Afisam 6
6
Bwesi̱mu n ti Tebu chimu
1Bwesi̱mu ti̱bunti̱ seli̱bi̱ chimu di̱ne n ti̱n m bi̱u Tewuduwe. Ti̱tu nang chi a daka makitu. 2We tati̱ki̱dai yika̱ri a mwal ko, “Ni temun n ti ne mun dwiyentu.” Ki̱ku nang yilangu a mwemi̱nangu, ki̱ku n Kwama a fwangu ki̱ni bwa̱kangu. 3Ka m bunti̱ ya̱m temun n ti ya̱m nemuni̱me, a ne chi ka mane we, ti̱kuri mwitu ka yikadu kutan. 4N ti̱n tebi̱bu, ti̱yodu bwesi̱m chimu mi̱nu furi ki̱linu we ki̱ni ti̱welan ti̱tu a mabu ki̱kwitu. Aya ti̱bwa̱u chi ki̱ni ti̱welan ti̱tu a dakani ti̱nang ngau chimi̱nti̱ ki̱kure a tau wa̱re Tewuduwe.
Ka̱biyu n ti tebu lom chimu
5N ti̱n ka̱biyu, ti̱bunti̱ Tewuduwe chimu a ti̱ti̱nimu, ti̱ni chi dwiyentu, ti̱ma chimi̱n kwa̱mbi̱r ki̱ni ni̱ri diin. Ti̱bunti̱ chi yinangu ti̱bunti̱ Masiyangu. 6Ti̱ma nangangu n ke kana yo n chi we ki̱da̱ng chi̱ne, tiko ke a wer chi̱n. Aya ti̱ma nangangu ki̱ni ni̱r chi̱ni diin yinangu n Kwama ki̱badangu, di̱ne n ti̱n ka̱bi Masiya. 7Ti̱ma nangang changu ki̱ni ni̱ri diin, yinangu ti̱ma Tewuduwe mi̱nu n ke niyang. 8Kasi no m mun ka̱be ka n ke ka̱be, yim mwi n Tewuduwe ka swe kawure mi̱n ki̱ti̱me ko we nangangu n ki̱n a tu mangu. 9A fiwiine, n ti̱n Tebi̱lomu, ti̱tau ka̱bi chiyu yinanga yo n chi ki̱ma chimi̱n nangange. Ti̱yidu we tiko ta ni chi riye. A dakan ta yindu tiko n ti̱n n ti chi a fa̱la̱ng Tewuduwe kwange.
Kuli̱n kunni̱n naba Kwamanu
10Mang swan ya̱m mi̱mi ying, ti̱ti we dukan Tewuduwe ke ti̱kabi ki̱ri̱ng, di̱ne dukan ki̱nu nabwenabwen. 11Ti̱sa bwi chiyu ki̱ni kuli̱n kunni̱n Kwaman di̱du a Fi̱ki̱mu, ke ti̱la Setan ki̱ni furali kitu yo beka swe chi̱ne. 12Nangki̱n, kun di̱du niyang mabu n ti ni aya n ti ki̱fi̱bti yibwilayu n ti bi̱duum chimu ki̱ma mati̱n ti̱ti̱ni ti̱tu yinang kumite n ti ki̱fi̱btiyu a ti̱ra twiye kasi bwaleyu.
13Di̱ne yiko, ti̱yau kuli̱n kuni̱n Kwamanu, ke ti̱yim tiko wubwila yo a chire ki̱ni bwila ko, yinu a kuteng kunangu, ta chakakku, ti̱ti ki̱ri̱ng. 14Ti̱ti ki̱ri̱n ki̱kumang, bi̱yili̱m chimu a kau yinang di̱ki̱ri̱n, yile chi̱n a kau yinang rasi.
15Chau kakku ki̱ni di̱mwar ya̱m bi̱li̱mi̱nu. Ka kadu yinangu m muni ki̱ni ki̱wami we naniyang. Mwang tidi ki̱ni ki̱ri̱ng. 16Suki̱ku we fi ki̱ni kwang, marru Yesu we, keku bi̱yili̱mang mwangu ka kau mi̱n kusa wu ka tone.
17Yim n Kwama a yunu, ti̱tu ka kadu yinangu mwang do di̱sumbi̱r di̱du ka swe mi̱n duri̱n. Tau ya̱m Kwamamu, ka kadu yinang kul di̱du Fi̱ki̱m Kwamamu a ni̱nni̱n. 18Twa̱ba̱ bunitu ka nang ki̱ki̱le ki̱dange yinangu Fi̱ki̱m Kwamamu a yungi̱nangu ka nang wuwule ki̱swiye. Swengi sobu, chakakku ki̱ni twa̱ba̱ku buniyangu di̱ne ni̱bu bunti̱ki̱mu kasi no bwa̱le.
