2 Tassalonika 2
2
Chi ka fwedu ka m Masiya a mwatan ka ki̱lade
1Kebu mi̱m ni̱n baddu nang fwa chimi̱n ya̱m we chi ka fwedu ka n Tewuduwe Yesu Masiya a mwatan ka ki̱lade, n ti yinangu ni tekadu n ti ki̱nangu. Mi̱n wana chi̱nu kebi̱ mi̱m, 2Keku bi̱yili̱mang changu a mi̱kaduwe di̱ne bi̱kam ya̱m fa̱kum ki̱fi̱bti ka bi̱bu a di̱tumbi̱r yiine, ka bi̱mwali̱li̱m ya̱m bi̱bu ni̱bu a fwa ko ni wuduku, ka ya̱mu ko Tewuduwe a tu a beme. 3Kasi no yire, ni a swakudu chi̱n we, di̱ne ka m Masiya a mwatan ka ki̱lade, ni̱bu nabwen ka ko Kwama, we ki̱dang kangu di̱kan di̱bwilan Niin#2:3 Di̱kan di̱bwilan Niin: Bi̱kamu ni̱bu ki̱da̱u ya̱m bi̱bu ko kano ki̱fwa Setan aya n ke ki̱n. ka chiredu. 4N ki̱n ka ko Kwama n ti ti̱yobitu ni̱bu ki̱lirediti kwang. N ki̱n ka kedu ko ni̱bu a ni ki̱n dwiyen ti̱tu. Di̱ne yiko n ki̱n ka swedu we kan Kwaman di̱dunu, ka yi ni̱bu ko n ki̱n nang Kwama.
5Ta kurbu tiko, n fwa chimi̱n yo mi̱n no n we ware n ti chi̱na? 6Ti̱yim chi ki̱ti̱ka di̱bwilan Niin di̱du ka bedangu. N ki̱n ki̱yam ki̱swi ko. 7Nangki̱n, dukan di̱bwilan niin di̱du a tu a mwe nangangu we ni̱tu ni̱bitu kasi ki̱ku ni̱bu a swaanbangu. Aya wu a kebu ni̱bu ka du Kwama a ne ni ki̱n ki̱fi̱be ka lami̱n yo ki̱lade. 8A kuteng ki̱lakongu, luke di̱bwilan niin di̱de ka kwa̱la̱du, aya yo n Tewuduwe Yesu ka ki̱lade, ka yo bwako ki̱ni dukan yii konu, ka chi̱u ki̱nu ki̱ni dukan dwiyen kiti̱nu.
9Di̱bwilan niin di̱du ka ma chi ya̱r yiitu ki̱ni dukan Setan, ka yung chi ya̱r yiitu, n ti di̱mwal, n ti yimani chiyu dangtidangti. 10N ki̱n ka ma nangangu ki̱ni wa̱ri di̱buti̱riyu nabwen keki̱ maka bi̱bu a tu a tau wa̱re bwa ki̱diyamu. N chi ka bwaradu di̱ne a ko ka yiu ya̱m Masiyamu ki̱ni furi mwene, wu a kau wa̱re yuke we Kwama. 11Di̱ne yiko yo kwer n chi a ko, n Kwama ka du chidu ka yiu ti̱kwani ti̱tu ka kau chimi̱n yaretu. Ka nang chikiye, n chi ka kedu ki̱ni ti̱kwanitu di̱bwilan niin di̱du ki̱fwa chimi̱nditu. 12Di̱ne yiko n Kwama ka mwata chimi̱nu di̱ne n chi a ko a kebu bi̱yili̱mu, a le ki̱kai ki̱swi a ya̱m ti̱kwanime.
Ti̱ti ki̱ri̱ng we ya̱m Kwamamu
13Kebu mi̱m bi̱bu n Tewuduwe Yesu a mi̱lani̱mu, a dakan ni wana Kwama di̱ne ti̱ni kwadu. N ki̱n a sutu chi̱ne feredi yo n ki̱n a ru ti̱ti̱nite ko ke ki̱yu chi̱n we nangang Fi̱ki̱m Kwamamu ki̱yo chi̱nu yinang Kwamamu. Ti̱nti̱ne we wa̱re ta ke kasi bi̱yili̱mu ya̱m Yesume. 14Ke chitu a kabbi yiko, n Kwama a yal chi̱ne we wa̱re ta nween ya̱m bi̱li̱mu nang mwa chini̱mu. N ki̱n a yal chi̱ne ko keti̱ ku, ti̱kattuwe bi̱bu ka ya nabwe dwiyene n Kwama a ni Yesu Masiyamu. 15Di̱ne yiko, kebu mi̱m, ti̱ti ki̱ri̱ng we bi̱yili̱mu ta yiu a dur Yesuni̱mu. Ti̱chakakku ki̱ni keku bi̱yili̱mangu we chitu nan miya chimi̱nitu n ti bi̱bu nang fwa chimi̱ni̱mu ki̱dangu no chi̱ni warengu n ti chi nang mwal chimi̱ne.
16Yam Tewuduwe Yesu Masiya ki̱fwan n ti Kwama Te chire wu a mi̱la chiniye, wu we li̱me ko, a ni chi̱ni runni wu ni tiindu ki̱diya kwadu, 17wu a kum chimi̱n ni̱te, a ru chimi̱n ni̱ru ke ti̱chakakku ki̱ni fwaku n ti maku chi a daatu.
