Yafuda 1
1
Di̱siir
1Mi̱na Yafuda naba nanga Yesu Masiya, ke Yakubu.
Mi̱n mwal chi mi̱nu, bi̱bu Kwama a yali̱mu, bi̱bu Kwama Te a mi̱lani̱mu, bi̱bu n Yesu Masiya ki̱todi̱mu.
2Ki̱bune n ti li̱mang n ti mi̱laku a kau wu chi̱n buri̱tuburi̱tu.
Ti̱welang a ni̱bu yungku ti̱kwanim
3Kebu mi̱m, a di̱bi̱lai we ni̱r mi̱nu mi mang mwal chimi̱nu yinangu n Kwama a yuni kwange, aya a mwintuwe n ku a kabi ki̱ng mang mwal chimi̱nu ke n ngau chimi̱n ki̱kure mi ti̱ti ki̱ri̱ng we keku bi̱yili̱mangu ki̱da kiin n Kwama a yo ni̱bu bunti̱ki̱ mi̱nangu. 4Mi̱n fwa bi̱bu di̱ne ni̱bu a ne tayi Kwamai we ni̱tu chimu ni̱bu a subatuwe tibe chi̱ntu. N chi ki̱ki̱rte ya̱m li̱me Kwamamu ko ke chi yaa da chi mang ti̱kulitu. N chi a ko Yesu Masiya, nabalo n ti Tewuduwe chire ki̱kune. Ya̱m Kwamamu a fwa feredi ko duum bi̱bu ka mwata chimi̱nu.
5Aya kasi ki̱ku ta yimangu, n ke mang kur chimi̱nu tiyangu Tewuduwe a yu ni̱bu ki̱mu we ti̱m Masar mangu, aya a kuteng ki̱ku, a chi̱be bi̱bu a kebu bi̱yili̱mangu. 6Ti̱kur ni̱bu ti̱tumbi̱ri Kwamam bi̱bu a titi̱bu we dwiyentu n chi a yatu, aya a du fantiyu a nonodu n chi we mi̱niyu we. Bi̱bu n Kwama fwal chi a ki̱liyemu, a kwau chi ki̱ni maki̱lani ki̱diya, ka lami̱nti̱ dimwatake wu a di wuduwe. 7A lakanbu yinangu a ma Sodom n ti Komara n ti bi̱nti̱tu a kana chitu mi̱nangu, n chi a ni dutu chitu we yaritu n ti kubeku, n chi a ya ti̱welan Kwamatu di̱ne n chi a mati̱ chi ni̱bu bi̱bu a ma. Bi̱nti̱ ti̱tu kwang a nwe riye ki̱ni ki̱rang ki̱fi̱btiyangu ko ke ni̱bu a ku yinangu bi̱bwilamu ka nwe riye we faru a ki̱rang ki̱diya kwa̱du.
8Aya ni̱bu dwakam ti̱kwanim bi̱bu a bwita yichiyu ki̱ni dati bwiyu a bunti̱bu yili̱ntu, ki̱fwa ya̱m swa̱ba ku we dwiyen Kwamatu. 9Aya kono nang Archangel wuduwe ni̱bu ti̱tumbi̱rim Kwamame, m Makel a yim a ne ka ya dukanu ka fwa ya̱m bi̱bu a swa̱ba ku we ki̱dangu n ki̱n ki̱kula kwa̱me Musa n ti Setanangu. Aya naba di̱tumbi̱re a yi Setan ko, “N Kwama ka mwata munu!” 10Aya ni̱bu bi̱bu ki̱ swa̱ba chitu n chi a yimbitu, n chi ki̱ma chitu a ne ti̱kuran we yinang nai di̱kiri yiyu a yimbu chiiye. Ti̱tu nang chi ka kaiti̱ chide.
