EXODUS 39
39
Bâwlpu Tla Rangah Nipuan Siamnâk
(Ex 18.1-14)
1Bâwlpu tla nih Mun Thenhlimh ah LALPA rian an ṭuan tikah anna ruk ding hen, thuam rokual tak, dumpâwl, senduk leh samul lasen hen an siam. Bâwlpu thuam chu LALPA nih Mosi sinah thu a pêk mi hâwi hen Aron rangah siam asi.
2Ephod chu puan mangṭhia, dumpâwl, senduk, samul lasen leh ngûn lazâi hen an siam. 3Ngûn chu an dêng le, an sêu le, pan der hen a zâi ṭhia dîk hen an siam le, dumpâwl, senduk leh samul lasen ah an siam. 4Ephod rangah liangbah panih an siam, khatlei sîr vevê ah an sih, â sih khonâk ding hen. 5Puan mangṭhia tah mi tâisâwm a ruakhâu bang cho hen siam mi chu sa khat siding hen ephod lakah LALPA nih Mosi sinah thu a pêk mi hâwi hen an bêk. 6Karnelian chu an timhtuah le, ngûn lakah an chawnh le, thiam tak hen Jakob fa tla leinih min an rîn. 7LALPA nih Mosi sinah thu a pêk mi hâwi hen bâwlpu ephod liangbah lakah Israel phun leinih zauhtirnâk ah an thlaih.
ṬângBêk Siamnâk
(Ex 28.15-30)
8Ephod lakah mi hâwitê hen a ruakhâu leh a thuamh dân bang cho hen ṭang bêk an siam. 9Kî li thuang nih hen an siam, a dung khâp khat, a vâng khâp khat. 10Lungmantam tlar li hen an chawnh, a tlar masa chem chu ruby, topaz, garnet, 11a tlar nihnâk chu emerald, sapphire, diamond, 12a tlar thumnâk chu turquoise, agate, amethyst; 13a tlar linâk chu beryl, karnelian leh Jasper. Hi tla hi ngûn lakah chawmh mi hep asi. 14Lung leinih chu Israel phun leinih zauhtirnâk asi le, chu lung pakhat lakah Jakob fapa pakhat vima min rîn asi. 15Chun, ṭângbêk rangah ngûn chikchîn rirual an siam. 16Ngûn zâi phiar mi panih leh ngûn kual panih an siam, chu ngûn kual panih chu ṭângbêk a tlûnlei kâng kî ah an thlaih. 17Ngûn rî panih chu ngûn kual panih lakah an sih. 18Chu rirual panih dawng chu ephod liangbahnâk mâilei kâng rirual ah an sih. 19Ngûn kual panih chu ṭângbêk tanglei kâng kî ah, ephod sangah a sunglei sâr ah an thlaih. 20A dang panih ngûn kual an siam le, ephod liangbah mâilei tangah dawh tak mi tâisâwm tlûn a zung ṭhîtnâk kiangah an thlaih. 21LALPA nih Mosi sinah thu a pêk mi hâwi hen ṭângbêk lakah mi ngûn kual chu ephod ngûn kual lakah a dumpâwl mi rî hen an sih, ṭângbêk chu tâisâwm tlûnah um thlir hen â sût lonâk ding hen.
Bâwlpu Thuam Dang Siamnâk
(Ex 28.31-43)
22Ephod tlûnah mi kawrfual chu samul dumpâwl hen siam mi asi. 23Lû luhnâk a ngâwng chu tlêk lo ding hen tah mi puan hen kâwm asi. 24-26A tang lei sâr ah hêl dak hen pomegranate, dumpâwl, senduk, samul lasen leh ngûn khi-îng tla chu lakṭhelh vima hen LALPA nih Mosi sinah thu a pêk mi hâwi hen an thlaih.
27Aron leh a fapa tla rangah kawrdawh an siam le, 28upâwng tla, lukhuh tla, kekawr puan mangṭhia, 29puan mangṭhia tâisâwm, a dumpâwl, senduk leh samul lasen hen thuamh mi chu LALPA nih Mosi sinah thu a pêk mi hâwi hen an siam. 30Apnâk thenhlimh singsiahnâk thuam ngûn hen an siam le, “LALPA sinah ap mi” ti hen an rîn. 31LALPA nih Mosi sinah thu a pêk mi hâwi hen upâwng mâilei ah rirual dumpâwl hen an thlaih.
