Nta̱m A̱yaata̱m 28
28
Bulut nat A̱byin A̱ka̱wa̱tyia̱ A̱sa̱khwot nang á̱ Ngyei Ma̱lita a̱ni
1Ma̱nang zi̱ nshot, zi̱ si̱ byia̱k nat di̱ khwong hu a̱ni, zi̱ si̱ fi̱k nang zi̱ nshya̱ ma̱ a̱byin a̱ka̱wa̱tyia̱ a̱sa̱khwot nang á̱ ngyei Ma̱lita a̱ni. 2Á̱niet Ma̱lita ba, ku nyia̱ nzi̱t shok ba̱t. A̱wot ba̱ si̱ san nzi̱t mbwak nfeang. Ba̱ si̱ kai nzi̱t long mi̱ khwong hu, mat za ku va, a̱wot a̱vwuo ka si̱ shi̱ri̱m.
3Nang Bulut ntung a̱ya̱yaat nkyang a̱ na ntyia̱ mi̱ ndong hu a̱ni, a̱jawa tsuup a̱byin si̱ fa̱k hyaat ndong hu, zi̱ si̱ map Bulut di̱ mbwak! 4Nang á̱niet Ma̱lita ba ndi zwak ji, ji̱ lya̱u di̱ mbwak Bulut hu a̱ni, ba̱ si̱ shei ma̱ng á̱ghyang mba nyia̱, “A̱tyu wuni yet a̱tyu hyaai á̱niet wa za̱m! Byi̱ri̱ng ma̱ng shot a̱khwu nggu hu mi̱ kyai a̱sa̱khwot hu, nyi li! A̱gwaza a̱ Teang A̱ka̱tuk#28:4 Lyuut cha̱chaat: “A̱chuchuk wu.” nzi̱t wu a̱ni, na ghwon gu, gu swuan bah!” 5A̱wot Bulut si̱ ta̱sang bwak nggu hu. Zwak ji si̱ ghwut a̱kwa mi̱ ndong hu. Da̱ nji, ji̱ nhyeng nggu bah! 6Á̱niet a̱keang ba ku fa Bulut na mwai, a̱wot á̱ labeang bah, gu shot a̱kwa, a̱ khwu. A̱wot nang ba̱ nkyiak a̱junjung jen nang ba̱ fwuong, ba̱ si̱ li nang Bulut hyeng map zwak hu a̱ni bah, ba̱ si̱ shyak a̱di̱dam mba wu. Ba̱ si̱ fa Bulut yet tangka̱i a̱gwaza wa!
7A̱ka̱sa á̱ghyang ku shya̱ kpa̱mkpaan ma̱ng khwong a̱sa̱khwot hu nang zi̱ ku nchyok a̱ni, na̱ si̱ yet á̱si̱ Babiliyat nia. Nggu wa ku ba̱ng tyok a̱byin a̱ka̱wa̱tyia̱ a̱sa̱khwot a̱hwa. A̱ si̱ san zi̱t mbwak nfeang. A̱ si̱ nyia̱ nzi̱t shok. Zi̱ si̱ nyia̱ mmam tat nang zi̱ shya̱ a̱ja. 8Nang a̱tyia̱ mbyin Babiliyat wu nyia̱ ma̱ng zwan a̱sok a̱za ma̱ng a̱khang, Bulut si̱ nwuo mami tutu nggu hu, a̱ si̱si̱ naai A̱gwaza da̱nian guu. A̱ si̱ sak nggu mbwak, a̱ si̱ choot guu. 9Nang Bulut nnyia̱ a̱nia a̱ni, huhwa a̱mgba̱m á̱niet nzwán ba ba̱ shya̱ ma̱ a̱byin a̱ka̱wa̱tyia̱ a̱sa̱khwot a̱kya a̱ni, ba̱ si̱ chong da̱ a̱vwuo Bulut nang gu choot baa.
10Huhwa á̱niet ma̱ a̱byin a̱ka̱wa̱tyia̱ a̱sa̱khwot a̱bya si̱ nwuak nzi̱t shi. A̱wot jen ji nang zi̱ ku nshim doot mi̱ kukwon a̱wak hu a̱ni, ba̱ si̱ nwuak zi̱t a̱mgba̱m nkyang nang ba̱ lyen zi̱ na chat ma̱ a̱chyet nzi̱t ka a̱ni.
