2 A̱korontiyawa 12
12
A̱ma̱bwoi Bulut ma̱ng Sa̱kan mi̱ Vam nggu hu
1Ku li á ngyei ku yet nung ta hwa, n gya a̱son ma̱ng tam huni, ku nang ku na nnwuak a̱yin kpangti̱n a̱ni bah. N na ngya a̱son ma̱ng a̱lyiat tazwa a̱ma̱bwoi ma̱ng tá̱m ji̱ shya̱ di̱ niat ji̱ neet da̱ a̱vwuo A̱tyoli Yesu nang á̱ tyai a̱ni.
2Á̱ ku kyiak nung#12:2a Lyuut cha̱chaat: “N ku ndyen a̱tyu khwi Kristi á̱ nat ndyo.” Wa̱i a̱lyiat: A̱tyu. Bulut fa a̱pyia̱ nggu kya da̱ a̱bada̱dei zwunzwuo 2A̱ko 12:1-4. á̱ nat ndyo Ma A̱gwaza tswazwa tsat#12:2b Lyuut cha̱chaat: “Tswazwa tsat.” Wa̱i a̱lyiat: Tswazwa tsat. A̱ja wa yet a̱vwuo nang A̱gwaza nshya̱ a̱ni, a̱wot á̱ ngyei a̱vwuo kani, Paradi̱t mi̱ a̱bada̱dei zwunzwuo 2A̱ko 12:3. a̱lyia̱ swak ma̱naai kya ka. Ke á̱ ku kyiak nung á̱ nat ndyo Ma A̱gwaza tswazwa ma̱ng vam hwa oo, ke tswa nung jija ma̱nyin ji oo, n dyen bah. A̱gwaza wa ma̱nyin nggu lyen. 3A̱tsak a̱lyiat, ma̱ A̱gwaza wa ma̱nyin nggu lyen, kee á̱ ku kyiak nung á̱ nat ndyo Ma A̱gwaza tswazwa ma̱ng vam hwa oo, ke da̱ á̱ ma ku kyiak tswa nung jija ma̱nyin ji oo, n dyen bah. A̱wot mi̱ kyang nang n dyen a̱ni, 4huhwa yet; á̱ ku kyiak nung á̱ nat ndyo Ma A̱gwaza tswazwa. A̱wot n si̱ ndi nkyang na̱ yet si̱ a̱ga̱de nang a̱tyubishyi si̱ mi̱n gwa̱i a̱ni bah. A̱wot na̱ si̱ shya̱ di̱ niat ba̱t, nang a̱yin si̱ mi̱n mak shei a̱ni bah.
5Nkyang a̱nia nang n fa̱k a̱ni, na̱ maai nung n tam. A̱mgba̱m ma̱ng a̱nia, n na tam bah. N na tam tazwa lat nung huhwa. 6Ka̱ n wa chat tam hu, si̱ n na ngyet a̱bwuon di̱ tam hu bah, mat n na ntak a̱tsak a̱lyiat wa. A̱wot n na tam bah, mat n chat a̱yin a̱ chyin nung a̱ swak kyang nang gu li mi̱ swat nung huu, ma̱ng a̱lyiat A̱gwaza nang gu fa̱k nang n shei a̱ni bah; 7ku nang n ka̱n san tá̱m ji̱ shya̱ di̱ niat nang á̱ tyai a̱ni.
