Чөлде 21
21
21‑нҗи бап
Ысрайыллар аратлылары ёк эдйәр
1Негеп чөлүндәки Арат галасының кенган ханы ысрайылларың Атарым ёлундан гелйәндигини эшиденде, ол ысрайыллар билен уршуп, оларың бирнәчесини есир алды. 2Шонда ысрайыллар Реббе вада берип: «Эгер хакыкатдан хем бу халкы бизиң элимизе берсең, оларың галаларыны Саңа айры гойландыгы үчин бүтинлей ёк эдерис» дийдилер. 3Реб ысрайыл халкының сесини эшитди ве кенганлары оларың элине берди. Ысрайыллар олары гырып, оларың галаларыны-да бүтинлей ёк этдилер. Шондан соң ол ере Хорма#21:3 Еврейче Хорма ве бүтинлей ёк этдилер диен сөзлериң айдылышы меңзешдир. диен ат галды.
Бүрүнч йылан
4Онсоң ысрайыллар Хор дагындан гөчүп, Эдом юрдуның дашындан айланып өтмек үчин, Гызыл деңзиң ёлы билен гитдилер. Эмма ёлда халк сабырсызлык этди. 5Олар Худайың ве Мусаның гаршысына: «Бизи Мүсүрден чөлде гырылмагымыз үчин алып гайтдыңызмы? Бу ерде не чөрек, не-де сув бар. Бу тагамсыз иймитден-де халыс ирдик» дийдилер. 6Реб муңа җогап эдип, халкың арасына зәхерли йыланлар иберди. Оларың зәхеринден ысрайыллардан көп адам өлди. 7Халк Мусаның янына гелип: «Реббе ве саңа дил етирип, биз гүнә иш этдик. Йыланлары арамыздан айрар ялы, Ребден дилег эт» дийдилер. Муса халк үчин дилег этди. 8Реб Муса: «Бир зәхерли йыланың шекилини яса ве оны узын сырыгың уҗуна беркит. Йылан чакан адам оңа середен бадына сагалар» дийди. 9Онсоң Муса сап бүрүнчден йылан ясап, оны сырыгың уҗуна беркитди. Хер бир йылан чакан адам оңа середен бадына сагалып, дири галарды.
Моваба тарап йөриш
10Ысрайыллар гөчдүлер ве гелип, Оботда дүшледилер. 11Соңра Оботдан гөчүп, Мовабың гүндогарындакы чөллүкде, Ией Абарымда дүшледилер. 12Ол ерден хем Зерет дересине гөчүп бардылар. 13Ол ерден хем гөчүп, Арнон җүлгесиниң аңырсында, аморларың серхединден бәри яйылып ятан чөллүкде дүшледилер. Арнон җүлгеси Мовап билен Аморың арасындан гечйән Мовабың серхеди болуп хызмат эдйәрди. 14-15Шейдип, «Реббиң сөвешлери китабында» Супа үлкесиндәки Вахеп галасы хакында, Арнон дерелериниң япгытлары хакында, Мовабың серхединиң бойы билен Ар галасына ченли яйылян бу дерелериң япгытлары хакында хем ятланыляр.
16Ысрайыллар ол ерден Беере#21:16 Беер – бу сөз гуйы диймеги аңладяр., Реббиң Муса: «Халкы бир ере йыгна, олара сув берҗек» диен гуюсына тарап ёла дүшдүлер. 17Шонда олар шу айдымы айтдылар:
«Сувларың җошсун, эй, гуйы! Мунуң шанына айдым айдалың!
18Патышалык хасасы билен,
солтанлык найзасы билен,
баштутанларың ачды бу гуйыны,
халк шазадалары газды бу гуйыны».
Олар чөллүкден Матана ченли, 19Матанадан Нахалыеле ченли, Нахалыелден Бамота, 20Бамотдан болса чөлүң үстүне абанып дуран Писга дагының депеси билен Мовап топрагында ерлешйән җүлгә ченли гитдилер.
Ысрайыллар Сихон ханының ерлерини эелейәрлер
(Канун таглыматы 2:26–3:11)
21Соңра ысрайыллар аморларың ханы Сихона илчилер ёллап, шейле дийдилер: 22«Бизе юрдуңызың ичинден гечип гитмәге ругсат бер. Биз экинлериң я үзүмчиликлериң ичине совулмарыс я-да гуюларыңыздан сув ичмерис. Биз тә сизиң юрдуңыздан чыкянчак, диңе шаёлдан йөрәрис». 23Эмма Сихон өз юрдуның ичинден гечип гитмәге ысрайыллара ругсат бермеди. Ол бүтин гошуныны йыгнап, ысрайылларың гаршысына чөле чыкды ве Яхаса гелип, олар билен сөвеше гирди. 24Ысрайыллар Сихоны гылычдан гечирип, онуң Арнондан Ябога ченли, тә Аммоның серхедине ченли болан ерлериниң барыны эеледилер. Аммоның серхеди болса гүйчли горалярды. 25Ысрайыллар аморларың галаларының хеммесини басып алдылар. Олар аморларың әхли галаларында, хатда Хешбонда ве онуң әхли обаларында орнашдылар. 26Хешбон галасы аморларың ханы Сихоның пайтагт галасыды. Сихон Мовабың өңки ханы билен уршуп, онуң Арнона ченли болан әхли ерлерини басып алыпды. 27Бу хакда багшылар шейле диййәрлер:
«Хешбона гелиң, гой, ол гурулсын,
гой, Сихон галасы дикелдилсин.