19Ti̱nti̱ne, twa̱ba̱ bunitu di̱ne mi̱n, ke Kwama a ni mi̱n ti̱kwa̱liyitu mang medu mang fwa ya̱mu ki̱ni runni we ti̱lairi ti̱tu Kwama a do fereditu, kanang chikiye ya̱m bi̱li̱mu bi̱bu di̱ne ni̱bu Yafudam n ti bi̱bu n ke ni̱bu Yafudamu. 20N Yesu a sutumi̱n n kau wakili ko, a yo mi̱n ma di̱mwar ya̱m Bi̱yili̱m bi̱bu a yo mi̱n a di̱bi̱nti̱l ki̱ka̱ngi̱mu. Di̱ne yiko ti̱twa̱ba̱ bunitu a ni dukanu mang fwa ya̱mi deri̱nu.
Siramu mang swanmi̱ni̱mu
21N Tikiku ke chire wu niyang mi̱lane, wu ki̱si Tewuduwe yinange, ka fwa chimi̱n ya̱m mi̱mi kwang. Ke ti̱yim yinangu m mi̱n wemi̱nangu n ti chi mi̱n maditu. 22N tum chimi̱n ke a fwa chimi̱n chi ki̱fwedu n ti ni̱nnitu. Ti̱nti̱ne ke a kumti̱ ni̱r chi̱nu.
23Kebu mi̱m, li̱me a swe ware n ti chi̱n. Mi̱n twa̱ba̱ Kwama Te chire n ti Tewuduwe Yesu a ni ni̱bu bunti̱ki̱mu li̱mangu, a yo ti̱chakakku ki̱ni mi̱laku yichiyangu n ti keku bi̱yili̱mangu we di̱Masiya. 24Yam li̱me Kwama a swe ware n ti chi̱n bi̱bu ta mi̱la Tewuduwe Yesu Masiya ki̱ni mi̱laki̱ku a ne riku weng.
Currently Selected:
Afisam 6: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Afisam 6
6
Bwesi̱mu n ti Tebu chimu
1Bwesi̱mu ti̱bunti̱ seli̱bi̱ chimu di̱ne n ti̱n m bi̱u Tewuduwe. Ti̱tu nang chi a daka makitu. 2We tati̱ki̱dai yika̱ri a mwal ko, “Ni temun n ti ne mun dwiyentu.” Ki̱ku nang yilangu a mwemi̱nangu, ki̱ku n Kwama a fwangu ki̱ni bwa̱kangu. 3Ka m bunti̱ ya̱m temun n ti ya̱m nemuni̱me, a ne chi ka mane we, ti̱kuri mwitu ka yikadu kutan. 4N ti̱n tebi̱bu, ti̱yodu bwesi̱m chimu mi̱nu furi ki̱linu we ki̱ni ti̱welan ti̱tu a mabu ki̱kwitu. Aya ti̱bwa̱u chi ki̱ni ti̱welan ti̱tu a dakani ti̱nang ngau chimi̱nti̱ ki̱kure a tau wa̱re Tewuduwe.
Ka̱biyu n ti tebu lom chimu
5N ti̱n ka̱biyu, ti̱bunti̱ Tewuduwe chimu a ti̱ti̱nimu, ti̱ni chi dwiyentu, ti̱ma chimi̱n kwa̱mbi̱r ki̱ni ni̱ri diin. Ti̱bunti̱ chi yinangu ti̱bunti̱ Masiyangu. 6Ti̱ma nangangu n ke kana yo n chi we ki̱da̱ng chi̱ne, tiko ke a wer chi̱n. Aya ti̱ma nangangu ki̱ni ni̱r chi̱ni diin yinangu n Kwama ki̱badangu, di̱ne n ti̱n ka̱bi Masiya. 7Ti̱ma nangang changu ki̱ni ni̱ri diin, yinangu ti̱ma Tewuduwe mi̱nu n ke niyang. 8Kasi no m mun ka̱be ka n ke ka̱be, yim mwi n Tewuduwe ka swe kawure mi̱n ki̱ti̱me ko we nangangu n ki̱n a tu mangu. 9A fiwiine, n ti̱n Tebi̱lomu, ti̱tau ka̱bi chiyu yinanga yo n chi ki̱ma chimi̱n nangange. Ti̱yidu we tiko ta ni chi riye. A dakan ta yindu tiko n ti̱n n ti chi a fa̱la̱ng Tewuduwe kwange.