Da̱nian á̱ ka vwuong nung tam hu, á̱ si̱ ta̱m ma̱ng a̱ta̱m a̱ neet da̱ a̱vwuo A̱ta̱nyeang#12:7a Lyuut cha̱chaat: Sha̱tan. a̱ni, a̱ si̱ tyia̱ nung sa̱kan mi̱ vam#12:7b Wa̱i a̱lyiat: Sa̱kan mi̱ vam Á̱ghyang á̱niet kyiak nyia̱, “Sa̱kan mi̱ vam” yet tangka̱i zwan jhyang nang Bulut shya̱ ndyo mi̱ vam nggu hu a̱ni. A̱wot á̱ghyang á̱niet si̱ kyiak nyia̱, “Sa̱kan mi̱ vam” fa á̱niet tyiet á̱ghyang ba̱ yet á̱niet lak li Bulut a̱ni., ji̱ chyui nung ba̱t a̱ni. A̱wot a̱ si̱ ya a̱son ma̱ng fwuai nung, n ka ngyok tam hu. 8N si̱ mbwuo a̱ka̱tat nang n naai A̱tyoli Yesu gu ka ti̱n nung sa̱kan ji tyei nung swuo a̱bung a̱hwa mi̱ vam hu a̱ni. 9Kuzang jen ki̱ n naai ngguu, gu nyia̱ ma̱ng a̱nung, “N nyia̱ ang shok gba̱mgbam ji̱ maai ang a̱ni. Mat chet nung hu ni̱ mbeang ba̱t, ku tak kpa̱sai di̱n jen lat ang ji.” Mat a̱nia, ma̱ninika, n gwai, n si̱ ntam tazwa lat nung hu, da̱nian chet Kristi hu ku ka nyia̱ nta̱m mami nung.
10Huhwa mbyia̱, n shya̱ ma̱ng a̱gwai mami lat nung hu; ma̱ng lihyat nang á̱niet nyia̱ nung ndyo a̱ni; ma̱ng a̱lahyia̱ nang n kan a̱ni; ma̱ng ya̱shuk nang á̱niet ya̱shuk nung a̱ni; ma̱ng swuo a̱bung nang n swuo da̱nian Kristi a̱ni. Mat ki̱ n shya̱ ma̱ng lat, jen a̱ja ja nang chet A̱gwaza hu nshya̱ ndung ma̱ng a̱nung.
Bulut Byia̱ A̱fi̱fa tazwa Á̱niet Khwi A̱korontiyawa
11Nyi tyia̱ nung n tam#12:11 Lyuut ghyang mbyia̱ “Tam” bah. nang a̱bwuon a̱ni. A̱wot nyin bya byia̱ a̱bun wu. Nyin bya myim nyi lyuut wusiká nyi nchyin nung. Mat nung meang, n gyet a̱tsatsak a̱ta̱m wa swak a̱yaata̱m bani nang á̱ kyiak ba nang a̱cha̱chet a̱yaata̱m Yesu bya a̱ni. A̱mgba̱m ma̱ng a̱nia, n bu ngyet kyang bah. 12Jen nang n ku nshya̱ ma̱ng a̱nyin a̱ni, n ku ntak nyin za̱m nang n gyet a̱tsatsak a̱ta̱m Yesu wa. N si̱ nyap fwuo di̱n jen nang n ku nshya̱ ma̱ nyin, n si̱ nyia̱ nta̱m a̱lama na̱ tak chet A̱gwaza hu. N si̱ nyia̱ nkyang a̱ga̱de ma̱ng nta̱m a̱ri̱bi̱di jhyang da̱ a̱vwuo nyin. 13Mi̱ kyang nyiung nang n ku nwai nyia̱ nyin ndyo a̱wot n si̱ nyia̱ susot á̱niet khwi jhyáng ndyo a̱ni, huhwa yet; n ku gyet nyin kpa̱t nyi nwuat nung kurum bah. Ma̱sa̱kut, nyi chi nung mat a̱bun nang n bwuo nyin ndyo di̱ nyia̱ a̱tsatsak kyang wuni a̱ni!