28Чүнки Хешбондан от,
Сихоның галасындан ялын чыкды.
Мовабың Ар галасыны ялын гуршады,
Арнон депелерини-де, ювутды ол.
29Вай, саңа, эй, Мовап!
Сиз хеләк болдуңыз, эй, Кемош#21:29 Кемош – мовапларың худайы. халкы!
Огулларыңыз босгунлара өврүлди,
гызларыңыз амор ханы Сихоның есири болдулар.
30Шейдип, биз олары ер билен егсан этдик.
Хешбондан Дибона барянчак гырылдылар.
Мейдеба узалян Нопа ченли олары ёк этдик».
31Шунлукда, ысрайыллар аморларың юрдунда орнашдылар. 32Муса Язер галасыны гөзден гечирмек үчин, ичалылар угратды. Соңра ысрайыллар онуң төверегиндәки обалары басып алдылар ве ол ердәки аморлары ковуп чыкардылар.
Ысрайыллар Ог ханың юрдуны эелейәрлер
33Соңра ысрайыллар Башан юрдуна тарап ёлуны довам этдирдилер. Башан ханы Ог ысрайыллар билен сөвешмек үчин, Эдрей галасында әхли уршуҗылары билен оларың гаршысына чыкды. 34Реб Муса: «Мен Огы, онуң әхли халкыны ве юрдуны сениң элиңе бердим. Ондан горкма. Хешбонда ханлык сүрен амор ханы Сихоны ёк эдишиң ялы, Огы хем ёк эт» дийди. 35Ысрайыллар Огы, онуң огулларыны ве бүтин гошуныны екеҗе адам гойман гырып, онуң юрдуны эеледилер.
Currently Selected:
Чөлде 21: TukCyr16
Highlight
Copy
Compare
Share
Want to have your highlights saved across all your devices? Sign up or sign in
© Мукаддес Китап Терҗиме Институты, 2016
Чөлде 21
21
21‑нҗи бап
Ысрайыллар аратлылары ёк эдйәр
1Негеп чөлүндәки Арат галасының кенган ханы ысрайылларың Атарым ёлундан гелйәндигини эшиденде, ол ысрайыллар билен уршуп, оларың бирнәчесини есир алды. 2Шонда ысрайыллар Реббе вада берип: «Эгер хакыкатдан хем бу халкы бизиң элимизе берсең, оларың галаларыны Саңа айры гойландыгы үчин бүтинлей ёк эдерис» дийдилер. 3Реб ысрайыл халкының сесини эшитди ве кенганлары оларың элине берди. Ысрайыллар олары гырып, оларың галаларыны-да бүтинлей ёк этдилер. Шондан соң ол ере Хорма#21:3 Еврейче Хорма ве бүтинлей ёк этдилер диен сөзлериң айдылышы меңзешдир. диен ат галды.
Бүрүнч йылан
4Онсоң ысрайыллар Хор дагындан гөчүп, Эдом юрдуның дашындан айланып өтмек үчин, Гызыл деңзиң ёлы билен гитдилер. Эмма ёлда халк сабырсызлык этди. 5Олар Худайың ве Мусаның гаршысына: «Бизи Мүсүрден чөлде гырылмагымыз үчин алып гайтдыңызмы? Бу ерде не чөрек, не-де сув бар. Бу тагамсыз иймитден-де халыс ирдик» дийдилер. 6Реб муңа җогап эдип, халкың арасына зәхерли йыланлар иберди. Оларың зәхеринден ысрайыллардан көп адам өлди. 7Халк Мусаның янына гелип: «Реббе ве саңа дил етирип, биз гүнә иш этдик. Йыланлары арамыздан айрар ялы, Ребден дилег эт» дийдилер. Муса халк үчин дилег этди. 8Реб Муса: «Бир зәхерли йыланың шекилини яса ве оны узын сырыгың уҗуна беркит. Йылан чакан адам оңа середен бадына сагалар» дийди. 9Онсоң Муса сап бүрүнчден йылан ясап, оны сырыгың уҗуна беркитди. Хер бир йылан чакан адам оңа середен бадына сагалып, дири галарды.
