A̱romawa 14
14
Á̱niet Khwi ba̱ yok Bat Á̱ghyang mba A̱bun bah
1Á̱niet khwi ba̱ but mi̱ fwuo ku Kristi shim mba ndyo ba̱ nyia̱ nkyang njhyang a̱ni,#14:1 Lyuut cha̱chaat: “Ba̱ byia̱ chet di̱ nwuak fwuo bah.” nyi san mbaa. A̱wot nyi yok ya fwuang ma̱ng a̱mba di̱ kyang nang ba̱ dam ku yet a̱tan ku hu yet a̱ka̱tuk a̱ni bah.
2Kidee, a̱tyu khwi a̱ghyang nwuak a̱chuchuk nang á̱ nshim gu ya kuzang tangka̱i kyayak. A̱wot a̱tyu khwi a̱ghyang but mi̱ fwuo ku nang á̱ nshim gu ndyo a̱ ya kuzang tangka̱i kyayak a̱ni. Mat a̱nia, a̱ ni̱ ya kwon hwa ma̱nyin hu.#14:2 Lyuut cha̱chaat: “A̱tyu nyiung nwuak a̱chuchuk a̱ na ya kuzang kyang, a̱tyu a̱ byia̱ chet a̱ni bah, a̱ ni̱ ya kwon hwa ma̱nyin hu.” 3A̱tyu khwi a̱ ni̱ ya kuzang tangka̱i kyayak a̱ni, gu yok jhyuai a̱tyu a̱ nwai ya kuzang tangka̱i kyayak a̱ni bah. Ma a̱nia wa, a̱tyu a̱ ni̱ ya tangka̱i kyayak nyiung ma̱nyin hu a̱ni, gu yok bat a̱tyu a̱ ya kuzang tangka̱i kyayak a̱ni a̱bun bah.#14:3 Lyuut cha̱chaat: “A̱tyu a̱ ya nkyang a̱ni, gu yok jhyuai a̱tyu a̱ nwai ya a̱ni bah. A̱wot a̱tyu a̱ ni̱ ya a̱ni bah, gu yok nyia̱ a̱tyu a̱ ya a̱ni shi̱ri̱ya bah.” Mat A̱gwaza wa ka̱n san tangka̱i a̱tyu a̱wa.
4Nwan wa yet a̱nyan nang a mbat a̱khwo a̱yin a̱bun? Ma̱ a̱tyoli nggu wu wa ma̱nyin nggu na bat gu a̱bun wu. Nggu wa na mak a̱ lii ka̱ a̱khwo nggu wu nyia̱ a̱tan ku a̱ nyia̱ a̱ka̱tuk#14:4a Lyuut cha̱chaat: “Ba̱ yong ku ba̱ kwa.”. A̱wot A̱gwaza na beang nggu, gu yong di̱ sang a̱bun nggu hu.#14:4b Lyuut cha̱chaat: “A̱wot A̱gwaza tyia̱ gu yong mi̱ chet.”
5Ma a̱nia wa, á̱ghyang á̱niet dam mam ghyang yet a̱za̱za̱rak a̱ swak ghyang. A̱wot á̱ghyang á̱niet si̱ dam kuzang mam tai ghyang. Ku myim konyan ma̱ nyin a̱ gbang a̱lyia̱ a̱ nwuak a̱chuchuk nang kuzang mam yet mam ku myim á̱ nkwok ntong a̱zaghyi A̱gwaza a̱ni. 6Á̱niet ba ba̱ kwok ntong a̱zaghyi A̱gwaza da̱ a̱tsatsak mam a̱ni, ba̱ nyia̱ a̱nia da̱nian ba̱ ka nwuak A̱gwaza shi hwa. Á̱niet ba̱ ya kuzang tangka̱i nkyayak a̱ni, ba̱ ni̱ ya nhu da̱nian ba̱ ka nwuak A̱gwaza wu shi hwa; mat si̱sak nang ba̱ ni̱ ngwai A̱gwaza, ba̱ sii du ya kyayak hu a̱ni. Ma a̱nia wa, á̱niet ba̱ laai nkyayak njhyang a̱ni, mba meang ba̱ ni̱ chat ba̱ gwai A̱gwaza, a̱wot gu fa̱k nyinyang mba.
