Romam 15
15
Ti̱ma fiswe ka ru bi̱kame
1N chi̱ni bi̱bu keku bi̱yili̱mang chirengu a ma dukani̱mu, a dakan ni kuru ki̱ni bi̱bu keku bi̱yili̱mang chiyangu a mabu dukani̱mu, di̱ne ke ni maka chi. 2Kanang wuwule chire a yo keko mi̱n li̱mbwi ke keku bi̱yili̱mang kangu a ti ki̱ri̱ng we bunti̱ki̱ Tewuduwe. 3Ko no nang Masiya a mabu fiswe wu a nwe ta̱me, yinang ka a mwal we ya̱m Kwamamu ko, “Ti̱turantu ni̱bu ki̱tura chinitu a tu min.” 4Chi ni̱bu a mwal feredi we ya̱m Kwamame, di̱ne ke a miya nimi̱n we muku ni̱rang n ti kunku ni̱rangu we ya̱m Kwamamu ni yoon ni̱ri̱mu.
5Yam Kwama wu ki̱ni muku ni̱rangu n ti kunku ni̱range, a ni chi̱n Fi̱ki̱m bi̱bu a kunkaki̱m we tibe chi̱n we bunti̱ki̱ Yesu Masiyangu. 6Di̱ne ke ti̱ni ki̱ni kwang ti̱dela dwiyen Kwamatu ti̱ri̱ka Kwama Tewuduwe Yesu Masiya ki̱ni yii wiin a Fi̱ki̱m Kwamam. 7Di̱ne yiko, ti̱yiu ka nang wuwule niye, yinangu m Masiya a yiu chiniyangu; yinu n Kwama ka ya dwiyentu.
8Mi̱n fwa chimi̱nu, n Yesu Masiya a kau yinang naba nanga ni̱bu Yafudam, a kuteng ya̱m bi̱yili̱m Kwamamu, ke a yung ti̱n n Kwama ki̱rii chi n ki̱n a fwa we biku laar a suteti̱bu ya̱m ki̱mu a fwa fa̱kuti mi̱n ferediyu. 9Ke yikayu kuuti ti̱n a dela Kwama di̱ne ki̱bune ko. A tiwe yinanga a mwal ko,
“Di̱ne yiko, Teweduwe,
Mang dela di̱n munu,
mang dela di̱n munu ki̱ni teni
we kuutiyu.”
10A fwatu ki̱da ko, ti̱ma ti̱mi̱lan wa ni̱bu kuuti̱m n ti ni̱bu Kwamamu.
11A ki̱la fwati̱n ko,
“Ti̱dela Tewuduwe, n ti̱n yikayu kuuti
ti̱dela ki̱n kutiyu ki̱ni kwang yiyu a ni̱bu ti̱ti̱nime.”
12N Yichaya ki̱la fwati̱n ko,
“Wuka we lo Dauda bwe Yesse ka chiredu,
beka ma mati̱n yikayu kuuti kwang.
Bi̱bu a yikayu kuutiyu ka yoti̱ ni̱ru
we di̱ki̱ne.”
13Ke n Kwama wu ni yon ni̱re a ri chi̱n ki̱ni furi mwe mwen n ti fiswe li̱ma yo ti̱ke bi̱yili̱mu we di̱ki̱ne, ke ti̱ ri ki̱ni yo ni̱re ti dukan da fi̱ki̱m Kwamam.
Chi a yo m Bulus a mwal ya̱me
14Kebi̱mi̱m, m mi̱n, m mi̱fwan n ke mi n ti̱ni̱n ti̱fwan ki̱ni ni̱r di̱yili̱n ki̱ni yingku ki̱yilang. N ti̱n ti̱lwe ta miya yichiyu mi̱nu. 15N mwal chimi̱n yi kwa̱rikwa̱ri we ti̱katu ti̱kwa̱li yii yinu mi̱n kur chimi̱n ti̱nu ki̱da di̱ne li̱me Kwama a niye.