Currently Selected:
2 Tassalonika 2: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
2 Tassalonika 2
2
Chi ka fwedu ka m Masiya a mwatan ka ki̱lade
1Kebu mi̱m ni̱n baddu nang fwa chimi̱n ya̱m we chi ka fwedu ka n Tewuduwe Yesu Masiya a mwatan ka ki̱lade, n ti yinangu ni tekadu n ti ki̱nangu. Mi̱n wana chi̱nu kebi̱ mi̱m, 2Keku bi̱yili̱mang changu a mi̱kaduwe di̱ne bi̱kam ya̱m fa̱kum ki̱fi̱bti ka bi̱bu a di̱tumbi̱r yiine, ka bi̱mwali̱li̱m ya̱m bi̱bu ni̱bu a fwa ko ni wuduku, ka ya̱mu ko Tewuduwe a tu a beme. 3Kasi no yire, ni a swakudu chi̱n we, di̱ne ka m Masiya a mwatan ka ki̱lade, ni̱bu nabwen ka ko Kwama, we ki̱dang kangu di̱kan di̱bwilan Niin#2:3 Di̱kan di̱bwilan Niin: Bi̱kamu ni̱bu ki̱da̱u ya̱m bi̱bu ko kano ki̱fwa Setan aya n ke ki̱n. ka chiredu. 4N ki̱n ka ko Kwama n ti ti̱yobitu ni̱bu ki̱lirediti kwang. N ki̱n ka kedu ko ni̱bu a ni ki̱n dwiyen ti̱tu. Di̱ne yiko n ki̱n ka swedu we kan Kwaman di̱dunu, ka yi ni̱bu ko n ki̱n nang Kwama.
5Ta kurbu tiko, n fwa chimi̱n yo mi̱n no n we ware n ti chi̱na? 6Ti̱yim chi ki̱ti̱ka di̱bwilan Niin di̱du ka bedangu. N ki̱n ki̱yam ki̱swi ko. 7Nangki̱n, dukan di̱bwilan niin di̱du a tu a mwe nangangu we ni̱tu ni̱bitu kasi ki̱ku ni̱bu a swaanbangu. Aya wu a kebu ni̱bu ka du Kwama a ne ni ki̱n ki̱fi̱be ka lami̱n yo ki̱lade. 8A kuteng ki̱lakongu, luke di̱bwilan niin di̱de ka kwa̱la̱du, aya yo n Tewuduwe Yesu ka ki̱lade, ka yo bwako ki̱ni dukan yii konu, ka chi̱u ki̱nu ki̱ni dukan dwiyen kiti̱nu.
9Di̱bwilan niin di̱du ka ma chi ya̱r yiitu ki̱ni dukan Setan, ka yung chi ya̱r yiitu, n ti di̱mwal, n ti yimani chiyu dangtidangti. 10N ki̱n ka ma nangangu ki̱ni wa̱ri di̱buti̱riyu nabwen keki̱ maka bi̱bu a tu a tau wa̱re bwa ki̱diyamu. N chi ka bwaradu di̱ne a ko ka yiu ya̱m Masiyamu ki̱ni furi mwene, wu a kau wa̱re yuke we Kwama. 11Di̱ne yiko yo kwer n chi a ko, n Kwama ka du chidu ka yiu ti̱kwani ti̱tu ka kau chimi̱n yaretu. Ka nang chikiye, n chi ka kedu ki̱ni ti̱kwanitu di̱bwilan niin di̱du ki̱fwa chimi̱nditu. 12Di̱ne yiko n Kwama ka mwata chimi̱nu di̱ne n chi a ko a kebu bi̱yili̱mu, a le ki̱kai ki̱swi a ya̱m ti̱kwanime.
Ti̱ti ki̱ri̱ng we ya̱m Kwamamu
13Kebu mi̱m bi̱bu n Tewuduwe Yesu a mi̱lani̱mu, a dakan ni wana Kwama di̱ne ti̱ni kwadu. N ki̱n a sutu chi̱ne feredi yo n ki̱n a ru ti̱ti̱nite ko ke ki̱yu chi̱n we nangang Fi̱ki̱m Kwamamu ki̱yo chi̱nu yinang Kwamamu. Ti̱nti̱ne we wa̱re ta ke kasi bi̱yili̱mu ya̱m Yesume. 14Ke chitu a kabbi yiko, n Kwama a yal chi̱ne we wa̱re ta nween ya̱m bi̱li̱mu nang mwa chini̱mu. N ki̱n a yal chi̱ne ko keti̱ ku, ti̱kattuwe bi̱bu ka ya nabwe dwiyene n Kwama a ni Yesu Masiyamu. 15Di̱ne yiko, kebu mi̱m, ti̱ti ki̱ri̱ng we bi̱yili̱mu ta yiu a dur Yesuni̱mu. Ti̱chakakku ki̱ni keku bi̱yili̱mangu we chitu nan miya chimi̱nitu n ti bi̱bu nang fwa chimi̱ni̱mu ki̱dangu no chi̱ni warengu n ti chi nang mwal chimi̱ne.
16Yam Tewuduwe Yesu Masiya ki̱fwan n ti Kwama Te chire wu a mi̱la chiniye, wu we li̱me ko, a ni chi̱ni runni wu ni tiindu ki̱diya kwadu, 17wu a kum chimi̱n ni̱te, a ru chimi̱n ni̱ru ke ti̱chakakku ki̱ni fwaku n ti maku chi a daatu.
© 2015, The Nigeria Bible Translation Trust and Wycliffe Bible Translators, Inc. All rights reserved.