Asmani kitab: Sulaimani misal 5
5
Bafor nosiot 7
Nikad maya ar luichchami
1Huno huno amar fut, mor gianor kiali o,
mor deoa aḳol-buddi, tumi kan fatia lo.
2Lagaitae faro zate, hok-bibek kamo,
tumar duio ṭuṭ taki-o, ilim bar oibo.
3Silan beṭir ṭuṭ taki to, mou foṛe baia,
tel taki-o tel-tela fut, tair mukor ḳota.
4Oile tair loge firitir fol, bishor laḳan titta,
duio gala darail toluar, zan ḳaṛia ney zeta.
5Tair fao to gia hamae, moutor gator bae,
tair sal-cholone nia shuza, fatalo harae.
6Zindegir fote solar lagi, tair kunu sinta nai,
hok fot taki-o duroi ase, ita to buze na tai..
7Erlagi-u amar fuain, huno amar ḳota,
amar mukor buli taki, zaio na horia.
8Tair ges taki baba oḳol, bout duroi roio,
tair duaror ḳanda-ḳasat, tumra na biṛio.
9Tair gese gele tumra, kuailibae zoubon,
fashanor ato shofibo tai, tumatanor zibon.
10Osina zone-o ḳaibo, tumrar don oḳol,
bin zatir goro zaibo, tumrar ḳoshṭor fol.
11Hesh ḳalo baiggore dushia, duk-koshṭe kuḳaibae,
deho-ḳaya oshaṛ oile, nirole ḳandibae.
12Hou shomoy ḳoibae, “Haere hae, shashonre ginnaisi,
amar dile ela ḳorse, hedayotor buli.
13Mor ustad oḳlor talimre, ami to hunchi na,
shu-foramish dita zara, erare-o manchi na.
14Ami prae binash oigesi, ḳarafit ḍubi roisi,
shomazor souḳo ami to, beijjot bonigesi..”
Ḳali bour loge mila-misha ḳoro
15Nizor indara takia, nize fani kao,
nizor kuar taza fani, ḳaia shanti fao.
16Tumar zornar fani kene, bare baia foṛto?
Tumar futor fani kene, fote-gaṭe zaito?
17Nizor zoubon bandia raḳo, nizor bour lagi,
baira beṭintor loge to, ḳorio na firiti.
18Tumar afon fanir zorna, ouk rohom-borkot,
zuankir ḳalor bour loge, ḳoro furti mohobbot.
19Horinir laḳan shundori bou, taḳo ashik boni,
tair buke hamesha tumare, raḳouk tusṭo ḳori.
20Oinno beṭir mayat ḳene, ashik oitae re fut?
Ainja ḳori dortae ḳene, forar bour bukut?
21Mabude to souḳ raḳoin, manush kilan sole,
zasai koria deḳoin tain, ze fote-u he aṭe.
22Nizor mondo ḳamor fando, foṛe naforman,
nizor gunar doṛi dia, nize-u ḳae ban.
23Shay-shashonor obabor dae, tar moron oibo,
tar boṛo ammokir lagi, be-fote zaibo..
Currently Selected:
Asmani kitab: Sulaimani misal 5: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
Asmani kitab: Sulaimani misal 5
5
Bafor nosiot 7
Nikad maya ar luichchami
1Huno huno amar fut, mor gianor kiali o,
mor deoa aḳol-buddi, tumi kan fatia lo.
2Lagaitae faro zate, hok-bibek kamo,
tumar duio ṭuṭ taki-o, ilim bar oibo.
3Silan beṭir ṭuṭ taki to, mou foṛe baia,
tel taki-o tel-tela fut, tair mukor ḳota.
4Oile tair loge firitir fol, bishor laḳan titta,
duio gala darail toluar, zan ḳaṛia ney zeta.
5Tair fao to gia hamae, moutor gator bae,
tair sal-cholone nia shuza, fatalo harae.
6Zindegir fote solar lagi, tair kunu sinta nai,
hok fot taki-o duroi ase, ita to buze na tai..
7Erlagi-u amar fuain, huno amar ḳota,
amar mukor buli taki, zaio na horia.
8Tair ges taki baba oḳol, bout duroi roio,
tair duaror ḳanda-ḳasat, tumra na biṛio.
9Tair gese gele tumra, kuailibae zoubon,
fashanor ato shofibo tai, tumatanor zibon.
10Osina zone-o ḳaibo, tumrar don oḳol,
bin zatir goro zaibo, tumrar ḳoshṭor fol.
11Hesh ḳalo baiggore dushia, duk-koshṭe kuḳaibae,
deho-ḳaya oshaṛ oile, nirole ḳandibae.
12Hou shomoy ḳoibae, “Haere hae, shashonre ginnaisi,
amar dile ela ḳorse, hedayotor buli.
13Mor ustad oḳlor talimre, ami to hunchi na,
shu-foramish dita zara, erare-o manchi na.
14Ami prae binash oigesi, ḳarafit ḍubi roisi,
shomazor souḳo ami to, beijjot bonigesi..”
Ḳali bour loge mila-misha ḳoro
15Nizor indara takia, nize fani kao,
nizor kuar taza fani, ḳaia shanti fao.
16Tumar zornar fani kene, bare baia foṛto?
Tumar futor fani kene, fote-gaṭe zaito?
17Nizor zoubon bandia raḳo, nizor bour lagi,
baira beṭintor loge to, ḳorio na firiti.
18Tumar afon fanir zorna, ouk rohom-borkot,
zuankir ḳalor bour loge, ḳoro furti mohobbot.
19Horinir laḳan shundori bou, taḳo ashik boni,
tair buke hamesha tumare, raḳouk tusṭo ḳori.
20Oinno beṭir mayat ḳene, ashik oitae re fut?
Ainja ḳori dortae ḳene, forar bour bukut?
21Mabude to souḳ raḳoin, manush kilan sole,
zasai koria deḳoin tain, ze fote-u he aṭe.
22Nizor mondo ḳamor fando, foṛe naforman,
nizor gunar doṛi dia, nize-u ḳae ban.
23Shay-shashonor obabor dae, tar moron oibo,
tar boṛo ammokir lagi, be-fote zaibo..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.