Ka̱la̱tiyam 5
5
Da we di̱Yesuwe
1Ki̱ka̱ngu m Masiya a chaku ni, n chi̱ni ni chir ni swe ki̱ni da. A dakan ni mar da wu, ni ki̱la ti̱nu we ka̱bi ti̱tu a bunti̱ki̱ yilangitu.
2M mi̱n m Bulus ti̱nwe ya̱m mi̱mu. Ka ti̱chakakku tiko ta ya yile we kakku Kwamangu di̱ne biku laarange, a yung bunti̱ki̱ Yesu Masiyangu a ne ki̱kwi we di̱chine. 3Mi̱n fwa chimi̱n ti̱du ki̱da, ka ti̱chakakku tiko ta ya li̱me we kakku Kwamangu di̱ne biku laarange, a mwintuwe ta bunti̱ chi yili̱n Musatu a fwa kwang. 4Aya ka ti̱funti̱ bwiyu ta ya yile ki̱ni bunti̱ki̱ yili̱nange, a yung ti̱yaran n ti Masiya! A yung ti̱kwala li̱me Kwama. 5Aya n chi̱ni bi̱bu ni ma fiswe Fi̱ki̱m Kwamame, ni yo ni̱ru ni yandu ni yiu keku bi̱yili̱mang n ti yile n Kwama a bwa̱u ka ni chiniye. 6Ka nii we di̱Yesu Masiya, biku laarangu n ti kwalang biku laarange n ke ti̱kan chi, keku bi̱yili̱mang ni kudu a mi̱laku ni̱bangu nang chitu.
7A no ti̱wulu yinang we mweki̱ku, yayu chi̱n a no wu a bi̱yili̱me. Wu a be wuti̱ chi̱n we ki̱ni kutenge wure? 8We bi̱yili̱mu n Kwama a ne yii we ki̱laku changu, di̱ne n ki̱n nang wu a yal chi̱n a ni chi̱n da wu n ti̱n ki̱ne. 9Miyaku ti̱kwaniyang ki̱ku yinang yis wu ki̱yubadu we di̱dali̱n yaanu ki̱ni kwange. 10Di̱ne kunkaku chirengu a di̱n Tewuduwe, n yim a ne ta bunti̱ bi̱kam ya̱m ka n ke bi̱bu mang fwa chimi̱ni̱me. Ti̱nti̱ne ni wu be ki̱luku chi̱ne, n Kwama ka mwata ni wuko mi̱nu kasi no n ki̱n n wure. 11Kebu mi̱m, ka no we mang chakakku ki̱ni di̱mwar mi̱nu mi biku laarangu a mwintuwenge, yinangu bi̱kamu ki̱yidu ko mi̱n fwadange, wule a yo ni̱bu Yafudam ki̱fuma mi̱ni chikke? Ka no mang chabu kakku mi̱n ma di̱mwaru mi ni ya yuki̱ku a ki̱tiyang bwange, a no kabbu chi kaiyan ni̱re. 12Ka no baku nang yake, ni̱bu muli̱ni̱mu bi̱bu ki̱baddu ka chi̱u chi̱nu ki̱ni ya̱m biki̱ laari̱mu, a chi̱u yichi.
13Kebi̱mi̱m, ni̱bu a yal chi̱ne ko be ni ma fiswe wu a ne ni bunti̱ yili̱ne. Aya ti̱ma daan, ke ki̱la da wu ta yange ti̱le ti̱mang yari. N ti ki̱ki yikongu, ti̱ma nangangu ki̱ni da wu ni maka yichireyi ki̱n a wa̱re mi̱lake. 14Nangki̱n, yili̱nti kwang a mur a yilangi kiin, “Mi̱la kemo yinang dur mun.” 15Aya ka ti̱kuladu n ti yichiyu ti̱ngi̱ra yichiyu yinang kadatiye, a dakan ta madi daan, ka a newe yiko tayadu ti̱kai yichiyu.
Delaku Fi̱ki̱m Kwamamu n ti da bwiye
16Chi mang fwa nang ti̱tu. Ti̱du fi̱ki̱m Kwamamu a ti chimi̱n kakku. Ka ti̱ma yiko, ta swidu we chi bwi ki̱badditu. 17Di̱ne da bwiye a yabu n ti Fi̱ki̱m Kwamamu, yinu Fi̱ki̱m Kwamamu a kekabu n ti da bwiye. Datiyu ki̱ni yurako, ki̱katadu ware. Nang chi ki̱yodu ta mebu ta mabu chi ni̱r chi̱nu ki̱badde. 18Ka Fi̱ki̱m Kwamamu ki̱ti chimi̱n kake, a yung ta bung ti̱bu yili̱n ti̱tu.
