Dwakam 2
2
Di̱tumbi̱ru a yika Afisanu
1Mwal naba ti̱tumbi̱ri a Kan Kwama di̱du a ni̱bu Afisa mi̱n mwi:
2M yim chi n ti̱n ni̱bu bunti̱ki̱mu a Afisa ti̱maditu. N ku yinangu ti̱kwa̱rtadu we nangangu n ti bwanu chi̱n. N yim a ne ta ma bwanu ki̱ni wa̱ri ni̱bu bi̱bwilamiyu. N swa̱ka̱ bi̱bu ki̱yidu ko n chi fandubu aya n ke ki̱ni̱mu. N ya chi ni̱bu ti̱kwanim 3N yim, m ma bwanu, m mun mu ni̱ru n nwe riye di̱ne mi̱n, mun wengi chik mwang ki̱labu kuteng. 4Aya chi mang fwadu a dur mune nang ti̱tu. Mwang mi̱laibu yinangu no a mwan mwengu. 5Da̱ng! Yaremo a ma nabwen. Woki̱ti̱m, ki̱latewe bunti̱ki̱ mwangu ferediyangu ka a newe yiko, mang ya bwa a di̱chine mang wela chi̱nu, mang chaku fiti̱la chi̱n we fi a no wemi̱ne. 6Aya a lemi we di̱mune nangu mwan ko dati Nikolatiyangu yinangu mang ko ti̱nangu.
7Wu ki̱ni ki̱teliye a dakan ka nwe chi Fi̱ki̱m Kwamamu ki̱fwa ni̱bu a kambi Kwamatu mi̱nde.
Nii wu ka chau ki̱la, mang ni ki̱n da̱a̱ ka chadu we tiyang ti̱kuriyangu, ka nang chikiye, bwa lon Kwama.
Di̱tumbi̱r da yika Si̱minanu
8Mwal naba di̱tumbi̱ri Kwama wu kan Kwamanu a ni̱bu Si̱mi̱rina mi̱n mwi:
Bi̱bu nang ya̱mu a wu a tiye kakke n ti wu ka swanti̱ne, wu a bwa a kuntuwe. 9N yim riye mwang lenge n ti kwalan mwitu. Aya ki̱ni yiko m muni ki̱ni kuliti̱tu a Fi̱ki̱m Kwamamitu! N yim ya̱mi swa̱ba ku ni̱bu ki̱fwadu a dur muniyu, n chi bi̱bu ki̱kudu ko n chi Yafuda bi̱suturi̱m Kwamamu. Aya a newe yiko, n chi a ki̱la nangi̱n Setan. 10Nwedu tayi riye wu mun yadu mwang nwede we. Da̱ng! N Setan ki̱yadu ka di̱ku bi̱kam chimu a di̱bi̱nti̱l ka swe chi̱nu, ta le riye fumake wu a wanditiye. Aya ka n tii ki̱ri̱nge, kasi no a yii bwange, mang ni̱n di̱ki̱ri̱n ti̱kuri.
11Wu ki̱ni ki̱teliye a nwe chi Fi̱ki̱m Kwamamu ki̱fwa kambi Kwamatu mi̱nde.
Ni̱bu ka ma ki̱ti̱memu, bwa wu robe a ne twai chidu.
Di̱tumbi̱r da yika Bi̱rikanu
12Mwal naba di̱tumbi̱ri Kwama wu a kan Kwamanu a ni̱bu Bi̱rka̱mu mi̱n mwi:
Bi̱bu nang ya̱m ki̱mu wu ki̱ni di̱kwal Kwaman yinang kulu bali̱ntii turau ki̱ni chami̱nu. 13N yim fi mwang swe mi̱ne, n swe a bi̱nu Setan ki̱mang mati̱ne. Aya ki̱ni yiko, mun bumiti̱nu ki̱ni bi̱yili̱m. Ti̱nti̱ne, keku bi̱yili̱mangi wengi kusi̱kusi̱ we fi fakware ki̱mang mati̱ne kasi no n nang ki̱dangu n Antifas, naba nanganmi wu ni̱ri diine a bwa we bi̱nu fakware ki̱mang mati̱n kite. 14Kasi ki̱ki yikongu, m mi̱ni ki̱ni ya̱m we dur muni bayim. N du bi̱kam we tibe chi̱n, bi̱bu ki̱bunti̱ miyaku Balaam, wu a miya Balak mi̱n, yinu a yo ni̱bu Yisrela a ma ki̱le, a chau chabtu ti̱tu ni̱bu a ma ti̱yobi mi̱n niku ki̱nitu. Yinu a yo n chi a mati̱ ti̱kuli. 15A lakabu ti̱n, muni ki̱ni bi̱bu ki̱bunti̱ miyaku Nikolatiya. 16Wo ki̱ti̱m! Ka a newe yiko, a ne ti ke mang ya bwa a di̱mune mang makadu n ti chi ki̱ni dukan di̱kwa̱l Kwamanu yinang kul ka chiru a yiinu.