11A no chi̱! N chi̱ bi̱bu ki̱bunti̱ da Kayinu wu a chi̱u keko. N chi yinang Balaam wu a dwalan a kubeke. N chi ka twiya du we kulangkulange chi yinang Korama. 12Yo ni̱bu bi̱bu ki̱swedu we muraku chiyangu ki̱ku a mabwiyange n chi yinang chi ti̱bwilai ti̱tu a swabu chi mi̱ntuwei. N chi ni̱bu tori̱m ki̱chau ka funi chi. N chi yinang ki̱fi̱be twiye wu ki̱sudu a swibu mwe. Ni kudu yinang twiye wu yile, aya kana ti̱kwani. N chi yinang tiyang a tubu chi yo ki̱swi a lame. N chi yinang tiniyu ki̱fi̱be a kub a bwa ki̱diyange. 13N chi yinang laabi mwetu ki̱kuni waki̱cha̱ng yinang fangi̱mi we laatu, chi dibwitu n chi ki̱maditu a ne ki̱kwiwe yinang ki̱fwiyetu. N chi a tibu fii wiin yinang ki̱switi yiyu ki̱fi̱rfi̱rfi̱r a dii ki̱bwalati̱nu we kwakoyu. N Kwama ka yo chi du we neti ki̱liye ki̱daya kwadu.
14N Yenok wu ni̱bine we bwebwiyeti yinanga mwe we di̱ Adamuwangu a ma fa̱kui we ni̱bu bi̱bu ko,
“Ti̱da̱ng, n Tewuduwe ki̱bedu
n ti ni̱bu wawadi̱m ki̱mu kuneri kuneri.
15Be ka mwata kawure mi̱nu.
Ka yo bi̱bu ki̱ma ti̱kali ki̱ni Kwamamu
ka swan chi a lebitu.
Ka kwa̱l chi mi̱n ti̱bwilaitu n chi a ma
a wa̱re a yimbu Kwama.”
16Ni̱bu bi̱bu a mwan a ma ti̱luran n ti dukan yiin. N chi ki̱buntu kubeku chiyangu, n chi a ri ki̱ni swa̱ban ki̱wer ka dutu chi. N chi ki̱butu ni̱bu ki̱ni li̱mang yiiyang ke chi ya chii chi badde.
Ki̱kure n ti yilang
17Aya n ti̱n bi̱bu mi̱n mi̱ladi̱mu, ti̱kur ki̱ni chi fandubu Tewuduwe n Yesu Masiya a fwa ko ka fwede. 18N chi a fwa ko, “We di swan kute ni̱bu swa̱bani̱m, bi̱bu ka bunti̱ dati bwi chiyimu ka yung yichiyu. 19N chi nang ni̱bu ki̱yo bi̱ngaimu, a ri ki̱ni kubeku bwiyang. N chi a newe ki̱ni Fi̱ki̱m Kwamam.”
20Aya n ti̱n kebi̱ mi̱m ti̱chakakku ti̱nang yadu we tame keku bi̱yili̱mange n Kwama a ni chi̱ne. Ti̱chakakku ti̱nang twa̱ba̱ bunitu a Fi̱ki̱m bi̱bi wauwadi̱mu. 21Ti̱swe we mi̱laku Kwamangu yo kano ti̱yami̱n ti̱kuri ki̱diya kwaditu ti̱tu n Yesu Masiya we ki̱bune ko ka nikaditu.
22Ti̱nwe ki̱bune bi̱bu yayu chi a dabi̱mu. 23Ti̱chaku bi̱kamu ni̱bu we far ki̱rangu, ti̱yu chi. Ti̱nwe ki̱bune bi̱kame, aya ti̱ma dandan ke ti̱bwitadu yichiyu we bwila chi.
Twa̱ba̱ki̱ku a ka delakang
24Delaku a di̱Kwama wu ka tonu ke yare we, wu ka bedu ki̱ni chi̱n we kakku dwiyen kitu, ki̱ni furi mwemwen a ne ki̱le we. 25N ki̱n Kwama ki̱kun naba yuke chire a di̱Yesu Masiya Tewuduwe chire. Dwiyentu n ti ki̱siyangu n ti mati̱ntu n ti dukanu ti̱ki̱n kangu a mwe mi̱ne we ti̱dangiritu ferediyangu n ti ki̱ka̱ngu ki̱diya kwadu! Amin.
