Jɔɔn 18
18
Yeesu lawaa wia
(Mat 26:47-56; Maak 14:43-50; Luuk 22:47-53)
1Yeesu n wa ŋɔ anniizi maa wa tuŋ, u ni u hiŋra lii di gilli Kidrɔn Waluu di la bɔr la baŋ duu daazi la. 2Judas, sɔsɔgɔ hiŋ la gba zum a bɔttɛ, dikuubɛɛwiai, Yeesu ni u hiŋra faa ra la denii saŋa maa. 3U chaali soojazi ni Kɔraawiizi Kizeehina Nabɔnzi balaa baŋhina ani Farisizi balaa baŋhina. Ba maa paa ba fintinazi ni kacheela ani ba dɔŋkuna di ra la.
4Yeesu teŋ zum a maanii di zum wii la maa ban niŋ wa ɛɛu. Awia, banna ba la, u lii di ra chem ba ni di pɛɛzi baa, “Anɛɛ ii ra nyiŋŋi gunnɛi?” 5Ba ŋɔ, “Yeesu Nazarɛf labuu yaa ra nyiŋŋi.” U ŋɔ, “Minuu keŋ,” di Judas sɔsɔgɔ hiŋ la gba chigɔ ba be. 6Yeesu n wa ŋɔ minuu keŋ, ba maa bir la harbɔɔ burumbu di chogli hɛssi. 7U kaa pɛɛzi baa, “Anɛɛ ii ra nyiŋŋi gunnɛi?” Ba kaa ŋɔ, dí Yeesu Nazarɛf labuu ba ra nyiŋŋi. 8Yeesu ŋɔ, “Maa ŋɔwɛɛ lugɔ minuu keŋ? Di minuu ii ra nyiŋŋi, amɔ, ií gil bannii waa ra la.” 9Yeesu n faa ŋɔ u mɛɛ be dí banla maa un tɛu la, bɛl maa waa tawɛɛ la, awiarɛ u ŋɔ guŋ.
10Saimɔn Pitta dɔɔ u tokobi. U pamuu di ŋmɛŋ Kɔraawiizi Kizeehina Maa Nabɔma balii bɛl nodig digni kpɛlli. A baal sɔnnɛ faa Malkus. 11Yeesu ŋɔ Pitta be, “Kpa i tokobi la suu u too. Nii la n Mɛɛ n chɔŋ ŋɔ ń nyɔɔ la, màá nyɔɔuwaa?”
Baŋ kpogli Yeesu la Annas be wia
12Denii soojazi la ni ba nabɔma ni Jus hina balaa la wa lau Yeesu di vɔɔzuu di kpau kaali. 13Kaifas la n faa ɛɛ Kɔraawiizi Kizeehina Maa Nabɔma a saŋa la, u hilabaal benii ba feli kpau la. U sɔnnɛ faa Annas. 14A Kaifas hinnɛ faa ŋɔ Jus hina la be lugɔ a dɛkkɔɔ nɛkpaŋ n lɛɛ nɛkpila siu di siu la.#Jɔɔn 11:50-51
Pitta n luglɛɛ hɔɔ Yeesu wia
(Mat 26:69-70; Maak 14:66-68; Luuk 22:55-57)
15Baŋ kpau ra la la, Saimɔn Pitta ni Yeesu hiŋri bɛl suahzi hiŋ baa ra la. Baŋ wa hel Kɔraawiizi Kizeehina Maa Nabɔma dia, Yeesu hiŋri la n ɛɛ a diahiŋ zunni la, wer hiŋ Yeesu zuu a diŋŋee. 16Ka Pitta ge chi bossee. Awia, Yeesu hiŋri la lii di ga ŋɔ biihambie la n ɛɛ a dia balii di ra binni dominua la be lugɔ ú gil Pitta zuu, ka jaa ga kpogluu zuu diŋŋee. 17A balii jaa pɛɛzi Pitta, “Amɔ, i ge gba ɛɛ a baal hiŋra bɛllɛ gɛɛ?” Pitta hɔɔ ka ŋɔ, “Akai. Maa u hiŋri ɛɛwɛ.” 18Waari ge du de a saŋa. A dia balaa ni Kɔraawiizi Dia balaa nyiŋŋi hɔla di chem niŋ di chi di ra ŋmaani. Pitta gba ba di wa chi ba be di ra ŋmaani niŋ la.