Bulut Chyok ma̱ A̱gba̱ndang A̱keang Rom
11Nang kukwon a̱wak hu nfwuoi ma̱ng a̱nzi̱t ma̱ a̱byin a̱ka̱wa̱tyia̱ a̱sa̱khwot Ma̱lita a̱ni, zi̱ si̱ nyia̱ zwát tsat a̱ja. Zi̱ sii doot zi̱ si̱ nwuo mi̱ kukwon a̱wak ghyang ku nyia̱ seam hu a̱ja a̱ni. Ku ku yet kukwon a̱wak ku neet ma̱ a̱keang Ali̱ksa̱nda̱riya a̱ni. Ku byia̱ nghwughwu a̱ka̱hyaai a̱yaagwaza#28:11Wa̱i a̱lyiat: A̱ka̱hyaai A̱yaagwaza nani ku yet a̱yaagwaza A̱romawa nang á̱ ngyei Kasto ma̱ng Polut a̱ni. da̱ a̱pyia̱ ka. 12Zi̱ si̱ wak nat ma̱ a̱keang Sirakusa. Zi̱ si̱ kwai a̱ja bwuo mam tat. 13Zi̱ si̱ doot a̱ja. Zi̱ si̱ wak byia̱k nat a̱ma̱nyi a̱keang Rigiyum. A̱tuk mam feang ka, wun si̱ nwuo hyap neet a̱tak. Mat a̱nia, a̱tuk mam tat ka, zi̱ si̱ wak nat zi̱ nwuo ma̱ a̱keang Butyoli. 14Zi̱ ku si̱ shya̱ á̱niet khwi á̱ghyang#28:14 Lyuut cha̱chaat: “Á̱na̱nyiuk á̱ghyang.” a̱ja, ba̱ si̱ naai nzi̱t, zi̱ bwuo mam a̱natat ma̱ng mba. A̱wot a̱nia wa zi̱ si̱ nchong nat Rom wu.
15Nang á̱niet khwi ba̱ shya̱ Rom nfa̱k nkhang nang zi̱ nchobai a̱ni, ba̱ si̱ bai á̱ myim ma̱ng a̱nzi̱t mi̱ a̱gba̱ndang tungga nang á̱ ngyei Forum, ka̱ shya̱ vak hu nang á̱ ngyei A̱biyut a̱ni. Á̱ghyang á̱niet si̱ myim ma̱ng a̱nzi̱t da̱ a̱vwuo nang á̱ ngyei “A̱ka̱chya̱ Khwat Á̱nietchen A̱tat” a̱ni. Nang Bulut ndi ba a̱ni, ba̱ si̱ tyia̱ nggu gba̱gbak. A̱wot a̱ si̱ gwai A̱gwaza.
16Nang zi̱ si̱ ntat zi̱ nwuo a̱gba̱ndang a̱keang Rom a̱ni, tyok A̱romawa hu si̱ shim Bulut a̱ swan mi̱ tutu nggu ma̱nyin nggu. Á̱ si̱ tyia̱ a̱tyu nzwang a̱nyiung a̱ chok gu.
Bulut Shei A̱sham Nkhang mi̱ Rom nang á̱ Chok gu
17Nang Bulut nnyia̱ mam ntat ma̱ a̱keang Rom ka a̱ni, a̱ si̱ yorong a̱yaakwak a̱son A̱yahudawa ba̱ shya̱ a̱ja a̱ni. A̱ si̱ nyia̱ ma̱ng a̱mba, “Á̱na̱nyiuk nung ba, á̱ ku ta̱bat nung mi̱ Urusha̱lima, á̱ si̱ tyia̱ nung mbwak tyok A̱romawa hu. Da̱ nung, n bwuo á̱niet nzi̱t ba a̱bun, ku n jhyuai taada a̱yaatyia̱ a̱khwop nzi̱t ji bah. 18A̱romawa ba si̱ zop nung, ba̱ si̱ chat ba̱ kai nung á̱ ghwon. Mat ba̱ ku shya̱ nang n bwuo a̱bun a̱ maai á̱ hyat nung a̱ni bah. 19A̱wot nang a̱yaakwak a̱son A̱yahudawa ba ndak A̱romawa ba ba̱ kai nung á̱ ghwon a̱ni, n si̱ ndi ku myim n nat ma̱ng a̱lyiat na a̱zanson da̱ a̱vwuo Kaisar a̱gwam shan; ku nang n byia̱ fwuo n tyia̱ á̱niet nung ba a̱hyiak nia a̱ni bah.