Currently Selected:
Yafuda 1: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Yafuda 1
1
Di̱siir
1Mi̱na Yafuda naba nanga Yesu Masiya, ke Yakubu.
Mi̱n mwal chi mi̱nu, bi̱bu Kwama a yali̱mu, bi̱bu Kwama Te a mi̱lani̱mu, bi̱bu n Yesu Masiya ki̱todi̱mu.
2Ki̱bune n ti li̱mang n ti mi̱laku a kau wu chi̱n buri̱tuburi̱tu.
Ti̱welang a ni̱bu yungku ti̱kwanim
3Kebu mi̱m, a di̱bi̱lai we ni̱r mi̱nu mi mang mwal chimi̱nu yinangu n Kwama a yuni kwange, aya a mwintuwe n ku a kabi ki̱ng mang mwal chimi̱nu ke n ngau chimi̱n ki̱kure mi ti̱ti ki̱ri̱ng we keku bi̱yili̱mangu ki̱da kiin n Kwama a yo ni̱bu bunti̱ki̱ mi̱nangu. 4Mi̱n fwa bi̱bu di̱ne ni̱bu a ne tayi Kwamai we ni̱tu chimu ni̱bu a subatuwe tibe chi̱ntu. N chi ki̱ki̱rte ya̱m li̱me Kwamamu ko ke chi yaa da chi mang ti̱kulitu. N chi a ko Yesu Masiya, nabalo n ti Tewuduwe chire ki̱kune. Ya̱m Kwamamu a fwa feredi ko duum bi̱bu ka mwata chimi̱nu.
5Aya kasi ki̱ku ta yimangu, n ke mang kur chimi̱nu tiyangu Tewuduwe a yu ni̱bu ki̱mu we ti̱m Masar mangu, aya a kuteng ki̱ku, a chi̱be bi̱bu a kebu bi̱yili̱mangu. 6Ti̱kur ni̱bu ti̱tumbi̱ri Kwamam bi̱bu a titi̱bu we dwiyentu n chi a yatu, aya a du fantiyu a nonodu n chi we mi̱niyu we. Bi̱bu n Kwama fwal chi a ki̱liyemu, a kwau chi ki̱ni maki̱lani ki̱diya, ka lami̱nti̱ dimwatake wu a di wuduwe. 7A lakanbu yinangu a ma Sodom n ti Komara n ti bi̱nti̱tu a kana chitu mi̱nangu, n chi a ni dutu chitu we yaritu n ti kubeku, n chi a ya ti̱welan Kwamatu di̱ne n chi a mati̱ chi ni̱bu bi̱bu a ma. Bi̱nti̱ ti̱tu kwang a nwe riye ki̱ni ki̱rang ki̱fi̱btiyangu ko ke ni̱bu a ku yinangu bi̱bwilamu ka nwe riye we faru a ki̱rang ki̱diya kwa̱du.
8Aya ni̱bu dwakam ti̱kwanim bi̱bu a bwita yichiyu ki̱ni dati bwiyu a bunti̱bu yili̱ntu, ki̱fwa ya̱m swa̱ba ku we dwiyen Kwamatu. 9Aya kono nang Archangel wuduwe ni̱bu ti̱tumbi̱rim Kwamame, m Makel a yim a ne ka ya dukanu ka fwa ya̱m bi̱bu a swa̱ba ku we ki̱dangu n ki̱n ki̱kula kwa̱me Musa n ti Setanangu. Aya naba di̱tumbi̱re a yi Setan ko, “N Kwama ka mwata munu!” 10Aya ni̱bu bi̱bu ki̱ swa̱ba chitu n chi a yimbitu, n chi ki̱ma chitu a ne ti̱kuran we yinang nai di̱kiri yiyu a yimbu chiiye. Ti̱tu nang chi ka kaiti̱ chide.
