1 Bitut 1:6-7
1 Bitut 1:6-7 TYAPNT
Nang ku ndi a̱nia a̱ni, si̱ nyi gwai nyi swan ma̱ng a̱lyia̱ sai di̱ shya̱ san huni. A̱mgba̱m ma̱ng a̱nia, di̱ a̱bada̱dei njen ma̱nini, nyi na gbang a̱lyia̱ di̱n jen nang á̱ nya̱shuk nyin ma̱ a̱di̱di̱t a̱ni. Ya̱shuk huni hwa na tak nang nwuak a̱chuchuk nyin hu ngyet a̱tsatsak wa. Á̱ mai nwuak a̱chuchuk nyin hu ma̱nang á̱ ni̱ nfwui zi̱nariya ma̱ng long, ku jaat zi̱nariya wu a̱ni. Nwuak a̱chuchuk nyin hu swak zi̱nariya a̱ tyiak a̱ni ma̱ za̱nzan ma̱ng yet a̱tsatsak. Mat a̱nia, ka̱ nyi yong mi̱ chet di̱n jen ma̱ a̱di̱di̱t nang á̱ nya̱shuk nyin a̱ni, ku na bai ma̱ng a̱nyin dyep, shi, ma̱ng chyin a̱tuk nang A̱gwaza na ntyai bwuok Yesu Kristi hu kpa̱sai mi̱ swanta hu a̱ni.
Bible App
Bible App for Kids