20“Mat a̱nia, n gyei nyin nyi bai a̱ji a̱fwun, da̱nian zi̱ ka lyen á̱ghyang, a̱wot n bu ngwa̱i nyin a̱lyiat nang á̱ nda̱p nung ma̱ng a̱nyanyang wuni a̱ni, mat n nwuak a̱chuchuk a̱tyu nang á̱niet Isi̱rela ntyia̱ fwuo hu a̱ni; Kristi wu, a̱tyu A̱gwaza kup gu tyok a̱ni wa ka̱n bai!”
21A̱jawa nang A̱yahudawa ba si̱ nwuak Bulut shim nyia̱, “Zi̱ ka̱n shya̱ wusiká ji neet Yahudiya, ku zi̱ fa̱k a̱ka̱tuk nkhang tazwa ang da̱ a̱vwuo a̱yin a̱ bai a̱ji a̱ni bah. 22A̱wot zi̱ chat zi̱ fa̱k kyang hu nang a nnwuak a̱chuchuk wu a̱ni. Mat mi̱ kyang hu zi̱ lyen tazwa sot á̱niet khwi jini a̱ni, huhwa yet; á̱ lyiat a̱ka̱tuk a̱lyiat tazwa nji mi̱ kuzang a̱vwuo.”
23Mat a̱nia, ba̱ si̱ sak jen nang ba̱ na myim ma̱ng Bulut a̱ni. Nang mam hu nkaat a̱ bai a̱ni, a̱niet ma̱ a̱di̱di̱t si̱ bai mi̱ tutu hu nang Bulut nkhwat a̱ni. Bulut si̱ wa̱i mba á̱lyiat. A̱ si̱ tat ba á̱ghyi tazwa Tyok A̱gwaza hu. A̱ si̱ kwan a̱ mwang mba ba̱ bai da̱ a̱vwuo Yesu mami A̱lyiat A̱gwaza nang á̱ lyuut a̱ni. A̱ si̱ fang mba doka Musa ji mbeang á̱lyiat nang a̱yaata̱m a̱kwonu A̱gwaza ba ku lyuut a̱ni. Bulut si̱ lyiat ma̱ng a̱mba neet a̱tsotson si̱ nat jenshyung!
24A̱yahudawa á̱ghyang si̱ shim á̱lyiat A̱gwaza na nang Bulut shei a̱ni. A̱wot á̱ghyang si̱ lak nwuak a̱chuchuk wu. 25A̱wot nang A̱yahudawa ba ngya fwuang tsi̱tsak mba á̱ tyak a̱ni, jen nang ba̱ na nkam ba̱ ghwon Bulut a̱ni; a̱ si̱ gba mba ngaan nyia̱, “A̱za̱za̱rak Ntswa wu ku tak a̱tsak a̱lyiat, jen nang gu ku ntak ma̱ng a̱yaatyia̱ khwop nyin ba a̱bwonu Ishaya a̱ta̱m a̱kwonu A̱gwaza wu a̱ni, nyia̱,
26‘Nat a tak ma̱ng á̱niet bani nyia̱:
“Nyi na fa̱k a̱lyiat nang n dyiat a̱ni,
da̱ nyin, nyi na fi̱k na bah.
Nyi na li kyang nang n nyia̱ a̱ni,
a̱wot nyi na nyim á̱ghyi nyin ba.
27Mat á̱niet bani, nfwuo mba na tyia̱ gba̱pdok.
A̱wot a̱fufwuo mba ba si̱ mi̱n fa̱k á̱lyiat bah.