Kɔraawiizi Kizeehina Maa Nabɔma n pɛɛzi Yeesu wia
(Mat 26:59-66; Maak 14:55-64; Luuk 22:66-71)
19Kɔraawiizi Kizeehina Maa Nabɔma jaa ra pɛɛzi Yeesu u hiŋra ni u baglaa la wia. 20Yeesu ŋɔ, “Miŋ ɔɔ faa ra bagli nɛra la, bɔchaannɛ n faa ra bagli baa, nɛr maa ra nuu. Jaamaa diini biini ani Kɔraawiizi Dia biinii n ɔɔ faa ra bagli baa, bɔra la Jus hina n ɔɔ ra chaali la. Maa suahzɛɛ ra bagli wiimaa. 21Awia, bɛɛwiarɛ i kaa ra pɛɛziŋ gunnɛi? Pɛɛzi banla n nuuwɛ, bá baglii gunla miŋ ɔɔ ra bagli baa. Baabuu zum gunla miŋ ɔɔ ra bagli.” 22Yeesu n wa ŋɔ guŋ, Kɔraawiizi Dia balii bɛl n chigɛ u be chɛ u lia di ŋɔ, “Kenne i ŋɔ wia ra tɛɛ Kɔraawiizi Kizeehina Maa Nabɔmaa?” 23Yeesu bir ŋɔ, “Di n ŋɔ wii la maa n waa deŋlee, amɔ, í bagli tɛɛ yaa. Ka di guŋ lɛi, bɛɛ n baani i chɛ n lia gunnɛi?” 24Denii Annas gil ba vɔɔzuu di kpau la Kɔraawiizi Kizeehina Maa Nabɔma Kaifas la be.
Pitta n kaa hɔɔ Yeesu wia
(Mat 26:71-75; Maak 14:69-72; Luuk 22:58-62)
25Baŋ faa ra ɛɛ gunla, di Pitta haa chigɔ di ra ŋmaani niŋ la. Baŋhina pɛɛzuu, “U hiŋri bɛl lɛi hiŋ?” U hɔɔ ka ŋɔ, “U hiŋri lɛi miŋ.”#Jɔɔn 13:38 26Baal la Pitta n ŋmɛŋ u digni kpɛlli la lulli bɛl ɛɛ Kɔraawiizi Kizeehina Maa Nabɔma la balii bɛllɛ. U ge du de di pɛɛzi, “Miŋ faa du daazi bɔr la, mɛɛ nawɛɛ dee?” 27Pitta kaa kuari hɔɔ di ŋɔ, Miŋ lɛi. Uŋ haŋ ŋɔ di waa tuŋ, di zabal wiiwo.
Baŋ kpogli Yeesu ba Pailɔt be wia
(Mat 27:1-2, 11-14; Maak 15:1-5; Luuk 23:1-5)
28Denii ba lii Kaifas ge be di kpa Yeesu la ba hɛri nabɔma seriya diiribɔr di hɔɔ jaa pizi. Awia, Jus hina la waa sɛɛwɛ zuu de dikuu ba naana kii bɛl wia. De zuuirɛ niŋ faa gil bá doŋ. Di ba wa doŋŋo, ba wàá ka wer na bɔr sɔ ba doŋa ha, ka wer di ba Gillikaali diwee la. 29Awia, ba waa sɛɛwɛ ba zuu de ka ba hɛri nabɔma Pailɔt la lii di la ba be bossee di wa pɛɛzi baa, “Beedee widizii u ɛɛ ii ra pɛɛzuu nuai?” 30Ba ge bir pɛɛzuu, “Di u faa waa wichɔgɛɛri ɛɛwɛ, yaa daŋ faa kpau ba i bee?” 31Pailɔt ŋɔ, “Ii himmaa kpau di ga di u seriya ani gunla ii Gbɔg n na bagli.” Jus hina la ŋɔ, “Ba wàá sɛɛ ya wer di nɛr maa siu seriya ka kpuu.” 32Gunnɛ ba ɛɛ ka gunla Yeesu n faa bagli siu la un niŋ siu la wer ɛɛ wibii.#Jɔɔn 3:14; 12:32-33
33Pailɔt kaa zuu u seriya diiri dia di yir Yeesu. U ba u be. U pɛɛzuu, “Hinuu Jus hina koori laa?” 34Yeesu ge pɛɛzuu, “I himmaa nfɛrɛ biinii i pɛɛziŋ guŋ gɛɛ nɛraa baglii n wia gunnɛi?” 35Pailɔt pɛɛzi, “Jus hinuurɛ miŋ? I himmaa nɛra ni ba Kizeehina nabɔnzii kpai ba n be. Bɛɛ wichɔgaarɛ i ɛɛi?” 36Yeesu ŋɔ, “N dɔɔ kora bɛllɛ, ka durnya kossi dee lɛi n kora la. Di u faa ɛɛ durnya kora bɛllɛ, n balaa daŋ faa yoo nɛra la bá gilɛɛ wer lawiŋ di du Jus hina la nonee biini keŋ. Ka n kora naa waa durnya hor ɛɛwɛ.” 37Pailɔt ŋɔ, “Amɔ, koori lɛi hiŋ?” Yeesu ŋɔ, “N ɛɛ koorii. Wibii baglaa wiarɛ ba luliŋ. U wiarɛ n ba durnya ń wer ŋɔ a wibii tɛɛ ia. Nɛr la maa n nɔŋŋi wibii, waabuu nuuwɛ ra tɛŋ.” 38Pailɔt ŋɔ, “Newee daŋ wer zum wibiire naa?”