16Ko n kau naba nangang Yesu Masiya we kuutiyu n ki̱ni nangang fansetiyangu we di̱mwar ya̱m Kwamamu. 17Di̱ne yiko, mi̱n ngau kwiye ki̱ni Yesu Masiya we chi n ki̱n a ma di̱ne mi̱n sii Kwama.
18A ne mang fwa bi̱kam ya̱m we di̱mune ka ke chi n Yesu Masiya a ma we di̱mi̱ne wu a wuwe ni̱bu kuutimu ka bunti̱ Kwama we chi mang fwa mang mati̱ne. 19Mang medu mang fwa chi ka̱ta̱kitu n Yesu Masiya a ma ki̱ni dukan Fi̱ki̱m Kwamamitu. N ma di̱mwar ya̱m bi̱li̱mi̱nu n ri chi a dakani we Wurchalima n ti ti̱ntiyu a kananiyu n fwe ti̱na Yilirikum wu a Yiti̱liye.
20Aya ka nang wuwule ki̱swiye mi̱n kuru we ni̱r mi̱nu mang ma di̱mwar ya̱m bi̱li̱mu we fi ni̱bu a yimbu Masiya. 21Ka nang chikiye nang ka mwalangu Bi̱bu ni̱bu a fwa chi mi̱n bi̱mu ka kudu, yinu bi̱bu a no nwebi̱mu ka swaanu.
22Ti̱tu nang chi a yo ki̱dati kwang mang yabu da yaku bwana di̱chi̱ne.
M Bulus a do bwiyu ka ya Roma
23Yo ki̱kangu a ne wuka fi ma man nangang we bale we, yo man tau mi̱n badu swa̱tu nabwen mang kunne. 24N do bwiyu mang ya bwa di̱chine ki̱dangu mang ya Asbaniyangu. We bwako mang bau ki̱swi mang sii chinedu ke ti̱makai ti̱n we yayu mi, yinu mang chakakku ki̱ni yayu. 25Aya ki̱ka̱ngu mi̱n yika Wurchalima yamang maka we ni̱bu bunti̱ki̱ma fiko mu. 26Ti̱da̱ng ni̱bu bunti̱ki̱mu a Makidoniya n ti Akayamu a maka ti̱lusani ni̱bu bunti̱ki̱m a Wurchalimamu ki̱ni furi mwen. 27N chi a nwe ta̱ma̱ng maki̱ku yinu a kau chimi̱nti̱ yinang ki̱da̱dda̱ku we di̱chiye. Ka ni̱bu kuutimu a yati̱ ki̱ti̱me we delaku ni̱bu Yafudam wa fi̱ki̱me, a kau chimi̱n ki̱da̱dda̱ku ka kerati̱ yaku chiyangu n ti ni̱bu Yafudamu.
28Yo mang ri nangang ki̱ke yinu n yinti̱ n chi a ya makake, mang yika Asbaniya yinu mang bunti̱ fiya di̱ki̱ne. 29N yim ka n ya bwa di̱chine, mang yadu ki̱ni ki̱li̱mang ki̱duwang ki̱ka Masiya.
30Kebu mi̱m, we a di̱n Yesu Masiya n ti mi̱laku Fi̱ki̱m Kwamamu, mi̱n baddu ta makayu ki̱ni twa̱ba̱ku buni we kwa̱mbi̱r mi̱nu we Tewuduwe. 31Ti̱twa̱ba̱n, ke n ya chirku we ni̱bu bi̱bu a ko bunti̱ki̱ Yesu Masiya we yaa Yafudiyamu, di̱ne ke ki̱li̱mangu mang madu a Wurchalimangu a kau chi ni̱bu bunti̱ki̱m ka yinde.
32Ka Kwama kenge mang ya bwa di̱ chi̱ne ki̱ni ni̱ri mwen ke ni kunka dutu chi̱retu. 33N Kwama naba li̱me a swe ware n ti chi̱ni kwang. Amin.