Rianṭuan Lîmnâk
(Ex 35.10-19)
32LALPA umnâk Puanin chu a dawnghnâk ah lîm asi rawh. Israel tla nih, Mosi sinah Pathian nih thu a pêk hâwi vima hen thil zeizawng an siam. 33Puanin leh a thuamthil zawzawng, a thîr kuaih tla, kâwpmi tung tla, a khuahkhang tla, a tung tla, a tohnâk tla; 34dawrâ chal vun rawng sen ah thlâk mi, a khuhnâk savun nêm, a kulhnâk puanzâr; 35Thudântuk Bâwm, a sungah lungtlêp tla, a zawnhnâk thingtluan, a sinh; 36dawhkân leh a thuamthil zawzawng, Pathian sinah ap mi sang; 37ngûn meichêu, a mei leh a thuamthil, meichêu hâng chu; 38ngûn mâichâm, thuh ding mi sariak, rimthâw, Puanin tualmâi puanzâr; 39dâr mâichâm leh a dâr lên, a thingtluan leh a thuamthil zawzawng, ṭâwlnâk mâihûm leh a tohnâk; 40a kulhnâk ding puanzâr leh a tung leh a tohnâk; puanzâr tualmâi kulhnâk ding leh rirual; Puanin kilhnâk, Puanin ah mang ding mi a thuamthil zawzawng; 41Mun Thenhlimh ah bâwlpu nih a ruk ding mi puan rokual, puan thenhlimh Aron leh a fapa tla nih anna ruk ding mi chu Mosi sinah an hawng put. 42Israel mi tla nih chun LALPA nih Mosi sinah thu a pêk mi hâwi hen an ti rawh. 43Mosi nih chubang thil zawzawng tla chu LALPA thupêk hâwi hen an siam mi a muh le, mal a sâwm na.
Currently Selected:
EXODUS 39: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
EXODUS 39
39
Bâwlpu Tla Rangah Nipuan Siamnâk
(Ex 18.1-14)
1Bâwlpu tla nih Mun Thenhlimh ah LALPA rian an ṭuan tikah anna ruk ding hen, thuam rokual tak, dumpâwl, senduk leh samul lasen hen an siam. Bâwlpu thuam chu LALPA nih Mosi sinah thu a pêk mi hâwi hen Aron rangah siam asi.
2Ephod chu puan mangṭhia, dumpâwl, senduk, samul lasen leh ngûn lazâi hen an siam. 3Ngûn chu an dêng le, an sêu le, pan der hen a zâi ṭhia dîk hen an siam le, dumpâwl, senduk leh samul lasen ah an siam. 4Ephod rangah liangbah panih an siam, khatlei sîr vevê ah an sih, â sih khonâk ding hen. 5Puan mangṭhia tah mi tâisâwm a ruakhâu bang cho hen siam mi chu sa khat siding hen ephod lakah LALPA nih Mosi sinah thu a pêk mi hâwi hen an bêk. 6Karnelian chu an timhtuah le, ngûn lakah an chawnh le, thiam tak hen Jakob fa tla leinih min an rîn. 7LALPA nih Mosi sinah thu a pêk mi hâwi hen bâwlpu ephod liangbah lakah Israel phun leinih zauhtirnâk ah an thlaih.
