1 Yowana 1

Di̱kwa̱l ti̱kurim

1Ni̱n mwal chimi̱n ya̱m bi̱bu we dur ki̱nu, n ki̱n wu we ferediye, wu nang nwe ya̱m ki̱me, wu nang ku ki̱ne, nang ku ki̱n ki̱ni nui niyu, ni̱n twaiti̱n ki̱n ki̱ni fa̱li niyu. Ni̱n mwal chimi̱n lwangi̱nu we di̱kwa̱l ti̱kurinu. 2A wudu nimi̱n ti̱kuri ti̱tu, ni̱n ku ti̱n. Ni̱n ma di̱mwaru we dur ki̱nu ni̱n fwa ko n ki̱n nang wu ki̱ni ti̱kuri ki̱diya kwade. N ki̱n we ti Te we tile bi̱rke, yinu a wudu nimi̱n ki̱n. 3Ni̱n mwa chi̱n chi nang ku nang nwe ti̱nitu, ke n ti̱nti̱n ti̱kunkan n ti ni̱n. We kunkaku chirengu n ti Te n ti Bweko n Yesu Masiya. 4Ni̱n mwal chimi̱n bi̱bu ti̱n, ke ti̱mi̱lan chi̱retu a kabi di̱mbi̱ri̱m.

Da naba Kwama wu ka yung yiike

5Ya̱mu ni̱n fwa chimi̱ni̱mu nang bi̱bu nang nwe a Bwekomu, n Kwama yiiku, a ne ki̱liye we dur ki̱nu ko bayim. 6Di̱ne yiko, ka nii yi ko ni ya yayu n ti Kwama, yinu n we si̱k niyang dubu dati yiyu a lebiye, a yung ni mwe ti̱kwani, a ne bi̱yili̱m we ni̱r chi̱renu. 7Aya ka ni ya yayu a yiiku, yinangu n ki̱n ki̱yadu a yiikange, a yung ni kunkadu n ti kebi̱bu, yinu ki̱tuum Bwekomu ti̱n ki̱nura nidu we kasi no wuwule ki̱le. 8Aya ka ni yi ko n chi̱ni a ne ki̱le wenge, ni butu yichirei, a ne bi̱yili̱m we di̱ chiniye. 9Aya ka ni fwa Kwama mi̱n ki̱leti chireye, n ki̱n ki̱ri chitu a bwa̱bitu, n ki̱n naba yile. Ka kur ki̱leti chireyu a bwa, ka nura nidu we kwalan yile chire kwang. 10Ka ni yi ko niyang mabu ki̱le, ni mar Kwama naba ti̱kwaniye. A yung ya̱m Kwamamu a ne we ni̱tu chi̱retu.

Currently Selected:

1 Yowana 1: Tula

Highlight

Copy

Compare