Ban di Yeesu kpui seriya wia
(Mat 27:15-31; Maak 15:6-20; Luuk 23:13-25)
Uŋ wa ŋɔ guŋ, u bir lii bossee di la Jus hina la be di ga ŋɔ ba be, “Miŋwaa waa wiimaa nawɛɛ ń tɛɛ a baal. 39Ka n ni ia dɔɔ nuukpaŋ bɛllɛ lugɔ minuu niŋ ɔɔ lizi nɛr di lii nɛra tɔi dia, di tɛɛ ia ii Hɔpizizenaa naa biini. Ii ra nyiŋŋuu ń lizi ii Jus hina koori la tɛɛ ia gɛɛ?” 40Ba ra pogzi werge di ra ŋɔ, “Unnii lɛi yaa ra nyiŋŋi. Barabas labuu yaa ra nyiŋŋi i pilli tɛɛ yaa ka gil unniiwaa.” Barabas la ge faa ɛɛ ŋmɛɛnnɛ.
Currently Selected:
Jɔɔn 18: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Jɔɔn 18
18
Yeesu lawaa wia
(Mat 26:47-56; Maak 14:43-50; Luuk 22:47-53)
1Yeesu n wa ŋɔ anniizi maa wa tuŋ, u ni u hiŋra lii di gilli Kidrɔn Waluu di la bɔr la baŋ duu daazi la. 2Judas, sɔsɔgɔ hiŋ la gba zum a bɔttɛ, dikuubɛɛwiai, Yeesu ni u hiŋra faa ra la denii saŋa maa. 3U chaali soojazi ni Kɔraawiizi Kizeehina Nabɔnzi balaa baŋhina ani Farisizi balaa baŋhina. Ba maa paa ba fintinazi ni kacheela ani ba dɔŋkuna di ra la.
4Yeesu teŋ zum a maanii di zum wii la maa ban niŋ wa ɛɛu. Awia, banna ba la, u lii di ra chem ba ni di pɛɛzi baa, “Anɛɛ ii ra nyiŋŋi gunnɛi?” 5Ba ŋɔ, “Yeesu Nazarɛf labuu yaa ra nyiŋŋi.” U ŋɔ, “Minuu keŋ,” di Judas sɔsɔgɔ hiŋ la gba chigɔ ba be. 6Yeesu n wa ŋɔ minuu keŋ, ba maa bir la harbɔɔ burumbu di chogli hɛssi. 7U kaa pɛɛzi baa, “Anɛɛ ii ra nyiŋŋi gunnɛi?” Ba kaa ŋɔ, dí Yeesu Nazarɛf labuu ba ra nyiŋŋi. 8Yeesu ŋɔ, “Maa ŋɔwɛɛ lugɔ minuu keŋ? Di minuu ii ra nyiŋŋi, amɔ, ií gil bannii waa ra la.” 9Yeesu n faa ŋɔ u mɛɛ be dí banla maa un tɛu la, bɛl maa waa tawɛɛ la, awiarɛ u ŋɔ guŋ.
