishinihkaatech ihtaawin anite Italy aschiihch ekute chii pimaatisiichen. Ekute maak anite kaa uhtuhteyikupanen, wiichiskweu Priscilla e chii wiichewaat, wesh an chisheuchimaau Claudius chii itashuwekupane misiwe Jewa iinuuh che nakatamiyich Rome ihtaawiniyuu anite Italy aschiihch kaa ihtakuniyich. Chii nituwaapameu maak Paul uyuu Aquila ekw maak wiichiskwewiyuu. 3Kaa wiichimaat kaye kaa wiichaapatisiimaat e ushihtaayich maahkii wesh ekun kaa itaapatisiyich mwehch wiya kaa itaapatisit anit chechii uhchi wiichihiisut. 4Muush maak tahtwaau e Jewa ayimiheuchiishikaayich chii naachayimihaau Paul ekw kaa chii ayimihiitutwaau aniyuu Jewa kaye Greek iinuu e siihchimaat chechii taapwehtaakut.
5Iskutak maak tekushiniyich Silas ekw maak Timothy anite Macedonia e uhtuhteyich, ekw kaa puuniit aniyuu e maahkiihchet. Ekw Paul pisikw kaa waawiihtamuwaat aniyuu Jewa iinuu miywaachimuwiniyuu e itaat, Jesus eukw Christ aniyuu Chishemanituu kaa pechi itishahwaat. 6Chii aanuwehtaakuu maak kaye chii maayeyimikuu ekw Paul kaa pahpauhahk uchekwaanim e nuukuhtaat ekaa nihiishkaakut aniyuu e ihtiyich. Ekw kaa itaat, “Chiyawaau chika ihtuutaasunaawaau nishuuwanaatisiyekwe, namayeu niya che ihtuutaatakuch. Wesh ekw che chihchipayihtaayaan anichii ekaa Jewa kaa itiskaanesitwaau e waawiihtamuukwaau miywaachimuwiniyuu.” 7Ekw kaa nakataat, kaa nituu wiichimaat naapeu Titius Justus e ishinihkaasuyich, ekaa Jewa itiskaanesiyich yaapach maak e taapweyimaayich Chishemanituu. Peshuch Jewa ayimiheukamikuhch chii chimateyuu uwaaskaahiikanim uu naapeu. 8Crispus maak, an kaa niikaanishkahk aniyuu ayimiheukamikuyuu chii taapweyimeu Utipeyihchikeu, kaye misiwe aniyuuh anit e peyakuteusiit. Kaye maak mihchetu anit Corinth kaa ihtaatwaau iinuuch chii pehtamuch aniyuu miywaachimuwiniyuu. Chii taapwehtamuch kaye maak chii siikahaahtuwaakanuuch.
9Peyakwaau e tipiskaayich Paul chii waapahtiyaakanuu chekwaayuu, Utipeyihchikeu e ayimihiikut e itikut, “Ekaawii kushtaach, yaapach kacheskwe, ekaawii nuuhtipuunii. 10Wesh chiwiicheutin. Namui awen chika chii wiyesh ihtuutaakw wesh mihchetu iinuuch utah ihtaawinihch niya anichii nitiiniimach.” 11Ekw Paul kaa ihtaat anit ihtaawinihch peyakw pipun miin aapihtuu, e chischinuhamuwaat iinuu Chishemanituu utayimuwiniyuu.
