Левилер Гириш
Гириш
Левилер китабында Худайың Муса пыгамбере берен канунлары ве табшырыклары беян эдилйәр. Китап леви тиресинден болан адамларың хатырасына Левилер дийип атландырыляр. Левилер мукаддес чадырда Реббиң айратын хызматкәрлеридилер. Руханылар хем өз аслы боюнча леви тиресиндендирлер. Китапда эсасан-да руханыларың ве бейлеки левилериң борчлары беян эдилйәр. Олар гурбанлыклар, Худая садакалар ве Гүнәден сапланма гүни ялы дини байрамлары гечирйәрлер (16:1-34, 23:26-32). Ислендик гүнә: агыр гүнә, еңил гүнә – тапавуды ёк, мукаддес өйи мурдар эдип билйәрди. Шонуң үчин-де, гүнәден сапланмак үчин берилйән гурбанлыклар дүрли-дүрлүди. Оларың бары бу китапда җикме-җик беян эдилйәр. Бу гурбанлыклар адамлары Худай билен ярашдырмага ярдам эдйәрди. Шейле хем Левилер китабы халал ве харам мал, эгин-эшик үчин уланылмалы маталар, гарыплар барада эдилмели алада хакындакы канунлардан ыбаратдыр.
Китапда хер кырк докуз йылдан бир йылы байрам этмек барада гүррүң эдилйәр. Шол йыл ер башкы эесине гайтарылып берилмелиди (25:8-17). Хер единҗи йыл топрага дынч бермек үчин, ер экишсиз галдырылмалыды (25:1-6). Ер хакындакы канунлар гаты ваҗыпды, чүнки ер аслында Худайыңкы болуп, хоҗалыкларың ве тутуш җемгыетиң ыкдысады эсасыды.
Китабың көп бөлеги канунлардан ыбаратдыр. Бейлеки бөлүмлерде халк ве руханылар Худайың гөркезмелерине гулак асанда я-да рет эденде, олара нәме боляндыгы беян эдилйәр. Худай Өзүне гаршы баш гөтеренлери дессине җезаландырып, Өзүне гулак асанлара болса шу ваданы берди:
«Мен сизиң араңызда болуп, сизиң Худайыңыз боларын, сизем Мениң халкым боларсыңыз. Мүсүрлилериң гулы болуп галмасынлар дийип, сизи Мүсүрден алып чыкан Худайыңыз Реб Мендирин. Сизи оларың элинден азат эдип, башыңызы дик тутдурып йөреден Мендирин».
26:12-13
Мазмуны
Садакалар ве гурбанлыклар барадакы канунлар 1:1–7:38
Харуның ве онуң огулларының руханылыга беллениши 8:1–10:20
Халаллык ве харамлык барадакы канунлар 11:1–15:33
Гүнәден сапланма гүни 16:1-34
Дурмушда ве Худая сежде этмекде мукаддес болмак
барадакы канунлар 17:1–27:34
Дүрли меселелер барадакы канунлар 17:1–20:27
Руханылар үчин дүзгүнлер 21:1–22:33
Дини байрамлар үчин гөркезмелер 23:1–25:55
Ялканышлар ве җезалар 26:1-46
Реббе вадалар ве гурбанлыклар барадакы канунлар 27:1-34
Currently Selected:
Левилер Гириш: TukCyr16
Highlight
Copy
Compare
Share
Want to have your highlights saved across all your devices? Sign up or sign in
© Мукаддес Китап Терҗиме Институты, 2016