Zobur Shorif 13
13
al-Zobur 13
Ebadot-bondegi forisaloḳor lagi: Hozrot Daudor mizmor.
1O Mabud, ar ḳotodin? Tumi amare siroḳal-u fauria roitae ni?
Tumar fobitro muk kan ar ḳotodin amar ges taki lukai raḳtae?
2Ar ḳotodin ami monor sintar bar,
dilor ḳoshṭor buza fortidin shoitam ni?
Amar dushmon oḳol ḳotodin amar ufre nasito?
3O Alla, amar baedi sao, Mabud go, amar minotir zuaf deo,
amar souko bol-rushoni deo, arnae ami hoyto aḳeri gumo foṛizimu.
4Bade dushmone ḳoiba, “Oḳon to amra ziti gesi,”
ar ami oshohae-mazur bonigele amar birudi oḳole to furti-amud ḳorba.
5Oile ami borosha ḳori tumar doyar ufre-u,
tumi zan basaibae, otar lagi amar dil kushie borigese.
6Ami Mabudor name gozol gaimu,
amar balai to tain-u ḳorsoin.
Currently Selected:
Zobur Shorif 13: sylL
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