12Iskutak maak Gallio kaa Rome uchimaahkaanuut anite Achaia kaa ishinihkaateyich aschiiyuu anichii Jewa iinuuch maamuu chii nishtuwiyuuch ekw kaa maakunaatwaau Paul kaa ituhtahaatwaau anite wiyaaskunicheukamikuhch. 13Ekw kaa itwetwaau, “Uu naapeu siihchimeu iinuu aahchiiuh chechii ishi taapwehtamiyich, aniyuu maak e ishi chischinuhamaachet chechii ishi nuuchiishtuwaakanuyich Chishemanituu namui itashteu anite wiishuwewinihch uu chechii ihtinaanuuhch.” 14Mwehch maak Paul chii wii ayimuu, Gallio kaa itaat aniyuu Jewa iinuu, “Taapwe kaa wanituutamukwe uu naapeu Paul, chipaa nituhtaatinaawaau. 15Mikw maak chiyawaau anit chimachipayihkahtaatunaawaau itwewinh uhchi kaye ishinihkaasuwinh uhchi kaye maak chitayimihewin wiishuwewinawaauh uhchi. Chiyawaau miyupayihtaakw taan e ishi machipayekw, namui wii niya chika uhchi wiichihiitinaawaau.” 16Ekw Gallio kaa wiiwiitisuhwaat aniyuu iinuu kaa peshuwaayich Paul anite wiyaaskunicheukamikuhch. 17Ekw anichii iinuuch miiskuch aniyuu Sosthenes kaa maakunaatwaau, aniyuu kaa niikaanishkamiyich Jewa ayimiheukamikuyuu, ekw kaa kusiihkuwaatwaau anit wiiwiitamihch wiyaaskunicheukamikuhch. Namui mikw uhchi aapateyimeu an uchimaau Gallio aniyuu kaa ihtiyich.
Paul kaau kaa ituhtet Antiochihch
18Mihchetu chiishikaau chii ihtaau Paul anit Corinth anite wiichishaanimaauh e ihtaayitwaauh. Ekw chek kaa chihchichimetwaau, anite Syria chii isichimeuch, Priscilla ekw maak Aquila chii wiicheukuu. Eshkw maak ekaa uhchi isichimetwaau anite Cenchreaehch, Paul chii kaaschipaatam ustikwaan muyaam Jewa iinuu kaa chii ihtiyich chekwaayuu e chii itaayich Chishemanituu cheshtinaash che ihtuutahk. 19Ekw kaa misakaatwaau anite Ephesus kaa ishinihkaateyich utenaayuu, ekut anit Paul kaa nakataat aniyuu Priscilla ekw maak Aquila, aahchiiuh chii ituhteuch wiyawaau anichii. Ekw Paul kaa piihchet anite Jewa ayimiheukamikuhch ekw kaa ayimihiitutwaau aniyuu Jewa e siihchimaat chechii taapwehtaakut taan e itwet. 20Chii kakwechimikuu maak aniyuu pasch Jewa iinuuh chineush chechii ihtaat anite e ihtaayich, namui mikw uhchi niskumeu. 21Mikw chii iteu Paul, iskutak chestuhtet, “Nika takushin miin, Chishemanituu iteyihtahke miin chechii takushiniyaan.” Ekw kaa puusit utiyuu anit uhchi Ephesus.
22Iskutak maak mesikaat anit Caesarea, ekut anit kaa uhchi chistuhtet Jerusalemihch e ituhtet, kaa nituwaapamaat aniyuu umaamuuayimihaauh ekw miin anite Antiochihch kaa ituhtet. 23Ekut kaa ihtaat weipishchiish ekw miin kaa chistuhtet. Ekw anite aschiihch Galatia kaye Phrygia kaa ishinihkaateyikwaauh ekute kaa ituhtet, e ayimihaat aniyuu Jesus kaa taapweyimaayich chechii yaaichikaapuyich.