14A̱wot ma̱ninika, n shya̱ di̱ la̱p vam n bai da̱ a̱vwuo nyin da̱ a̱ka̱tat ka. A̱wot n chat n gyet nyin kpa̱t nyi nwuat nung kurum bah. N chat zwá nyin jija bah. Nyin bya nang n chat. Mat a̱bachyuang mman nia myim na̱ beang á̱niet mbyin ba bah. Da̱ a̱kwonu a̱kya, á̱niet mbyin bya myim ba̱ beang a̱bachyuang mman mba na. 15N na fa̱k nyinyang n hyat a̱pyia̱ nung ma̱ng a̱mgba̱m kyang nang n byia̱ a̱ni, da̱nian n ka beang nyin; ku nang ku ndi á ngyei n chat nyin ba̱t, a̱wot nyin, nyi chat nung ma̱ chunchwiit.
16Á̱ghyang nyin shim nang n ku ngyet nyin kpa̱t bah. A̱wot á̱ghyang nyin fa n nyia̱ nyin a̱ghyughyui wa, n si̱ shyok nyin. 17N nyia̱ nini wa n si̱ nshyok nyin? Ke a̱yin ma̱ á̱niet ba nang n ku nta̱m ndyo da̱ a̱vwuo nyin a̱ni, ku shyok nyin? 18Jen nang n ku nnaai Titut gu bai a̱ byiat nyin a̱ni, a̱wot n si̱ bu nta̱m á̱kpa̱ndang ta̱m nzi̱t á̱ghyang dundung ma̱ng a̱nggu; Titut ku shyok a̱yin ma̱ nyin a? Kaai! Mat, nung ma̱ng a̱nggu, zi̱ ni̱ byia̱ a̱di̱dam a̱nyiung wa. Zi̱ ni̱ chong dundung, a̱wot zi̱ ni̱ nyia̱ kuzang a̱tan nkyang di̱n vak nyiung.
19Shimba nyi fa zi̱ shei a̱lyiat nani, zi̱ ka kwan zi̱ kwi á̱pyia̱ nzi̱t kya da̱ a̱vwuo nyin. Kaai, a̱nia wa bah. Zi̱ shei nyin á̱si̱ nani nang zi̱ ngyet á̱tsatsak á̱khwo Yesu Kristi bya, ma̱ng A̱gwaza a̱ yet sheda nzi̱t a̱ni. Á̱kpa̱ndang nung ba nang n chat a̱ni, n chat nyi lyen kuzang kyang nang zi̱ nyia̱ a̱ni, zi̱ chat zi̱ tyia̱ nyin gba̱gbak zi̱ mbeang nyin chet hu. 20Mat n fwuong a̱wun, shimba ki̱ n bu mbai, n na nchat nkyang na nyi nyia̱ a̱ni bah. A̱wot nyin, nyi na fa̱k nyinyang nung di̱ si̱sak ji nang n na nnwuak nyin shim a̱ni bah. N fwuong a̱wun, ki̱ n mbai, n na shya̱ nang nyi fwuon zook ma̱ng á̱ghyang nyin, kwi swam, mwuat ndyen, chat a̱pyia̱, tyam á̱ghyang, a̱chyuang, gba̱p a̱pyia̱, mbeang nwai swat nyinyang.
21A̱tsak a̱lyiat, n bu nfwuong a̱wun, mat ki̱ n bu mbai da̱ a̱vwuo nyin, A̱gwaza nung wu na ghyuai nung a̱zaghyi nyin, n fa̱k nsum di̱ kyang nang nyi nyia̱ a̱ni. A̱wot n na nfa̱k a̱lyia̱ ya ba̱t, mat á̱ghyang á̱niet ma̱ a̱di̱di̱t ma̱ nyin ka̱n ghwon a̱khwukhwop a̱ka̱tuk za̱kwa mba wu bah. Nyi ka̱n ghwon a̱na̱ndyung nyin wu, nyi si̱ nwuo khwi A̱gwaza bah. A̱na̱ndyung nyin wu wa yet; a̱shi̱shi̱k nyia̱ sang nsum nyin wu nang a̱ka̱la̱m a̱ni.