19Chi da bwiye ki̱yungde a laibulaiye. Ki̱fi̱bti n ti yari n ti chi danduri. 20N ti siiku di̱yor, ni̱bu ki̱ko yichiyu ki̱mana kana ti̱kulani, ki̱ko yichiyu. Ki̱ridu ki̱ni ki̱fwini, n ti bakku durang, n ti yaram, n ti kulangkulange, 21n ti kati̱n, n ti noraku yimiyang, n ti sulai yo yimu a la bwiye, n ti datiyu a chirkan n ti yiyu. Mi̱n ngau chimi̱n ki̱kure yinangu no mang wi mang fwa chimi̱n ferediyangu, mi ni̱bu ki̱ma duum daam bi̱bu a ne le yaa Kwama.
22Aya datiyu Fi̱ki̱m Kwamamu ki̱yungditu nang ti̱mi̱lantu n ti furi mwemwen, n ti li̱mang, n ti bwanu, n ti nangang ki̱yilang, n ti kwa̱mbi̱r, 23n ti bunti̱ku, n ti takku durang. A ne lwangang yilang we bi̱bu ki̱yadu ki̱ni ni̱r dini̱mu. 24N chi̱ni bi̱bu ni bunti̱ Masiyamu, ni du bunti̱ki̱ dati yiyu a bwiyu, ni duti̱ maku chi ti̱bwilaitu no niyang mi̱la makitu, dati yiyu a twiyan we ki̱tiyang bwangu we bwa Yesuwe. 25Ka ni du Fi̱ki̱m Kwamamu ki̱ti nimi̱n kake, ni bunti̱ Fi̱ki̱mu a ya ki̱ni chi̱ni we da chire wu a ti̱kuriye kwang. 26Ni kadu ni̱bu ki̱kukku duti̱mu we, ka bi̱bi kulangkulangi̱me, ka bi̱bu ki̱mi̱la kati̱ne.
Currently Selected:
Ka̱la̱tiyam 5: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Ka̱la̱tiyam 5
5
Da we di̱Yesuwe
1Ki̱ka̱ngu m Masiya a chaku ni, n chi̱ni ni chir ni swe ki̱ni da. A dakan ni mar da wu, ni ki̱la ti̱nu we ka̱bi ti̱tu a bunti̱ki̱ yilangitu.
2M mi̱n m Bulus ti̱nwe ya̱m mi̱mu. Ka ti̱chakakku tiko ta ya yile we kakku Kwamangu di̱ne biku laarange, a yung bunti̱ki̱ Yesu Masiyangu a ne ki̱kwi we di̱chine. 3Mi̱n fwa chimi̱n ti̱du ki̱da, ka ti̱chakakku tiko ta ya li̱me we kakku Kwamangu di̱ne biku laarange, a mwintuwe ta bunti̱ chi yili̱n Musatu a fwa kwang. 4Aya ka ti̱funti̱ bwiyu ta ya yile ki̱ni bunti̱ki̱ yili̱nange, a yung ti̱yaran n ti Masiya! A yung ti̱kwala li̱me Kwama. 5Aya n chi̱ni bi̱bu ni ma fiswe Fi̱ki̱m Kwamame, ni yo ni̱ru ni yandu ni yiu keku bi̱yili̱mang n ti yile n Kwama a bwa̱u ka ni chiniye. 6Ka nii we di̱Yesu Masiya, biku laarangu n ti kwalang biku laarange n ke ti̱kan chi, keku bi̱yili̱mang ni kudu a mi̱laku ni̱bangu nang chitu.