Apollos anite Ephesus kaa ihtaat
24Jewa iinuu Apollos e ishinihkaasut anite Alexandria e uhchiit chii takushinuu anite Ephesus. Naashch chii kaschihuu uu naapeu e ayimit, kaye chii miyu chischeyihtam taan e itashteyich Chishemanituu utayimuwiniyuu. 25Naashch maak kuiskw chii ishi chiskutamuwaakanuukupane aniyuu meskanaayuu Utipeyihchikeu kaa itweyich chechii ishi pimuhtaanuyich anit chechii uhchi pimaachihunaanuyich. Kaye maak naashch chii sichiyesuu e aayimuumaat Jesus taan nihaau kaa ishi pehtawaat John siikahaahtaacheu e ishi aayimuumaayich kaye maak chii taapweu aniyuu kaa ishi chiskutamaachet. Mikw maak namui uhchi chischeyimeu taan kaa pechi ispayiyich Jesus. 26Chii ayimiheu maak iinuu anite Jewa ayimiheukamikuhch ekaa mitun kushtaachit. Iskutak maak kaa pehtaakut Priscilla ekw maak Aquila, chii chiiwetahiikuu. Etituu kaa ishi waawiihtamaakut Chishemanituu umeskanaamiyuu. 27Chek Apollos kaa iteyihtahk chechii ituhtet anite Achaia, ekw aniyuuh wiichishaanimaauh anite Ephesus kaa ihtaayich chii naheyihtamiyuu anite chechii ituhtet ekw kaa masinahamuwaatwaau aniyuu kaa taapweyimaayich Jesus, Achaia kaa ihtaayich e itaatwaau che miyuuhkawaatwaau aniyuu Apollos takushiniyichen anite. Iskutak maak Apollos tekushihk anite Achaia, naashch taapwe mistahii chii wiichiheu aniyuu aweyuuh kaa taapweyimaayich Jesus, aniyuuh kaa shaweyimikuyich Chishemanituu chechii taapwehtamiyich. 28Mitun maak chii shaakuuchimeu aniyuuh Jewa iinuuh anit e mihchetinaanuyich, Chishemanituu utayimuwinihch e uhchi wiihtamuwaat Jesus e aawiyich Christ, Chishemanituuh e chii pechi itishahukuyich.
Currently Selected:
Acts 18: crjrNT
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Acts 18
18
Paul kaa ituhtet anite Corinth kaa ishinihkaateyich ihtaawiniyuu
1Paatimaa maak chii chistuhteu Paul anit uhchi Athensihch, ekw anite Corinth kaa ituhtet. 2Ekut maak utah kaa uhchi chischeyimaat aniyuu Jewa iinuuh Aquila kaa ishinihkaasuyich. Anite Pontus kaa ishinihkaatech ihtaawin anite Italy aschiihch ekute chii pimaatisiichen. Ekute maak anite kaa uhtuhteyikupanen, wiichiskweu Priscilla e chii wiichewaat, wesh an chisheuchimaau Claudius chii itashuwekupane misiwe Jewa iinuuh che nakatamiyich Rome ihtaawiniyuu anite Italy aschiihch kaa ihtakuniyich. Chii nituwaapameu maak Paul uyuu Aquila ekw maak wiichiskwewiyuu. 3Kaa wiichimaat kaye kaa wiichaapatisiimaat e ushihtaayich maahkii wesh ekun kaa itaapatisiyich mwehch wiya kaa itaapatisit anit chechii uhchi wiichihiisut. 4Muush maak tahtwaau e Jewa ayimiheuchiishikaayich chii naachayimihaau Paul ekw kaa chii ayimihiitutwaau aniyuu Jewa kaye Greek iinuu e siihchimaat chechii taapwehtaakut.