17Wu ki̱ni ki̱teliye a nwe chi Fi̱ki̱m Kwamamu ki̱fwa ni̱bu a kambi Kwamatu mi̱nde.
Kanang wuwule niye wu ka chau ki̱la, mang ni ki̱n manna#2:17 Mana nang chabti̱tu Yisrela a chau a di̱kir we swa̱ti̱tu n chi a ma wan taana we nabwe di̱chilanchangi̱netu. n ti kale dukane wu mwemwe ki̱ni di̱n di̱fwin we bwikiye, kana wu ka yidde a yim.
Di̱tumbi̱ru a yika Tiyati̱ranu
18Mwal naba di̱tumbi̱ri Kwama wu a kan Kwamanu a ni̱bu Tiyati̱ra mi̱n mwi:
Ti̱tu nang ti̱kwa̱li yii Bwe Kwamatu, wu nui kiyu yinang ben ki̱rangi̱ne, naniyu yinang takula wu ni a kwasukwase.
19N yim nangi̱n mwitu, mi̱laku mwangu n ti keku bi̱yili̱mang mwangu. Nangang Kwama mwangu n ti bwanumo, n yim ti̱n mun funti̱bwi a la ki̱dangu no mwang kunengu. 20Aya a mwintuwe, mang fwa bi̱bu we dur munu. N du Yesebel naye wu ki̱yal dur ki̱nu ko fa̱ku we. Di̱ne chi n ki̱n ki̱miyade, ki̱butu ni̱bu ki̱mana ti̱kuli, ki̱chati̱ chabtu ti̱yobi.
21N ni ki̱n ki̱swi mi a wo ki̱ti̱m, aya n ki̱n a ko ki̱bakka ti̱kuli. 22Mang yo burang ki̱kwanang ka tau ki̱nu. Bi̱bu ki̱ma sulai waremu mang ni chi riye wuduwe ka lami̱nti̱ yo n chi ka wo ki̱ti̱me. 23Mang chi̱u bi̱bu ki̱bunti̱ yiikomu, yinu ni̱bu bunti̱ki̱mu ka yindu ko m mi̱n nang wu mi̱n ku ni̱tu ni̱bitu n ti ti̱kuran chite. Mang ni kawure ki̱ti̱me yinangu kwa̱mbi̱r ki̱n a yungyangu.
24Ki̱ka̱ngu mi̱n fwa chimi̱nu n ti̱n bi̱kamu a Tiyati̱ramu, bi̱bu a bunti̱bu miyaku ki̱kusangu ki̱ku a naye wangu, ta miyabu chi bi̱bu ki̱bunti̱ni̱mu ki̱yiidu ko “ti̱lairi Setan ti̱tu a ma swa̱n”. A ne mang yo chimi̱n kaang tureng. 25Chi mang yi chi̱ne, ti̱tau keku bi̱yili̱mang changi ki̱ri̱ng a lami̱nti̱ yo mang bede. 26N ki̱n wu ka chau ki̱la ka lami̱nti̱ yo mang ki̱ladange,
Mang ni ki̱n dukanu ka ma mati̱n kuuti. 27Ka ma mati̱ntu ki̱ni ki̱twalang makka. Ka wure chidu yinang kubi swani. 28N chi kanodu ki̱ni duum dukani̱mu mang yiuwe a di̱ Temiyemu. Yinu mang ni li̱mangu yinang ki̱swi ki̱chiredi kunsine.
29Wu ki̱ni ki̱teliye a nwe chi Fi̱ki̱m Kwamamu ki̱fwa ni̱bu a kambi Kwamatu mi̱nde.