7Mat a̱mgba̱m nzi̱t, zi̱ swuan da̱nian fa̱k nyinyang á̱pyia̱ nzi̱t hwa bah. Da̱ nzi̱t, zi̱ kwi da̱nian á̱pyia̱ nzi̱t kya bah. 8Ki̱ zi̱ swuan, zi̱ swuan da̱nian zi̱ ka nwuak A̱gwaza wa shi. A̱wot ki̱ zi̱ kwi, zi̱ kwi da̱nian zi̱ ka nwuak A̱gwaza wa shi. Mat a̱nia, ku zi̱ swuan wa, ku zi̱ kwi wa, zi̱ yet á̱niet A̱gwaza bya. 9Huhwa mbyia̱ nang Kristi ku nkhwu, a̱wot a̱ si̱ bu doot ma̱ng swuan ma̱ á̱niet ba̱ ka̱n kwi a̱ni; da̱nian a̱ ka yet A̱tyoli á̱niet nswuan ma̱ng á̱niet ba̱ ka̱n kwi a̱ni.
10Mat a̱nia, yihwa mbyia̱ nang a mbat a̱tyu khwi a̱ghyang a̱bun wu? A̱wot nwan meang, yihwa mbyia̱ nang a njhyuai a̱tyu khwi a̱ghyang? Nyi yok bwung bah. A̱gwaza wa na tak ka̱ zi̱ nyia̱ a̱tan ku a̱ka̱tuk mi̱ nkyang nani, di̱n jen nang zi̱ bye ngyong a̱zaghyi a̱gba̱ndang chuk tyok nang A̱gwaza na nnyia̱ nzi̱t shi̱ri̱ya ji a̱ni#14:10 2A̱ko 5:10.. 11Ma̱nang á̱ ndyuut ma̱ A̱lyiat A̱gwaza na nyia̱,
“A̱gwaza tak nyia̱, ‘A̱tsak a̱lyiat,
nang n shya̱ a̱chet a̱ni,
konyan na kpaat a̱khwukhwut a̱zaghyi nung.
A̱wot konyan bu na shim ma̱ng a̱nu nggu ka,
a̱wot a̱ bu dyep A̱gwaza.’ ”#14:11 Ish 29:18; 45:23.
12A̱tsak a̱lyiat, konyan ma̱ nzi̱t na fang nkyang nang gu nyia̱ a̱ni a̱zaghyi A̱gwaza.
Á̱niet Khwi ba̱ yok Tyei Á̱ghyang mba A̱kwa bah
13Mat a̱nia, nyi yok bat á̱ghyang nyin a̱bun bah. Da̱ a̱kwonu a̱kya, nyi kwan nyi swan di̱ si̱sak nang nyi na nnwai yet jat nang a̱tyu khwi a̱ghyang na nyia̱ a̱ka̱tuk nyia̱ a̱ni#14:13 Wa̱i a̱lyiat: Jat nang a̱tyu khwi a̱ghyang na nyia̱ a̱ka̱tuk nyia̱ a̱ni fa, jen nang a̱tyu khwi mbut mi̱ fwuo ku nang á̱ nshim gu ndyo a̱ nyia̱ kuzang nkyang a̱ni, a̱ li a̱tyu khwi a̱ghyang nyia̱ kyang nang á̱ shim nggu ndyo a̱ni bah, a̱wot a̱ si̱ maat a̱tyu khwi a̱wa. Si̱ a̱hwa yet “jat” ku “a̱kwa” da̱ a̱vwuo nggu..