5Iskutak maak tekushiniyich Silas ekw maak Timothy anite Macedonia e uhtuhteyich, ekw kaa puuniit aniyuu e maahkiihchet. Ekw Paul pisikw kaa waawiihtamuwaat aniyuu Jewa iinuu miywaachimuwiniyuu e itaat, Jesus eukw Christ aniyuu Chishemanituu kaa pechi itishahwaat. 6Chii aanuwehtaakuu maak kaye chii maayeyimikuu ekw Paul kaa pahpauhahk uchekwaanim e nuukuhtaat ekaa nihiishkaakut aniyuu e ihtiyich. Ekw kaa itaat, “Chiyawaau chika ihtuutaasunaawaau nishuuwanaatisiyekwe, namayeu niya che ihtuutaatakuch. Wesh ekw che chihchipayihtaayaan anichii ekaa Jewa kaa itiskaanesitwaau e waawiihtamuukwaau miywaachimuwiniyuu.” 7Ekw kaa nakataat, kaa nituu wiichimaat naapeu Titius Justus e ishinihkaasuyich, ekaa Jewa itiskaanesiyich yaapach maak e taapweyimaayich Chishemanituu. Peshuch Jewa ayimiheukamikuhch chii chimateyuu uwaaskaahiikanim uu naapeu. 8Crispus maak, an kaa niikaanishkahk aniyuu ayimiheukamikuyuu chii taapweyimeu Utipeyihchikeu, kaye misiwe aniyuuh anit e peyakuteusiit. Kaye maak mihchetu anit Corinth kaa ihtaatwaau iinuuch chii pehtamuch aniyuu miywaachimuwiniyuu. Chii taapwehtamuch kaye maak chii siikahaahtuwaakanuuch.
9Peyakwaau e tipiskaayich Paul chii waapahtiyaakanuu chekwaayuu, Utipeyihchikeu e ayimihiikut e itikut, “Ekaawii kushtaach, yaapach kacheskwe, ekaawii nuuhtipuunii. 10Wesh chiwiicheutin. Namui awen chika chii wiyesh ihtuutaakw wesh mihchetu iinuuch utah ihtaawinihch niya anichii nitiiniimach.” 11Ekw Paul kaa ihtaat anit ihtaawinihch peyakw pipun miin aapihtuu, e chischinuhamuwaat iinuu Chishemanituu utayimuwiniyuu.
12Iskutak maak Gallio kaa Rome uchimaahkaanuut anite Achaia kaa ishinihkaateyich aschiiyuu anichii Jewa iinuuch maamuu chii nishtuwiyuuch ekw kaa maakunaatwaau Paul kaa ituhtahaatwaau anite wiyaaskunicheukamikuhch. 13Ekw kaa itwetwaau, “Uu naapeu siihchimeu iinuu aahchiiuh chechii ishi taapwehtamiyich, aniyuu maak e ishi chischinuhamaachet chechii ishi nuuchiishtuwaakanuyich Chishemanituu namui itashteu anite wiishuwewinihch uu chechii ihtinaanuuhch.” 14Mwehch maak Paul chii wii ayimuu, Gallio kaa itaat aniyuu Jewa iinuu, “Taapwe kaa wanituutamukwe uu naapeu Paul, chipaa nituhtaatinaawaau. 15Mikw maak chiyawaau anit chimachipayihkahtaatunaawaau itwewinh uhchi kaye ishinihkaasuwinh uhchi kaye maak chitayimihewin wiishuwewinawaauh uhchi. Chiyawaau miyupayihtaakw taan e ishi machipayekw, namui wii niya chika uhchi wiichihiitinaawaau.” 16Ekw Gallio kaa wiiwiitisuhwaat aniyuu iinuu kaa peshuwaayich Paul anite wiyaaskunicheukamikuhch. 17Ekw anichii iinuuch miiskuch aniyuu Sosthenes kaa maakunaatwaau, aniyuu kaa niikaanishkamiyich Jewa ayimiheukamikuyuu, ekw kaa kusiihkuwaatwaau anit wiiwiitamihch wiyaaskunicheukamikuhch. Namui mikw uhchi aapateyimeu an uchimaau Gallio aniyuu kaa ihtiyich.