Currently Selected:
Dwakam 2: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Dwakam 2
2
Di̱tumbi̱ru a yika Afisanu
1Mwal naba ti̱tumbi̱ri a Kan Kwama di̱du a ni̱bu Afisa mi̱n mwi:
2M yim chi n ti̱n ni̱bu bunti̱ki̱mu a Afisa ti̱maditu. N ku yinangu ti̱kwa̱rtadu we nangangu n ti bwanu chi̱n. N yim a ne ta ma bwanu ki̱ni wa̱ri ni̱bu bi̱bwilamiyu. N swa̱ka̱ bi̱bu ki̱yidu ko n chi fandubu aya n ke ki̱ni̱mu. N ya chi ni̱bu ti̱kwanim 3N yim, m ma bwanu, m mun mu ni̱ru n nwe riye di̱ne mi̱n, mun wengi chik mwang ki̱labu kuteng. 4Aya chi mang fwadu a dur mune nang ti̱tu. Mwang mi̱laibu yinangu no a mwan mwengu. 5Da̱ng! Yaremo a ma nabwen. Woki̱ti̱m, ki̱latewe bunti̱ki̱ mwangu ferediyangu ka a newe yiko, mang ya bwa a di̱chine mang wela chi̱nu, mang chaku fiti̱la chi̱n we fi a no wemi̱ne. 6Aya a lemi we di̱mune nangu mwan ko dati Nikolatiyangu yinangu mang ko ti̱nangu.
7Wu ki̱ni ki̱teliye a dakan ka nwe chi Fi̱ki̱m Kwamamu ki̱fwa ni̱bu a kambi Kwamatu mi̱nde.
Nii wu ka chau ki̱la, mang ni ki̱n da̱a̱ ka chadu we tiyang ti̱kuriyangu, ka nang chikiye, bwa lon Kwama.
Di̱tumbi̱r da yika Si̱minanu
8Mwal naba di̱tumbi̱ri Kwama wu kan Kwamanu a ni̱bu Si̱mi̱rina mi̱n mwi:
Bi̱bu nang ya̱mu a wu a tiye kakke n ti wu ka swanti̱ne, wu a bwa a kuntuwe. 9N yim riye mwang lenge n ti kwalan mwitu. Aya ki̱ni yiko m muni ki̱ni kuliti̱tu a Fi̱ki̱m Kwamamitu! N yim ya̱mi swa̱ba ku ni̱bu ki̱fwadu a dur muniyu, n chi bi̱bu ki̱kudu ko n chi Yafuda bi̱suturi̱m Kwamamu. Aya a newe yiko, n chi a ki̱la nangi̱n Setan. 10Nwedu tayi riye wu mun yadu mwang nwede we. Da̱ng! N Setan ki̱yadu ka di̱ku bi̱kam chimu a di̱bi̱nti̱l ka swe chi̱nu, ta le riye fumake wu a wanditiye. Aya ka n tii ki̱ri̱nge, kasi no a yii bwange, mang ni̱n di̱ki̱ri̱n ti̱kuri.
11Wu ki̱ni ki̱teliye a nwe chi Fi̱ki̱m Kwamamu ki̱fwa kambi Kwamatu mi̱nde.
Ni̱bu ka ma ki̱ti̱memu, bwa wu robe a ne twai chidu.
Di̱tumbi̱r da yika Bi̱rikanu
12Mwal naba di̱tumbi̱ri Kwama wu a kan Kwamanu a ni̱bu Bi̱rka̱mu mi̱n mwi:
Bi̱bu nang ya̱m ki̱mu wu ki̱ni di̱kwal Kwaman yinang kulu bali̱ntii turau ki̱ni chami̱nu. 13N yim fi mwang swe mi̱ne, n swe a bi̱nu Setan ki̱mang mati̱ne. Aya ki̱ni yiko, mun bumiti̱nu ki̱ni bi̱yili̱m. Ti̱nti̱ne, keku bi̱yili̱mangi wengi kusi̱kusi̱ we fi fakware ki̱mang mati̱ne kasi no n nang ki̱dangu n Antifas, naba nanganmi wu ni̱ri diine a bwa we bi̱nu fakware ki̱mang mati̱n kite. 14Kasi ki̱ki yikongu, m mi̱ni ki̱ni ya̱m we dur muni bayim. N du bi̱kam we tibe chi̱n, bi̱bu ki̱bunti̱ miyaku Balaam, wu a miya Balak mi̱n, yinu a yo ni̱bu Yisrela a ma ki̱le, a chau chabtu ti̱tu ni̱bu a ma ti̱yobi mi̱n niku ki̱nitu. Yinu a yo n chi a mati̱ ti̱kuli. 15A lakabu ti̱n, muni ki̱ni bi̱bu ki̱bunti̱ miyaku Nikolatiya. 16Wo ki̱ti̱m! Ka a newe yiko, a ne ti ke mang ya bwa a di̱mune mang makadu n ti chi ki̱ni dukan di̱kwa̱l Kwamanu yinang kul ka chiru a yiinu.