Currently Selected:
2 A̱korontiyawa 12: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
2 A̱korontiyawa 12
12
A̱ma̱bwoi Bulut ma̱ng Sa̱kan mi̱ Vam nggu hu
1Ku li á ngyei ku yet nung ta hwa, n gya a̱son ma̱ng tam huni, ku nang ku na nnwuak a̱yin kpangti̱n a̱ni bah. N na ngya a̱son ma̱ng a̱lyiat tazwa a̱ma̱bwoi ma̱ng tá̱m ji̱ shya̱ di̱ niat ji̱ neet da̱ a̱vwuo A̱tyoli Yesu nang á̱ tyai a̱ni.
2Á̱ ku kyiak nung#12:2a Lyuut cha̱chaat: “N ku ndyen a̱tyu khwi Kristi á̱ nat ndyo.” Wa̱i a̱lyiat: A̱tyu. Bulut fa a̱pyia̱ nggu kya da̱ a̱bada̱dei zwunzwuo 2A̱ko 12:1-4. á̱ nat ndyo Ma A̱gwaza tswazwa tsat#12:2b Lyuut cha̱chaat: “Tswazwa tsat.” Wa̱i a̱lyiat: Tswazwa tsat. A̱ja wa yet a̱vwuo nang A̱gwaza nshya̱ a̱ni, a̱wot á̱ ngyei a̱vwuo kani, Paradi̱t mi̱ a̱bada̱dei zwunzwuo 2A̱ko 12:3. a̱lyia̱ swak ma̱naai kya ka. Ke á̱ ku kyiak nung á̱ nat ndyo Ma A̱gwaza tswazwa ma̱ng vam hwa oo, ke tswa nung jija ma̱nyin ji oo, n dyen bah. A̱gwaza wa ma̱nyin nggu lyen. 3A̱tsak a̱lyiat, ma̱ A̱gwaza wa ma̱nyin nggu lyen, kee á̱ ku kyiak nung á̱ nat ndyo Ma A̱gwaza tswazwa ma̱ng vam hwa oo, ke da̱ á̱ ma ku kyiak tswa nung jija ma̱nyin ji oo, n dyen bah. A̱wot mi̱ kyang nang n dyen a̱ni, 4huhwa yet; á̱ ku kyiak nung á̱ nat ndyo Ma A̱gwaza tswazwa. A̱wot n si̱ ndi nkyang na̱ yet si̱ a̱ga̱de nang a̱tyubishyi si̱ mi̱n gwa̱i a̱ni bah. A̱wot na̱ si̱ shya̱ di̱ niat ba̱t, nang a̱yin si̱ mi̱n mak shei a̱ni bah.
5Nkyang a̱nia nang n fa̱k a̱ni, na̱ maai nung n tam. A̱mgba̱m ma̱ng a̱nia, n na tam bah. N na tam tazwa lat nung huhwa. 6Ka̱ n wa chat tam hu, si̱ n na ngyet a̱bwuon di̱ tam hu bah, mat n na ntak a̱tsak a̱lyiat wa. A̱wot n na tam bah, mat n chat a̱yin a̱ chyin nung a̱ swak kyang nang gu li mi̱ swat nung huu, ma̱ng a̱lyiat A̱gwaza nang gu fa̱k nang n shei a̱ni bah; 7ku nang n ka̱n san tá̱m ji̱ shya̱ di̱ niat nang á̱ tyai a̱ni.