14N dyen, n si̱ bu nwuak a̱chuchuk di̱ tyok A̱tyoli Yesu, nang á̱ mbyia̱ tangka̱i kyayak nang á̱ na ya ku yet a̱ka̱tuk ma̱ a̱pyia̱ nhu a̱ni bah. A̱wot ki̱ a̱yin ma nwuak a̱chuchuk nyia̱ tangka̱i kyayak nang gu na ya a̱ni yet a̱ka̱tuk, a̱wot da̱ a̱vwuo a̱tyu a̱kya, kyayak hu yet a̱ka̱tuk wa. 15A̱wot ki̱ kyayak nang a na ya a̱ni na tyia̱ a̱tyu khwi a̱ghyang a̱ ga̱u a̱ but mi̱ fwuo, a tak nang a nchat gu bah. Mat a̱nia, yok shim tangka̱i kyayak nang a na ya, nang a̱tyu khwi a̱ghyang kyiak á̱ nwai ya a̱ni, ku tyia̱ a̱tyu khwi nang Kristi khwu da̱nian nggu a̱ni, a̱ kwa bah. 16Yok shim á̱ bat ang a̱bun di̱ kyang nang a nwuan ku yet a̱tan a̱ni bah.
17Mat Tyok A̱gwaza hu yet a̱lyiat tazwa kyayak nang á̱ na ya ma̱ng swuo hwa a̱ni bah. Da̱ a̱kwonu a̱kya, ku yet tsotswat nswat, swat nyinyang ma̱ng á̱ghyang, ma̱ng a̱lyia̱ sai mami A̱za̱za̱rak Ntswa. 18Ki̱ a nyia̱ Kristi ta̱m ma̱ng tangka̱i za̱kwa huni, a na tyia̱ A̱gwaza a̱ fa̱k nyinyang ang. A̱wot á̱ghyang á̱niet na shim kyang nang a nyia̱ a̱ni.
19Mat a̱nia, ku yet ta hwa kuzang jen zi̱ kwan zi̱ nyia̱ nkyang na̱ na tyia̱ nzi̱t á̱niet khwi ba swat nyinyang ma̱ng á̱ghyang. A̱wot na̱ bu beang zi̱t zi̱ tyia̱ á̱ghyang nzi̱t, zi̱ tat á̱ghyi di̱ mun á̱pyia̱ nzi̱t ma̱ng Kristi.
20Yok bi̱ri̱m ta̱m nang A̱gwaza ka̱n nyia̱ mi̱ nfwuo á̱niet khwi á̱ghyang, mat ya kuzang tangka̱i kyayak nang ba̱ nwai ya a̱ni bah. Kuzang tangka̱i kyayak nang á̱ ya a̱ni, yet a̱za̱za̱rak wa. A̱wot ka̱ a ya kyayak ku na tyia̱ a̱tyu khwi a̱ghyang a̱ ma ngya a̱ kwa, ku na tyia̱ fwuo nggu hu ku kpaat gu a̱ni; ku na yet a̱ka̱tuk wa. 21Ku na yet a̱sham a yok ya kuzang tangka̱i nam, ku a swuo a̱kan, ku kuzang tangka̱i kyayak ku na tyia̱ a̱tyu khwi a̱ghyang a̱ kwa di̱ nyia̱ kyang nang fwuo nggu hu kpaat gu a̱ni. 22Shimba, a nwuak a̱chuchuk nyia̱ da̱ a li kyang ku yet a̱ka̱tuk mi̱ ntangka̱i nkyang nang a nyia̱ a̱ni bah. Si̱ a̱hwa bwat ang ma̱ng A̱gwaza. A̱gwaza fwuong nyinyang á̱niet ba̱ khai ba̱ nyia̱ kyang nang ba̱ lyen ku yet a̱tan nang nfwuo mba na nwai nkpaat ba a̱ni.
23A̱wot a̱tyu a̱ but mi̱ fwuo di̱ kuzang tangka̱i kyayak nang á̱ shim gu ya a̱ni, a̱wot a̱mgba̱m ma̱ng a̱nia, a̱ si̱ ya a̱son di̱ ya nhu; á̱ na nyia̱ nggu shi̱ri̱ya. Mat a̱tyu a̱wa nyia̱ kyang nang gu nwuak a̱chuchuk ku yet a̱tan a̱ni bah. A̱wot jen nang a̱yin nnyia̱ kyang nang gu but mi̱ fwuo ku yet a̱tan a̱zaghyi A̱gwaza a̱ni, a̱ nyia̱ a̱ka̱tuk nyia̱ wa.
