Matta 1
TULA

Matta 1

1
Ki̱kuwang Yesuwang
(Luk 3:23-38)
1Taki̱da ki̱kuwang Yesu Masiya, buke Dauda, wu n ki̱n buke Yibrayime.
2Yibrayim a bi̱u Yichaku,
Yichaku a bi̱u Yakubu,
Yakubu a bi̱u Yafuda n ti kebu ki̱mu,
3Yafuda a bi̱u Feresa n ti Sera,
wu n neki̱n n Tamare.
Farisa a bi̱u Asruna
Asruna a bi̱u Arama,
4Arama a bi̱u Aminadab,
Aminadab a bi̱u Nasun,
Nasun a bi̱u Salmuna,
5Salmuna a bi̱u Bwas, wu n ne ki̱n n Rahab
Bwas a bi̱u Obed, wu n ne ki̱n n Rute,
Wabida a bi̱u Yesse,
6Yesse a bi̱u Mai Dauda
Dauda a bi̱u Solomon wu n ne ki̱n a no naye Wuriya.
7Solomon a bi̱u Rabwam,
Rabwam a bi̱u Abusa,
Abusa a bi̱u Asa,
8Asa a bi̱u Yawuchafa,
Yawuchafa a bi̱u Yoram,
Yoram a bi̱u Asariya,
9Asariya a bi̱u Yotam,
Yotam a bi̱u Asa,
Asa a bi̱u Yisakiya
10Yisakiya a bi̱u Mannasa,
Mannasa a bi̱u Amon,
Amon a bi̱u Yochiya.
11Yochiya a bi̱u Yekoniya n ti kebu
ki̱mu a ki̱swi ni̱bu a wo chi
a yikan ti̱m Babilame.
12A kuteng ki̱ku ni̱bu a wo chi a yikan ti̱m Babila,
n Yekoniya a bi̱u Chatila,
Chatila a bi̱u Sarubabel,
13Sarubabel a bi̱u Abidu,
Abidu a bi̱u Aliyaki̱m,
Aliyaki̱m a bi̱u Asura.
14Asura a bi̱u Saduka,
Saduka a bi̱u Akim,
Akim a bi̱u Aliyuda.
15Aliyuda a bi̱u Aliyasar,
Aliyasar a bi̱u Matana,
Matana a bi̱u Yakubu,
16Yakubu a bi̱u Yusufu kwarta
Maryamu wu a bi̱u Yesu wu
ni̱bu ki̱yal ki̱nu ko Masiya.
17Ti̱kalaniti kub chiri taana, chi a tatuwe di̱Yibrayime a lanta Dauda, yinu ti̱kalaniti kub chiri taana we di̱Dauda a lanta woku chi̱yangu a Babilangu. We woku chi̱yangu a Babilangu a lanta beku Yesu Masiyangu ti̱kalaniti kub chiri taana ti̱n.
Bi̱be Yesuwe
(Luk 2:1-7)
18Tiyangu bi̱be Yesu Masiya a fwengu, m Maryamu wu a bwa̱u na Yusufu we, m Maryamu a ma lur di̱du a Fi̱ki̱m Kwamam, yo a tibu na ki̱ne. 19N Yusufu kwiye Maryamuwe ni wuyile, a kebu ka ni Maryamu dibwi we tibe ni̱be, a yo we ni̱r ki̱nu ka mari daan.
20Yo n Yusufu we ti̱kuran ti̱te, naba di̱tumbi̱re Tewuduwe a be ki̱mi̱ne a dwakam ko, “Yusufu, buke Dauda, nwedu tayi we, da̱u Maryamu tiyang nayemo, di̱ne luru a fur ki̱ni̱nu di̱du a Fi̱ki̱m Kwaman. 21Maryamu ka bi̱u bwe, mwang yo ki̱mi̱n di̱nu n Yesu#1:21 Di̱nu n Yesu nang “Naba yuke.”, di̱ne ki̱n nang wu ka yu ni̱bu ki̱mu we ki̱leti chiyu.”
22Ti̱ti kwang a fwe di̱ne ke a ri chi n Tewuduwe a fwa a yii fa̱ku we ko, 23“Di̱kan fwa̱n ka ma lur, ka bi̱u bwe, ka chaki̱mi̱n di̱nu ko n Yimanuwel.” Ki̱yungdu ko, “N Kwama ware n ti chir.”
24Tiyangu n Yusufu a kaban we dumangu, a bunti̱ chi naba di̱tumbi̱re Tewuduwe a fwa, a da̱u Maryamu a kau nayeko. 25Aya Yusufu a daangbuwe ware n ti ki̱n, a lanta yo n ki̱n a bi̱u bweko. Yinu a yo ki̱mi̱n di̱nu n Yesu.

© 2015, The Nigeria Bible Translation Trust and Wycliffe Bible Translators, Inc. All rights reserved.


Learn More About Bwaki Kifwiyang

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.