Da̱nian á̱ ka vwuong nung tam hu, á̱ si̱ ta̱m ma̱ng a̱ta̱m a̱ neet da̱ a̱vwuo A̱ta̱nyeang#12:7a Lyuut cha̱chaat: Sha̱tan. a̱ni, a̱ si̱ tyia̱ nung sa̱kan mi̱ vam#12:7b Wa̱i a̱lyiat: Sa̱kan mi̱ vam Á̱ghyang á̱niet kyiak nyia̱, “Sa̱kan mi̱ vam” yet tangka̱i zwan jhyang nang Bulut shya̱ ndyo mi̱ vam nggu hu a̱ni. A̱wot á̱ghyang á̱niet si̱ kyiak nyia̱, “Sa̱kan mi̱ vam” fa á̱niet tyiet á̱ghyang ba̱ yet á̱niet lak li Bulut a̱ni., ji̱ chyui nung ba̱t a̱ni. A̱wot a̱ si̱ ya a̱son ma̱ng fwuai nung, n ka ngyok tam hu. 8N si̱ mbwuo a̱ka̱tat nang n naai A̱tyoli Yesu gu ka ti̱n nung sa̱kan ji tyei nung swuo a̱bung a̱hwa mi̱ vam hu a̱ni. 9Kuzang jen ki̱ n naai ngguu, gu nyia̱ ma̱ng a̱nung, “N nyia̱ ang shok gba̱mgbam ji̱ maai ang a̱ni. Mat chet nung hu ni̱ mbeang ba̱t, ku tak kpa̱sai di̱n jen lat ang ji.” Mat a̱nia, ma̱ninika, n gwai, n si̱ ntam tazwa lat nung hu, da̱nian chet Kristi hu ku ka nyia̱ nta̱m mami nung.
10Huhwa mbyia̱, n shya̱ ma̱ng a̱gwai mami lat nung hu; ma̱ng lihyat nang á̱niet nyia̱ nung ndyo a̱ni; ma̱ng a̱lahyia̱ nang n kan a̱ni; ma̱ng ya̱shuk nang á̱niet ya̱shuk nung a̱ni; ma̱ng swuo a̱bung nang n swuo da̱nian Kristi a̱ni. Mat ki̱ n shya̱ ma̱ng lat, jen a̱ja ja nang chet A̱gwaza hu nshya̱ ndung ma̱ng a̱nung.
Bulut Byia̱ A̱fi̱fa tazwa Á̱niet Khwi A̱korontiyawa
11Nyi tyia̱ nung n tam#12:11 Lyuut ghyang mbyia̱ “Tam” bah. nang a̱bwuon a̱ni. A̱wot nyin bya byia̱ a̱bun wu. Nyin bya myim nyi lyuut wusiká nyi nchyin nung. Mat nung meang, n gyet a̱tsatsak a̱ta̱m wa swak a̱yaata̱m bani nang á̱ kyiak ba nang a̱cha̱chet a̱yaata̱m Yesu bya a̱ni. A̱mgba̱m ma̱ng a̱nia, n bu ngyet kyang bah. 12Jen nang n ku nshya̱ ma̱ng a̱nyin a̱ni, n ku ntak nyin za̱m nang n gyet a̱tsatsak a̱ta̱m Yesu wa. N si̱ nyap fwuo di̱n jen nang n ku nshya̱ ma̱ nyin, n si̱ nyia̱ nta̱m a̱lama na̱ tak chet A̱gwaza hu. N si̱ nyia̱ nkyang a̱ga̱de ma̱ng nta̱m a̱ri̱bi̱di jhyang da̱ a̱vwuo nyin. 13Mi̱ kyang nyiung nang n ku nwai nyia̱ nyin ndyo a̱wot n si̱ nyia̱ susot á̱niet khwi jhyáng ndyo a̱ni, huhwa yet; n ku gyet nyin kpa̱t nyi nwuat nung kurum bah. Ma̱sa̱kut, nyi chi nung mat a̱bun nang n bwuo nyin ndyo di̱ nyia̱ a̱tsatsak kyang wuni a̱ni!