7A no ti̱wulu yinang we mweki̱ku, yayu chi̱n a no wu a bi̱yili̱me. Wu a be wuti̱ chi̱n we ki̱ni kutenge wure? 8We bi̱yili̱mu n Kwama a ne yii we ki̱laku changu, di̱ne n ki̱n nang wu a yal chi̱n a ni chi̱n da wu n ti̱n ki̱ne. 9Miyaku ti̱kwaniyang ki̱ku yinang yis wu ki̱yubadu we di̱dali̱n yaanu ki̱ni kwange. 10Di̱ne kunkaku chirengu a di̱n Tewuduwe, n yim a ne ta bunti̱ bi̱kam ya̱m ka n ke bi̱bu mang fwa chimi̱ni̱me. Ti̱nti̱ne ni wu be ki̱luku chi̱ne, n Kwama ka mwata ni wuko mi̱nu kasi no n ki̱n n wure. 11Kebu mi̱m, ka no we mang chakakku ki̱ni di̱mwar mi̱nu mi biku laarangu a mwintuwenge, yinangu bi̱kamu ki̱yidu ko mi̱n fwadange, wule a yo ni̱bu Yafudam ki̱fuma mi̱ni chikke? Ka no mang chabu kakku mi̱n ma di̱mwaru mi ni ya yuki̱ku a ki̱tiyang bwange, a no kabbu chi kaiyan ni̱re. 12Ka no baku nang yake, ni̱bu muli̱ni̱mu bi̱bu ki̱baddu ka chi̱u chi̱nu ki̱ni ya̱m biki̱ laari̱mu, a chi̱u yichi.
13Kebi̱mi̱m, ni̱bu a yal chi̱ne ko be ni ma fiswe wu a ne ni bunti̱ yili̱ne. Aya ti̱ma daan, ke ki̱la da wu ta yange ti̱le ti̱mang yari. N ti ki̱ki yikongu, ti̱ma nangangu ki̱ni da wu ni maka yichireyi ki̱n a wa̱re mi̱lake. 14Nangki̱n, yili̱nti kwang a mur a yilangi kiin, “Mi̱la kemo yinang dur mun.” 15Aya ka ti̱kuladu n ti yichiyu ti̱ngi̱ra yichiyu yinang kadatiye, a dakan ta madi daan, ka a newe yiko tayadu ti̱kai yichiyu.
Delaku Fi̱ki̱m Kwamamu n ti da bwiye
16Chi mang fwa nang ti̱tu. Ti̱du fi̱ki̱m Kwamamu a ti chimi̱n kakku. Ka ti̱ma yiko, ta swidu we chi bwi ki̱badditu. 17Di̱ne da bwiye a yabu n ti Fi̱ki̱m Kwamamu, yinu Fi̱ki̱m Kwamamu a kekabu n ti da bwiye. Datiyu ki̱ni yurako, ki̱katadu ware. Nang chi ki̱yodu ta mebu ta mabu chi ni̱r chi̱nu ki̱badde. 18Ka Fi̱ki̱m Kwamamu ki̱ti chimi̱n kake, a yung ta bung ti̱bu yili̱n ti̱tu.
19Chi da bwiye ki̱yungde a laibulaiye. Ki̱fi̱bti n ti yari n ti chi danduri. 20N ti siiku di̱yor, ni̱bu ki̱ko yichiyu ki̱mana kana ti̱kulani, ki̱ko yichiyu. Ki̱ridu ki̱ni ki̱fwini, n ti bakku durang, n ti yaram, n ti kulangkulange, 21n ti kati̱n, n ti noraku yimiyang, n ti sulai yo yimu a la bwiye, n ti datiyu a chirkan n ti yiyu. Mi̱n ngau chimi̱n ki̱kure yinangu no mang wi mang fwa chimi̱n ferediyangu, mi ni̱bu ki̱ma duum daam bi̱bu a ne le yaa Kwama.
22Aya datiyu Fi̱ki̱m Kwamamu ki̱yungditu nang ti̱mi̱lantu n ti furi mwemwen, n ti li̱mang, n ti bwanu, n ti nangang ki̱yilang, n ti kwa̱mbi̱r, 23n ti bunti̱ku, n ti takku durang. A ne lwangang yilang we bi̱bu ki̱yadu ki̱ni ni̱r dini̱mu. 24N chi̱ni bi̱bu ni bunti̱ Masiyamu, ni du bunti̱ki̱ dati yiyu a bwiyu, ni duti̱ maku chi ti̱bwilaitu no niyang mi̱la makitu, dati yiyu a twiyan we ki̱tiyang bwangu we bwa Yesuwe. 25Ka ni du Fi̱ki̱m Kwamamu ki̱ti nimi̱n kake, ni bunti̱ Fi̱ki̱mu a ya ki̱ni chi̱ni we da chire wu a ti̱kuriye kwang. 26Ni kadu ni̱bu ki̱kukku duti̱mu we, ka bi̱bi kulangkulangi̱me, ka bi̱bu ki̱mi̱la kati̱ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.