10Saimɔn Pitta dɔɔ u tokobi. U pamuu di ŋmɛŋ Kɔraawiizi Kizeehina Maa Nabɔma balii bɛl nodig digni kpɛlli. A baal sɔnnɛ faa Malkus. 11Yeesu ŋɔ Pitta be, “Kpa i tokobi la suu u too. Nii la n Mɛɛ n chɔŋ ŋɔ ń nyɔɔ la, màá nyɔɔuwaa?”
Baŋ kpogli Yeesu la Annas be wia
12Denii soojazi la ni ba nabɔma ni Jus hina balaa la wa lau Yeesu di vɔɔzuu di kpau kaali. 13Kaifas la n faa ɛɛ Kɔraawiizi Kizeehina Maa Nabɔma a saŋa la, u hilabaal benii ba feli kpau la. U sɔnnɛ faa Annas. 14A Kaifas hinnɛ faa ŋɔ Jus hina la be lugɔ a dɛkkɔɔ nɛkpaŋ n lɛɛ nɛkpila siu di siu la.#Jɔɔn 11:50-51
Pitta n luglɛɛ hɔɔ Yeesu wia
(Mat 26:69-70; Maak 14:66-68; Luuk 22:55-57)
15Baŋ kpau ra la la, Saimɔn Pitta ni Yeesu hiŋri bɛl suahzi hiŋ baa ra la. Baŋ wa hel Kɔraawiizi Kizeehina Maa Nabɔma dia, Yeesu hiŋri la n ɛɛ a diahiŋ zunni la, wer hiŋ Yeesu zuu a diŋŋee. 16Ka Pitta ge chi bossee. Awia, Yeesu hiŋri la lii di ga ŋɔ biihambie la n ɛɛ a dia balii di ra binni dominua la be lugɔ ú gil Pitta zuu, ka jaa ga kpogluu zuu diŋŋee. 17A balii jaa pɛɛzi Pitta, “Amɔ, i ge gba ɛɛ a baal hiŋra bɛllɛ gɛɛ?” Pitta hɔɔ ka ŋɔ, “Akai. Maa u hiŋri ɛɛwɛ.” 18Waari ge du de a saŋa. A dia balaa ni Kɔraawiizi Dia balaa nyiŋŋi hɔla di chem niŋ di chi di ra ŋmaani. Pitta gba ba di wa chi ba be di ra ŋmaani niŋ la.
Kɔraawiizi Kizeehina Maa Nabɔma n pɛɛzi Yeesu wia
(Mat 26:59-66; Maak 14:55-64; Luuk 22:66-71)
19Kɔraawiizi Kizeehina Maa Nabɔma jaa ra pɛɛzi Yeesu u hiŋra ni u baglaa la wia. 20Yeesu ŋɔ, “Miŋ ɔɔ faa ra bagli nɛra la, bɔchaannɛ n faa ra bagli baa, nɛr maa ra nuu. Jaamaa diini biini ani Kɔraawiizi Dia biinii n ɔɔ faa ra bagli baa, bɔra la Jus hina n ɔɔ ra chaali la. Maa suahzɛɛ ra bagli wiimaa. 21Awia, bɛɛwiarɛ i kaa ra pɛɛziŋ gunnɛi? Pɛɛzi banla n nuuwɛ, bá baglii gunla miŋ ɔɔ ra bagli baa. Baabuu zum gunla miŋ ɔɔ ra bagli.” 22Yeesu n wa ŋɔ guŋ, Kɔraawiizi Dia balii bɛl n chigɛ u be chɛ u lia di ŋɔ, “Kenne i ŋɔ wia ra tɛɛ Kɔraawiizi Kizeehina Maa Nabɔmaa?” 23Yeesu bir ŋɔ, “Di n ŋɔ wii la maa n waa deŋlee, amɔ, í bagli tɛɛ yaa. Ka di guŋ lɛi, bɛɛ n baani i chɛ n lia gunnɛi?” 24Denii Annas gil ba vɔɔzuu di kpau la Kɔraawiizi Kizeehina Maa Nabɔma Kaifas la be.
Pitta n kaa hɔɔ Yeesu wia
(Mat 26:71-75; Maak 14:69-72; Luuk 22:58-62)
25Baŋ faa ra ɛɛ gunla, di Pitta haa chigɔ di ra ŋmaani niŋ la. Baŋhina pɛɛzuu, “U hiŋri bɛl lɛi hiŋ?” U hɔɔ ka ŋɔ, “U hiŋri lɛi miŋ.”#Jɔɔn 13:38 26Baal la Pitta n ŋmɛŋ u digni kpɛlli la lulli bɛl ɛɛ Kɔraawiizi Kizeehina Maa Nabɔma la balii bɛllɛ. U ge du de di pɛɛzi, “Miŋ faa du daazi bɔr la, mɛɛ nawɛɛ dee?” 27Pitta kaa kuari hɔɔ di ŋɔ, Miŋ lɛi. Uŋ haŋ ŋɔ di waa tuŋ, di zabal wiiwo.