Currently Selected:
A̱romawa 14: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
A̱romawa 14
14
Á̱niet Khwi ba̱ yok Bat Á̱ghyang mba A̱bun bah
1Á̱niet khwi ba̱ but mi̱ fwuo ku Kristi shim mba ndyo ba̱ nyia̱ nkyang njhyang a̱ni,#14:1 Lyuut cha̱chaat: “Ba̱ byia̱ chet di̱ nwuak fwuo bah.” nyi san mbaa. A̱wot nyi yok ya fwuang ma̱ng a̱mba di̱ kyang nang ba̱ dam ku yet a̱tan ku hu yet a̱ka̱tuk a̱ni bah.
2Kidee, a̱tyu khwi a̱ghyang nwuak a̱chuchuk nang á̱ nshim gu ya kuzang tangka̱i kyayak. A̱wot a̱tyu khwi a̱ghyang but mi̱ fwuo ku nang á̱ nshim gu ndyo a̱ ya kuzang tangka̱i kyayak a̱ni. Mat a̱nia, a̱ ni̱ ya kwon hwa ma̱nyin hu.#14:2 Lyuut cha̱chaat: “A̱tyu nyiung nwuak a̱chuchuk a̱ na ya kuzang kyang, a̱tyu a̱ byia̱ chet a̱ni bah, a̱ ni̱ ya kwon hwa ma̱nyin hu.” 3A̱tyu khwi a̱ ni̱ ya kuzang tangka̱i kyayak a̱ni, gu yok jhyuai a̱tyu a̱ nwai ya kuzang tangka̱i kyayak a̱ni bah. Ma a̱nia wa, a̱tyu a̱ ni̱ ya tangka̱i kyayak nyiung ma̱nyin hu a̱ni, gu yok bat a̱tyu a̱ ya kuzang tangka̱i kyayak a̱ni a̱bun bah.#14:3 Lyuut cha̱chaat: “A̱tyu a̱ ya nkyang a̱ni, gu yok jhyuai a̱tyu a̱ nwai ya a̱ni bah. A̱wot a̱tyu a̱ ni̱ ya a̱ni bah, gu yok nyia̱ a̱tyu a̱ ya a̱ni shi̱ri̱ya bah.” Mat A̱gwaza wa ka̱n san tangka̱i a̱tyu a̱wa.
4Nwan wa yet a̱nyan nang a mbat a̱khwo a̱yin a̱bun? Ma̱ a̱tyoli nggu wu wa ma̱nyin nggu na bat gu a̱bun wu. Nggu wa na mak a̱ lii ka̱ a̱khwo nggu wu nyia̱ a̱tan ku a̱ nyia̱ a̱ka̱tuk#14:4a Lyuut cha̱chaat: “Ba̱ yong ku ba̱ kwa.”. A̱wot A̱gwaza na beang nggu, gu yong di̱ sang a̱bun nggu hu.#14:4b Lyuut cha̱chaat: “A̱wot A̱gwaza tyia̱ gu yong mi̱ chet.”
5Ma a̱nia wa, á̱ghyang á̱niet dam mam ghyang yet a̱za̱za̱rak a̱ swak ghyang. A̱wot á̱ghyang á̱niet si̱ dam kuzang mam tai ghyang. Ku myim konyan ma̱ nyin a̱ gbang a̱lyia̱ a̱ nwuak a̱chuchuk nang kuzang mam yet mam ku myim á̱ nkwok ntong a̱zaghyi A̱gwaza a̱ni. 6Á̱niet ba ba̱ kwok ntong a̱zaghyi A̱gwaza da̱ a̱tsatsak mam a̱ni, ba̱ nyia̱ a̱nia da̱nian ba̱ ka nwuak A̱gwaza shi hwa. Á̱niet ba̱ ya kuzang tangka̱i nkyayak a̱ni, ba̱ ni̱ ya nhu da̱nian ba̱ ka nwuak A̱gwaza wu shi hwa; mat si̱sak nang ba̱ ni̱ ngwai A̱gwaza, ba̱ sii du ya kyayak hu a̱ni. Ma a̱nia wa, á̱niet ba̱ laai nkyayak njhyang a̱ni, mba meang ba̱ ni̱ chat ba̱ gwai A̱gwaza, a̱wot gu fa̱k nyinyang mba.