Kuli̱n kunni̱n naba Kwamanu
10Mang swan ya̱m mi̱mi ying, ti̱ti we dukan Tewuduwe ke ti̱kabi ki̱ri̱ng, di̱ne dukan ki̱nu nabwenabwen. 11Ti̱sa bwi chiyu ki̱ni kuli̱n kunni̱n Kwaman di̱du a Fi̱ki̱mu, ke ti̱la Setan ki̱ni furali kitu yo beka swe chi̱ne. 12Nangki̱n, kun di̱du niyang mabu n ti ni aya n ti ki̱fi̱bti yibwilayu n ti bi̱duum chimu ki̱ma mati̱n ti̱ti̱ni ti̱tu yinang kumite n ti ki̱fi̱btiyu a ti̱ra twiye kasi bwaleyu.
13Di̱ne yiko, ti̱yau kuli̱n kuni̱n Kwamanu, ke ti̱yim tiko wubwila yo a chire ki̱ni bwila ko, yinu a kuteng kunangu, ta chakakku, ti̱ti ki̱ri̱ng. 14Ti̱ti ki̱ri̱n ki̱kumang, bi̱yili̱m chimu a kau yinang di̱ki̱ri̱n, yile chi̱n a kau yinang rasi.
15Chau kakku ki̱ni di̱mwar ya̱m bi̱li̱mi̱nu. Ka kadu yinangu m muni ki̱ni ki̱wami we naniyang. Mwang tidi ki̱ni ki̱ri̱ng. 16Suki̱ku we fi ki̱ni kwang, marru Yesu we, keku bi̱yili̱mang mwangu ka kau mi̱n kusa wu ka tone.
17Yim n Kwama a yunu, ti̱tu ka kadu yinangu mwang do di̱sumbi̱r di̱du ka swe mi̱n duri̱n. Tau ya̱m Kwamamu, ka kadu yinang kul di̱du Fi̱ki̱m Kwamamu a ni̱nni̱n. 18Twa̱ba̱ bunitu ka nang ki̱ki̱le ki̱dange yinangu Fi̱ki̱m Kwamamu a yungi̱nangu ka nang wuwule ki̱swiye. Swengi sobu, chakakku ki̱ni twa̱ba̱ku buniyangu di̱ne ni̱bu bunti̱ki̱mu kasi no bwa̱le.
19Ti̱nti̱ne, twa̱ba̱ bunitu di̱ne mi̱n, ke Kwama a ni mi̱n ti̱kwa̱liyitu mang medu mang fwa ya̱mu ki̱ni runni we ti̱lairi ti̱tu Kwama a do fereditu, kanang chikiye ya̱m bi̱li̱mu bi̱bu di̱ne ni̱bu Yafudam n ti bi̱bu n ke ni̱bu Yafudamu. 20N Yesu a sutumi̱n n kau wakili ko, a yo mi̱n ma di̱mwar ya̱m Bi̱yili̱m bi̱bu a yo mi̱n a di̱bi̱nti̱l ki̱ka̱ngi̱mu. Di̱ne yiko ti̱twa̱ba̱ bunitu a ni dukanu mang fwa ya̱mi deri̱nu.
Siramu mang swanmi̱ni̱mu
21N Tikiku ke chire wu niyang mi̱lane, wu ki̱si Tewuduwe yinange, ka fwa chimi̱n ya̱m mi̱mi kwang. Ke ti̱yim yinangu m mi̱n wemi̱nangu n ti chi mi̱n maditu. 22N tum chimi̱n ke a fwa chimi̱n chi ki̱fwedu n ti ni̱nnitu. Ti̱nti̱ne ke a kumti̱ ni̱r chi̱nu.
23Kebu mi̱m, li̱me a swe ware n ti chi̱n. Mi̱n twa̱ba̱ Kwama Te chire n ti Tewuduwe Yesu a ni ni̱bu bunti̱ki̱mu li̱mangu, a yo ti̱chakakku ki̱ni mi̱laku yichiyangu n ti keku bi̱yili̱mangu we di̱Masiya. 24Yam li̱me Kwama a swe ware n ti chi̱n bi̱bu ta mi̱la Tewuduwe Yesu Masiya ki̱ni mi̱laki̱ku a ne riku weng.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.