Baŋ kpogli Yeesu ba Pailɔt be wia
(Mat 27:1-2, 11-14; Maak 15:1-5; Luuk 23:1-5)
28Denii ba lii Kaifas ge be di kpa Yeesu la ba hɛri nabɔma seriya diiribɔr di hɔɔ jaa pizi. Awia, Jus hina la waa sɛɛwɛ zuu de dikuu ba naana kii bɛl wia. De zuuirɛ niŋ faa gil bá doŋ. Di ba wa doŋŋo, ba wàá ka wer na bɔr sɔ ba doŋa ha, ka wer di ba Gillikaali diwee la. 29Awia, ba waa sɛɛwɛ ba zuu de ka ba hɛri nabɔma Pailɔt la lii di la ba be bossee di wa pɛɛzi baa, “Beedee widizii u ɛɛ ii ra pɛɛzuu nuai?” 30Ba ge bir pɛɛzuu, “Di u faa waa wichɔgɛɛri ɛɛwɛ, yaa daŋ faa kpau ba i bee?” 31Pailɔt ŋɔ, “Ii himmaa kpau di ga di u seriya ani gunla ii Gbɔg n na bagli.” Jus hina la ŋɔ, “Ba wàá sɛɛ ya wer di nɛr maa siu seriya ka kpuu.” 32Gunnɛ ba ɛɛ ka gunla Yeesu n faa bagli siu la un niŋ siu la wer ɛɛ wibii.#Jɔɔn 3:14; 12:32-33
33Pailɔt kaa zuu u seriya diiri dia di yir Yeesu. U ba u be. U pɛɛzuu, “Hinuu Jus hina koori laa?” 34Yeesu ge pɛɛzuu, “I himmaa nfɛrɛ biinii i pɛɛziŋ guŋ gɛɛ nɛraa baglii n wia gunnɛi?” 35Pailɔt pɛɛzi, “Jus hinuurɛ miŋ? I himmaa nɛra ni ba Kizeehina nabɔnzii kpai ba n be. Bɛɛ wichɔgaarɛ i ɛɛi?” 36Yeesu ŋɔ, “N dɔɔ kora bɛllɛ, ka durnya kossi dee lɛi n kora la. Di u faa ɛɛ durnya kora bɛllɛ, n balaa daŋ faa yoo nɛra la bá gilɛɛ wer lawiŋ di du Jus hina la nonee biini keŋ. Ka n kora naa waa durnya hor ɛɛwɛ.” 37Pailɔt ŋɔ, “Amɔ, koori lɛi hiŋ?” Yeesu ŋɔ, “N ɛɛ koorii. Wibii baglaa wiarɛ ba luliŋ. U wiarɛ n ba durnya ń wer ŋɔ a wibii tɛɛ ia. Nɛr la maa n nɔŋŋi wibii, waabuu nuuwɛ ra tɛŋ.” 38Pailɔt ŋɔ, “Newee daŋ wer zum wibiire naa?”
Ban di Yeesu kpui seriya wia
(Mat 27:15-31; Maak 15:6-20; Luuk 23:13-25)
Uŋ wa ŋɔ guŋ, u bir lii bossee di la Jus hina la be di ga ŋɔ ba be, “Miŋwaa waa wiimaa nawɛɛ ń tɛɛ a baal. 39Ka n ni ia dɔɔ nuukpaŋ bɛllɛ lugɔ minuu niŋ ɔɔ lizi nɛr di lii nɛra tɔi dia, di tɛɛ ia ii Hɔpizizenaa naa biini. Ii ra nyiŋŋuu ń lizi ii Jus hina koori la tɛɛ ia gɛɛ?” 40Ba ra pogzi werge di ra ŋɔ, “Unnii lɛi yaa ra nyiŋŋi. Barabas labuu yaa ra nyiŋŋi i pilli tɛɛ yaa ka gil unniiwaa.” Barabas la ge faa ɛɛ ŋmɛɛnnɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.