A̱wot ba̱ si̱ nyim á̱ghyi mba ba.
Mat a̱nia, á̱ghyi mba ba si̱ mi̱n di kyang bah.
A̱wot da̱ a̱fufwuo mba ba, ba̱ si̱ mi̱n fa̱k á̱lyiat bah.
A̱wot di̱ nfwuo mba na, na̱ si̱ mi̱n fi̱k kyang bah.
A̱wot, da̱ mba, ba̱ si̱ mi̱n bwuok a̱ bai da̱ a̱vwuo nung,
da̱nian n ka nchoot mba bah.”#28:27 Ish 6:9-10. ’
28“Mat a̱nia, n chat nyi lyen nang A̱gwaza mun a̱ nwuak Nnwap na̱ nwai yet A̱yahudawa a̱ni swuan sang sangba̱p ji. A̱wot ba̱ na san jii.”#28:28 Lyuut ghyang mbeang a̱da̱dei zwunzwuo 29: “29 Nang Bulut ntyak shei a̱lyiat nani a̱ni, A̱yahudawa ba si̱ doot ba̱ si̱si̱ nkat, ba̱ si̱ bu ta̱bat ya fwuang ba̱t ma̱ng á̱ghyang mba.”
30Bulut si̱ nyia̱ a̱lyia̱ a̱feang nang gu swan Rom a̱mali ka nang gu teang ma̱ng kurum a̱pyia̱ nggu a̱ni. A̱wot a̱ si̱ saai a̱mgba̱m á̱niet ba ba̱ chong da̱ a̱vwuo nggu a̱ni, mbwak nfeang. 31A̱ si̱ gbang a̱lyia̱, a̱ si̱ shei á̱niet ba á̱lyiat tazwa Tyok A̱gwaza hu. A̱wot a̱ si̱ tyiet ba tazwa A̱tyoli Yesu Kristi. A̱wot á̱ mbyia̱ a̱tyu a̱ maai a̱ nvwong nggu a̱ni bah!
Currently Selected:
Nta̱m A̱yaata̱m 28: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Nta̱m A̱yaata̱m 28
28
Bulut nat A̱byin A̱ka̱wa̱tyia̱ A̱sa̱khwot nang á̱ Ngyei Ma̱lita a̱ni
1Ma̱nang zi̱ nshot, zi̱ si̱ byia̱k nat di̱ khwong hu a̱ni, zi̱ si̱ fi̱k nang zi̱ nshya̱ ma̱ a̱byin a̱ka̱wa̱tyia̱ a̱sa̱khwot nang á̱ ngyei Ma̱lita a̱ni. 2Á̱niet Ma̱lita ba, ku nyia̱ nzi̱t shok ba̱t. A̱wot ba̱ si̱ san nzi̱t mbwak nfeang. Ba̱ si̱ kai nzi̱t long mi̱ khwong hu, mat za ku va, a̱wot a̱vwuo ka si̱ shi̱ri̱m.
3Nang Bulut ntung a̱ya̱yaat nkyang a̱ na ntyia̱ mi̱ ndong hu a̱ni, a̱jawa tsuup a̱byin si̱ fa̱k hyaat ndong hu, zi̱ si̱ map Bulut di̱ mbwak! 4Nang á̱niet Ma̱lita ba ndi zwak ji, ji̱ lya̱u di̱ mbwak Bulut hu a̱ni, ba̱ si̱ shei ma̱ng á̱ghyang mba nyia̱, “A̱tyu wuni yet a̱tyu hyaai á̱niet wa za̱m! Byi̱ri̱ng ma̱ng shot a̱khwu nggu hu mi̱ kyai a̱sa̱khwot hu, nyi li! A̱gwaza a̱ Teang A̱ka̱tuk#28:4 Lyuut cha̱chaat: “A̱chuchuk wu.” nzi̱t wu a̱ni, na ghwon gu, gu swuan bah!” 5A̱wot Bulut si̱ ta̱sang bwak nggu hu. Zwak ji si̱ ghwut a̱kwa mi̱ ndong hu. Da̱ nji, ji̱ nhyeng nggu bah! 6Á̱niet a̱keang ba ku fa Bulut na mwai, a̱wot á̱ labeang bah, gu shot a̱kwa, a̱ khwu. A̱wot nang ba̱ nkyiak a̱junjung jen nang ba̱ fwuong, ba̱ si̱ li nang Bulut hyeng map zwak hu a̱ni bah, ba̱ si̱ shyak a̱di̱dam mba wu. Ba̱ si̱ fa Bulut yet tangka̱i a̱gwaza wa!