11A no chi̱! N chi̱ bi̱bu ki̱bunti̱ da Kayinu wu a chi̱u keko. N chi yinang Balaam wu a dwalan a kubeke. N chi ka twiya du we kulangkulange chi yinang Korama. 12Yo ni̱bu bi̱bu ki̱swedu we muraku chiyangu ki̱ku a mabwiyange n chi yinang chi ti̱bwilai ti̱tu a swabu chi mi̱ntuwei. N chi ni̱bu tori̱m ki̱chau ka funi chi. N chi yinang ki̱fi̱be twiye wu ki̱sudu a swibu mwe. Ni kudu yinang twiye wu yile, aya kana ti̱kwani. N chi yinang tiyang a tubu chi yo ki̱swi a lame. N chi yinang tiniyu ki̱fi̱be a kub a bwa ki̱diyange. 13N chi yinang laabi mwetu ki̱kuni waki̱cha̱ng yinang fangi̱mi we laatu, chi dibwitu n chi ki̱maditu a ne ki̱kwiwe yinang ki̱fwiyetu. N chi a tibu fii wiin yinang ki̱switi yiyu ki̱fi̱rfi̱rfi̱r a dii ki̱bwalati̱nu we kwakoyu. N Kwama ka yo chi du we neti ki̱liye ki̱daya kwadu.
14N Yenok wu ni̱bine we bwebwiyeti yinanga mwe we di̱ Adamuwangu a ma fa̱kui we ni̱bu bi̱bu ko,
“Ti̱da̱ng, n Tewuduwe ki̱bedu
n ti ni̱bu wawadi̱m ki̱mu kuneri kuneri.
15Be ka mwata kawure mi̱nu.
Ka yo bi̱bu ki̱ma ti̱kali ki̱ni Kwamamu
ka swan chi a lebitu.
Ka kwa̱l chi mi̱n ti̱bwilaitu n chi a ma
a wa̱re a yimbu Kwama.”
16Ni̱bu bi̱bu a mwan a ma ti̱luran n ti dukan yiin. N chi ki̱buntu kubeku chiyangu, n chi a ri ki̱ni swa̱ban ki̱wer ka dutu chi. N chi ki̱butu ni̱bu ki̱ni li̱mang yiiyang ke chi ya chii chi badde.
Ki̱kure n ti yilang
17Aya n ti̱n bi̱bu mi̱n mi̱ladi̱mu, ti̱kur ki̱ni chi fandubu Tewuduwe n Yesu Masiya a fwa ko ka fwede. 18N chi a fwa ko, “We di swan kute ni̱bu swa̱bani̱m, bi̱bu ka bunti̱ dati bwi chiyimu ka yung yichiyu. 19N chi nang ni̱bu ki̱yo bi̱ngaimu, a ri ki̱ni kubeku bwiyang. N chi a newe ki̱ni Fi̱ki̱m Kwamam.”
20Aya n ti̱n kebi̱ mi̱m ti̱chakakku ti̱nang yadu we tame keku bi̱yili̱mange n Kwama a ni chi̱ne. Ti̱chakakku ti̱nang twa̱ba̱ bunitu a Fi̱ki̱m bi̱bi wauwadi̱mu. 21Ti̱swe we mi̱laku Kwamangu yo kano ti̱yami̱n ti̱kuri ki̱diya kwaditu ti̱tu n Yesu Masiya we ki̱bune ko ka nikaditu.
22Ti̱nwe ki̱bune bi̱bu yayu chi a dabi̱mu. 23Ti̱chaku bi̱kamu ni̱bu we far ki̱rangu, ti̱yu chi. Ti̱nwe ki̱bune bi̱kame, aya ti̱ma dandan ke ti̱bwitadu yichiyu we bwila chi.
Twa̱ba̱ki̱ku a ka delakang
24Delaku a di̱Kwama wu ka tonu ke yare we, wu ka bedu ki̱ni chi̱n we kakku dwiyen kitu, ki̱ni furi mwemwen a ne ki̱le we. 25N ki̱n Kwama ki̱kun naba yuke chire a di̱Yesu Masiya Tewuduwe chire. Dwiyentu n ti ki̱siyangu n ti mati̱ntu n ti dukanu ti̱ki̱n kangu a mwe mi̱ne we ti̱dangiritu ferediyangu n ti ki̱ka̱ngu ki̱diya kwadu! Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.