17Wu ki̱ni ki̱teliye a nwe chi Fi̱ki̱m Kwamamu ki̱fwa ni̱bu a kambi Kwamatu mi̱nde.
Kanang wuwule niye wu ka chau ki̱la, mang ni ki̱n manna#2:17 Mana nang chabti̱tu Yisrela a chau a di̱kir we swa̱ti̱tu n chi a ma wan taana we nabwe di̱chilanchangi̱netu. n ti kale dukane wu mwemwe ki̱ni di̱n di̱fwin we bwikiye, kana wu ka yidde a yim.
Di̱tumbi̱ru a yika Tiyati̱ranu
18Mwal naba di̱tumbi̱ri Kwama wu a kan Kwamanu a ni̱bu Tiyati̱ra mi̱n mwi:
Ti̱tu nang ti̱kwa̱li yii Bwe Kwamatu, wu nui kiyu yinang ben ki̱rangi̱ne, naniyu yinang takula wu ni a kwasukwase.
19N yim nangi̱n mwitu, mi̱laku mwangu n ti keku bi̱yili̱mang mwangu. Nangang Kwama mwangu n ti bwanumo, n yim ti̱n mun funti̱bwi a la ki̱dangu no mwang kunengu. 20Aya a mwintuwe, mang fwa bi̱bu we dur munu. N du Yesebel naye wu ki̱yal dur ki̱nu ko fa̱ku we. Di̱ne chi n ki̱n ki̱miyade, ki̱butu ni̱bu ki̱mana ti̱kuli, ki̱chati̱ chabtu ti̱yobi.
21N ni ki̱n ki̱swi mi a wo ki̱ti̱m, aya n ki̱n a ko ki̱bakka ti̱kuli. 22Mang yo burang ki̱kwanang ka tau ki̱nu. Bi̱bu ki̱ma sulai waremu mang ni chi riye wuduwe ka lami̱nti̱ yo n chi ka wo ki̱ti̱me. 23Mang chi̱u bi̱bu ki̱bunti̱ yiikomu, yinu ni̱bu bunti̱ki̱mu ka yindu ko m mi̱n nang wu mi̱n ku ni̱tu ni̱bitu n ti ti̱kuran chite. Mang ni kawure ki̱ti̱me yinangu kwa̱mbi̱r ki̱n a yungyangu.
24Ki̱ka̱ngu mi̱n fwa chimi̱nu n ti̱n bi̱kamu a Tiyati̱ramu, bi̱bu a bunti̱bu miyaku ki̱kusangu ki̱ku a naye wangu, ta miyabu chi bi̱bu ki̱bunti̱ni̱mu ki̱yiidu ko “ti̱lairi Setan ti̱tu a ma swa̱n”. A ne mang yo chimi̱n kaang tureng. 25Chi mang yi chi̱ne, ti̱tau keku bi̱yili̱mang changi ki̱ri̱ng a lami̱nti̱ yo mang bede. 26N ki̱n wu ka chau ki̱la ka lami̱nti̱ yo mang ki̱ladange,
Mang ni ki̱n dukanu ka ma mati̱n kuuti. 27Ka ma mati̱ntu ki̱ni ki̱twalang makka. Ka wure chidu yinang kubi swani. 28N chi kanodu ki̱ni duum dukani̱mu mang yiuwe a di̱ Temiyemu. Yinu mang ni li̱mangu yinang ki̱swi ki̱chiredi kunsine.
29Wu ki̱ni ki̱teliye a nwe chi Fi̱ki̱m Kwamamu ki̱fwa ni̱bu a kambi Kwamatu mi̱nde.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.