7A̱ka̱sa á̱ghyang ku shya̱ kpa̱mkpaan ma̱ng khwong a̱sa̱khwot hu nang zi̱ ku nchyok a̱ni, na̱ si̱ yet á̱si̱ Babiliyat nia. Nggu wa ku ba̱ng tyok a̱byin a̱ka̱wa̱tyia̱ a̱sa̱khwot a̱hwa. A̱ si̱ san zi̱t mbwak nfeang. A̱ si̱ nyia̱ nzi̱t shok. Zi̱ si̱ nyia̱ mmam tat nang zi̱ shya̱ a̱ja. 8Nang a̱tyia̱ mbyin Babiliyat wu nyia̱ ma̱ng zwan a̱sok a̱za ma̱ng a̱khang, Bulut si̱ nwuo mami tutu nggu hu, a̱ si̱si̱ naai A̱gwaza da̱nian guu. A̱ si̱ sak nggu mbwak, a̱ si̱ choot guu. 9Nang Bulut nnyia̱ a̱nia a̱ni, huhwa a̱mgba̱m á̱niet nzwán ba ba̱ shya̱ ma̱ a̱byin a̱ka̱wa̱tyia̱ a̱sa̱khwot a̱kya a̱ni, ba̱ si̱ chong da̱ a̱vwuo Bulut nang gu choot baa.
10Huhwa á̱niet ma̱ a̱byin a̱ka̱wa̱tyia̱ a̱sa̱khwot a̱bya si̱ nwuak nzi̱t shi. A̱wot jen ji nang zi̱ ku nshim doot mi̱ kukwon a̱wak hu a̱ni, ba̱ si̱ nwuak zi̱t a̱mgba̱m nkyang nang ba̱ lyen zi̱ na chat ma̱ a̱chyet nzi̱t ka a̱ni.
Bulut Chyok ma̱ A̱gba̱ndang A̱keang Rom
11Nang kukwon a̱wak hu nfwuoi ma̱ng a̱nzi̱t ma̱ a̱byin a̱ka̱wa̱tyia̱ a̱sa̱khwot Ma̱lita a̱ni, zi̱ si̱ nyia̱ zwát tsat a̱ja. Zi̱ sii doot zi̱ si̱ nwuo mi̱ kukwon a̱wak ghyang ku nyia̱ seam hu a̱ja a̱ni. Ku ku yet kukwon a̱wak ku neet ma̱ a̱keang Ali̱ksa̱nda̱riya a̱ni. Ku byia̱ nghwughwu a̱ka̱hyaai a̱yaagwaza#28:11Wa̱i a̱lyiat: A̱ka̱hyaai A̱yaagwaza nani ku yet a̱yaagwaza A̱romawa nang á̱ ngyei Kasto ma̱ng Polut a̱ni. da̱ a̱pyia̱ ka. 12Zi̱ si̱ wak nat ma̱ a̱keang Sirakusa. Zi̱ si̱ kwai a̱ja bwuo mam tat. 13Zi̱ si̱ doot a̱ja. Zi̱ si̱ wak byia̱k nat a̱ma̱nyi a̱keang Rigiyum. A̱tuk mam feang ka, wun si̱ nwuo hyap neet a̱tak. Mat a̱nia, a̱tuk mam tat ka, zi̱ si̱ wak nat zi̱ nwuo ma̱ a̱keang Butyoli. 14Zi̱ ku si̱ shya̱ á̱niet khwi á̱ghyang#28:14 Lyuut cha̱chaat: “Á̱na̱nyiuk á̱ghyang.” a̱ja, ba̱ si̱ naai nzi̱t, zi̱ bwuo mam a̱natat ma̱ng mba. A̱wot a̱nia wa zi̱ si̱ nchong nat Rom wu.