7Mat a̱mgba̱m nzi̱t, zi̱ swuan da̱nian fa̱k nyinyang á̱pyia̱ nzi̱t hwa bah. Da̱ nzi̱t, zi̱ kwi da̱nian á̱pyia̱ nzi̱t kya bah. 8Ki̱ zi̱ swuan, zi̱ swuan da̱nian zi̱ ka nwuak A̱gwaza wa shi. A̱wot ki̱ zi̱ kwi, zi̱ kwi da̱nian zi̱ ka nwuak A̱gwaza wa shi. Mat a̱nia, ku zi̱ swuan wa, ku zi̱ kwi wa, zi̱ yet á̱niet A̱gwaza bya. 9Huhwa mbyia̱ nang Kristi ku nkhwu, a̱wot a̱ si̱ bu doot ma̱ng swuan ma̱ á̱niet ba̱ ka̱n kwi a̱ni; da̱nian a̱ ka yet A̱tyoli á̱niet nswuan ma̱ng á̱niet ba̱ ka̱n kwi a̱ni.
10Mat a̱nia, yihwa mbyia̱ nang a mbat a̱tyu khwi a̱ghyang a̱bun wu? A̱wot nwan meang, yihwa mbyia̱ nang a njhyuai a̱tyu khwi a̱ghyang? Nyi yok bwung bah. A̱gwaza wa na tak ka̱ zi̱ nyia̱ a̱tan ku a̱ka̱tuk mi̱ nkyang nani, di̱n jen nang zi̱ bye ngyong a̱zaghyi a̱gba̱ndang chuk tyok nang A̱gwaza na nnyia̱ nzi̱t shi̱ri̱ya ji a̱ni#14:10 2A̱ko 5:10.. 11Ma̱nang á̱ ndyuut ma̱ A̱lyiat A̱gwaza na nyia̱,
“A̱gwaza tak nyia̱, ‘A̱tsak a̱lyiat,
nang n shya̱ a̱chet a̱ni,
konyan na kpaat a̱khwukhwut a̱zaghyi nung.
A̱wot konyan bu na shim ma̱ng a̱nu nggu ka,
a̱wot a̱ bu dyep A̱gwaza.’ ”#14:11 Ish 29:18; 45:23.
12A̱tsak a̱lyiat, konyan ma̱ nzi̱t na fang nkyang nang gu nyia̱ a̱ni a̱zaghyi A̱gwaza.
Á̱niet Khwi ba̱ yok Tyei Á̱ghyang mba A̱kwa bah
13Mat a̱nia, nyi yok bat á̱ghyang nyin a̱bun bah. Da̱ a̱kwonu a̱kya, nyi kwan nyi swan di̱ si̱sak nang nyi na nnwai yet jat nang a̱tyu khwi a̱ghyang na nyia̱ a̱ka̱tuk nyia̱ a̱ni#14:13 Wa̱i a̱lyiat: Jat nang a̱tyu khwi a̱ghyang na nyia̱ a̱ka̱tuk nyia̱ a̱ni fa, jen nang a̱tyu khwi mbut mi̱ fwuo ku nang á̱ nshim gu ndyo a̱ nyia̱ kuzang nkyang a̱ni, a̱ li a̱tyu khwi a̱ghyang nyia̱ kyang nang á̱ shim nggu ndyo a̱ni bah, a̱wot a̱ si̱ maat a̱tyu khwi a̱wa. Si̱ a̱hwa yet “jat” ku “a̱kwa” da̱ a̱vwuo nggu..