ṬângBêk Siamnâk
(Ex 28.15-30)
8Ephod lakah mi hâwitê hen a ruakhâu leh a thuamh dân bang cho hen ṭang bêk an siam. 9Kî li thuang nih hen an siam, a dung khâp khat, a vâng khâp khat. 10Lungmantam tlar li hen an chawnh, a tlar masa chem chu ruby, topaz, garnet, 11a tlar nihnâk chu emerald, sapphire, diamond, 12a tlar thumnâk chu turquoise, agate, amethyst; 13a tlar linâk chu beryl, karnelian leh Jasper. Hi tla hi ngûn lakah chawmh mi hep asi. 14Lung leinih chu Israel phun leinih zauhtirnâk asi le, chu lung pakhat lakah Jakob fapa pakhat vima min rîn asi. 15Chun, ṭângbêk rangah ngûn chikchîn rirual an siam. 16Ngûn zâi phiar mi panih leh ngûn kual panih an siam, chu ngûn kual panih chu ṭângbêk a tlûnlei kâng kî ah an thlaih. 17Ngûn rî panih chu ngûn kual panih lakah an sih. 18Chu rirual panih dawng chu ephod liangbahnâk mâilei kâng rirual ah an sih. 19Ngûn kual panih chu ṭângbêk tanglei kâng kî ah, ephod sangah a sunglei sâr ah an thlaih. 20A dang panih ngûn kual an siam le, ephod liangbah mâilei tangah dawh tak mi tâisâwm tlûn a zung ṭhîtnâk kiangah an thlaih. 21LALPA nih Mosi sinah thu a pêk mi hâwi hen ṭângbêk lakah mi ngûn kual chu ephod ngûn kual lakah a dumpâwl mi rî hen an sih, ṭângbêk chu tâisâwm tlûnah um thlir hen â sût lonâk ding hen.
Bâwlpu Thuam Dang Siamnâk
(Ex 28.31-43)
22Ephod tlûnah mi kawrfual chu samul dumpâwl hen siam mi asi. 23Lû luhnâk a ngâwng chu tlêk lo ding hen tah mi puan hen kâwm asi. 24-26A tang lei sâr ah hêl dak hen pomegranate, dumpâwl, senduk, samul lasen leh ngûn khi-îng tla chu lakṭhelh vima hen LALPA nih Mosi sinah thu a pêk mi hâwi hen an thlaih.
27Aron leh a fapa tla rangah kawrdawh an siam le, 28upâwng tla, lukhuh tla, kekawr puan mangṭhia, 29puan mangṭhia tâisâwm, a dumpâwl, senduk leh samul lasen hen thuamh mi chu LALPA nih Mosi sinah thu a pêk mi hâwi hen an siam. 30Apnâk thenhlimh singsiahnâk thuam ngûn hen an siam le, “LALPA sinah ap mi” ti hen an rîn. 31LALPA nih Mosi sinah thu a pêk mi hâwi hen upâwng mâilei ah rirual dumpâwl hen an thlaih.
Rianṭuan Lîmnâk
(Ex 35.10-19)
32LALPA umnâk Puanin chu a dawnghnâk ah lîm asi rawh. Israel tla nih, Mosi sinah Pathian nih thu a pêk hâwi vima hen thil zeizawng an siam. 33Puanin leh a thuamthil zawzawng, a thîr kuaih tla, kâwpmi tung tla, a khuahkhang tla, a tung tla, a tohnâk tla; 34dawrâ chal vun rawng sen ah thlâk mi, a khuhnâk savun nêm, a kulhnâk puanzâr; 35Thudântuk Bâwm, a sungah lungtlêp tla, a zawnhnâk thingtluan, a sinh; 36dawhkân leh a thuamthil zawzawng, Pathian sinah ap mi sang; 37ngûn meichêu, a mei leh a thuamthil, meichêu hâng chu; 38ngûn mâichâm, thuh ding mi sariak, rimthâw, Puanin tualmâi puanzâr; 39dâr mâichâm leh a dâr lên, a thingtluan leh a thuamthil zawzawng, ṭâwlnâk mâihûm leh a tohnâk; 40a kulhnâk ding puanzâr leh a tung leh a tohnâk; puanzâr tualmâi kulhnâk ding leh rirual; Puanin kilhnâk, Puanin ah mang ding mi a thuamthil zawzawng; 41Mun Thenhlimh ah bâwlpu nih a ruk ding mi puan rokual, puan thenhlimh Aron leh a fapa tla nih anna ruk ding mi chu Mosi sinah an hawng put. 42Israel mi tla nih chun LALPA nih Mosi sinah thu a pêk mi hâwi hen an ti rawh. 43Mosi nih chubang thil zawzawng tla chu LALPA thupêk hâwi hen an siam mi a muh le, mal a sâwm na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.