Currently Selected:
Romam 15: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Romam 15
15
Ti̱ma fiswe ka ru bi̱kame
1N chi̱ni bi̱bu keku bi̱yili̱mang chirengu a ma dukani̱mu, a dakan ni kuru ki̱ni bi̱bu keku bi̱yili̱mang chiyangu a mabu dukani̱mu, di̱ne ke ni maka chi. 2Kanang wuwule chire a yo keko mi̱n li̱mbwi ke keku bi̱yili̱mang kangu a ti ki̱ri̱ng we bunti̱ki̱ Tewuduwe. 3Ko no nang Masiya a mabu fiswe wu a nwe ta̱me, yinang ka a mwal we ya̱m Kwamamu ko, “Ti̱turantu ni̱bu ki̱tura chinitu a tu min.” 4Chi ni̱bu a mwal feredi we ya̱m Kwamame, di̱ne ke a miya nimi̱n we muku ni̱rang n ti kunku ni̱rangu we ya̱m Kwamamu ni yoon ni̱ri̱mu.
5Yam Kwama wu ki̱ni muku ni̱rangu n ti kunku ni̱range, a ni chi̱n Fi̱ki̱m bi̱bu a kunkaki̱m we tibe chi̱n we bunti̱ki̱ Yesu Masiyangu. 6Di̱ne ke ti̱ni ki̱ni kwang ti̱dela dwiyen Kwamatu ti̱ri̱ka Kwama Tewuduwe Yesu Masiya ki̱ni yii wiin a Fi̱ki̱m Kwamam. 7Di̱ne yiko, ti̱yiu ka nang wuwule niye, yinangu m Masiya a yiu chiniyangu; yinu n Kwama ka ya dwiyentu.
8Mi̱n fwa chimi̱nu, n Yesu Masiya a kau yinang naba nanga ni̱bu Yafudam, a kuteng ya̱m bi̱yili̱m Kwamamu, ke a yung ti̱n n Kwama ki̱rii chi n ki̱n a fwa we biku laar a suteti̱bu ya̱m ki̱mu a fwa fa̱kuti mi̱n ferediyu. 9Ke yikayu kuuti ti̱n a dela Kwama di̱ne ki̱bune ko. A tiwe yinanga a mwal ko,
“Di̱ne yiko, Teweduwe,
Mang dela di̱n munu,
mang dela di̱n munu ki̱ni teni
we kuutiyu.”
10A fwatu ki̱da ko, ti̱ma ti̱mi̱lan wa ni̱bu kuuti̱m n ti ni̱bu Kwamamu.
11A ki̱la fwati̱n ko,
“Ti̱dela Tewuduwe, n ti̱n yikayu kuuti
ti̱dela ki̱n kutiyu ki̱ni kwang yiyu a ni̱bu ti̱ti̱nime.”
12N Yichaya ki̱la fwati̱n ko,
“Wuka we lo Dauda bwe Yesse ka chiredu,
beka ma mati̱n yikayu kuuti kwang.
Bi̱bu a yikayu kuutiyu ka yoti̱ ni̱ru
we di̱ki̱ne.”
13Ke n Kwama wu ni yon ni̱re a ri chi̱n ki̱ni furi mwe mwen n ti fiswe li̱ma yo ti̱ke bi̱yili̱mu we di̱ki̱ne, ke ti̱ ri ki̱ni yo ni̱re ti dukan da fi̱ki̱m Kwamam.
Chi a yo m Bulus a mwal ya̱me
14Kebi̱mi̱m, m mi̱n, m mi̱fwan n ke mi n ti̱ni̱n ti̱fwan ki̱ni ni̱r di̱yili̱n ki̱ni yingku ki̱yilang. N ti̱n ti̱lwe ta miya yichiyu mi̱nu. 15N mwal chimi̱n yi kwa̱rikwa̱ri we ti̱katu ti̱kwa̱li yii yinu mi̱n kur chimi̱n ti̱nu ki̱da di̱ne li̱me Kwama a niye.