14A̱wot ma̱ninika, n shya̱ di̱ la̱p vam n bai da̱ a̱vwuo nyin da̱ a̱ka̱tat ka. A̱wot n chat n gyet nyin kpa̱t nyi nwuat nung kurum bah. N chat zwá nyin jija bah. Nyin bya nang n chat. Mat a̱bachyuang mman nia myim na̱ beang á̱niet mbyin ba bah. Da̱ a̱kwonu a̱kya, á̱niet mbyin bya myim ba̱ beang a̱bachyuang mman mba na. 15N na fa̱k nyinyang n hyat a̱pyia̱ nung ma̱ng a̱mgba̱m kyang nang n byia̱ a̱ni, da̱nian n ka beang nyin; ku nang ku ndi á ngyei n chat nyin ba̱t, a̱wot nyin, nyi chat nung ma̱ chunchwiit.
16Á̱ghyang nyin shim nang n ku ngyet nyin kpa̱t bah. A̱wot á̱ghyang nyin fa n nyia̱ nyin a̱ghyughyui wa, n si̱ shyok nyin. 17N nyia̱ nini wa n si̱ nshyok nyin? Ke a̱yin ma̱ á̱niet ba nang n ku nta̱m ndyo da̱ a̱vwuo nyin a̱ni, ku shyok nyin? 18Jen nang n ku nnaai Titut gu bai a̱ byiat nyin a̱ni, a̱wot n si̱ bu nta̱m á̱kpa̱ndang ta̱m nzi̱t á̱ghyang dundung ma̱ng a̱nggu; Titut ku shyok a̱yin ma̱ nyin a? Kaai! Mat, nung ma̱ng a̱nggu, zi̱ ni̱ byia̱ a̱di̱dam a̱nyiung wa. Zi̱ ni̱ chong dundung, a̱wot zi̱ ni̱ nyia̱ kuzang a̱tan nkyang di̱n vak nyiung.
19Shimba nyi fa zi̱ shei a̱lyiat nani, zi̱ ka kwan zi̱ kwi á̱pyia̱ nzi̱t kya da̱ a̱vwuo nyin. Kaai, a̱nia wa bah. Zi̱ shei nyin á̱si̱ nani nang zi̱ ngyet á̱tsatsak á̱khwo Yesu Kristi bya, ma̱ng A̱gwaza a̱ yet sheda nzi̱t a̱ni. Á̱kpa̱ndang nung ba nang n chat a̱ni, n chat nyi lyen kuzang kyang nang zi̱ nyia̱ a̱ni, zi̱ chat zi̱ tyia̱ nyin gba̱gbak zi̱ mbeang nyin chet hu. 20Mat n fwuong a̱wun, shimba ki̱ n bu mbai, n na nchat nkyang na nyi nyia̱ a̱ni bah. A̱wot nyin, nyi na fa̱k nyinyang nung di̱ si̱sak ji nang n na nnwuak nyin shim a̱ni bah. N fwuong a̱wun, ki̱ n mbai, n na shya̱ nang nyi fwuon zook ma̱ng á̱ghyang nyin, kwi swam, mwuat ndyen, chat a̱pyia̱, tyam á̱ghyang, a̱chyuang, gba̱p a̱pyia̱, mbeang nwai swat nyinyang.
21A̱tsak a̱lyiat, n bu nfwuong a̱wun, mat ki̱ n bu mbai da̱ a̱vwuo nyin, A̱gwaza nung wu na ghyuai nung a̱zaghyi nyin, n fa̱k nsum di̱ kyang nang nyi nyia̱ a̱ni. A̱wot n na nfa̱k a̱lyia̱ ya ba̱t, mat á̱ghyang á̱niet ma̱ a̱di̱di̱t ma̱ nyin ka̱n ghwon a̱khwukhwop a̱ka̱tuk za̱kwa mba wu bah. Nyi ka̱n ghwon a̱na̱ndyung nyin wu, nyi si̱ nwuo khwi A̱gwaza bah. A̱na̱ndyung nyin wu wa yet; a̱shi̱shi̱k nyia̱ sang nsum nyin wu nang a̱ka̱la̱m a̱ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.