15Nang á̱niet khwi ba̱ shya̱ Rom nfa̱k nkhang nang zi̱ nchobai a̱ni, ba̱ si̱ bai á̱ myim ma̱ng a̱nzi̱t mi̱ a̱gba̱ndang tungga nang á̱ ngyei Forum, ka̱ shya̱ vak hu nang á̱ ngyei A̱biyut a̱ni. Á̱ghyang á̱niet si̱ myim ma̱ng a̱nzi̱t da̱ a̱vwuo nang á̱ ngyei “A̱ka̱chya̱ Khwat Á̱nietchen A̱tat” a̱ni. Nang Bulut ndi ba a̱ni, ba̱ si̱ tyia̱ nggu gba̱gbak. A̱wot a̱ si̱ gwai A̱gwaza.
16Nang zi̱ si̱ ntat zi̱ nwuo a̱gba̱ndang a̱keang Rom a̱ni, tyok A̱romawa hu si̱ shim Bulut a̱ swan mi̱ tutu nggu ma̱nyin nggu. Á̱ si̱ tyia̱ a̱tyu nzwang a̱nyiung a̱ chok gu.
Bulut Shei A̱sham Nkhang mi̱ Rom nang á̱ Chok gu
17Nang Bulut nnyia̱ mam ntat ma̱ a̱keang Rom ka a̱ni, a̱ si̱ yorong a̱yaakwak a̱son A̱yahudawa ba̱ shya̱ a̱ja a̱ni. A̱ si̱ nyia̱ ma̱ng a̱mba, “Á̱na̱nyiuk nung ba, á̱ ku ta̱bat nung mi̱ Urusha̱lima, á̱ si̱ tyia̱ nung mbwak tyok A̱romawa hu. Da̱ nung, n bwuo á̱niet nzi̱t ba a̱bun, ku n jhyuai taada a̱yaatyia̱ a̱khwop nzi̱t ji bah. 18A̱romawa ba si̱ zop nung, ba̱ si̱ chat ba̱ kai nung á̱ ghwon. Mat ba̱ ku shya̱ nang n bwuo a̱bun a̱ maai á̱ hyat nung a̱ni bah. 19A̱wot nang a̱yaakwak a̱son A̱yahudawa ba ndak A̱romawa ba ba̱ kai nung á̱ ghwon a̱ni, n si̱ ndi ku myim n nat ma̱ng a̱lyiat na a̱zanson da̱ a̱vwuo Kaisar a̱gwam shan; ku nang n byia̱ fwuo n tyia̱ á̱niet nung ba a̱hyiak nia a̱ni bah.
20“Mat a̱nia, n gyei nyin nyi bai a̱ji a̱fwun, da̱nian zi̱ ka lyen á̱ghyang, a̱wot n bu ngwa̱i nyin a̱lyiat nang á̱ nda̱p nung ma̱ng a̱nyanyang wuni a̱ni, mat n nwuak a̱chuchuk a̱tyu nang á̱niet Isi̱rela ntyia̱ fwuo hu a̱ni; Kristi wu, a̱tyu A̱gwaza kup gu tyok a̱ni wa ka̱n bai!”
21A̱jawa nang A̱yahudawa ba si̱ nwuak Bulut shim nyia̱, “Zi̱ ka̱n shya̱ wusiká ji neet Yahudiya, ku zi̱ fa̱k a̱ka̱tuk nkhang tazwa ang da̱ a̱vwuo a̱yin a̱ bai a̱ji a̱ni bah. 22A̱wot zi̱ chat zi̱ fa̱k kyang hu nang a nnwuak a̱chuchuk wu a̱ni. Mat mi̱ kyang hu zi̱ lyen tazwa sot á̱niet khwi jini a̱ni, huhwa yet; á̱ lyiat a̱ka̱tuk a̱lyiat tazwa nji mi̱ kuzang a̱vwuo.”