16Ko n kau naba nangang Yesu Masiya we kuutiyu n ki̱ni nangang fansetiyangu we di̱mwar ya̱m Kwamamu. 17Di̱ne yiko, mi̱n ngau kwiye ki̱ni Yesu Masiya we chi n ki̱n a ma di̱ne mi̱n sii Kwama.
18A ne mang fwa bi̱kam ya̱m we di̱mune ka ke chi n Yesu Masiya a ma we di̱mi̱ne wu a wuwe ni̱bu kuutimu ka bunti̱ Kwama we chi mang fwa mang mati̱ne. 19Mang medu mang fwa chi ka̱ta̱kitu n Yesu Masiya a ma ki̱ni dukan Fi̱ki̱m Kwamamitu. N ma di̱mwar ya̱m bi̱li̱mi̱nu n ri chi a dakani we Wurchalima n ti ti̱ntiyu a kananiyu n fwe ti̱na Yilirikum wu a Yiti̱liye.
20Aya ka nang wuwule ki̱swiye mi̱n kuru we ni̱r mi̱nu mang ma di̱mwar ya̱m bi̱li̱mu we fi ni̱bu a yimbu Masiya. 21Ka nang chikiye nang ka mwalangu Bi̱bu ni̱bu a fwa chi mi̱n bi̱mu ka kudu, yinu bi̱bu a no nwebi̱mu ka swaanu.
22Ti̱tu nang chi a yo ki̱dati kwang mang yabu da yaku bwana di̱chi̱ne.
M Bulus a do bwiyu ka ya Roma
23Yo ki̱kangu a ne wuka fi ma man nangang we bale we, yo man tau mi̱n badu swa̱tu nabwen mang kunne. 24N do bwiyu mang ya bwa di̱chine ki̱dangu mang ya Asbaniyangu. We bwako mang bau ki̱swi mang sii chinedu ke ti̱makai ti̱n we yayu mi, yinu mang chakakku ki̱ni yayu. 25Aya ki̱ka̱ngu mi̱n yika Wurchalima yamang maka we ni̱bu bunti̱ki̱ma fiko mu. 26Ti̱da̱ng ni̱bu bunti̱ki̱mu a Makidoniya n ti Akayamu a maka ti̱lusani ni̱bu bunti̱ki̱m a Wurchalimamu ki̱ni furi mwen. 27N chi a nwe ta̱ma̱ng maki̱ku yinu a kau chimi̱nti̱ yinang ki̱da̱dda̱ku we di̱chiye. Ka ni̱bu kuutimu a yati̱ ki̱ti̱me we delaku ni̱bu Yafudam wa fi̱ki̱me, a kau chimi̱n ki̱da̱dda̱ku ka kerati̱ yaku chiyangu n ti ni̱bu Yafudamu.
28Yo mang ri nangang ki̱ke yinu n yinti̱ n chi a ya makake, mang yika Asbaniya yinu mang bunti̱ fiya di̱ki̱ne. 29N yim ka n ya bwa di̱chine, mang yadu ki̱ni ki̱li̱mang ki̱duwang ki̱ka Masiya.
30Kebu mi̱m, we a di̱n Yesu Masiya n ti mi̱laku Fi̱ki̱m Kwamamu, mi̱n baddu ta makayu ki̱ni twa̱ba̱ku buni we kwa̱mbi̱r mi̱nu we Tewuduwe. 31Ti̱twa̱ba̱n, ke n ya chirku we ni̱bu bi̱bu a ko bunti̱ki̱ Yesu Masiya we yaa Yafudiyamu, di̱ne ke ki̱li̱mangu mang madu a Wurchalimangu a kau chi ni̱bu bunti̱ki̱m ka yinde.
32Ka Kwama kenge mang ya bwa di̱ chi̱ne ki̱ni ni̱ri mwen ke ni kunka dutu chi̱retu. 33N Kwama naba li̱me a swe ware n ti chi̱ni kwang. Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.