14N dyen, n si̱ bu nwuak a̱chuchuk di̱ tyok A̱tyoli Yesu, nang á̱ mbyia̱ tangka̱i kyayak nang á̱ na ya ku yet a̱ka̱tuk ma̱ a̱pyia̱ nhu a̱ni bah. A̱wot ki̱ a̱yin ma nwuak a̱chuchuk nyia̱ tangka̱i kyayak nang gu na ya a̱ni yet a̱ka̱tuk, a̱wot da̱ a̱vwuo a̱tyu a̱kya, kyayak hu yet a̱ka̱tuk wa. 15A̱wot ki̱ kyayak nang a na ya a̱ni na tyia̱ a̱tyu khwi a̱ghyang a̱ ga̱u a̱ but mi̱ fwuo, a tak nang a nchat gu bah. Mat a̱nia, yok shim tangka̱i kyayak nang a na ya, nang a̱tyu khwi a̱ghyang kyiak á̱ nwai ya a̱ni, ku tyia̱ a̱tyu khwi nang Kristi khwu da̱nian nggu a̱ni, a̱ kwa bah. 16Yok shim á̱ bat ang a̱bun di̱ kyang nang a nwuan ku yet a̱tan a̱ni bah.
17Mat Tyok A̱gwaza hu yet a̱lyiat tazwa kyayak nang á̱ na ya ma̱ng swuo hwa a̱ni bah. Da̱ a̱kwonu a̱kya, ku yet tsotswat nswat, swat nyinyang ma̱ng á̱ghyang, ma̱ng a̱lyia̱ sai mami A̱za̱za̱rak Ntswa. 18Ki̱ a nyia̱ Kristi ta̱m ma̱ng tangka̱i za̱kwa huni, a na tyia̱ A̱gwaza a̱ fa̱k nyinyang ang. A̱wot á̱ghyang á̱niet na shim kyang nang a nyia̱ a̱ni.
19Mat a̱nia, ku yet ta hwa kuzang jen zi̱ kwan zi̱ nyia̱ nkyang na̱ na tyia̱ nzi̱t á̱niet khwi ba swat nyinyang ma̱ng á̱ghyang. A̱wot na̱ bu beang zi̱t zi̱ tyia̱ á̱ghyang nzi̱t, zi̱ tat á̱ghyi di̱ mun á̱pyia̱ nzi̱t ma̱ng Kristi.
20Yok bi̱ri̱m ta̱m nang A̱gwaza ka̱n nyia̱ mi̱ nfwuo á̱niet khwi á̱ghyang, mat ya kuzang tangka̱i kyayak nang ba̱ nwai ya a̱ni bah. Kuzang tangka̱i kyayak nang á̱ ya a̱ni, yet a̱za̱za̱rak wa. A̱wot ka̱ a ya kyayak ku na tyia̱ a̱tyu khwi a̱ghyang a̱ ma ngya a̱ kwa, ku na tyia̱ fwuo nggu hu ku kpaat gu a̱ni; ku na yet a̱ka̱tuk wa. 21Ku na yet a̱sham a yok ya kuzang tangka̱i nam, ku a swuo a̱kan, ku kuzang tangka̱i kyayak ku na tyia̱ a̱tyu khwi a̱ghyang a̱ kwa di̱ nyia̱ kyang nang fwuo nggu hu kpaat gu a̱ni. 22Shimba, a nwuak a̱chuchuk nyia̱ da̱ a li kyang ku yet a̱ka̱tuk mi̱ ntangka̱i nkyang nang a nyia̱ a̱ni bah. Si̱ a̱hwa bwat ang ma̱ng A̱gwaza. A̱gwaza fwuong nyinyang á̱niet ba̱ khai ba̱ nyia̱ kyang nang ba̱ lyen ku yet a̱tan nang nfwuo mba na nwai nkpaat ba a̱ni.
23A̱wot a̱tyu a̱ but mi̱ fwuo di̱ kuzang tangka̱i kyayak nang á̱ shim gu ya a̱ni, a̱wot a̱mgba̱m ma̱ng a̱nia, a̱ si̱ ya a̱son di̱ ya nhu; á̱ na nyia̱ nggu shi̱ri̱ya. Mat a̱tyu a̱wa nyia̱ kyang nang gu nwuak a̱chuchuk ku yet a̱tan a̱ni bah. A̱wot jen nang a̱yin nnyia̱ kyang nang gu but mi̱ fwuo ku yet a̱tan a̱zaghyi A̱gwaza a̱ni, a̱ nyia̱ a̱ka̱tuk nyia̱ wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.