23Mat a̱nia, ba̱ si̱ sak jen nang ba̱ na myim ma̱ng Bulut a̱ni. Nang mam hu nkaat a̱ bai a̱ni, a̱niet ma̱ a̱di̱di̱t si̱ bai mi̱ tutu hu nang Bulut nkhwat a̱ni. Bulut si̱ wa̱i mba á̱lyiat. A̱ si̱ tat ba á̱ghyi tazwa Tyok A̱gwaza hu. A̱ si̱ kwan a̱ mwang mba ba̱ bai da̱ a̱vwuo Yesu mami A̱lyiat A̱gwaza nang á̱ lyuut a̱ni. A̱ si̱ fang mba doka Musa ji mbeang á̱lyiat nang a̱yaata̱m a̱kwonu A̱gwaza ba ku lyuut a̱ni. Bulut si̱ lyiat ma̱ng a̱mba neet a̱tsotson si̱ nat jenshyung!
24A̱yahudawa á̱ghyang si̱ shim á̱lyiat A̱gwaza na nang Bulut shei a̱ni. A̱wot á̱ghyang si̱ lak nwuak a̱chuchuk wu. 25A̱wot nang A̱yahudawa ba ngya fwuang tsi̱tsak mba á̱ tyak a̱ni, jen nang ba̱ na nkam ba̱ ghwon Bulut a̱ni; a̱ si̱ gba mba ngaan nyia̱, “A̱za̱za̱rak Ntswa wu ku tak a̱tsak a̱lyiat, jen nang gu ku ntak ma̱ng a̱yaatyia̱ khwop nyin ba a̱bwonu Ishaya a̱ta̱m a̱kwonu A̱gwaza wu a̱ni, nyia̱,
26‘Nat a tak ma̱ng á̱niet bani nyia̱:
“Nyi na fa̱k a̱lyiat nang n dyiat a̱ni,
da̱ nyin, nyi na fi̱k na bah.
Nyi na li kyang nang n nyia̱ a̱ni,
a̱wot nyi na nyim á̱ghyi nyin ba.
27Mat á̱niet bani, nfwuo mba na tyia̱ gba̱pdok.
A̱wot a̱fufwuo mba ba si̱ mi̱n fa̱k á̱lyiat bah.
A̱wot ba̱ si̱ nyim á̱ghyi mba ba.
Mat a̱nia, á̱ghyi mba ba si̱ mi̱n di kyang bah.
A̱wot da̱ a̱fufwuo mba ba, ba̱ si̱ mi̱n fa̱k á̱lyiat bah.
A̱wot di̱ nfwuo mba na, na̱ si̱ mi̱n fi̱k kyang bah.
A̱wot, da̱ mba, ba̱ si̱ mi̱n bwuok a̱ bai da̱ a̱vwuo nung,
da̱nian n ka nchoot mba bah.”#28:27 Ish 6:9-10. ’
28“Mat a̱nia, n chat nyi lyen nang A̱gwaza mun a̱ nwuak Nnwap na̱ nwai yet A̱yahudawa a̱ni swuan sang sangba̱p ji. A̱wot ba̱ na san jii.”#28:28 Lyuut ghyang mbeang a̱da̱dei zwunzwuo 29: “29 Nang Bulut ntyak shei a̱lyiat nani a̱ni, A̱yahudawa ba si̱ doot ba̱ si̱si̱ nkat, ba̱ si̱ bu ta̱bat ya fwuang ba̱t ma̱ng á̱ghyang mba.”
30Bulut si̱ nyia̱ a̱lyia̱ a̱feang nang gu swan Rom a̱mali ka nang gu teang ma̱ng kurum a̱pyia̱ nggu a̱ni. A̱wot a̱ si̱ saai a̱mgba̱m á̱niet ba ba̱ chong da̱ a̱vwuo nggu a̱ni, mbwak nfeang. 31A̱ si̱ gbang a̱lyia̱, a̱ si̱ shei á̱niet ba á̱lyiat tazwa Tyok A̱gwaza hu. A̱wot a̱ si̱ tyiet ba tazwa A̱tyoli Yesu Kristi. A̱wot á̱ mbyia̱ a̱tyu a̱ maai a̱ nvwong nggu a̱ni bah!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.