Paul kaau kaa ituhtet Antiochihch
18Mihchetu chiishikaau chii ihtaau Paul anit Corinth anite wiichishaanimaauh e ihtaayitwaauh. Ekw chek kaa chihchichimetwaau, anite Syria chii isichimeuch, Priscilla ekw maak Aquila chii wiicheukuu. Eshkw maak ekaa uhchi isichimetwaau anite Cenchreaehch, Paul chii kaaschipaatam ustikwaan muyaam Jewa iinuu kaa chii ihtiyich chekwaayuu e chii itaayich Chishemanituu cheshtinaash che ihtuutahk. 19Ekw kaa misakaatwaau anite Ephesus kaa ishinihkaateyich utenaayuu, ekut anit Paul kaa nakataat aniyuu Priscilla ekw maak Aquila, aahchiiuh chii ituhteuch wiyawaau anichii. Ekw Paul kaa piihchet anite Jewa ayimiheukamikuhch ekw kaa ayimihiitutwaau aniyuu Jewa e siihchimaat chechii taapwehtaakut taan e itwet. 20Chii kakwechimikuu maak aniyuu pasch Jewa iinuuh chineush chechii ihtaat anite e ihtaayich, namui mikw uhchi niskumeu. 21Mikw chii iteu Paul, iskutak chestuhtet, “Nika takushin miin, Chishemanituu iteyihtahke miin chechii takushiniyaan.” Ekw kaa puusit utiyuu anit uhchi Ephesus.
22Iskutak maak mesikaat anit Caesarea, ekut anit kaa uhchi chistuhtet Jerusalemihch e ituhtet, kaa nituwaapamaat aniyuu umaamuuayimihaauh ekw miin anite Antiochihch kaa ituhtet. 23Ekut kaa ihtaat weipishchiish ekw miin kaa chistuhtet. Ekw anite aschiihch Galatia kaye Phrygia kaa ishinihkaateyikwaauh ekute kaa ituhtet, e ayimihaat aniyuu Jesus kaa taapweyimaayich chechii yaaichikaapuyich.
Apollos anite Ephesus kaa ihtaat
24Jewa iinuu Apollos e ishinihkaasut anite Alexandria e uhchiit chii takushinuu anite Ephesus. Naashch chii kaschihuu uu naapeu e ayimit, kaye chii miyu chischeyihtam taan e itashteyich Chishemanituu utayimuwiniyuu. 25Naashch maak kuiskw chii ishi chiskutamuwaakanuukupane aniyuu meskanaayuu Utipeyihchikeu kaa itweyich chechii ishi pimuhtaanuyich anit chechii uhchi pimaachihunaanuyich. Kaye maak naashch chii sichiyesuu e aayimuumaat Jesus taan nihaau kaa ishi pehtawaat John siikahaahtaacheu e ishi aayimuumaayich kaye maak chii taapweu aniyuu kaa ishi chiskutamaachet. Mikw maak namui uhchi chischeyimeu taan kaa pechi ispayiyich Jesus. 26Chii ayimiheu maak iinuu anite Jewa ayimiheukamikuhch ekaa mitun kushtaachit. Iskutak maak kaa pehtaakut Priscilla ekw maak Aquila, chii chiiwetahiikuu. Etituu kaa ishi waawiihtamaakut Chishemanituu umeskanaamiyuu. 27Chek Apollos kaa iteyihtahk chechii ituhtet anite Achaia, ekw aniyuuh wiichishaanimaauh anite Ephesus kaa ihtaayich chii naheyihtamiyuu anite chechii ituhtet ekw kaa masinahamuwaatwaau aniyuu kaa taapweyimaayich Jesus, Achaia kaa ihtaayich e itaatwaau che miyuuhkawaatwaau aniyuu Apollos takushiniyichen anite. Iskutak maak Apollos tekushihk anite Achaia, naashch taapwe mistahii chii wiichiheu aniyuu aweyuuh kaa taapweyimaayich Jesus, aniyuuh kaa shaweyimikuyich Chishemanituu chechii taapwehtamiyich. 28Mitun maak chii shaakuuchimeu aniyuuh Jewa iinuuh anit e mihchetinaanuyich, Chishemanituu utayimuwinihch e uhchi wiihtamuwaat Jesus e aawiyich Christ, Chishemanituuh e chii pechi itishahukuyich.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.