Моваба тарап йөриш
10Ысрайыллар гөчдүлер ве гелип, Оботда дүшледилер. 11Соңра Оботдан гөчүп, Мовабың гүндогарындакы чөллүкде, Ией Абарымда дүшледилер. 12Ол ерден хем Зерет дересине гөчүп бардылар. 13Ол ерден хем гөчүп, Арнон җүлгесиниң аңырсында, аморларың серхединден бәри яйылып ятан чөллүкде дүшледилер. Арнон җүлгеси Мовап билен Аморың арасындан гечйән Мовабың серхеди болуп хызмат эдйәрди. 14-15Шейдип, «Реббиң сөвешлери китабында» Супа үлкесиндәки Вахеп галасы хакында, Арнон дерелериниң япгытлары хакында, Мовабың серхединиң бойы билен Ар галасына ченли яйылян бу дерелериң япгытлары хакында хем ятланыляр.
16Ысрайыллар ол ерден Беере#21:16 Беер – бу сөз гуйы диймеги аңладяр., Реббиң Муса: «Халкы бир ере йыгна, олара сув берҗек» диен гуюсына тарап ёла дүшдүлер. 17Шонда олар шу айдымы айтдылар:
«Сувларың җошсун, эй, гуйы! Мунуң шанына айдым айдалың!
18Патышалык хасасы билен,
солтанлык найзасы билен,
баштутанларың ачды бу гуйыны,
халк шазадалары газды бу гуйыны».
Олар чөллүкден Матана ченли, 19Матанадан Нахалыеле ченли, Нахалыелден Бамота, 20Бамотдан болса чөлүң үстүне абанып дуран Писга дагының депеси билен Мовап топрагында ерлешйән җүлгә ченли гитдилер.
Ысрайыллар Сихон ханының ерлерини эелейәрлер
(Канун таглыматы 2:26–3:11)
21Соңра ысрайыллар аморларың ханы Сихона илчилер ёллап, шейле дийдилер: 22«Бизе юрдуңызың ичинден гечип гитмәге ругсат бер. Биз экинлериң я үзүмчиликлериң ичине совулмарыс я-да гуюларыңыздан сув ичмерис. Биз тә сизиң юрдуңыздан чыкянчак, диңе шаёлдан йөрәрис». 23Эмма Сихон өз юрдуның ичинден гечип гитмәге ысрайыллара ругсат бермеди. Ол бүтин гошуныны йыгнап, ысрайылларың гаршысына чөле чыкды ве Яхаса гелип, олар билен сөвеше гирди. 24Ысрайыллар Сихоны гылычдан гечирип, онуң Арнондан Ябога ченли, тә Аммоның серхедине ченли болан ерлериниң барыны эеледилер. Аммоның серхеди болса гүйчли горалярды. 25Ысрайыллар аморларың галаларының хеммесини басып алдылар. Олар аморларың әхли галаларында, хатда Хешбонда ве онуң әхли обаларында орнашдылар. 26Хешбон галасы аморларың ханы Сихоның пайтагт галасыды. Сихон Мовабың өңки ханы билен уршуп, онуң Арнона ченли болан әхли ерлерини басып алыпды. 27Бу хакда багшылар шейле диййәрлер:
«Хешбона гелиң, гой, ол гурулсын,
гой, Сихон галасы дикелдилсин.
28Чүнки Хешбондан от,
Сихоның галасындан ялын чыкды.
Мовабың Ар галасыны ялын гуршады,
Арнон депелерини-де, ювутды ол.
29Вай, саңа, эй, Мовап!
Сиз хеләк болдуңыз, эй, Кемош#21:29 Кемош – мовапларың худайы. халкы!
Огулларыңыз босгунлара өврүлди,
гызларыңыз амор ханы Сихоның есири болдулар.
30Шейдип, биз олары ер билен егсан этдик.
Хешбондан Дибона барянчак гырылдылар.
Мейдеба узалян Нопа ченли олары ёк этдик».
31Шунлукда, ысрайыллар аморларың юрдунда орнашдылар. 32Муса Язер галасыны гөзден гечирмек үчин, ичалылар угратды. Соңра ысрайыллар онуң төверегиндәки обалары басып алдылар ве ол ердәки аморлары ковуп чыкардылар.
Ысрайыллар Ог ханың юрдуны эелейәрлер
33Соңра ысрайыллар Башан юрдуна тарап ёлуны довам этдирдилер. Башан ханы Ог ысрайыллар билен сөвешмек үчин, Эдрей галасында әхли уршуҗылары билен оларың гаршысына чыкды. 34Реб Муса: «Мен Огы, онуң әхли халкыны ве юрдуны сениң элиңе бердим. Ондан горкма. Хешбонда ханлык сүрен амор ханы Сихоны ёк эдишиң ялы, Огы хем ёк эт» дийди. 35Ысрайыллар Огы, онуң огулларыны ве бүтин гошуныны екеҗе адам гойман гырып, онуң юрдуны эеледилер.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Мукаддес Китап Терҗиме Институты, 2016